صريح جدا: هكذا يعاني الجزائريون من "التنمر" ..

صريح جدا: هكذا يعاني الجزائريون من "التنمر" ..
للإشتراك في قناتنا إضغط هنا goo.gl/as3vlY
"النهار تي في" أول فضائية إخبارية في الجزائر، الأخبار تصلكم حيثما كنتم أول بأول
موقعنا الإلكتروني www.ennaharonli...
موقعنا الإلكتروني للقناة www.ennaharonl...
رابط صفحتنا المليونية على الفايسبوك / ennahartv
رابط صفحتنا على الأنستڨرام / ennahar.tv
رابط صفحتنا على تويتر / ennaharonline
قناة النهار الإخبارية الأولى في الجزائر.. أخبار دون توقف
#صريح_جدا #التنمر #الشارع_الجزائري
#النهار #قناة_النهار #EnnaharTV

[@novadz7296]

هاديك الشيرة الي من باتنة ...بانتلي شابة بزاااف ووجها طبيعي الله يبارك ...ماديريش عليهم يغيرو منك وعندهم ضعف شخصية

[@linabrunette7662]

شابة بزاف الله يبارك هدوك لي تنمرو عليها باين غارو منها ولا نرجسيين خبثاء يحبو يجرحو ناس بالعاني

[@yass8481]

Ouiii bzaf messrara lahybark

[@maassilia-dz8cb]

انا ثاني كلش شباب فيا ولكن رجليا كبار بزاف وماطلقونيش عقدوني بزاف وليت نحشم نفوت على الناس

[@numid23]

هدا مجتمع تتعقدي منه الغلطة فيك ​@@maassilia-dz8cb

[@MessiLeo-ju7kf]

انا.ليتنمر.علي.نتنمر.عليه

[@imameh1505]

البنت لي لبسا فيستا غوز جميلة جدا وخلوقة الله يبارك عليها الجمال معيار لي ماشي مليح من قلبو مايشفوش الجمال لازم تكون الثقة بالنفس والثقة بالله خاصة

[@awladihayati882]

التنمر صعيب بزاف كاين ناس حبسو من القراية غير على جال التنمر .... وللاسف خطرات التنمر يجي من الاهل .. بصح لازم الواحد تكون عندو شخصية وما يسكتش ويكون قوي

[@BAC-ii1eb]

صح و كاين ناس للاسف انتحرو في جرة التنمر

[@abrarboulam]

يعطيك الصحة ومن الاهل اكثر

[@linabrunette7662]

واش تفيدو الشخصية تبانلي مكاش شخصية قوية في هاد الامور!؟ حتى وكان ماشي شباب ويحب روحو يقولك هدا واش حاسب روحو

[@zizozainb9395]

وشمن شخصية اسخايل انت حياتك اكل وانت تعاني من نفس الحاجة وتسمع فنفس لكلام ليل نهار ليل نهار متكرهش تكره بسيف يعني سما الواحد ميكفيهش لهموم لي فيه يزيدو عليه لعباد لي عايش معاهم. اكل محال متفقدش الثقة بنفسك محال تكون سوي ونورمال بصح حسبي الله ونعم الوكيل حسبي الله ونعم الوكيل مني مسامحة حتى واحد يسلكوها غالية. الحمد لله لي ربي سبحانو رزقني بعايلة هايلة سينو كون مرضت نفسيتي صح. من الشعب تاعنا يخرجو الواحد من صبرو يخليو لواحد ينفد صبرو يعشي مدي فدنوب في جرتهم وكيلهم ربي

[@user-rj7gt4ic8u]

من يمر من هنا يصل على النبي صلى الله عليه و سلم اتكون حسنة جارية

[@sandrilla-ms6fq]

ماطلقين لاسمين لارقيق لاطويل لااقصير لالبيض لالسمر ارضاء الناس غاية لاتدرك ربي يهديهم

[@theprincess1659]

اقسم ب الله والله عندك الحق⁦♥️⁩

[@user-vi8vi5yg4r]

هذي عبره للاباء نعلموا ولادنا قوه شخصيه وتجاهل ولا مبلات

[@Rabie1_1446]

المتنمرين فاشلين في الحياة وحتى يغطون عن فشلهم ينتقدون الآخرين الذين هم أفضل منهم

[@Rabie1_1446]

الثقة في النفس و تجاهل الآخرين و لا يهمك كيف ينظرون إليك

[@SWIDAK.ALJZAERI.]

