طريقة الحل النهائى لمشكلة تقفيل كاربيراتير كيواي

[@omarelliethy2691]

بجد جزاك الله كل خير على مجهودك الرائع بالذات فى حرصك على توصيل لينا المعلومه الصحيحه وتحملك للمسؤليه.. ناس قليله اوى الضميرهم صاحى زيك وبيراعو ربنا فى تصرفاتهم.... انا واحد من الناس كنت محتار اوى اشترى اى نوع من الاسكوتر محتار بين زونتس ٣١٠ ٣٠٠ سي سي مستعمل ٦الاف كيلو وفى ضمان من شركته لحد ١٠ الاف كيلو او نهايه العام و حاله ممتازه ولا ڤيستا ٢٠٢٣ جديد..... على الرغم انى جديد ف عالم الاسكوترات بس فيديوهاتك عن الڤيستا استفدت كتير منها وخلتنى نوعا ما اعرف مميزات وعيوب الڤيستا وبالذات لما تكون مستخدم ومجربه .. محتاج نصيحتك ضرورى عشان بكره حتوكل على الله وحشترى واحد منهم بس محتاج حد يساعدنى ف اتخاذ القرار عاوز اعرف سعر الڤيستا ٢٣ جديد حاليا كام عشان حاسس انى بسمع اسعار فيها اوڤر برايس وعلى فكره الزونتس ٣١٠ المستعمل ٣١٠ اغلى منه ب حوالى ٧٠ الف جني على العلم انى محتاج اسكوتر يكون كويس ف الطرق السريعه كثبات وسرعه واماان و قاعده مريحه وسواقه ثلثه يدون تهب بالذات ف الزحمه و محتاج تكون خامات محترمه تقيله ويكون المناوره ييه سهله ف الزحمه والشوارع الضيقه والمطبات انا من اسكندريه والشوارع اغلبها صغيره ....وانا اسف جدااا للاطاله وشاكر جدا جدا لافضالك مره اخرى

[@PoliTipFix]

ربنا يخليك شهادة اعتز بيها والله الزونتس ٣١٠ اعلى بكتير من الفييستا ولو معاك فلوسه هاته ال٣١٠ فئة.. والفييستا فئة تانية خالص الفييستا مش معروف سعره حاليا وكلها اوڤر برايس بسبب الاقبال عليه وسمعت ان فيه تجتر بتطلب فيه ١٠٥ !! الفييستا ينفع فى المناورة والزحمة والطرق الضيقة احسن من الزونتس باقى المميزات الزونتس احسن فيها سواء التكنولوجيا او التبريد او سعة السى سى الزونتس يعيبه فقط ندرة قطع الغيار وسعرها الفوق طبيعى وتعقيد تصليحه انما هو اعلى من الفييستا فى كل حاجة ويقدر يقطع مسافة ١٠٠ كيلو متواصل بدون توقف عكس الفييستا اللى لازم كل ٥٠ كيلو بحد اقصى فى الشتا توقفه يريح والموتور يهدى

[@elmarkazelmoatamad1813]

تسلم ايدك 👏

[@PoliTipFix]

متشكر جدا

[@ebrahimmansour917]

انا اشتريت زيرو من كلامك عنه والله وبالمناسبة اخد بالي من ايه وهوا جديد واعرف منين الكربتير بايظ

[@PoliTipFix]

الف مبروك وربنا يباركلك فيه وتأكد والله ان لو فيه عيب صناعة او عيب مقرف مش هانصح حد بيه خالص اهم حاجة فى الاول تلين صح وتغير الزيت مرة عند ٣٠٠ كيلو ومرة عند ١٠٠٠ كيلو وطبعا ماتركبش حد وراك او تعدى سرعة ٦٠ اول ١٠٠٠ كيلو الكربيراتير بيبان لما تهدى وتشيل ايدك من عالبنزين لو بطل يبقى محتاج يتظبط لو مابطلش يبقى هو مظبوط

[@PoliTipFix]

لينك شرح وظيفة حساس التسخين electric choke وموضح فيه تحت فى اخر فقرة ان مالوش لازمة فى البلدان الحارة help.summitracing.com/app/answers/detail/a_id/4722/~/carburetor-choke

[@ebrahimmansour917]

لو سمحت استفسار هل الفيستا هينزل منه شكل جديد ٢٠٢٤

[@PoliTipFix]

هو انا حاسس ان السؤال مكرر ليه 😂

[@ebrahimmansour917]

@@PoliTipFix زياده تأكيد 🤣🤣

[@PoliTipFix]

