طريقة اعادة تشغيل المرشة العصفورية حتى وان تم كسرها

#زراعة #سقيا_الماء #إصلاحات

[@Yaa_Raab]

ورد استاذ فهد جعلها الله في ميزان حسناتك

[@fahad.alobaidi.farm9]

امين اشكرك استاذ

[@عليعلي-ق6ض9و]

جزاك الله خير@سؤالي ماهو الوقت المناسب لزراعة الجت والبرسيم من هو الافضل زراعته في بداية شهر العاشر ام في منتصف الشهر@اكون ممنون منك@تحياتي مع التقدير

[@fahad.alobaidi.farm9]

بداية شهر العاشر افضل ولو هو ماكو ذاك الفرق بمناطقنا بس حيفرق بالشمال

[@عليعلي-ق6ض9و]

السلام عليكم استاذ@تحيه طيبه لجنابكم الكريم@بدون زحمه ممكن سؤال حول زراعة الجت والبرسيم@تحياتي مع التقدير

[@fahad.alobaidi.farm9]

تفضل اخويه

[@aliadbi]

استاد بس اريد اعرف اسعار مرشات عصفور ويه صوندات يعني كامل؟؟

[@عبدوعبدو-ي7ث2ن]

أستاذ بلا زحمه ممكن سعر النوزل الرصاصي

[@عليعلي-ق6ض9و]

السلام عليكم استاذ@تحيه طيبه لحضرتك@بدون زحمه عندي سؤال حول الذره الجتيه@زرعت ذره بالشهر الرابع لحد الان كل مره اقوم بحشها وتنمو .سؤالي هاي ممكن تبقى بالشتاء@وهل ممكن انثر فوگاهه برسيم بالشهر العاشر .بلكي معلومات عنها@اكون ممنون منك@الف تحيه لجنابك مع التقدير

[@fahad.alobaidi.farm9]

وعليكم السلام الذرة العلفية تتوفر بعدة نوعيات ومناشئ وتكون من ٣ حشات لانواع الى ٧ حشات لانواع ممتازة فانت بعد شوف شكد باقي لك كم حشة وتنتهي اذا فرضنا انها ٧ حشات ، بالنسبو للبرسيم ممكن تخلط شعير مع البرسيم وتطشه او برسيم وحده ايضا يرهم لكن يجب ان تطشه على طربيس يعني اذا كان السقي سيح تملئ اللوح ماء و توقف الماء وتطشه فوق الماء واذا كانت مرسات مجربد تطشه وتسقي سقية جيدة بحيث توصل الرطوبة الى شبر تحت التربة و بعدها ترطب التربة كلما احتاجت لعد موت البذور

[@احمدالسلامي-د6ر]

مهندس فهد الصبور عله اسئلتنا ارض متروكة ٥٠ دونم ممكن اعرف استصلاحة وزراعة شعير شكد يكلف وشكد ينتج يعني شي تقريبي

[@fahad.alobaidi.farm9]

طبعا استصلاح الارض تكلفته متنحسب وية زراعة الشعير عندي دراسة لزراعة الشعير في العراق ممكن تشوفه سويتلها اعادة مشاركة على صفحتي على الفيس بوك بس اكتب مزرعة فهد العبيدي تلكاها. اما بالنسبة للاستصلاح ١- اذا الارض مابيها بزول لازم تسويلها بزول من اربع جهات و تربطهن مع المبزل الرئيسي واذا بيها لازم تسويلهن تطهير بحفارات التنظيف واذا بيهن مي لازم تعرف وين مسدود وتفتحه علمود لا تصعد الملوحة لسطح التربة. ٢- بعد ما نظفت البزول وعدلت الشوارع تجيبلك سماد مال ابقار كل ١٠ دوانم نساف تنثره بالكاع بعدها تضرب الكاع بالجيزل (عندي فديو خاص بالجيزل تلكا بالفديوات) بعدها تدسكها بعدها تجيب ترنبل تعديل ليزري او لاند بلان (بالعراق يسمونة لاندبلين) ليزري ايضا وتعدل الارض كلها بحيث تصير مسطرة. ٣- بعد ما عدلت الارض عندك خيارين اما انت تفلحها وتزرعها حطة او شعير او جت او برسيم او تنطيها ضمان يزرعون بيها مخضر وحصراً مخضر مو اي نبات اخر لان راح تستفاد من الاسمدة الي راح يذبوها بالكاع. ٤- في حال انت راح تزرعها تجهز منظومة الري ان كانت عصفوريات او مرشة محورية وتصب ارضية الماطور وسقيفة و تجهز الحوض و انصحك تسويلك حوض يسحب منه الماطور علمود تحط بي سماد دواجن كل ما تريد تشغل قبل يوم تذبلك بي ١٠٠ كرك دواجن وثاني يوم تشغل راح تصير عندك كاع تخبل بس دربالك دائما من الحشرات او الديدان لان تدري سماد الدواجن كلشي تلكا بي فأنتبه اول متطلع اصابة حشرية اذا بالجت هو من تحشه راح تاكلة الطيور الديدان بس اذا بحنطة او شعير او اذرة او محصول ما ينحش هذا دائما لاحظ بعد الرش اذا اكو اصابة حشريةبس هي الاغلب تصير عدها بالكاع ديدان مو غير حشرة اني طلعت عندي مرة وحدة ردت اكافحها بس من حشيت كل الجت الطيور استلمتة كلة اكلته ومكافحت. وهاهية اي سؤال اني حاضر