قال الله تعالى: (ولا تنابزوا بالألقاب بئس الإسم الفسوق........ ) صدق الله العظيم. 💚🇩🇿

[@fatihaelkheir4340]

انا التنمر عانيت منه من سنوات الابتدائي من السنة الرابعة ابتدائي حتى السنة الاولى ثانوي واثر عليا بزاف 💔 وليت منعزلة مانهدرش مع زملائي في الفصل وليت منضحكش ڨاع بصح ڨاع هكا ونجمت نكون صداقات والسنة لي أثر علي التنمر فيها بزاف هي الاولى ثانوي في هذاك العام 2019 مكان عندي ولا صديق واحد مايبغي يجمع معايا كانو ڨاع ينفرو مني ولكن الحمد الله تخلصت من التنمر الان وانا حاليا طالبة جامعية التنمر علمني انو مانعاملش الناس على انهم ڨاع كيف كيف كل واحد يعامل على حسب طريقة تعامله مع الناس .

[@lavidaesbella5308]

Bravo 👏 rabi ywef9ek

[@user-cm8rw5yl3v]

نصيحه لك من اخ لك من السعودية حافظ على الصلوات في وقتها وقراءة القران والاذكار بعد الصلوات وخاصه أذكار الصباح والمساء أستمر عليها فترة طويله ولكن أخلص النيه لله لن يستطيع أي مخلوق أذيتك بشي نهائي لانك في هذة الحاله تكون في حفظ الله سبحانه وفي ذمته وهذا يكفي

[@FodilFodil-lo9qv]

انا من صغري وانا نتعرض لتنمر ..بطلت قرايتي و تزوجت و مزال يتنمرو عليا بسبب سخيف حسبي الله و نعم الوكيييل 💔

[@novadz7296]

السكوت علامة الرضا ...الانسان لازم يدافع على نفسه لابغا غلبوك ولا ضربوك المهم تبيتهلم بلي ماراكش راضي

[@maxrodriguez3178]

وماهو السبب

[@maxrodriguez3178]

@@FodilFodil-lo9qv إن شاء الله أتمنى لكي الخير وراحة البال،ولا تستمعي لكلام أي شخص المهم أنك تعرفين نفسك وتعرفين من أنت فلا داعي لآراء وإنتقادات الجهلة من حولك

[@FodilFodil-lo9qv]

@@maxrodriguez3178 شكرا 😞

[@billal3559]

الغيرة تهدر هوما لوكان تدخلي في قلبهم يتمناوا يكونوا في بلاستك متعمريش راسك بتافهين الكمال لله ونشا لله ربي يرزقك بذراري

[@HaNa-yd2zt]

اصعب تنمر لي يعاير لمراة بالعقم 😓 حسبي الله ونعم الوكيل سيرتو كي تجيك من اقرب شخص ليك لي هو زوجك صعيبة بزاف

[@lavidaesbella5308]

حبيبتي ربي يصبرك و يرزقك لأنو مكاش مستحيل مع الله

[@user-gr2Algeria]

قوليلو نتا هو العاقر😤😤 قوليلو نطلقك و نعاود الزواج مع واحد اخر نوريلك شكون العاقر تشوفي كيفاش يخاف منك و عامليه بمبدأ المعاملة بالمثل لي فيك لصقيه فيه

[@ProtonPhoenix]

الدنيا غريبة جدا لا يرى قيمة المرأة من تقدير وحب ومعنى للحياة ، إذا قُدر على المرأة العقم عادي ليست بالمشكلة الكبيرة المهم أنها تُعتبر في ذاتها كنزا ذا قيمة عليا في حياة الرجل وما أكرمها إلا رجل.

[@nsrinedaoudi8172]

ما تخدعوش روحك حب نفسك حب نفسك حب الله حب خالقك وادا شفت روحك راك تمشي سواسوا على دينك تفكر قوله تعالى " ولا تهنوا ولا تحزنوا وانتم الاعلون ان كنتم مؤمنين"

[@ahblack8992]

التنمر سببه انعدام الوازع الديني والتربية والأخلاق ،من المفروض يدرس من التحضيري أن التنمر حرام والدليل من القرآن الكريم

[@user-cm8rw5yl3v]

المحافظه على الاذكار بعد الصلوات وخاصه أذكار الصباح والمساء وقراءة القران الكريم يحفظ الانسان من كل شر ولن يستطيع أحد أن يضرك بشي لان الله سبحانه وتعالى يقول أحفظ الله يحفظك ولكن يجب أخلاص النيه لله تحيه لاهل الجزائر من السعودية

[@ines.hamassat8687]

المتنمر هو شخص يعاني من خلل نفسي ونقائص يعبر بها بسلوك سيء لأن الشخص السوي يجبر الخواطر لا يكسرها ...

