【奇案調查】懸疑相談室又開張，又同大家講下最近發生嘅案件！【懸疑未決】S2 - EP103【廣東話】

#奇案 #懸案 #廣東話 #香港
＞＞【課金贊助】streamlabs.com...
＞＞【Patreon訂閱計劃】 / room410
【Room410 Instagram】 / room410hk
【Room410 Telegram】t.me/joinchat/...
【不安星期五 : 懸疑未決】 S2 103 26072024
主持：J、FOX、小雪
今晚同大家傾下有咩案件大家想聽，又回顧返之前嘅case!
歡迎留言提供案情，一齊講下有咩兇手未抓到...
我地繼續每星期為大家帶嚟世界各地唔同既奇案故事
星期五晚10點，繼續懸疑未決！

[@shcarollky]

台長 小小提意 選案的時候 唔使介意多唔多人講過 鐘意聽奇案的人 聽幾百次都會再聽 每個節目的表達都唔同 懸疑未決 就係聽三位主持的互動

[@tszhok3838]

其實我都係近一年開始聽room 410, 想講任何事都有高低位，相信聽眾都係要慢慢儲，而咁多台之中你地質素幾高 希望你地會越做越大，越做越好

[@karenlau5063]

2:40 節目開始 1:15:22 第二節 1:59:55 「日本北海道札幌命案」 2:49:06 「印度強力膠封J事件」 2:56:06 「澳門毒氣命案」 3:02:50 「紙盒藏屍案」

[@TVegan]

我一直認為各位主持都有正職要返，用私人時間去準備同開台，其實唔容易。換轉我哋，又係咪可以每集都高質? 何況本身案件係有限，重要懸疑案，就更少數，而我哋真係想世界有咁多懸疑案嗎。或者會有啲室友係課咗金嘅，覺得要提高質素，咁可以諗吓自己課金數目同要求是咪成正比。如果想要專業級成品，咁是咪可以令主持們轉職為youtuber。唔係串嘴呀~ 只係覺得大家話唔好聽，係因為有比較，同以前講過嘅案比較以及同其他台比較。如果有啲案見其他台講咗而想呢度聽，首先可以join patron，有好多juicy案件聽返+各種節目。如果已join，可以建議案件。如果唔想課金，都可以建議案件，然後都係聽吓其他台囉~ 有時其他台主持有唔同專業/資料，呢點可能係死症。不過410有自己風格，所以先留有一批室友。要如何以自己風格再增加特色同強項，就交畀主持同室友啦。伸脷👅: 我唔係課金人士，唔係盲粉，如果主持們remaster第一季案件，係大歡迎🤤。

[@larkin3935]

個人覺得咁講一定程度上冇錯，如果只係打算Keep住現有觀眾的話。想再上一層樓吸納多啲Sub，就唔能夠咁講。作為既有觀眾已經建立咗忠誠，對主持寬鬆啲都明，但作為一個新觀眾入到嚟聽到咁講難免會覺得Who Cares，質素唔及我要求咁就轉台了，特別係香港觀眾向來都比較奄尖⋯⋯

[@chiufat0430]

其實鍾意聽呢個節目，甚至410呢個台，就係因為感覺好似一個朋友聚會咁，聽主持們吹水同分享。 講真，世上有好多罪案發生，但可以攞嚟講嘅實在有限數，講一個少一個，而且主持們真係要花時間做資料蒐集，有時都feel到你你好攰 正如我因為工作時間有時同你哋個節目時間相撞，寫字樓又唔一定可以開嚟聽，變相只可以聽重溫，不過搭住車聽or撻喺床度hea住聽都開心 Anyway, 如果星期五真係諗唔到講咩案件/唔人齊嘅話，偶然開下鳩吹都可以呀😂

[@teameddieyan4798]

