شاهد كيف تسرقك صناديق الأستثمار في مصر - تجربتي الشخصية مع بنك CIB

[@ahmedoka4998]

محترم جدا وصادق ياريت لو حضرتك يكون في حلقة عن افضل طرق الاستثمار في مصر قليلة المخاطر في ظروف الكورونا..... وشكرا يا محترم 🌹🌹

[@ali-oj7pp]

حضرتك بتتكلم عن شركة تأمين تابعه للبنك مش صناديق الاستثمار...... اغلب شركات التأمين فى البنوك بتنصب زي إليانز و اكسا و غيرها.... و لا انصح اي شخص بالانضمام فيها

[@amid_invests]

يعني ايه أتعاب وهما بيستخدموها في ايه ؟

[@mohamedkalifa9127]

لو سمحت في صندوق استثمار اسمه صندوق سيوله قليل المخاطر هل هذا الكلام ينطبق عليه ارجوا الافاده

[@hamdirashdan7454]

هو حضرتك بتتكلم ع وثيقة تأمين ولا استثمار ف الصناديق الاستثمارية

[@alkhatieb]

نفس الكلام بالنص كان إتكلم عنه "أنتونى روبينز" فى كتاب "لعبة المال" والنصب عن طريق الرسوم المخفية. ,,, مشكووووور فيديو مفيد جداً...

[@thepatriote2362]

محترم جدا ... أحييك والله ربنا يباركلك يارب .... Please keep it up and make a lot of vids plzzzzz

[@kemobadr2010]

طيب قولنا ايه ترشيحاتك لأنسب طرق الاستثمار في مصر

[@vaguestrings6989]

قبل متستثمر فى صناديق استثمار محتاج تعرف الفرق بينها والفرق بين money market fund, fixed income fund and mutual fund محتاج تشوف النشرة بتاعة كل صندوق وبيستثمر فى ايه، لو ملكش فى الموضوع ده ومش عايز مخاطرة استثمر فى صندوق ثبات فى CIB

[@Mohamed_Obaid]

حضرتك تقصد صندوق امان secure اللى هو نسبة المخاطرة صفر

[@خالدسعيد-ش2ح]

ممكن تفصيل عن الصندوق دة إذا تكرمت

[@29mero]

محترم وواضح ووصريح واتعلمت منك ... ربنا يزيدك

[@ebrahimeid20]

انت نصاب مين معاك انت ضد الشعب المصري

[@momali1563]

انت استثمرت في صندوق استثمار cip اللي هو مرتبط بتغيير سعرها فالبورصه لان دة مرتبط بالبورصه طلعت بيطلع معاها الصندوق ولو نزلت بينزل معاها

[@bishohanna1084]

شكرا على شفافية حضرتك. اعزرنى عندى سوئال لية حضرتك لم تستثمر فى صناديق الاستثمار الامريكية مما فيها من شفافية اكثر مما جربت وشكرا ؟

[@AhmadHassan-dc8ir]

بالذمة شغال فى جولدمان ساكس ورايح ل AXA ؟ مال ال cib ب AXA …. ياحبيبيى عيب كده عييييييب .. اقرى سوية اتعلم ……

[@claracherif3044]

طب لو دخلت صندوق ثبات في نفس البنك CIB بفائدة تقريبا 20/ هيجيب دخل

[@yasserfared6966]

صندوق كويس جدا

[@mohali2802]

@@yasserfared6966 عن تجربه حضرتك ولا تسمع عنه

[@mohali2802]

ارجو الافاده

[@خالدسعيد-ش2ح]

اية افضل طريقة للاستثمار في البنوك

[@EssamSoliman]

ممكن تدخل على موقع البنك وتعرف تفاصيل وأسماء صناديق الاستثمار عشان تتواصل مع خدمة العملاء صح

[@alaamostafamohamed7694]

كلامك مضبوط فعلا حصل معايا الكلام دا وحسيت بكل كلام حضرتك وقعدت حسبتها لقيت نفسي بخسر فقولت لا بلاش ربنا يوفق حضرتك

[@tarekdowa4060]

عاوز أعرف معلومات عن صناديق الاستثمار العقاري .... ضروري

[@nassifzayton9075]

جزاك الله خيرا انا عندي مبلغ متواضع لكن عندي طموح نفسي اشغله بحيث يدر علي مبلغ تفضلي ايه من فضلك