[@manusider526]

الى فتاة باتنة، اختي انتي جميلة و جمالك خارق

[@samirasamou4251]

اختي من باتنة أنت جميلة الشكل والاخلاق ربنا يحفضك و يفرحك

[@sanialice56]

La fille de batna tu es trop belle ..il sont jaloux de toi ..wallah tu es adorable...je te souhaite bcpde réussite dans ta vie...je te le confirme tu es belle

[@kamifarah8259]

حياتي كاملة والناس كامل يتنمرو عليا كان عندي حول العين لكن تبان شابة بزاف وحتي كبرت درت عملية علي عيني ولأن تزوجت مع شخص في الغربة يحبني ويحترمني

[@user-gr2Algeria]

هذاك ماشي حول العينين هذيك نسموها فتنة الزين و هي داخلة في الجمال و السر رر. و حور العين لي موجودين في الجنة يسمونهم حور العين لان عينيهم شوية حولين من شدة جمالهن ماتسمعيلهمش يغيرو منك و من زينك و لي عايرك عايريه

[@user-eh5qv9zi1r]

بإختصار لازم التربية و الوازع الديني.... ولا تنابزوا بالألقاب بئس الإسم الفسوق بعد الإيمان...

[@mimi-92]

المشكل لي وصلنا ليه يديرو فيك لي ما فيكش تولي انتي تقولي صح انا عندي هكدا انا دايرة هكدا يالطيف من هدا الحاجة

[@thouraya4524]

المتتمر انسان يعاني من عقد نفسية يحس بالنقص فيتنمر ليعوض ذالك الاحساس للاسف.والتنمر موجود من زمان فقط إختلاف الاسم .

[@sniperdz6133]

ربي يغفر لي كنت صغير شوية واحد المرة داخل طرونسبور واحد لبنادم حب يتنمر على انسان معاق .كنت رافد كلونداري ضربتو بزوج دڨات فلمساسيط،الحمد لله خرجت سلامات 😤

[@riballraboula2297]

ههههههههه

[@linabrunette7662]

ههههههههههههههههههههههه والله نستعرف بيك

[@AmL-zk4qd]

🤣يستاهل

[@niviin1750]

ههههههههههههه يعطيك الصحة

[@hamzaz5062]

😅😅😅😅

[@rimelrochan5589]

من وجهة نظري كل متنمر مريض نفسي ومعقد ويعاني عقدة النقص

[@ys_ts]

انا كنت ضعيفة قالو قلبها مسمام سمنت وليتي بقر ماكلة ورقاد ههههههه زدت انا درت سبور نقصت وليد طاي منكى هههههه ولا يضحكو عليا ولله عجب انا راضية على عمري 100 ب100 شعب مهبول وهما ولله لعيب فيهم مشفوهش

[@JFZ4MOTIVATION]

الله*

[@sinku658]

صاحا انا تنمروا عليا حتى ولى عندي رهاب اجتماعي و معزول منهدر مع حتى واحد ودخلت فحالة اكتىاب راهي ف 4 سنين

[@zizozainb9395]

لالا اختي اخرجي من الاكتىاب انا ثان ملي كنت صغيرة وضرك عمري عشرين سنة ليل ونهار وهوما يتنمرو عليا صرالي مشكل خلال ولادتي مرضت بمرض نقص هرمون نمو اثر على النمو تاعي راني قصيرة وصختي قليلة بزااف مقاىنة ببنات جيلي يعني انا اصلا تغيضني روحي تمنيت لوكنت كاملة ولباس عليا كيما باقي لبنات بصح هدا امر الله سبحانه والناس ملي نخرج وهوما يخزروا فيا ولي يضحك عليا ولي يلزح فلكلام كل يوم كل يوم الشي هدا مرضوني صح عندي رهاب اني نخرج وحدي بصح مش راح بسبابها ندمر حياتي راني نقرا فلجامعة لباس عليا والحمد لله لي نتم اكل طيبين ومتخلقين ونعيش حياتي نحوس نخؤج ندير لي نحب وهوما يدزو معاهم يروحو يقودو صايي والفت بشي هدا وليت منديرش عليهم