我覺得 少人聽上一集係有幾個原因。 第一， 因為 有一個通告 話410事務所 暫停 一個月， 有人誤會咗係Room410 所有節目停一個月。 第二， 有好多人去咗旅行。 第三， 河馬咸伯 事件 令好多人去咗聽 其他台。 第四， 紙盒 藏屍 案 個犯 死咗， 又有D人 去咗聽其他奇案台， 因為 J講明 唔講呢單案， D奇案迷覺得 你唔 update. 第五， 呢排D案件 有少少冷門， D奇案迷 嫌 你講嘅案 「細單」， 唔夠勁。 第六， 你哋 三個成日倒自己米， 成日話 唔做， 成日話 搵唔到 case, D 人咪 唔 㩒鐘仔 冇咗通知囉。 第七， 你哋三個係 曲高和寡， 唔鍾意 做D即時熱門話題 增取流量。 第八， 你哋日常生活太忙， 你哋講case 嘅熱情係倒退咗。 其實 你哋心𥚃有數， 只有「忠粉」 先會集集聽。

[@ruyanwang]

你地可以講下一單荷蘭嘅奇案：Putten 兇案。 (Putten係地名) 哩個案一開始喺冤案，後來變為懸案，再後來破左案，可以叫奇案了。 係講此案同時，有一個不得不提的人物：皮特.阿.德.菲利士。 佢同此案無關，但我認為佢喺一個英雄。 佢其實可以講喺你地既同行，係電視台講兇案節目主持人。不過，佢與其他講案件的主持人不同之處在於，佢除左講案件，還幫受害者和被冤者查案。 在Putten 案中，佢發現正在服刑的兩個兇手係無辜的。於是為了幫佢地平反，陸續播出了四十多集關於此案的細節，並幫助上訴。最後兩個無辜坐了六年冤獄嘅人得到平反。 係佢嘅主持生涯中，佢幫助過不少人，可惜同時也得罪了不少人。大概三年前，佢被人買兇槍殺於阿姆斯特丹街頭。

[@TerryNi-oq7hr]

其實聽左年幾，我最喜歡係你地會講啲疑點比大家聽 好似紙盒呢單，J問個個問題，到FOX小雪既疑問令成個case帶比大家思考。 就算有拉到兇手，都可以係「懸疑未決」！ 其實前頭吹水真係太長🤣 半個鐘吹水我覺得唔錯～

[@ritalkm3014]

吸新粉唔難 要keep粉先難 你地係唯一一個我集集都聽嘅長節目

[@sheep1988]

我記得小醉俠有條片講，早紙盒藏屍案半年前有另一單案係只靠科學鑑證定罪，所以歐陽柄強唔係第一個

[@user-bi4sg9ek5g]

上集鎖鏈女幾好聽呀，未聽要重溫 。

[@0Animal0biscuits0]

希望你地會愈黎愈多人聽！！我番工靠聽你地吹水講case渡過❤❤❤

[@bonnienklam875]

作為聽眾當然都鐘意聽主持人每星期傾下近況、見聞同時事，不過都認為30分鐘左右會比較吸引新聽衆。 做為奇案迷，唔會介意主持人講熟悉嘅奇案，每個主持都唔同表達方式架。 有啲案件人物名太長，可以改用一個稱號，咁可能會主持同聽眾都易記啲，順啲，較易投入。 未必每次都要兇殺案，可以係其他案件，或者主持人覺得有趣想分享既案件。 細案件都唔緊要架😊因為作為聽眾聽完案件都會想聽下主持人分享自己睇法，觀點。 辛苦主持人啦，亦都感謝你地一直為節目聽衆付出❤

[@zelday347]

