رسميا عودة العالمي 🤔 ميدو للملاعب بعد ١١ سنة تعرف علي النادي لي هيلعب له ميدو

#ميدو #الزمالك #الاهلي
"لما بنتكلم عن أحمد حسام "ميدو"، بنفتكر الأهداف، الاحتفالات، واللحظات الذهبية اللي كتبت اسمه في تاريخ الكرة. نجم سطع في سماء الكرة المصرية والأوروبية حاجه محدش يختلف عليها، لكن هيحصل إيه لو قولتلك إن الفينيق عاد من رماده؟ وبعد ١١ سنة من التوقف، ميدو هيرجع للمستطيل الأخضر وهو عنده ٤١ سنة .
غالبا ميدو لاقي إنه وسط الفساد اللي في منظومة الكرة المصرية لو رجع محدش هياخد باله .
**الفصل الاول:- العودة **
(لقطة من مقابلة مع ميدو وهو يتحدث عن قراره بالعودة)
في وسط قاعدة لذيذه لميدو وإبراهيم عبد الجواد في برنامج الهدف على قناة "2 ON TIME SPORTS" بيتكلمو فيها عن بعض الفنيات في الماتشات المصرية .
قام رزعنا ميدو واحدة انا هرجع العب تاني في الدوري المصري اه والله زي ما بقولك .
وقال "احتمال كبير ارجع العب.. انا ماعتزلتش انا اخدت إجازة 10 سنين باخد فيهم خبرات.. وانا بحضر نفسي بدني الفترة الحالية وبتمرن مع فريق 19 سنه بنادي الزمالك وبنسبة كبيرة هكون متواجد مع فريق في الدوري الموسم القادم وهسجل 10 أهداف"
هتقولي ده بيهزر ياعم ومحدش بياخد على كلام ميدو يعني ، طب اسمع المفاجأة بقا يا سيدي إنه نادي القناة قدمله عرض علشان يلعب معاهم الفترة الجايه . وعلشان تصدقني ، محمد خطاب مدير التعاقدات بنادي القناة صرح أن اسم أحمد حسام ميدو كبير وتواجده بأي فريق سيحدث فارقا كبيرا فنيا ومعنويا.
وأشار إلى أن ناديه تقدم بعرض رسكي إلي ميدو للانضمام إلى صفوف نادي القناة ومنتظرين عقد جلسة معه لدراسة خطته.
وأضاف أن ميدو مهاجم مميز وسيكون إضافة لأي فريق يرغب في ضمه، نظرًا لقلة المهاجمين المميزين في الدوري المصري. ويلعب نادي القناة في دوري المحترفين، ويطمح للصعود إلى الدوري الممتاز الموسم المقبل.
ميدو اللي آخر مره لعب فيها كان في 2013 بقميص بارنسلي الإنجليزي الدرجة التانية وشارك معاه في ماتش واحد بس ، هيرجع يلعب تاني في الدوري المصري غرائب وطرائف الكرة المصرية أصل هنقول إيه غير كده .
**الفصل الثاني:- حياة ميدو الكروية **
ميدو بدأ حياته الكروية لاعبًا فى نادى الزمالك سنة 1999، وانتقل بعد ذلك إلى نادى جنت البلجيكى فى 2000.
وفى 2001 انتقل ميدو إلى نادى أياكس الهولندى، الذى أُعير من خلاله إلى سلتافيجو الإسبانى فى وكانت محطته التانيه فى نادى مارسيليا الفرنسى، ثم انتقل بعدها إلى نادى روما الإيطالى عام ومنه إلى توتنهام الإنجليزى عام .
آخر نادٍ التحق به ميدو هو بارنسلى الإنجليزى في نص 2012، والتحق بصفوف الفراعنة منذ 2001.
وأعلن ميدو اعتزاله اللعب نهائيًا فى 10 يونيو 2013 ثم تولى مهمة المدير الفنى لنادى الزمالك من 21 يناير 2014،ل 30 يوليو 2014 وفاز معه ببطولة كأس مصر.
وبعدها قاد الإسماعيلى المحطة التدريبية الثانية له، ثم تولى تدريب الفريق الأبيض للمرة الثانية وتولى تدريب وادى دجلة قبل أن يرحل وهى المحطة التدريبية الأخيرة له .
وبشكل عام لعب ميدو طوال مسيرته الكروية 277 ماتش سجل 84 هدف، وقدم 38 تمريرة حاسمة.
وعلى الصعيد الدولي، لعب ميدو 50 ماتش مع المنتخب المصري تمكن خلالهم من تسجيل 19 هدف.
غالبا الارقام دي هي اللي مقوية قلبه في قرار إنه يرجع يلعب تاني ويكمل المسيرة الجامدة دي.
*الفصل الثالث :- وقائع آخرى*
*ڤويس اوڤر*
إحنا عارفين إنه ممكن لاعب يعتزل اللعب الدولي يرجع تاني ده في حالة إنه المنتخب محتاجه لكن يتوقف خالص ١١ سنة ويرجع تاني يلعب غريبة دي .
بس خليني أقولك إن ميدو مش أول ولا آخر حد عمل كده ده فيه غيره كتير واشهر الناس دي مثلا
أسطورة البرازيل رونالدينيو إللي اعتزل اللعب مع المنتخب وغاب عن نهائيات كأس العالم جنوب أفريقيا 2010، لكنه عاد وواجه الأرجنتين في 2011.
وفي القارة الأفريقية، عاد الكاميروني روجيه ميلا من الاعتزال بأمر من الرئيس وقاد منتخب بلاده إلى ربع نهائي كأس العالم، ليصبح أول منتخب أفريقي يحقق هذا الإنجاز، وفي عام 1994 أصبح ميلا أكبر لاعب يشارك في كأس العالم .
وكمان الهولندي مارك أوفر مارس، الذي اعتزل في 2004 بعد مسيرة طويلة مع أياكس أمستردام وأرسنال الإنجليزي وبرشلونة الإسباني، وبعد 4 سنوات قرر العودة عبر النادي الذي بدأ فيه "جو أهيد إيجلز"، لمساعدته في الصعود إلى دوري الدرجة الأولى .
**الخاتمة **
الخلاصة إنه
ميدو راجع للدوري بعد ١١ سنة من الغياب، وفي سن الـ41! عارفين اللي بيرجع يدور على الـCD القديم اللي كان بيحب يسمعه، بس لما يشغله يكتشف إنه مبقاش يشتغل زي زمان؟ أهو ده بالظبط اللي بنتمناه ما يحصلش مع ميدو! يا ترى هيرجع بلمساته السحرية اللي كنا بنشوفها زمان، ولا هنلاقيه بيلعب كأنه بيسمع أغنية مش عارف كلماتها؟ الأيام جاية و هتكشف لنا إذا كان رجوع ميدو هيكون زي رجوع الأبطال، ولا مجرد فصل جديد في مسلسل كوميدي جديد. شاركونا برأيكم في الكومنتات وتابعونا على المستديرة علشان تعرفو كل جديد .