Рет қаралды 175,417
#طريقة_المدلعه_علي_اصولها_من_ايد_الطنطاويه
طريقة المدلعه من ايد الطنطاويه بأجمل مذاق
سر طبقات المدلعه وجمال طعمها
طريقة عمل الكنافه الساده
طريقه عمل البسبوسه
طريقة المدلعه الكريمه
لينك البسبوسه
• Video
________________
لينك صوص الكراميل
• #صوص_الكراميل_الطعم_ال...
______
اتمني الاشتراك في القناة لغير المشتركين وتفعيل الجرس
ولكم منى جزيل الشكر والتقدير🌹
الطريقه
اول حاجه هنعملها وهو الشربات
٢كوب سكر
٢كوب ماء
نصف ليمونه
باكت فانيليا
ويغلي وبعد ٧دقايق قبل ما الشربات يتقل نشيل نصف الكميه للبسبوسه ونسيب باقي الشربات على النار يتقل الكنافه
اول طبقه ربع كيلو كنافه متفتته يعني كانت في الفريزر وتطلع تتفرك وهي مثلجه وينضاف عليها ٥معالق كبار سمنه بلدي سايحه
وتتحط في صنيه التشيز كيك ونضغط كويس ودخل الفرن
تطلع نسقيها بالشربات الثقيل البارد
نركن الكنافه علي جانب كده
ونحضر الطبقه الثانيه الكريمه
كوب إلا ربع كريم شانتيه بودر خام
نصف سكر حبيبات
كوب وربع حليب مثلج
٢معلقين كبار كريم باستري
ونضرب الكريمه ضرب مبرح لحد ما يتضاعف حجمها
خلصنا الكريمه تحطها في الثلاجه
ثالث طبقه وهي البسبوسه
هنسويها في نفس صنيه الكنافه علشان تكون نفس المقاس
مكونات البسبوسه
ربع كيلو دقيق البسبوسه
معلقتين سكر
كوب وربع زبادي علي حليب
نصف كوب سمن سائحه
معلقه كبيره جوز الهند
باكت فانيليا
ربع ملعقه صغيره بيكنج بودر
معلقه كبيره عسل جلوكوز
الطريقه
هنضيف في طبق الزبادي بالحليب والسكر وعسل الجلوكوز
ونقلب كويس
وبعد كده هنحضر دقيق البسبوسه ونضيف عليه جوز الهند
والفانيليا وربع معلقه صغيره بيكنج بودر
والسمن ونبسها كويس لحد ما توصل مثل حبات الرمل
بعد كده هنضيف المواد السائله مش هتعجنها خاااالص نقلب بسيط بس ونضيفها في صنيه التشيز كيك ال نفس صنيه الكنافه بس هنحط ورق زبده وندهنه سمن وندخلها الفرن تستوي واول ما تطلع نسقيها بالشربات الخفيف ال كنا نقصينه من كميه الشربات نسخنه ونضيف فيه معلقه صغيره سمن ونضيفه للبسبوسه😋😋
بعد كده نسيبها تبرد تماما مش هنشيل البسبوسه من الصينيه بعد ما تبرد نضيف علي وش البسبوسه كميه من الكريمه
ونساويها وبعد كده نرش شويه مكسرات لوز بندق فسدق سوداني مفروم فرمه بسيطه
وبعد كده هنحط طبقه الكنافه ونضغط حاجه بسيطه وبعد كده نفتح الصينيه ونحضر طبق مسطح ونسمي الله ونقلبها في الطبق
نرجع نجيب جوانب صنيه التشيز كيك بس ونلبسها لطبقات وهي في الطبق
وبعد كده نضيف الكريمه ونساويها
وبعد كده نضيف صوص الكراميل ونفرده علي الكريمه
وبعد كده عندك صوص شوكولاته هتعملي خطوط والخطوط البيضه دي كريمه من الحشو ومخففاها بشويه حليب واعمل خطوط
وعندك خله اسنان هتمشي علي الخطوط بالراحه رايح جاي
والف هنا وشفا 🤗 لقلوبكم حبيباتي 😘😘😘