歐陽柄強單案真係要睇埋小醉俠，翁小姐提出既疑點有唔少係被小醉俠解釋左，而且反駁左好多流料。至於翁小姐提及既小道消息無法求證，所以真係好睇你信唔信，我自己係好耐之前睇左翁小姐先既，但近排睇完小醉俠之後就覺得90%係佢做既 抽少少小醉俠資料: 流料反駁: 1)歐陽柄強並非香港第一單憑科學鑑證定罪的案 2)舉報歐陽的兩位女性並非死者同學，且在法庭宣誓過他們與死者不認識 3)警方並非沒查過死者身邊人，而是查過發現無可疑 4)並非如坊間所說只靠7條纖維定罪，而是根據環境及時間推斷種種結合而判斷歐陽柄強是唯一可能性 5)鑒證人員有掃過紙箱上的指紋，但因不完整或模糊而無法判別，成為無效指紋 另外: 即使是同款衣物，經不同的溫度和/環境/處理手法存放後都會導致纖維有所區別，所以死者身上纖維幾乎只可能是來自歐陽的西裝 另外歐陽口供都容易令人懷疑或覺得奇怪 1)話自己係無工場密碼，但後來有提及自己平時工作係包括入工場拎工具及收工時熄燈 2)庭上否認女證人話佢兩次燒裙話「我絕對冇燒佢條裙」，又再改口「我絕對唔係有意燒佢條裙」，最後又改為「係光頭佬用錢收買證人黎屈我」 3)案發當晚遲返屋企，向妻子說詞為塞車，對警方指是洗雪糕機遲左 4)話自己「從來唔著西裝返安美」，但他平時是上班族會穿西裝上班，放工後再直接去安美雪糕店兼職，控方問佢只有一件外套就是該西裝，「如果唔著呢件咁你當晚著咩去返兼職」，他就稱當晚只穿一件單衣(但當時冬天)，最後又補稱自己西裝是掛在門後 5)事件揭發是在17號早上，而歐陽17號晚上還有在安美當值亦有聽收音機習慣，卻在庭上表示他是17號晚上回到家從妻子口中才知道事件，還說「如果係我做就犀利啦」 6)庭上特別強調自己在安美的工作很忙，但8:00pm前他的工作只有幫人唱錢買飲料(店內是飲料自動販賣機)，及賣雪糕(但冬天)，8:00pm就落閘，8時到10時就是補充販賣機、洗雪糕機和埋數(當晚更遲了半小時回家)(p.s.小醉俠訪問了當年街坊稱歐陽柄強該在店面當值時經常不在店面)

[@zelday347]

目前根據證物及證供就是: -兇手在6:30-6:35pm將死者帶到某處，6:30-7:00pm死者遇襲(因死者6:30打電話指人已到電車總站即安美雪糕店前，而6:35陳彬彬到達時不見死者，一直等到7:00pm仍不見，7:00pm死者亦沒有準時上夜校) -死者有去過安美二樓的工場(因死者紙箱及身上有符合安美工場的證據，而身上痕跡亦與工場工具位置吻合) -兇手此人熟悉安美員工排班時間，擁有安美店工場密碼或可隨意進出工場(因兇手要帶死者去工場，同時要避免當值員工發現) 因此排除非安美工場的員工，再排除是6:30pm前在安美當值的員工，能符合的就只有歐陽柄強 如果要排除歐陽柄強，要反駁好多事(又或要認為這案件所有證物都是偽造的) -要完全解釋到為何死者身上為何沾上歐陽西裝的纖維 -證明死者在6:30-6:35pm去了其他地方而非安美 -證明在歐陽下班後有他人進入過安美工場 -證明安美工場晚上是不鎖門的 -合理解釋非歐陽的真兇為何要帶死者去安美工場 -解釋真兇如何隱藏死者至歐陽下班時間

[@fiontse1372]

商河奇案真係無敵😂

[@tingting377]

我覺得如果你哋做很多即時update 嘅案，會吸引好多新嘅觀眾❤加油

[@yvonnelau1558]

雖然小左留言但集集都有重聽番！ 辛苦各位主持 支持

[@redsun66]

