Рет қаралды 4,613
"Eurovision Mahnı Müsabiqəsində həm qələbə qazanmaq, həm də yaddaşlara həkk olunmaq önəmlidir".Azərbaycanın Eurovision 2012 təmsilçisi Səbinə Babayeva müsabiqəyə hazırlıqla bağlı bu gün yenidən Ukraynaya gedib. Təmsilçimizi Ukraynaya yola salan eurovision.az saytının çəkiliş heyəti Heydər Əliyev Beynəlxalq Hava Limanında Səbinə Babayevadan qarşıdakı tanıtım turunun təfərrüatları barədə soruşub."Bakının hər daşı üçün darıxıram. Bu şəhərin hər küncünü sevirəm" deyən Səbinə Babayeva bütün səfərlər öncəsi kədərləndiyini də bildirib. Budapeşt, London və Amsterdama nəzərdə tutulan tanıtım turlarından danışan təmsilçimiz bu çıxışlarda "When The Musuc Dies" mahnısını ifa edəcəyini bildirib. "Mahnımız çöx gözəldir, çox dərin hisslərdən bəhs edir. Eyni zamanda may ayındakı şouya hazırlıqlar gedir və Azərbaycanı layiqincə təmsil etmək üçün var qüvvəmlə çalışacağam. Eurovision Mahnı Müsabiqəsində həm qələbə qazanmaq, həm də yaddaşlara həkk olunmaq önəmlidir."Sənət dostu, pianoçu Şahin Növrəsli Səbinə Babayevaya müsabiqədə bol şanslar diləyib. Bakıdan müvəqqəti ayrılan təmsilçimiz hava limanında Müslüm Maqomayevin "Azərbaycan" mahnısını da ifa edib.
eurovision.az