Рет қаралды 11,830
Bugun Rossiya qoʻshinlarining Ukraina hududlariga bostirib kirishi butun dunyo aholisi qatori meni ham daxshatga soldi. Tinimsiz davom etayotgan quruqlik va havo hujumlarini va ayniqsa ulardan qolgan harobalarni koʻrar ekanman, beixtiyor aynan shunga oʻxshash hujum bizning vatanimizga ham bir paytlar rus armiyasi tomonidan amalga oshirilgani yodimga tushdi.
Bu ayanchli tarix haqida izlanib, oʻtmish sahifalarini varoqlar ekanman, koshki bu kunlar yana boshimizga tushmasaydi, tarix yana takrorlanmasaydi deya ichimda duo qilardim.
Keyin esa oʻylab qoldim, oʻzi boshimizga bu balolar kelishiga nimalar sabab boʻldi, ota-bobolarimiz qayerda xatoga yoʻl qoʻyishdi? Shundan soʻng tarixiy voqealarga boshqa tomondan nazar solishga urinib koʻrdim va qaysidir maʼnoda, oʻsha xatolarni topgandek boʻldim.
Bugun siz tomosha qiladigan ushbu videoda aynan shu tarixga va u yerda yoʻl qoʻyilgan xatolarga toʻxtalib oʻtishga qaror qildim, toki xatolarni yaxshilab oʻrganaylik va qaytib ularga yaqinlashmaylik.
Zero, Sulton II Abdulhamid Xon aytganlaridek, tarix emas, xatolar takrorlanadi.
#RussiaUkraina #Stopwar #Tarix