[@noussanoussiba6715]

​@@zizozainb9395 أنا تاني عمري 20 ونعاني من التنمر تع القصر كي شغول انا لي خلقت روحي خرجت لماما حتا هيا قصيرة واش حاندير كن جات بيدي اني طولت روحي ولكن قدر الله وزيد انا فالجامعة وقاعدة نعاني من تنمر ومن أقرب ناس

[@zizozainb9395]

@@noussanoussiba6715 وكلي ربي سبحانو عليهم، هو لي يتولاهم ونتي مديريش عليهم عيشي حياتك عادي

[@mimimariame3032]

تنمر يبدا من الاقارب كاين ليجيك بطريقة مباشرة وكاين ليبدا يلمحلك .انا مثلا عندي 2 بنات سمورا وانا بيضا يبداو ميشبهولكش لمن خرجو ..خصرا مخرجوش ليك ..وغيرو من الكلام لمعندو حتى معنى ..وكاين لوصل بيهم الامر يقولو لبنتي الكبيرا وهي عندها 5 سنين كحلوشا تشبهي للكحاش ولاو يعيطولها صدقة ..صدقة ..قريب بنتي توحدت ولات متحبش تلعب مع ذراري وتجي ليا تبكي علاه يعيطولي كحلوشا كنت نقوللها قوليلهم كحلوشا وحلوة سكر خضات معيا وقت باش رسختلها الفكرة بلي ماشي معنتها سمرا ماشي شبا على حساب واش فهموها ضك عندها 7 سنين ليقوللها كحلوشا تردلو صرفو وتقولي حلوة عليك .مع الأسف العرب نتوعنا يحبلهم الصرف باش ميدروش بيك والله يهدي العباد

[@mohsinamiroch4528]

خير إنشاء الله تكبر بنتك قوية الشخصية مين عندها أم كيما نتي

[@omardahmani5383]

ان شاء لله ربي يرزقها و يعطيها واش تتمنى بنتك

[@abrarboulam]

الدقيقة 2:49 قطعلي قلبي ربي يكون معاك خويا وحسبي الله فلي تنمر عليك وبلاك قلبك انظف منهم

[@qaqatima5740]

و الله ماعلى بالي بواحد يقولوا واش يحبوا

[@houdabella1293]

المشكل في شعبنا الزلة يتنمروا عليها والمزعوقة يحلبوها ويجرو موراها يمشوا بالعكس،

[@sndshne9578]

ما يتنمرو لا عالمزعوقة لا عالزلة يخطوهم كامل

[@lakehall]

صراحة انا كانو يتنمرو عليا وعلى شكلي ويقولولي خص ترقاقي.....او راكي سمينة وراكي دايرة سيرتو لي يقرو معايا وبنات عمي تاني قاع رقاقات تحسب عود قماري 💔😒

[@x_jyby_x3143]

مايطلقو والو قريب شجرة يتنمرو عليها تقول الواحد يروح للمريخ و يعيش برك

[@hamdani.youcef.biskra6284]

السبب الاول هو التخلف فئة كبيرة من الشعب لا يزال متخلف و رجعي بذهنيات الضحك على الغير بسبب النقص الدفين في انفسهم و العقد النفسية الشعب كله يتنمر و يضحكو على خلق الرحمان الا من رحم ربي انظر الى المجتمعات الراقية و المتقدمة لا يتنمرون على بعضهم و يتسمون بأخلاق التضامن و احترام الغير ... رسالة الى المنتمرين : تخلصوها غالية عند ربي ..

[@omardahmani5383]

ربي يهديهم والله عار عليهم

[@belhaouaatmane]

لا التنمر موجود حتى في أرقى الدول مثل أمريكا وأوروبا

[@Mouna342]

مونية حبيبتي نورتي التلفزة الجزائرية مبارك عليك اتمنى لك المزيد من التفوق والنجاح 🥰🥰

[@aminakaddour7906]

والله العظيم كرهنا من هذا التنمر كل واحد وكيفاش يعايطوله وحدة بييونة وشحمة تشيطة قوريلا حسبي الله و نعم الوكيل

[@user-yw1jk7jn4z]

ميطلقوش العيباد في حالتهم لازم يهبطولهم المورال الله غالب شعب هكا عامل لازم نتاقلمو معاه

[@souadmekerbiche6789]