@@ebrahimmansour917 😂😂

[@galaleldin2947]

انا حاليا محتار بين ال keeway ده و ال sr 150, و ال sr 200, مع فرق السعر طبعا بين التلاتة. مع العلم اني كان معايا Jet 14 كاربياتير و بيعته من سنة عشان كنت محتاج فلوس. النقطة الفاصلة بالنسبالي هل الكيواي اعتمادي كفاية و قطع غياره متوفرة ولا لا، و هل حصل مشاكل فالموتور او اي مشكلة كببرة معاك خلال السنة ديه ولا لا؟ انا هشتري في خلال كام يوم و هدفع تحويشة عمري. استعمالي يعتبر يومي و انا شاب فكلية و أحيانا بسوق مسافات كبيرة جوة القاهرة على طرق سريعة لكن فالعادي بسوق فالزحمة. شكرا مقدما

[@PoliTipFix]

اول ماهاتجيبه بس هتقابلك مشاكل تقفيل ابو حوا هاتظبطها كلها وتنساها للابد وهايبقى معاك سكوتر اعتمادى جظا وبالنسبة لقطه الغيار بقت مرطرطة بزيادة خصوصا اخر شهرين

[@ahmedhanafy7153]

معلش مشاكل تقفيل ذى اية؟​@@PoliTipFix

[@walidsalem1460]

يعني اذا لاغيته خالص وشلت الفيشه مش هايئثر في حاجه

[@PoliTipFix]

خااااالص عن تجربة ٩ شهور وسايب لينك فى الكومنتات يأكد كلامى

[@walidsalem1460]

هو يعني مش موجود...عند بتاع قطع الغيار...

[@PoliTipFix]

@@walidsalem1460 موجود بس مالوش لازمة فى مصر واستهلاك البنزين من غيره افضل

[@islam19922011]

ده غلط يعني اللي عمل الاسكوتر غبي مثلا انت غلط الاحساس بتاع الكرابتير الوظيفه بتاعت مش زي ما انت بتقول ابحث عن الوظيفة لأن انت غلط وبتنصحى الناس بالغلط

[@PoliTipFix]

يافندم اولا انا مانزلتش التجربة غير بعد ١-بحث دقيق وعميق ومفصل وطويل عن الحساس ده فى المواقع الاجنبية قبل المواقع العربية وبأكثر من لغة اجنبية كمان ٢- تجربة الوضع على السكوتر بتاعى لمدة تزيد عن الخمس شهور (من يوم ٢ نوفمبر ٢٠٢٢) وتجربة صوت الموتور فى جميع الاحوال الجوية ٣-مش هانشر تجربة تضر حد وقبل ماتضر حد هاتضر السكوتر بتاعى ٤- ده زى ماوضحت مش حساس ايدل واللى اطلق الحلمة دى عليه غلطان والحساس ده مالوش غير وظيفة واحدة وهو اللى بيلغى نفسه بنفسه ويوقف وظيفته بعد ٣ دقايق من تشغيل السكوتر ٥-انا سايب لينك اجنبى فى الكومنتات لمواقع تعديلات واضح فيه ان اسمه electric choke sensor وانهم بيعملوه يدوى فى الاماكن اللى فيها سقيع فقط وانك "مش محتاجه فى المناطق الحارة" والجملة مكتوبة صريحة فى اخر المقال تحت عنوان how does it affect the performance ٥- المصنع مش غبى لكن هو مش ضامن الاجواء اللى رايح ليها السكوتر ده وبالتالى بيحط السينسور لانه اكيد مش هايعمل لمصر كربيراتير مخصوص بدون فتحات للسينسور ٦- يرجى وضع مصدر لكلام حضرتك قبل التشكيك زى مانا وضعت مصدر لكلامى فى الكومنتات بمجرد رفع الفيديو تحياتى لحضرتك ❤️

[@islam19922011]

حطيت ليك المصدر في كومنت خش اتفرج وافهم الاول واللي اخترع ده مش غبي وليه دور مهم انت مش فهمه

[@islam19922011]

kzbin.info/www/bejne/raTRep-viMaJnLs

[@PoliTipFix]

​@@islam19922011للاسف اللينك مش ظاهر شيل منه كلمة com وحط اللينك وسط الكومنت بتاع حضرتك اللى فات مش فى كومنت لوحده عشان اليوتيوب يقبله

[@islam19922011]

تمام ده اللينك kzbin.info/www/bejne/raTRep-viMaJnLs