Рет қаралды 24,036
რუსეთის მოქალაქე მაგამედ ტოხოსაშვილი ტაბულასთან საუბარში ირწმუნება, რომ არასწორია გავრცელებული ინფორმაცია და მის მიერ შემოყვანილი მანქანები არა სამხედრო, არამედ სატვირთო დანიშნულებისაა. მისივე თქმით, სულ სამი ავტომობილი შემოიყვანა და აპირებს სამივე გაყიდოს. ტაბულამ მაგამედ ტოხოსაშვილის კომენტარი რუსთავში ჩაწერა, სადაც ის ერთ-ერთ ავტომობილის განბაჟებას და მყიდველისთვის გადაფორმებას აპირებს.
ავტოსადგომს კი, სადაც მაგამედ ტოხოსაშვილის მიერ რუსეთიდან გადმოყვანილი მანქანები დგას, ტაბულამ ისანში მიაკვლია. იქ იმ დროისთვის ზილის მარკის მხოლოდ ერთი მანქანა იდგა, რუსული სატრანზიტო ნომრებით. ავტოსადგომის ტერიტორიაზე დასაქმებულები აცხადებენ, რომ გუშინ აქ ორი მანქანა დააყენეს, თუმცა ერთ-ერთი დღეს გადასაფორმებლად რუსთავში წაიყვანეს.
ხსენებული მანქანების სამხედრო დანიშნულებას უარყოფს საქართველოს თავდაცვის მინისტრი. მინდია ჯანელიძე ირწმუნება, რომ რუსული სატრანზიტო ნომრებიანი ავტომანქანები საქართველოში მეორადი მოხმარების მიზნით შემოიყვანეს.