مساء الخير البنت من باتنة علاه لقبايل كامل شابين كاين لمزعوقات مخصك والوا

[@Rabie1_1446]

الصراحة أنت شابة ماحدث لك فقط إنهم يغارون منك أنت جميلة

[@aziz.1]

بودي ان تطرحوا هذا السؤال للطلاب من تفضل ان يقرأك امرأة او رجل بعض الذكورة والأُنوثة من اسهل في التعامل مع الطلاب ومن ناحية الإختبارات من اسهل الرجال ام النساء

[@abdoumilwa265]

ربي يهدي ناس لي تتنمر

[@minaranim6090]

انا كي كنت صغيرة كانو يتنمرو عليا الاقرباء وكانو يعملوني بحتقار وكانو كل يوم يضحكو عليا باسكو حنا دار بابا نسكنو فالريف عقدوني في صغري ضرك كبرت وكبر للحقد عليهم منقدرش نسامحهم كبرت وليت منقدرش نهدر في وسط الجماعة عقدوني من صغري دايما نجنب التجمعات

[@LaPouppee]

انا كنت صغيرة كنت شابة وعندي حول فعيني...كانو يقولولي اووووشابة بصح حولا ....كاين لي يقول عميا بسك كنت ندير نضارات...وبقيت نكبر وداك شي كان يضرني فقلبي..حتا وصلت حبست قرايتي من بعد سبحان الله بقيت نكبر ونزيد جمال واتزوجت وعندي بنت....اياكم تتنمرو علي الناس ربي الخالق وكل حاجة خلقها شابة❤

[@ahlemahlem2571]

ادعوا لاختي واخي بشفاء ان شاء الله عزوجل دعوة اربعين واحد غريب مستجابة باذن الله

[@danou5]

المشكل الجزائري هو الأخير فلجناس أصلا الجزائر لا تصلح للعيش إذا عادي

[@riballraboula2297]

يتنمرو على ولدي عينيه شوية صغيريين يضلو يعيطولو شينوي

[@blackpink17421]

انا نحب شناوى

[@misterkhalil6595]

انا ما علابالي بحتى كلام لان كلام الناس هواء جايز فقط

[@moi4641]

يا عمري يا بنتي خموس عليك شابة عدرة هوما إلى ناقصين تربية و نظر

[@Korean_with_yoonhi7033]

هاديك الطفلة تاع باتنة واش خصها الله يبارك شابة 🥺 دربهم العمى واقيل 😑

[@BAC-ii1eb]

ختي كي الشابة كي مشي شابة التنمر فيها فيها

[@Korean_with_yoonhi7033]

@@BAC-ii1eb صح ماطلقو حتى واحد

[@blackpink17421]

@@Korean_with_yoonhi7033 يب معك حق آرمي

[@Korean_with_yoonhi7033]

@@blackpink17421 بلينك ؟

[@mehdaoui2693]

هديك البنت الي من باتنة نقولك انتي شابة بزاف وطبيعية

[@jijidada3379]

مكانش واحد متنمر على واحد ،هدو لي يهدرو تكون عليهم ملايكة .الكل يتنمر على الكل

[@kamelbeo6752]

ربي يهديهم ويصلحهم

[@Jkdh123]

انا اتعرض من التنمر بسبب شكلي لكنني خلقت هكذا 😢😢😢😢😢

[@FatiMa-jw1qv]

الكمال لله

[@zinnedinelilia6116]

التنمر و التدخل في الحياة الشخصية هادو الزوج ماش ملاح ، المجتمع الجزائري مسلم من دون اسلام ( الأخلاق) ، حاشا لي مايستاهلوش

[@djemaanadia7399]

ياسبحان الله كل واحد يدير ثقه في نفس واحد مايديروش على كلام الناس كلنا عيوب تمشي على الارض ماكانش الكمال الكمال لله سبحانه و تعالى والانسان الذي يحتقر غيره في الشكل او المظهر هذا انسان فارغ لهذا انصح الجميع تزوادو بالوازع الديني فقط ان اكرمكم عند الله اتقاكم ماشي اجملكم ام اغناكم او أعلى منكم نسبا اومكانه علميه التقوى هي الميزان الحقيقي عند الله سبحانه و تعالى اما الانسان ماهو الامخلوق ضعيف لايسمن ولا يغني من جوع 😪😪😪😪😪😪

[@user-rp5yy5tt9y]

هذاك البنت لاباس عليها يتنمرو عليها للعلمك حتى شابة ويتنمرو عليها

[@vidalika2351]

نعم موضوع حساس بنتي سمرا هبلوها في للمدرسة حتى فا العائلة دايما يقولوهالها درت حرب عليها ومزال ومنحبش حتى واحد ياذي بنتي هاذي خلقت ربي لحقت متحبش تروح تقرا واذا خرجت تحب معايا حسبنا الله ونعم الوكيل

[@vidalika2351]

@@amira71586 يعطيك الصحة فهمتيني يعني الابيض يطيرو عندهم جناحتين والسمرة .......