試下ig,youtube搞投票，比幾個聽眾揀想聽邊個，睇下聽眾想聽咩，始終主持想講同聽眾想聽未必一樣 s1太久遠嘅可以再講 一開始吹少少，10-15分左右就開始講 如果太短就可以兩個，唔使一定搵夠長先講 懸疑未決3集中搵1集請嘉賓例如tim，sunny或者410其他主持，搵個題目講下電影動漫劇集旅行等等，覺得你地講案件以外嘅係精神d 做得耐會滑牙，聽眾少咗>你地無心機>聽眾又再少

[@benaiahfung1747]

聽咗你哋幾年，一早已經聽哂season one節目，其實我覺得吹水ok好聽 , 不過有時吹水内容題目太長同譖氣，好似講養貓同動漫內容，連續幾集都講有少少over咗，我覺得題目冇問題，控制番個時間會好啲 ，同埋可以用從新角度做返season one 一啲case ，其實你哋各位一路做做得好好，加油 !

[@angelaangela6047]

我成日重聽！因為直播22點，聽下聽下睡著，最尾都係重聽，所以上星期，累所以不如聽重播🙇🏻🙇🏻🙇🏻

[@Littlestar-oj5sl]

直播真係想聽case 先, 如果唔係就要聽重溫lu 😅anyway 加油啊❤

[@Chingching2803]

好鍾意聽你哋吹水，不過同意可能講咗case先會易吸街客啲 覺得半個鐘吹水->case->再吹水可以一戰 ☺️ 加油！

[@rider868382]

如果以一個主題 。一晚講幾個細case. 會唔會有得諗 。因為有好多case都係好短好難開一集講 。咁合集形式就可以講到

[@gamelove7342]

個人最近聽節目的動力都低左，案件部份想聽，吹水部份想聽，可能係大家都互相影響，你們都辛苦不在狀態~聽的人都可能不在狀態，我覺得可能係類似吸引力法則?大家氣場都互相影響~大家都進入左一個低潮期，要時間turn返~不過仍然會支持的~

[@lengchan998]

基本上啲案件我喺你哋講之前都已經聽過, 我中意聽案件所以我會照聽，請唔好介意我坦白，我通常會聽 LIVE 係因為小雪同紅姐講 CASES，其餘重溫，因為佢哋真係講得比較順暢同有條理，最近同個 FRIEND 講開 410，佢話：好耐無聽 lu，一講案件就甩甩咳咳 ....

[@sheep1988]

閃電俠仆直最大問題係佢原世界線官方已經判定死亡，要開新嘅universe

[@kelvincheng2588]

奇案去到樽頸位 好多都講左 如果冇奇案有趣 都可以講其他野 開下其他節目 電影 動漫 文學 我集集都聽哂架 唔知大家有冇聽過勝利友？ 香港二戰時既一段令人髮指既歷史

[@timcheng2872]

其實而家咁多奇案KZbinr, 要突為而出吾容易。加上而家資信發達，大部分案件都有人講過。我覺得其他人講過吾緊要，而係講者點樣安排描述事件，講者自己嘅睇法，點樣分析件事。要做到有自己嘅睇法就要花時間了解案件再做分析。其實會好花時間。如果好似其他KZbinr只係將案件照讀報度/wiki 咁就冇乜意義。

[@sylviashu2951]

作為讀者的經驗之談，當旁述描述事件的前因效果，帶着讀者從故事嘅枝節，找真相，成功與否；我們好像與他一起歷奇。好像我們身歷一起心急、悲傷、興奮的時刻。 故此，在敘述故事的時候也可以用這樣的技巧帶着聽眾與你們尋找故事的經過，這樣不是懸疑未決嗎？

[@zoe_c906]

加油～好鍾意聽你地❤

[@L-fo6fr]

J爺講Deadpool前，小雪『飲啖酒先』 J爺『嘎』😂😂😂😂😂😂❤🎉🎉

[@weschan2005ify]

正呀❤😂🎉😂❤yoyoyo

[@user-ch2jd5yx1z]

我覺得先不要太擔心, 因為我有聽其他台也有說自從7月頭發現live人數下跌, 但過了2天再去查live人數就回升返, 所以估係bugs.

