Рет қаралды 66,645
للتواصل وطلب التصميم والنشر : 0503241264
صبو لي امن مقند الكيف فنجان
لا انفضوا الجلاس والنار حيه
راسي لاصار من التفاكير عمسان
تقطع خواه الدله الشادليه
الشعر يبغى وقفه وقلب ولسان
وشاعر معه صمله وبلسم وكيه
وانا لا جيت ابيات الاشعار شفقان
صارت سوات المسبحه في يديه
رف العلم الاخضر على كل مابان
وزاد الحماس وزادت المعنويه
حب الوطن يجري معا كل شريان
مثل مايجري السيل في الجرهديه
وشلون مانغليك يا اعز الاوطان
وحنا على طاريك نصرف تحيه
اربع نقدرها على مر الازمان
من دونها ياحلو طعم المنيه
الدين والدوله وابو الحزم سلمان
ومحمد اللي رؤيته عالميه
من دونهم نقلط على الموت عزران
عادي نموت ولاتموت الحميه
مانحسب حساب العدو كان من كان
الترك ولا الدوله الفارسيه
الجند منشوره على ضلع مران
وقصر الحكم في وسط نجد العذيه
حنا محازم كل هجمه وميدان
ما للزوم الا العزوم القويه
القاف هذا الليل شعلة وبركان
لا احدٍ يعاتبني ويشره عليه
والله ماني عنصري لكن الان
دون الوطن حي الله العنصريه
قصيد بن نايف في حفل بن صهبان
بسم الوطن والعزوه الغامديه
ياغامد الهيلا عطيبين الاكوان
ياعزوتي تستاهلون التحيه
ياغامد أهل الضيف ذربين الأيمان
كفوفكم لضيوفكم حاتميه
ياغامد اهل الشلف والسيف شامان
سيوفكم وصفوفكم عسكريه
من لامني في غامد المجد غلطان
كم جندلوا يوم الوغا من سريه
حمله علي باشا على سفح رغدان
ضحوا بها من قبل عيد الضحيه
غامد على روس أكبر الروس تيجان
من قام منهم قام بسم البقيه
شروى رفيعين المقام آل صهبان
عيال صالح والمواقف جليه
ذاك ابو حامد كان للطيب عنوان
ولازال طيبه ماخذ الأولويه
مادام ابو تركي محله بليهان
محمد المطنوخ جزل العطيه
شيخٍ فعل يمناه للمدح برهان
جمل رفيقه ثم جمل خويه
فخر القبيله وان حصل فزعه وشان
في ظل بشته للرياجيل فيّه
وعز الله محمد معه ربع واخوان
على يمينه بالعزوم الابيه
للطيب روادٍ وللخيل فرسان
اهل الوفا واهل الكفوف النديه
مبروك ياعبدالعزيز بن صهبان
مقامك يطول النجوم العليّه
جودك سوات الغيث لاصار ودان
فعل الجميل هوياتك والهويه
حي النسب ومناسب الكفو لاهان
والطيب الاصلي منه تكفي وقيه
ونعم ياعشان ياعالي الشان
الله عطاك الطيب يابو عطيه
وزناد غامد كلهم روس واعيان
زناد حربٍ منه قدح اللضيه
لو اتطرق مجدهم كامل ان كان
صار القصيد معلقة سرمديه
وكتبت ماقال المعري وحسان
ولا اخترعت حروف للابجديه
علي بن نايف