[@x_sh_x4696]

نقلك حاجة ختي بالعكس السمرة شابة على البيضة بألف خطرة وبنتك باينة شابة وهوما يتنمروا غير مين يشوفوا واحد شباب عليهم يبغوا يخرجوا عفسة عيانة فيه باش يبينو للناس بلي هذا ماتنخلعوش فيه راه مشي شباب قولي لبنتك انت شابة هاني بلا مانشوفها وراني متأكدة تهبل ودافعي عليها عندك الحق باش مايعقدوهالكش والله يحفضهالك 🤲❤️

[@linabrunette7662]

السمورية درك ولات لامود ونشوف بزاف سمراوات شابين على البلوندات سيرتو هدوك تاع المكسيك والبرازيل والبرتغال زينهم فور

[@vidalika2351]

@@linabrunette7662 شفتي والله غير مسرارة شعرها طويل عينها كبار تقولي هندية بصح الناس وزملاءها دايما نفس الكلام

[@lamia5824]

وانا بنتي بيضاء وجميلة وعندها زميلة لها في القسم تعايرها وتقولها انتي بيضة مغلية كل مرة تحب تجرحها بصح أنا بنتي ديما نقولها تغير عليك خاطر شابة عليهامع العلم هاذ الطفلة عندها ديفو كبير في وجها بصح بنتي جامي تنمرت عليها خاطر أنا وصيتها على أنو التنمر حاجة ماشي مليحة .

[@ritaghita7682]

يتنمرو عليا ونضحك معاهم هههههههه🤣🤣🤣🤣🤣🤣🤣

[@Limmigre2023]

‏*‎يا-رب إرزقني بزوجة صالحة عاقلة وحنينة وتحشم ومتربية تحياتي لكم من الغربة*

[@anfalyekken3051]

الطفلة لي زايدة فباتنة وش خصها مسكينة شابة الله يبارك او روحها حلوة يتنمرو عليها او زيد عايلتها القبائلية ما فهمتش علاه حاسبين رواحهم يا الرب معرف وش دارو بزينهم....😒😶او زيد حسيتها كانت تحكي على روحها كي قالت نعرف عباد حاولو ينتاحرو بسبب التنمر😢

[@siahsofian8154]

نسأل الله العافية والعون

[@LouaiVx]

انا يتنمرو عليا و مانديرش عليهم خاطر ماعنديش شكون لي يحامي عليا

[@lyliaharche8778]

Pour la jeune fille tu es très belle sebhan allh t9abelt ma t9abelt wech t9abelti raki poupiya Allah ybarek 3lik w li ychofek machi chabba Allah raleb rebi yahdihoum ❤️

[@saidbelkour1119]

البنت ليكانو يتنمرو عليها شحال عجبتني مخصها والو ،راني شفيت اعليها ،كان إلاقيني ربي بيها نديها فرصي ندرلها حجاب ونخبيها

[@khaledbenkhaoua2102]

السبب الأول هو التربية الوالدين ما رباوهم على الأخلاق الحميدة والسبب الثاني هو تتبع الموضة والتي لا تلبس لباس الموضة يتنمروا عليها الله يهدي ما خلق

[@hananbou7729]

لي يضحك على الناس ربي يرجعو مضحكة

[@sisoni8727]

انا عندي انفي معوج قليلا وكانه كبير اتعرض تنمر احيانا 😢

[@nadoumina9213]

الله يهديهم الكمال لله

[@zenoubaal3344]

البنت الولى جميلة و علش قالوا لها أنو ماهي شابة 😧

[@linabrunette7662]

ملكات الجمال وقالو عليهم مايشبهو لوالو شعبنا متخلف ومريض لدرجة كبيرة

[@zenoubaal3344]

@@linabrunette7662 صح، أنا مافهمتش عقلية تاع بعض الناس يعني مهبلين و فيهم قلة الأدب

[@linabrunette7662]