[@AhmedSalah-1110]

انتا بتقول فيه تامين من داخل الصندوق

[@Mohamed-ne6wn]

السلام عليكم ممكن اعرف اجال الصندوق كام وسعر الفائده كام

[@marwaelghamry7585]

شكرا لأمانتك في توصيل معلومة مهمة زي دي وجزاك الله خيرا

[@koraonline01]

للاسف الى بقولو حقيقى والبنك دة بالزالت فى كميت مشاكل غير طبيعية

[@innercharm909]

شكرا على الشرح الواضح اذا عندك طرق استثمار جيدة في مصر رشحها لنا

[@Nada-cv3im]

حضرتك انقذتني بجد انا اتعمل بالظبط و الحرف من شركة AXA نفس الي اتعمل معاك بس انا مضيت لانه وافق حالا عشان ٢٤ سنة و قالي بردو انا عامل لبنتي كذا و نفس الكلام بالظبط، شفت الفيديو بتاع حضرتك رحتلهم تاني يوم اول لما البنك فتح و خليتهم يقطعوا الورق ،حسبي الله بجد في الي بيستغل جهل الناس بالمعلومة. الي كلمت حضرتك دي مش موظفة من البنك نهائي انا متأكده دي المندوبة، لان الي حصل معايا ان بردو موظفة من البنك هي الي ودتني ليهم

[@Nada-cv3im]

ده كمان في البند الي وقعت عليه ممنوع الالغاء اول سنتين الي هو ممنوع تمشي من غير ماخد منك ال ٣٠٪؜ كامله و ارباحي منك بعد كده امشي عادي

[@Nada-cv3im]

شكرا شكرا شكرا شكرا شكرا جدا لحضرتك

[@egyptcoin]

الحمد لله اني قدرت اساعد و لو شخص واحد. الحمد لله.

[@محمدالزخرفي]

اللى انا اعرفه أن الأتعاب أو الضريبة بتكون على العائد مش على إجمالي المبلغ

[@midosaid6836]

كل كلامك صح .نفس اللي كان هيحصل معايا في بنك الامارات ابوظبي في مصر .نفس الاشتغالات ونفس النصب والحمد لله لغيت القرار في اللحظة الاخيره

[@curvyladyes3780]

اذاي انا كنت هستثمر في

[@mohamedayman1817]

يافندم حضرتك بتتكلم عن bank assurance مش عن صناديق استثمار في فرق كبير بينهم و axa دي اصلا شركة تأمين

[@mrsoftware2014]

استحالة النسبة دى تكون صحيحة فى صناديق البنك الاهلى وبنك مصر وازموت فرص ومفيش النسبة دة اصلا ً

[@elmagico3272]

يبقى انت عاد عليك بالنفع في اية ؟

[@mahmoudfathy8686]

شكرا لحضرتك علي الشرح الجميل ولكن هناك سؤال بما انك في امريكا ليه تستثمر هنا في مصر افضل تستثمر في امريكا او تشتري أسهم في شركات امريكيه زي اللي بنسمع عنها اليومين دول من زياده في أسهمها مثل شركه الألعاب الفيديو وغيرها .رجاء التوضيح من خلال تجربتك القويه لتعم الفائدة. وشكرا جزيلا

[@fatheabdlehmed6050]

جزاك الله خيرا اخي الكريم أنا كنت بفكر في صندوق الاستثمارومكنش عند اى معلومات عنه يا ريت تقول عن افضل استثمار فى مصر

[@ابراهيمكريم-ر6ف]

بيقولوا صناديق الاستثمار منخفضة مخاطر مالهاش أتعاب صح ولا لا

[@Just-aminute]

يا باشا سؤال بس هل كلامك عن صناديق الاستثمار ولا عن شركات التأمين وشكرا

[@engmohamedshalal8870]

شركات التأمين

[@الرجلالراقي-ش3ذ]

I do not know how you do have banking and insurance background and you do not know AXA , AXA is one the biggest insurance company in the world and it’s French based company . Simply you have applied for life insurance where the majority of your funds in first two years will be taken like allocation charges 👍

[@elsayedkhalel4012]

