Рет қаралды 122,907
كلمات : محمد ال مانعه
الحان واداء : صالح ال مانعه
-
الكلمات
المديح احيان مثل الغيث في وبله وسيله
يجذبه راس اصوك ذكره تسامى واستواله
امدح اللي سيرته يفخربها دار و القبيله
من يقول ونعم خل النعم لين تقولها له
وان بغيت اجيب للهجن ومسيرتها وسيله
دورة المرموم والوثبه عطت لاسمه كفاله
وفي قطر له بصمةٍ عز ثمرتها من حصيله
كنه يقول اشرب الفنجال واكب البياله
تشهد اشواط السيوف وسيرة العز الطويله
مجد عزٍ باسم بن مرخان له قيمه واصاله
كل اصيلٍ من مقر السبق كفتها ثقيله
من ملكها بالمحبه شاركت حتى عياله
عند ابوسلطان راعي كل منعوته واصيله
عزبته مصدر تواريخ الهجن ركض وسلاله
انتباه وكفو ونجود وثقه قصه طويله
اربع رموزٍ خذتها ماتعرف الاستحاله
ولاضي وحطام هي والسبق معشوق وخليله
واصعب رموز الذهب عند الصعب صرح بها له
في محاضاها وقار وفي مسايرها فضيله
عند منهو يحتضيها صدق مايسعا لقاله
نايدات وصوف وخيارٍ فصيلتهاا قليله
واصمل من الشوف واسبق مايعد ويحتضاله
واجفل من الريم يوم يذور من ريح الفتيله
لانهمها من يسايرها تسارق لنعزاله
وافتن من الذيب يوم استاكد من الصيد غيله
واصقه من الحيد في وجه المغار وعينها له
في تصيباها ركود وفي مسارقها ذليله
بالمغار اللي يجر الشوط كنها بالعماله
في تجاوزها بشور وصنفها نادر فصيله
ومن خيار وصوفها يسرج له الشاعر خياله
شكلها مقبول وان جات الهجن قبا طويله
فرقها في غاربٍ منقاد نسنوسه زماله
والجنوب كبار من زود الرها كنها جثيله
ورقبتها مثل غصن الراك لينه واعتداله
لانطلق شوط الذهب والهجن كنها في مخيله
سايرت عجل المغار ومن تخلص بالها له
وكل كيلو تلتفت في لوحته كنها تكيله
واحتفل راع السبوق من البشور وطيب فاله
تصدق المرواح وتحط المنافس في مليله
لين تكثر قولة رموز الذهب قد كلها له
محمد ال مانعه
--
لمتابعة صالح ال مانعه عبر وسائل التواصل الإجتماعي
Twitter : cutt.us/PZc6k تويتر
Instagram : cutt.us/JR0Ub انستقرام
Snapchat : cutt.us/DImdn سناب شات
#بن_مرخان
#محمد_بن_سلطان_بن_مرخان #صالح_ال_مانعه
#الصعب
#بن_مانعه
#هجن #شلات