@@zenoubaal3344 هدوك مراض في قلوبهم من لحقد ولحسد ومعقدين عندهم جنون العظمة والنرجسية

[@zenoubaal3344]

@@linabrunette7662 ايو حاسدين الله يهدينا جميعا و يحفظ قلوبنا من الدزاع

[@bogyeman4854]

ياخوني لازم تفهمو حاجة حقيقة التنمر هي التفاهة يعني عمرك مراحا تلقا أنسان شاغل روحو بأمور فيها الفايدة يتنمر توجور التمنر يجي من أنسان تافه وتوجور يكون بين الصحاب وعمرك مراحا تلكاه بين زوج صحاب برك لازم تلكا زوج صاحاب ولا أكثر يتنمر على واحد وعلاج مشكلة التمنر هي الأعراض كيما قال ربي سبحانو للرسول ( وأعرض عن الجاهلين ) الأنو كيما قلت توجور التفاهة حاجة مظحكش تلكاه يبغي يضحك عليها فورسي وديرو في بالكم التنمر راه يضر أي واحد الشخص لي تنمر وسامط فيه تلكاه أول واحد كون يتنمرو عليه تلكاه قريب يبكي عمرك مراحا تلكاه كيما واحد يتنمرو عليه توجور تلكاه يبغي يبكي من ذاك الجاست وميهمش تكون عندك شخصية قوية باش تواجهو الأنو التنمر يرد عندك شخصيا ظعيفة موش ظعيفة على طول بصح تكون ظعيفة فلوقت لي يتنمرو عليك علاش الأنو كيما قلت من قبل عمرك مراحا تلكا التنمر يكون بين واحد واحد توجور تلكاه بين زوج واحد جماعة واحد هذاك علاه لي حاسب روحو يتنمر وعنده شخصية قوية راها مزال مسكين متحطش فموقف لي تمنرو صدقوني وعن تجربة أنا شفت ناس كانو يتنمرو على صحابهم قريب يبكو ويهبلو كي تنمرو عليهم والتنمر بين الصحاب يجي من حاجة وحدة برك وهي كي يبداو يتلقاو توجور يعني كليوم يتلاكاو على حاجة تافه غير مريحين ويجبدو فخبر فلان وعلان لازم يفهم كل واحد انو المغزى من هذه الدنيا هيا العبادة و معرفة الله سبحانه وتعالى ( وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ)

[@rezabd394]

لا فرق بيننا الا بالتقوى

[@eloualifekir5776]

IL FAUT SE DONNER L IMPORTANCE SOIS MEME

[@user-uf5im1cm4n]

فقط الشعوب الجاهلة والمتاخرة والتي لديها رعونة في العقل وقلة وعي وثقافة هي التي لاتزال تتصف بهذه الخصال الذميمة كالتنمر والتعيب على اشكال الناس

[@belhaouaatmane]

أنا كنت أتنمر على زميلي السمين كنت أناديه بالضخم في المدرسة أمام الزملاء فقط عند شعوري بالاكتئاب ولم أدري أبدا كم سببت له من أزمات نفسية حتى كي كبرنا كي يشوفني يرتعش ويصرف نظره عني

[@flowerscent5296]

اهم سؤال مطرحتوهش هو اسباب التنمر

[@ProtonPhoenix]

لنا يكون لدى شخص عقدة النقص أي يحس بلي عندو مشكل ، باه يخفيه ويبين للناس القوة وو يتنمر ويحقر غيرو والمشكل تبانلهم ساهلة ، وقادر هذاك المتنمر عليه يوصل لأمور اكبر ،،،

[@mehdihammad6696]

La fille Batnianne est très jolie, en plus elle a un beau sourire

[@norikh7847]

انا تنمرو عليا وانا صغير فوتها وكي كبرت ماحبيستش وراني راجل و متربية حمدلله وتعبت وراني في عزلة وفي مخدرات به ننسي ونخمم في الانتحار دائما هذه واش راكم تحوس انتم ولتعيضك هذه كل في بلاد مسلمين يقبلو القبلة وما يديرو الخير وهذه كل نتجية غائب الاب عن مسوولية😢😢

[@siliasilia2326]

هههه انا خويا وعايلتي كانو يتنمرو عليا فمبالك برا

[@sndshne9578]

1:28 شوكاتني ....