مع احترامى لحضرتك واضح ان حصل سوء شرح من الموظفين شركة اكسا هى شركة تأمين وليها نظام مختلف خالص عن الصناديق د ى نظام تامين على اقساط شهريه بعد الاتفاق على المبلغ التامين ومدتها ١٠ سنوات اللى بعدها بتاخد مبلغ مضاعف للى انت دفعته وممكن الاقتراض بضامنها وممكن تاخد نسبه فى حالة العمليات الجراحية وفى حالة الوفاه لاقدر الله فيه مبلغ بيدفع للمستفيدين على حسب المبلغ المدفوع ليها نظام مختلف تماما عن صناديق الاستثمار هى زيها زى اى شركة تأمين

[@egyptcoin]

كلامك سليم و لكن كلمتها عن صناديق الأستثمار و هي اصرت علي اكسا. انا فاهم كلامك و لكنهم بيتلاعبوا لان اظن انهم بياخدوا نسبة اذا باعوا التأمين..

[@elsayedkhalel4012]

@@egyptcoin فعلا وهو ده اللى حصل معايا بالضبط فهمونى يومها ان الصناديق قافلة...

[@sayedshrbiny420]

شرحك ممتاز ومحدش اتكلم بصراحه كده وجزاك الله كل خير

[@EssamSoliman]

الكلام ده على صناديق التأمين في شركة AXA مش الاستثمار الخاصة بالبنك..

[@user-np4en3yr3b]

شكرا شكرا لحضرتك على المعلومات القيمة دى انا كنت فعلا رايح اشترى وثيقة فى صناديق الاستثمار وشكرا فعلا على تجربتك انك عرضتها

[@egyptcoin]

أحتمال اعمل فيديو النهاردة علشان احط معلومات جديدة

[@ezzateldesouky2079]

وثائق التأمين غير وثائق الاستثمار

[@momali1563]

ازاي اول سنه ٣٠% وتاني سنه ٢٠ % دة حضرتك صندوق اسمه اية دة

[@MG-xi6fi]

أعتقد أنها وثيقة تأمين على الحياة في الأساس ويتم استثمارها في عدة أشكال من بينها صناديق الاستثمار ....برجاء مراجعة صناديق الاستثمار لدى البنوك الأخرى...وشكرا

[@emanelsyed8954]

ماهي افضل طريقة للتعامل مع اابنوك

[@doge.Iives24-online]

شكرا ليك انك نبهتنا

[@محمديوسف-ث9ح5ب]

تمام استثمر في ايه تكون امان و تكون عائد كويس

[@amrelsayad5041]

جزاك الله خير انت انقذتنا فعلا

[@heshamsugail2623]

كلام زي الفل

[@MostafaAhmed-ce8eh]

حضرتك دى مش أتعاب ولا ده اصلا تبع بنك cib دى شركة اكسا ...دى اقساط لوثيقة التأمين على الحياة ..الشركة بتبعللك منتج تأمين على الحياة بمقابل...

[@egyptcoin]

طب ليه موظفة ال CIB بتبيع المنتج ده ليا؟

[@MostafaAhmed-ce8eh]

@@egyptcoin حضرتك دى نصباية جديدة ..شركات التأمين بيبقى ليها ممثل فى البنك زى cib مثلا وبتاجر المكتب ده من البنك علشان يصطادون العملاء بتوع البنك..وللاسف بيعرف نفسه على أنه موظف فى البنك...وكمان بيساعدة موظفين البنك اللى ليهم عمولة مع موظف شركة التأمين...انا للاسف اتنصب عليا من شركة تأمين اليانز وخسرت 5 آلاف جنية ....كل ما فى الموضوع أنه ببيع لحضرتك وثيقة تأمين على الحياة وبيثتمر الباقى فى صناديق الاستثمار تبع شركة اكسا مش بنك cib.....السبب فى ده كلة العمولة الكبيرة إلى بيقسمها مع بعض موظف شركة التأمين زى اكسا واليانز وموظف البنك

[@lgtv4642]

بص الموضوع سوء تفاهم الموظفيفين فى البنك مش فاهمين اصلا اى حاجه عن صناديق الاستثمار هو بيحولوا يوجهوك لاكسا دى شركة تامين موضوع صناديف الاستثمار دى قصة تانيه خالص لو عايز انا ممكن افيدك انا دخلت فى صندوق استثمار اسمه ثبات العائد بتاعه كويس جدا ومن غير اى مصاريف

