سعاد حسني قالت للمخرج محمد فاضل: يا أما أنا يا عادل إمام في الفيلم

خطة عادل إمام لتطفيش السندريلا.. قالت له: أنا مش كومبارس ياعادل!
سعاد حسني كانت بتغير من عادل إمام في فيلم حب في الزنزانة وقالت للمخرج يا أنا يا عادل إمام لكن المخرج محمد فاضل قالها إن عادل أهم منك
تبدأ الحكاية لما كان المخرج محمد فاضل داخل مكان تصوير فيلمه الجديد" حب في الزنزانة"، وفجأة جت عليه سعاد حسني وبتقوله: أنا عايز أغير مشاهد كتير فى الفيلم ده، أنا بطلة مش سنيدة عادل إمام زي زيه في الفيلم، محمد فاضل وقتها فهم وقتها أن فيه حد من الفنانين وقع بينها وبين عادل إمام.
فرد عليها وقالها: صعب نغير من نفسنا السيناريو كلمي المؤلف إبراهيم الموجي و اتفقي معاه وقولي له وكلميني بعد كده، وفعلا سعاد حسني راحت كلمت إبراهيم الموجي في التليفون لكن مردش عليها، لأنه كان متفق مع محمد فاضل أنه ميردش عليها خالص، وقتها سعاد حسني اتجننت و اضايقت وقلبت وشها على محمد فاضل وعلى عادل إمام، لكن محمد فاضل سكت وراح نده عليها هي وعادل إمام عشان يبدأ التصوير، وفعلا بدأ التصوير المشهد الرومانسي اللي بينها وبين عادل إمام اللي كانوا فيه بينزلوا في الأوضة اللي تحت الأرض عشان يستخبوا، فجأة لقى سعاد حسني بتوقف التصوير وقالت له: ستوب مش هصور المشهد ده أنا أنزل قبل عادل إمام مش هو اللي قبلي، المخرج محمد فاضل وعادل إمام استغربوا من حدة كلامها، فاضطر محمد فاضل يقولها: ازاي يعني تنزلي أنتي الأول عادل عامل دور من منطقية شعبية ازاي يخلي واحدة ست تنزل قبله، وقتها سعاد حسني قالت له: لازم أعمل كده أما مش هصور، فجأة المكان كلها اتكهرب وانسحبت سعاد حسني من التصوير وعادل إمام حب يدخل لكن محمد فاضل بص له وقال كلمة عادل إمام متوقعهاش.
#عادل_امام
#سعاد_حسني
#الزعيم

[@issamammar2311]

من أجمل أفلام السندريلا و الزعيم ❤

[@secretworld8000]

عادل اما اى ممثل يشتغل معاه لازم يبقى سنيد لانه اقوى كاريزما فى تاريخ السينما واللى بيطلع معاه فى عمل حتى لو معدى ادامه سعره بيعلى لانه طلع مع عادل امام هى دى الحقيقة اللى اى حد متصالح مع نفسه لازم يبقى عارفها لان اسم عادل امام هو اللى بيبيع فى الاخر مش اى حاجة تانيه

[@maryelias9270]

كان أحمد ذكي هو المرشح قبل نور الشريف

[@tmbsal1125]

ما اظنش الكلام ده حقيقي و طبعا واكيد سعاد حسني اهم مليار مره من عادل امام و اسمها في الافيش قبله في الفلم ده و المشبوه

[@secretworld8000]

بامارة ايه سعاد اهم من عادل امام بطلو تكلمو باى كلام وخلاص الفيلم اللى منجحه عادل امام ولو اى ممثلة عملت الدور مكنتش حتفرق كتير لان هو بياكل الكاميرا من اى حد

[@tmbsal1125]

@@secretworld8000 لولا سعاد حسني و طلتها و حضورها لكان فلم المشبوه فلم اكشن عادي من بتوع افلام عادل امام سعاد بحضورها و ابداعها اضافت للفلم الكثيييير يكفي وجود اسمها بس دي سندريلا الشاشه العربيه سعاد حسني انت بتتكلم في ايه و مين ؟ روح العب بعيد ياشاطر دي سعاد حسني فاهم ؟

[@عاطف_الشريف_سينما_الصعيد]

محتوي حضرتك جميل وانا باحاول اقلد حضرتك .. خالص تحياتي وتقديري ❤❤❤❤

[@عاطف_الشريف_سينما_الصعيد]

❤❤❤❤❤ تحياتي

[@wswd2494]

انتا يا عم ياللي بتتكلم في الفيديو انتا اسم القناة بتاعتك بتاع سياسة ايه اللي دخل الفن في السياسة

[@hamadamagdy9456]

على فكرة الكلام ده كله هبد ومحصلش انا كنت موجود ومافيش اى حاجة من دى حصلت

[@عاطف_الشريف_سينما_الصعيد]

❤❤❤❤❤❤❤

[@mohamedkamal-kt7sh]

فيلم أهل القمة كان بطولة نور الشريف وسعاد حسني مش احمد زكي

[@user-kd7wj8er2h]

فلم اهل القمه كان مع العظيم نور الشريف وليس احمد زكي....المفروض قبل لاتطلع تهزر تقراء كويس وتثبت من معلوماتك ....

[@عاطف_الشريف_سينما_الصعيد]

بس برده بالنسبه للاستاذ عادل امام عفوا مع احترامي لتاريخه وحضرته برده كان يعني بيقولوا انه كان بيحب نفسه يحب هو اللي يظهر هو الموجود هو اللي على الشاشه هو الكاريزما ده كله انا اللي بسمعه عنه ولكن الله اعلم تحياتي للفنان القدير عادل امام وتحياتي لحضرتك والله يرحم الفنانه القديره سعاد حسني

[@ahmedhafidh-pe3ky]

اكبر غلطة في حياة سعاد حسني قبولها التمثيل مع المدعو عادل امام . فرق شاسع بين الثرى والثريا

[@montagio435]

ههههههههه يحول لمستشفى الامراض العقلية لية ايوة لية

[@ahmednaeem422]

عادل إمام فنان كبير ومبدع عظيم واللى اكتشفه فؤاد مهندس وعبد المنعم مدبولى