[@user-cs4vm4mr5j]

شعب تربى على الكراهية والبغض هذا ما تلقى فيه

[@fella65002]

الفتاة الباتنية شابة بزاف مفهمتش على واش تنمرو اعليها باين يغيرو منها او عندهم عقد نفسية

[@bemhinda4533]

مايضحك.غير لمضحكة

[@hananbou7729]

الناس ميش مربيين

[@lotfimaraval402]

Ana walah mani samah hata ba wahad

[@mounsef123]

يسبو على كل شيء خاصة على شكل

[@andem9291]

الطفلة شابة مخصها شيء

[@chafikagherbi7099]

Complexe d infériorité rabi yahdina

[@chocho226]

ضرك راهم قلبوها تنمر بين ولايات

[@omardahmani5383]

التنمر عانيت منو بزاااااف 💔 كي نروح للولايات الشمالية أنا ولد الجنوب في اي وقت نروح باش نبحر في الصيف يعايروني بسبب بشرتي السمراء لأنني اسمر ... يرحم بوك ضوك زعما هاذو مسلمين بففففف يرحم بوك واش يجيك من العرب ؟؟؟ لكن الحمدلله أنا نفتاخر بروحي مهما كان لوني

[@user-fq1rh8ym6h]

كذاا،اااب لعنه الله عليك انا من الشمال وصحابي الجنوب كامل يحبوهم ، ورانا نشوفو فيهم لاباس.

[@kimjonondz6758]

كدااا،ااب نتا

[@omardahmani5383]

@@kimjonondz6758 مانقولك والو غير روح

[@user-kd5sg7ov8q]

كاين سمورا من مالي وماتنمروش عليهم يتنمرو على ناس الصحراء الله يهدينا..

[@sanialice56]

Bravo mon frère il faut avoir confiance en toi khouya tu es brun et les brun a l étrangers sont adoré par les autres et ceux qui critique tu les ignores désolé pour le mots mais tu les emmerder..notre société et pourrit ila men rahima rabi...je te souhaite bcpde succès dans ta vie ..avance dans la vie et laisse les parler..regarde les bruns des états Unis ils sont magnifiques et toi tu es magnifique..

[@linameftah6542]

ثبتولي عل المطلقات وش راهم يعانون كي حالتي😭😭😭

[@linameftah6542]

@@amira71586 امين خاطر بكاوني قاع

[@linameftah6542]

@@amira71586 امين خاطر بكاوني قاع

[@mehdis1747]

Bon courage et bonne chance la vie es belle

[@linameftah6542]

@@mehdis1747 merci et que dieu vous gardez

[@mehdis1747]

@@linameftah6542derien , bonne après-midi

[@user-im1zo5ev2b]

نا تان جايه بيضاء عندي احمر فلخدود ديمه يعقدوني وشبيه وجوهك حمر وشبيه وجهك حمر والخ اففف كرهولي حياتي

[@linabrunette7662]

قوليلهم ياك نتوما تضلو تديرو فاراجو باه يبان وجهكم وردي يالمسمومات

[@nasreddine2790]

Hadi ger jayia men tesara

[@morad1590]

صوت المنشطة تقولو دجاجة تقاقي🤣🤣

[@nassrozarwal2063]

😅😅😅

[@user-yx7il1yo8c]

اللي يحب يعلم ولادو مليح الرياضيات متوسط او ثانوي يتبع تمرن اكثر مع الاستاذ شريط

[@ahmedabdesselam6102]

مواضيع تافهة🙂🙂

[@sandrilla-ms6fq]

التنمر ماهوش موضوع تافه لانه يمس شريحة كبيرة من مجتمعنا وخاصة المتمدرسين

[@ahblack8992]

ليس موضوع تافه،بل ازداد انتشاراً في الآونة الأخيرة خاصة في المدارس 😤

[@lavidaesbella5308]

التافه يرى كل شيء تافه😎

[@novadz7296]

كيما نتا

[@aminaamona3439]

وآلله ما تافه

[@fatimabelaribi2420]

Bouhala

[@omijanatidz2595]

سلام عليكم خوتي ارواحو لوجه الله خففو وجاع السرطان على امي أمي مريضة بالسرطان و عدة أمراض مزمنة و عندنا دراري صغار ورانا بلاسكن كاريين براكة ليقدر يعاون قضيان اي مساعدة حنا من العاصمة ربي يفرحكم رقم الهاتف راه مكتوب في صورة للاتصال بنا

[@riballraboula2297]

يتنمرو على ولدي عينيه شوية صغيريين يضلو يعيطولو شينوي