Robaeyat Salah Jaheen - Sayed Mekawy رباعيات صلاح جاهين - سيد مكاوي

▶ Title: Robaeyat Salah Jaheen اسم الاغنية :رباعيات صلاح جاهين
▶ Artist: Sayed Mekawy اسم الفنان: سيد مكاوي
▶ Album: Robaieta Salah Jahien اسم الالبوم: رباعيات صلاح جاهين
▶ iTunes: itunes.apple.c...
▶ / mazzika
▶ / mazzika
▶ / mazzikatv
▶ plus.google.co...
▶ Lyrics: Abd El Salam Amen كلمات: عبد السلام أمين
▶ Composition: Sayed Mekkawy الحان : سيد مكاوي
▶ Music Arrangement: Sayed Mekkawy الموزع الموسيقى : سيد مكاوي
(C) 2014 Mazzika Group.
Artist Booking: [phone] - [e-mail]
To license this music contact us at [e-mail]

[@M.Sultan]

أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !!

[@M.Sultan]

احسن ما فيها العشق و المعشقــــــة و شويتين الضحك والتريقـــــــــــــة شفت الحية . لفيت . لقيت الألــــــــذ تغييرها . و ده يعني التعب و الشقا عجبي !!!

[@M.Sultan]

شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!!

[@M.Sultan]

يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!!

[@M.Sultan]

يا كل كلمة للعجب في قامــــــــــــوس انسكلوبيديا لسان العرب أو لا لاروس تعالوا نجدة . ده لسه في عصـــــرنا الشمس و البحر العريض بالفـــلوس عجبي !!!!

[@M.Sultan]

وقفت ساعة الصبح باغسل سناني قالت لي شايف قوتي و لمعاني ؟ إيش تطلب اليوم مني ضحكة أسد ؟ والا ابتسامة اعلانات أمريكاني ؟ عجبي !!

[@M.Sultan]

أنا قلت كلمة و كان لها معنييـــــــــن كما بطن واحده و توأمين زي وشين لو دنيا شر.. التوأم الخير يمـــــــوت لو دنيا خير .. الشر ح يعيش مــنين عجبي !!

[@M.Sultan]

ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!!

[@tahernabeel7584]

انت فين بإبداعك دا و انت مين؟

[@M.Sultan]

أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !!

[@M.Sultan]

ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !!

[@M.Sultan]

يا عندليب ما تخافش من غنوتك قول شكوتك و احكي علي بلوتك الغنوه مش ح تموتك إنمــــــــــا كتم الغنا هو اللي ح يموتــــــــك عجبي !!!

[@M.Sultan]

نوح راح لحاله والطوفان استمر مركبنا تايهه ولسه مش لاقيه بر اه م الطوفان واهين عليك يا بر ازاي تقدر تبان والدنيا غرقانه شر عجبي !!

[@M.Sultan]

أنا اللي بالأمر المحال اغتــــــــــــوي شفت القمر نطيت لفوق في الهـــــوا طلته ما طلتوش إيه انا يهمنـــــــــي و ليه .. ما دام بالنشوة قلبي ارتوي عجبي !!

[@M.Sultan]

والكون ده كيف موجود من غير حدود وفيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!!

[@M.Sultan]

خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!!

[@M.Sultan]

أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!!

[@M.Sultan]

انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!!

[@M.Sultan]

عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!!

[@M.Sultan]

عاد الربيع كأنه طعم الحــــــــــــــــــب و الحب نار جوه العروق بتصـــــــــب اتمتع ازاي بيه وانا متقطـــــــــــــــع من كتر خوفي لا في الخطيئة يطب ؟ عجبي !!

[@M.Sultan]

يا باب يا مقفول ... إمتى الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!!

[@M.Sultan]

ورد في ورق سلوفان يا حلوة اهديلك ؟ و الا انقله بالطين في الشتلة و اجيلـــــك الأولاني لو وحا بحنــــــــــــــــــــــانــي عجبي علي التاني بإيــــــــه يوحيلــــــــك عجبي !!

[@M.Sultan]

علم اللوع اضخم كتـــــــــاب في الأرض بس اللي يغلط فيه يجيـــــــــبــه الأرض أما الصراحة فأمرها ســـــــــــــــــاهل لكن لا تجلب المال و لا تصون العرض عجبي !!!

[@janealattalah7987]

فيه تناقض في العنوان الرباعيات للفنان الراحل صلاح جاهين

[@M.Sultan]

عجبي على العجب العجيب العجاب لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب عجبي !!!

[@KholoudFaqi-h4h]

رباعيات جاهين كيف كلمات عبدالسلام أمين؟

[@M.Sultan]

و لو انضنيت و فنيت وعمري انفرط مش عاوز الجأ للحلول الوســـــــــط و كمان شطط و جنون مانيش عــاوز يا مين يقول لي الصح فين والغلــــط عجبي !!

[@M.Sultan]

منين أجيبها كلمه متألمـــــــــــــــــة لعيبه فايره حايره و مصممــــــــــه منين اجيبها كلمه تكون بنـــت ارض تشفي اللي ما شافهوش كلام السمـا عجبي !!!

[@M.Sultan]

الموج تلول تهبط وتطلع تلــــــــــــول يا بحر خدني الشط صاحبك ملـــــــول و الا بلاش الشط ح اعمل به أيـــــــه ده ريحته طحلب مهري و ام الخلــول عجبي !!!

[@M.Sultan]

علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !!

[@M.Sultan]

عيني رأت مولود على كتف أمـــــــــــه يصرخ تهنن فيه يصرخ تضــــــــــــمه يصرخ تقول يا بني ما تنطق كـــــــلام ده اللي ما يتكلمش يكتر همـــــــــــــه عجبي !!!!

[@DrNabilElhalwagy]

إيه علاقة عبد السلام أمين بالرباعيات ؟ وجميعها لصلاح جاهين الله يرحمه .

[@mjrrdnaged]

كلمات صلاح چاهين

[@M.Sultan]

ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!!

[@M.Sultan]

كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !!

[@1_0es46]

ازاي كلمات عبدالسلام أمين 😂

[@ibnkhairy]

اسمها "رباعيات صلاح جاهين"... ازاي مكتوب ان الكلمات لعبد السلام أمين؟!!! (مع احترامي أيضا للشاعر المحترم) . يرجى التصويب

[@M.Sultan]

كام اشتغلت يا نيل في نحت الصخور مليون بئونه و الف مليون هاــــتور يا نيل أنا ابن حلال و من خلفتــــــك و ليه صعيبه علي بس الأمــــــــور عجبي !!!

[@M.Sultan]

ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!!

[@M.Sultan]

إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!!

[@M.Sultan]

الحلو يم اليم صابــــــــــح رايح سارح في حضن الميه سابح سايح الحلو داب في البحر , قلــــت أدوقه وجدت لسه البحر برضك ماــــــلح عجبي !!!

[@tahernabeel7584]

رائع

[@M.Sultan]

بره القزاز كان غيم و أمطار و بــــــــرق ما يهمنيش - أنا قلت - و لا عندي فرق غيرت رأيي بعد ساعة زمـــــــــــــــــان و كنت في الشارع .. و في الجزمة خرق عجبي !!!

[@yahiakhalifa5018]

كلمات عبد السلام أمين!! هي قناة مزيكا مشغله ناس بالجهل والغباء ده !

[@M.Sultan]

طال انتظاري للربيع يرجــــــــــــــع و الجو يدفا و الزهور تطلــــــــــــع عاد الربيع عرمرم شبـــــــــــــــاب إيه اللي خلاني ابتديت افــــــــزع ؟ عجبي !!!