[@user-gh3cq3yg7l]

聽既人數上上落落，爆升需時，三位主持做live enjoy就好！有些case爆d，有些鳩點、有時淡d，正常不過⋯⋯支持三位，Good show！

[@victoria69813]

佢老味啦，林過雲1973年剛比人拉完，睇清楚先講啦。歐陽炳強一路都有幫工場關門，安美同工廠系同一公司。翁小姐之前系話歐陽有罪，佢話歐陽寫信比杜葉錫恩認左罪。當年，搵到歐陽已經系幾個月後啦，大佬！小醉俠有冇道理我吾知，翁女俠改咗立場我肯定嘅。

[@user-tt7vd7yg4p]

我都有同感及印象，🐝🐝🐝根本立場整日改變，又唔去搜尋法庭文件及證據來印證，只憑一己的主觀感受及印象來定奪案件所謂真相，當然有失公允及持平，令人失望。林過雲在1973年比人拉左，🐝🐝🐝真係廢嗡，亂講當秘笈！😢

[@victoria69813]

@@user-tt7vd7yg4p 系啊，呢條婆為咗吸眼球，D野有時亂吹

[@LTH246]

有電影新觀點 ，值得參考。

[@yukyuk4304]

我一定支持你哋㗎❤❤❤ 大家都有正職，明白的

[@拉提琴LaTiQin-wifi]

重溫中🎉

[@user-vx7wq2kr9g]

小雪玩咩中國武術要孭把劍喺背脊😂，我諗起啲茅山道士😂😂😂 2:29:00

[@sl1386]

其實仲有好多案件可以講㗎，你哋比較集中喺日本同埋美國嘅案件，可能因為比較容易搵料啦，但係其實歐洲都有好多好有趣好離奇嘅案件，我都會想聽你哋講，例如德國嘅食人事件， 另外就係波蘭人皮案，唔知有冇聽過，我都覺得一個案情幾驚悚

[@user-tt7vd7yg4p]

這三位成員都係講奇案怪案既專家，講案件詳盡而客觀，又會搜尋資料，點解在這紙盒藏屍案竟然如此輕率😢？沒有任何搜證，而資料又不盡不實，連 小醉俠 的也沒有聽，就如此斷定這是冤案？只聽🐝🐝🐝一面之詞！真的難以理解？！希望你地能找一些資料才認認真真說吧！否則令人對這節目失望😞。

[@jaylau9337]

明白支持辛苦，加油

[@ritalkm3014]

加油啊😂唔該吹水唔好cut 最多先講案件後吹水 ❤❤❤對我嚟講❤陳述案件都得㗎 講真有幾多真係奇案啦😅

[@daphneyeung9885]

加油 支持你地架❤❤❤

[@taxilam99]

❤thx

[@Soon95276]

馬會個牌得馬同波賭 政府為大眾市民好 怕大家沉迷賭博 有限度開放 唔似英國啲政府由鳩你賭 當年賭波合法化都搞左一段時間； 馬會係香港隊定港超爆貪污前有得賭香港隊 馬會保障自己 用app一定有句 xxxx保留最終決定權

[@applelee8521]

梨泰院殺人事件／座間九屍命案／南京大學碎屍案／Junior Guzman ？

[@s2130013]

細細個睇fox嘅英雄電影+美漫大，覺得Deadpool 正到不得了。J爺嘅睇法好多都有誤區。

[@dancheunghker]

認同，今次真係要話佢哋對MCU認知問題，Marvel之前發生咩事，而家Kevin 回歸要整返成個Marvel，最簡單佢今集起唔講多重宇宙，特登將時間線歸納返去1005就知道，對佢仲有愛既希望比多啲時間佢。

[@user-tf8xw5tr3m]

呢集真係要對漫畫同fox呢20年既英雄電影有認識先覺得好睇 外國同亞洲兩邊評價好兩極下

[@nonstopsuki]

