Рет қаралды 109,277
ရုရှားနိုင်ငံခြားရေးဝန်ကြီး လတ်ဗ်ရော့ ဟာ ပြီးခဲ့တဲ့ သြဂုတ် ၃ရက်က မြန်မာနိုင်ငံကို တစ်ရက်တာလာရောက်ခဲ့ပါတယ်။ သူ့ခရီးစဥ်မှာ စစ်ကောင်စီ ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နဲ့ တွေ့ခဲသလို စစ်ကောင်စီနိုင်ငံခြားရေးဝန်ကြီး ဦးဝဏ္ဏမောင်လွင် တို့နဲ့တွေ့ခဲ့ပါတယ်။
အဖက်ဖက်က ဖိအားတွေရှိနေတဲ့ မြန်မာစစ်ခေါင်းဆောင်ဆီကို လာခဲ့တဲ့ လတ်ဗ်ရော့ ရဲ့ မြန်မာခရီးစဥ်က ဘယ်လိုသဘောဆောင်နေပါသလဲ။ လတ်ဗ်ရော့ ဟာ ရုရှားအစိုးရအဖွဲ့မှာ အဆင့်မြင့်အရာရှိဖြစ်လို့ ဒီခရီးစဥ်ဟာ ထူးခြားသလို နှစ်ဖက်အကျိုးစီးပွားတွေ နဲ့ ခရီးစဥ်လို့လည်း ပြောနိုင်ပါတယ်။ ဘယ်လိုအကျိုးစီးပွားတွေ ရှိနေကြသလဲ။ ဒီအပတ်ရဲ့ သတင်းမြင်ကွင်းအစီအစဥ်မှာ ဒီအကြောင်းဆွေးနွေးကြဖို့ရှိပါတယ်။
ဒီအပတ် ဝင်ရောက်ဆွေးနွေးထားကြသူတွေကတေ့ာ ရုရှားနိုင်ငံမှာနေထိုင်တဲ့ ရုရှား - မြန်မာ ဆက်ဆံရေးကျွမ်းကျင်သူ ဦးမျိုးအောင် ၊ နောက် စင်ထရယ်ယူရိုပီယံတက္ကသိုလ် က နိုင်ငံတကာရေးရာကျွမ်းကျင်သူ ကိုသီဟတို့ပဲဖြစ်ပြီး မညိုလဲ့ရည် တင်ဆက်ထားပါတယ်။
ဘီဘီစီမြန်မာပိုင်း