[@احمدالسلامي-د6ر]

انشالله هذه الوقت صار بميزان حسناتك

[@احمد-ه3ر1ض]

@@fahad.alobaidi.farm9 مبدع...... حفظك الله..

[@essamkazm9457]

عاشت ايدك

[@fahad.alobaidi.farm9]

وايدك اخوية

[@محبالسنه-س9ن]

حظرتك في أي محافظه

[@fahad.alobaidi.farm9]

صلاح الدين

[@محبالسنه-س9ن]

حياك الله وين بالظبط

[@fahad.alobaidi.farm9]

@@محبالسنه-س9ن قضاء الدجيل / ناحية الشيخ جميل

[@احمد-ه3ر1ض]

السلام عليكم ورحمة الله وبركاته.. شكرا لك استاذ فهد لما تقدم من فوائد.... ممكن تبين لي اسعار المرشات الأرضية للدونم الواحد وانواعها... وشنو الفرق بالصناعة .. هل هو السُمُك اونوع البلاستك.. لو تفضلت...

[@fahad.alobaidi.farm9]

قبل ما ابدي لازم المنظومة بيها كيج ضغط و فلتر شوائب لان اي حصوة او وصخ يسد الفتحات وتعال كل شوية الماطور شافط وصخ و ساد العصفوريات لذاك الفلتر مهم جداً نرجع لموضوعنا هواي اكو نوعيات بالسوك بس افضل شئ نوعAtom 15Fc تلكا عد شركة بغداد للتطوير والتنمية الزراعية بالسنك سعره ٥ الة ربع دينار همة يبيعون بالدولار ب ٣.١٥ دولار للعصفورية الوحدة هاي تسقيلك ١٥ متر بس هي احنة نحطها بين كل بوري وبوري يعني من كل جانب تغطيلي ٦ متر واكو هواي نوعيات اخر اب ٢.٥٠٠ دينار بس موعمليات مثل هاي نجي على النوعية الثانية نوع تركي نفس الي بالفديو اللونها سلفر لكن ١٢ متر من كل جهة ترش بس متغذي صحيح هاي ما اعرف سعرها للاسف. النوع الثالث صاروخية هاي بيها هواي اشكال وانواع اني عندي تركية فد فاشلة طبعا افضل نوع هم تلكا عد شركة بغداد اسمه jet هاي نوعية امريكية حسب ما اعرف وبيها صاروخيات من ١٧.٥ متر من كل جهة يعني تغذي ٣٥ الى ٣٥ متر من كل جهة يعني ٧٠ متر طبعا اسعارها من ٢٤٧ دولار لل ٨٥٠ دولار لاغلى وحدة. نجي على النوع الرابع وهي المرشة المحورية ام البرج الواحد الطول مالتة ٦١ متر من كل شهر يعني ١٢٠ متر تقريبا طبعا هذا يغطي مساحة ٦ الة دونم راح يخلصك البرج من هواي امور ان كان بالحش او غير امور خاصتا بالصيانة بس يعيبه غلاه سعره

[@احمد-ه3ر1ض]

@@fahad.alobaidi.farm9 الف شكرا على هذا التفصيل... صراحة أكثر شي عجبني بهذا الرد تسلسلك المنطقي الدقيق.. خالص ودي وتقديري لجنابك المحترم...

[@اشرفالسامرائي-ر8ظ]

انطيني رقمك