支持❤

[@Teutonic_Knight_HKvtuber_Clip]

中國案可以講千島湖事件，但都幾敏感下，涉及兩岸議題。台灣案有單係輻射屋事件都可以講下

[@ensonlo9465]

其實做咗咁多集 會盡係好正常 先唔講你地狀態問題 全個世界值得講既奇案係得咁多 所以要夾硬再搵又辛苦你地 你地又做得唔開心 不如將呢個系列變做唔係周更 係真係搵到值得講再講 改做開一個新既一個節目 可能真係講古代奇案 真係荊軻刺秦王都得

[@kihuu4055]

晚安大小姐😂

[@abc123acc]

一集三單短案可以呀

[@user-qk9cc9yo2z]

support you all

[@larkin3935]

Keep住有聽齊每集所有節目，最近迷離夜話嗰集真係有啲令本人太失望⋯⋯ 個人歸納咗大概呢幾個月以嚟個人想法及觀眾評論，並試下提出改善建議： 1. 態度-有時聽到主持用字，會話要「做啲閪節目」會幾不是味兒。明白主持會太攰或者好唔想做某啲節目，而行為同說話表現Hea同負面，聽眾都會感受到底下嗰種抗拒。聽眾可以同理到主持工作繁忙，但唔會同理到您地唔想做節目嘅感受，因為大家係想聽節目放鬆，唔係聽您投訴開台。 2. 講材-可能真係講咗大部分比較出名又Juicy嘅case，雖然本人覺得仍然係不錯，但新案件嘅吸引力未必對街客太高。同埋準備上可能因為主持太繁忙而冇咁充足，仲記得Covid期間聽嗰陣，J爺會做埋地圖等等俾聽眾投入，有啲懷念當時嘅節目，可以feel到團火😂 3. 提醒不足-最近幾集發覺太遲出Story/Post，有時睇到已經開台了，仲以為本身冇節目添，直頭冇喺開台時間等。呢個情況唔止懸疑未決，仲包埋迷離夜話等等。再加埋有室友話可能有人誤會全部節目停一個月，都可能有影響。 4. 雜項-譬如都係吹水長、粗口多、懶音、唔流暢etc. 本人唔大所謂，但新觀眾可能唔受。 建議（易到深）： 1. 提早出Post收集投稿，或者提醒聽眾，相對易做，可以Set timer出就問題不大。同時可以提前講定會做咩Case，動用觀眾力量幫手搵資料，甚至可以收集埋佢地個人意見分析，用user-generated嘅方式增加內容同時減少主持搵source時間，提高效率及增加觀眾投入。問題只係記唔記得出Post only。 2. 改善present技巧，都係流利度、粗口、懶音等等，唔係話要棄晒但可以適量調節，非一時三刻可改但只要留意下都解決到，相對都算簡單。 3. Rundown及節目安排可能要改。先講Rundown可以縮窄片頭吹水到半小時至一小時，片頭吹水係等觀眾齊人所以係必須，但未必要太長，片後吹水可以相對長返。既可以滿足忠實聽眾，又處理街客只想聽Case嘅需求。節目安排上盡量可能每主持一星期最多只做兩集節目，做咗一三就Skip五，做一五就Skip三，減少主持過勞嘅問題。不過安排呢啲嘢可能好難就，唔清楚各位嘅分工及時間表，無資料考慮現實狀況，純粹單純建議。 4. 態度改變真係相對較難，真係要求各位要搵返初心，唔係話轉就轉。我覺得或者可以為個台Set下一定目標，有目標追求或者有嘢比較就可能增加動力。或者可能放下大假，重新整理再出發。最緊要係搵到點解自己想要做台，自己點樣可以改進到，有一個驅使各位前進嘅使命。如果唔係，倒不如最高點就及早離場，大家留個美好回憶。 打咁多字都係想提出目前本人見到嘅一啲問題，希望可以擴大呢個台嘅聽眾群。鍾意接受就無任歡迎啦，覺得而家冇問題冇需要改善都冇嘢嘅。我唔想做個誇誇群讚話咩事都冇，在此只係提出個人意見，可能我係錯的呢🤣

[@bbcchan2036]

重覆說話跟住講, 連打喊露都要跟, 咩玩法

[@kelvincheng2588]

我仲等緊《漢奸續個捉》呢個節目

[@caseyyuen1673]

作為一個通常都聽重溫的聽眾，純分享一點覺得上集少人聽的原因：最主要是上集的主題很多人都記憶猶新，然後那大陸的悲慘故事，未開出來也知道會很悲傷 ... 會這樣說是因為通常在節目後的周末，就會開來重溫，但上集我拖到了這集都播出後才開來聽

[@andywong8123]

其實我覺得咁既模式幾好 吹下水 幾好 再唔係 都可以試下1集淨吹水 1集又講case又吹水 集中火力 2星期做1集有case既懸疑未決 你地又可以時間鬆動d 冇咁辛苦又多d時間搵資料

[@joyko8325]

可以將幾個同系列嘅短案做一集

[@pgodot9039]

應該係刺馬案，清末但都多野可以講

[@sheep1988]

J唔想講應該係坊間太多人講紙盒藏屍，年代久遠，好難再搵到新觀點新證據。

[@supperxcarrot2858]

其實上集鐵鏈女幾好聽 聽到好心寒 可以搵多啲大陸奇案講講 加油

[@ritalkm3014]

小雪無聽小醉俠既片？？🤔

[@janetlo4006]

會唔會講韓國三豊大廈倒下～C 5百幾人

[@ritalkm3014]

大鑊啦！J講紙盒啊😢係唔係收台啦😂

[@joyko8325]

我個人覺得真係太多吹水位，聽呢個節目原意為聽案件，所以我會飛嚟聽。

[@YINX55]

🥲聽住小雪講case 但仲係咁聽到薯片同放罐裝飲品聲 唔係好集中到

[@user-vx7wq2kr9g]

機場麥當勞好食好多 1:57:39

[@abhouse6391]

炒冷飯咪得 remake😂😂🎉🎉

[@Yinyinyin410]

3位加油，唔好咁快講紙盒案啊😭😭

[@crossalldevices276]

👍👍👍👍

[@keithlou2019]

當時代表過歐陽炳強嘅律師湯家驊話，歐陽炳強去過佢個拉票站講自己係無辜嘅。不過唔知係咪心灰定怕羞，所以同兩位大粒佬（湯和翁）講，之後就自我放棄？

[@BoazNGK]

講案件可以做 功課 做Research 但吹水好睇本身主持 對各方面嘅知識多唔多, 比較廣泛. 只能夠講雲海 吹水好聽係因為佢歷練 同知識 比較廣泛 本身有料. 你哋吹動漫 電影還好, 政治 經濟 股票 方便好明顯係 弱項, 避重就輕 會更加好

[@chelseahazard369]

歐陽成日上花家姐度話佢俾人屈啦，邊有唔講

[@user-tf8xw5tr3m]

身為一個死侍電影上映前就有買開美漫黎睇既迷絲 死侍與狼人對得住粉絲有餘 台灣同香港屌呢套既人 99%都係對美漫冇了解同淨係睇過電影既 好多笑位同客串既角色 亞洲人唔識笑同唔知好正常 我自己就睇得好爽 特別係死侍軍團出場同唔同宇宙既狼人 係個腦搵邊個版本既死侍出自邊套漫畫係一種最高享受 你要明白一樣野 死侍電影 本身就係因為一個超級粉絲唔理高層反對 私自將取消左拍攝既試片係漫畫展公開 得到成千試萬粉絲支持先拍得成 死侍係一套100%粉絲向既電影 由第1集已經係

[@user-tf8xw5tr3m]

牌王同Henry Cavil版狼人登場果時 香港人根本冇反應 淨係得美國隊長有🙄就知香港人唔明

[@QueeN_zR]

最好笑係 講到一開始單案時，個個都唔查，淨係查歐陽，甘要問個天點解淨係查佢囉。on 9 將人哋所做既一切努力 一野推低晒，不如話死者報夢比貝亞，一瞓醒就去雪糕店拉人啦（呢D就係女俠既推理，乜人都冇查、乜證據都冇..完）

[@lemuelricky]

關於節目編排果到... 咩只吹半個鍾, 直接講case事定後先吹果到 2:14:20 (前題係你地會唔會睇返留言啦) 小弟想比小小suggestion, 先講我介紹比朋友聽你地依到, 佢對奇案好有興趣既人來, 但介紹佢聽咗之後, 佢feedback返我話太多粗口... 唔係講話粗口唔得, 但差唔多每句都會+D助語詞又真係多咗D, 如果可以控制下應該會好DD, 同埋佢係輪班果D人, 佢係返工果陣用電話聽你地節目吹水太多都未入主題, 好可能真係變咗冇興趣都唔定...如果事後先吹可能真係比較好

[@casto83605]

吹水唔緊要，但主持人次次都只係講返工有幾攰有幾想唔做節目。如果覺得攰嘅話不如暫停唔做節目住囉！聽你哋做節目只係希望可以鬆一鬆而唔係吸取你哋嘅負能量。 我預咗一定會俾你哋屌架啦！

[@tampakhin6907]

紙盒藏屍其實唔好鳩講啦，啲資料錯到七彩

[@user-bi4sg9ek5g]

其實翁小姐解釋咗好多疑點，反而小醉俠只係咬住佢鏡頭前認罪，翁小姐有講認罪好大機會只係想假釋，同時帶出令人奇案人物「余偉發」鳴怨多年，因為想假釋可能會迫住認罪 ，此案也是疑點重重 。

[@user-tt7vd7yg4p]

不能同意！小醉俠做了好幾集，都是講這單案件，搵足資料及問題，然後詳盡分析，他都有講過🐝🐝🐝的所謂疑點，然後拆解，比🐝🐝🐝更詳盡詳細及合情理，更比🐝🐝🐝客觀持平及有理有據，我信小醉俠的說法。

[@QueeN_zR]

翁小姐有解釋疑點咩..??🤔🤔她似乎在不斷"製造"疑點喎～最近連'高登文章都不放過, 林過雲都拎埋出來講喎, 翁小姐在2001年商台自己的節目裡, 當時拍檔是張堅庭, 佢２個大讚貝亞, 而且佢２個都認為歐陽是兇手喎， 但到咗２００２年歐陽假釋出獄之後，翁小姐接觸完歐陽之後， 態度１８０度轉變， 先話佢是寃枉， 其實變唔緊要， 問題是如果以"陪審員＂制度來講，翁小姐已經沒有資格當陪審員（沒有資格去評他是否真兇, 當然講就講, 佢仍然有權利去講的), 我說沒資格意思, 當你接觸了犯人, 還能保持客觀..........?.? 所以點解陪審員有專用的升降機...? 就是希望能保持"與犯人有距離", 保持客觀性, 例如你朋友如果偷咗公司野, 你會報警或話比人知.......? 有。但很少會咁做, 因為是你朋友, 你會比機會佢....所以翁小姐講歐陽很主觀, 基本上歐陽"講乜", 佢都全部接受晒

[@QueeN_zR]

另外~ 請問小醉俠邊一條片是: 咬住歐陽在鏡頭前認罪........?? 請直接寫出來, 等大家看看是否""真"

[@user-vx7wq2kr9g]

如果你哋講大陸案410就唔410架啦 2:25:24

[@chrislau0109]

kzbin.infoidNE3A__St4?si=uHxMxTlSdUEw29UJ 推介你哋聽

[@yoyoking0818]