[@MostafaAhmed-ce8eh]

@@lgtv4642لو سمحت العايد بيتحسب ازاى انا بحسب العايد الشهرى بتاع ثبات مش بيعدى 9.2 فى المية..ومكتوب أنه 12 فى المية ومره 20 فى المية وخدمة العملاء مش فاهمين حاجة

[@lgtv4642]

@@MostafaAhmed-ce8eh بص هو خدمة العملاء فعلا مش فاهمين اى حاجة لازم حد من ادارة الاستثمار في البنك العائد لثبات يومي بينضاف على قيمه السند وبتخدوا لما تبيع السند فى نهاية الفترة

[@mohamedmohamed-sv2od]

حضرتك دي وثيقة تأمين مع AXA و CIB مجرد وسيط ومش مسؤول عن الوثيقة.. اما صندوق الاستثمار مع البنك مباشر.. الخلاصة.. الموظف ودا العميل لاتجاه اخر غير المطلوب.

[@momali1563]

الاكتتاب مجاني ام اللسترداد بيكون 0.25%

[@hanyaly8846]

الف شكر. وكلامك محترم. وده اسمها سرقه علني

[@souzannagib3034]

اناخدت المقلب ده ونصبوا عليه كنت بدفع 3000 كل سنه بعد خامس سنه خصموا مني 2500 سالت ليه قلولي امل هناخد مرتباتنا منين

[@عمرشاهين-ج2ت]

ههههههههههههههههههههههههه

[@فوائدالسفر-ه8ز]

حضرتك ف ولايه ايه ؟

[@mofezo8787]

حصل معايا النهارده نفس اللى انت حكيتوا بالظبط الحمد لله كنت شايف الفيديو ربنا يخليك انت انقذتنى من اكبر خازوق كنت حاخده فى حياتى للاسف خدمه عملاء CIB حاولت خداعى ماكنوش يعرفوا انى من متابعين egypt coin :)

[@MohamedGamal-he6tt]

جزاك الله خيرا ربنا يبارك فيك كلامك كله صح

[@Scrapy_369]

مفيش صندوق استثمار في بنك CIB بتديرة اكسا دي دي شكلها مندوبة شركة تامين AXA و بتدخلك تامين خارجي ملوش علاقة بالبنك نهائي

[@mohamedkhtab7173]

ده احتمال كبير انه تكون مندوب axa للى فى البنك

[@alaanoor3679]

دي وثيقه تامين مش صندوق استثمار انت كده اتدبست تحط مبلغ شهري لمده ١٠ او ٢٠ سنه

[@zahretelola5437]

بصراحه حلقه ممتعه وخصوصا الاكسل شيت رجعتني ايام الكليه والشغل

[@egyptcoin]

هاها انا باحب الارقام 😂

[@dlbm771]

@@egyptcoin إزاي تحمي مواطنيها ! البلدان العربية بتشرب دم مواطنيها بعدة طرق و بكل أريحية وصرامة وأنضباط وتخصص . نفس الفلم دا حرفيا يا محمد حاصل بالجزائر للأسف .

[@nadiaazoz3692]

جزاك الله خيرا على المعلومات القيمة

[@tarekabdelrahman154]

يعني ايه بتدفع ١٠٠٠ ج كل شهر ، انت بتتكلم علي قسط تأمين ، الصحيح انك بتدفع مبلغ ثابت والضرائب ٢٠ في الميه

[@2010almallah]

شكرا لك . وجزاك الله خير .

[@tarekedres7619]

انا روحت البنك الاهلي بالفعل وسألت عن صنديق الأستثمار وقالتلي موظفة خدمة العملاء أن مصاريف الإدارية للصندوق ٢٨٣ ج مصري

[@dib_vlogs]

شكر لمشاركتك لنا هده التجربه 👍🏼

[@مصطفيملك-ت9ض]

امال ايه اللى بيكسب مثلا البيتكوين ولا واحد مستريح ينصب على الناس

[@hatemhussein5253]

حضرتك مش فاهم للاسف صناديق التامين من صناديق الاستثمار...راجع نفسك الاول عشان ما تلخبط الناس بليز....

[@egyptcoin]

انا ما بلخبطش حد، انا باحكي عن تجربتي اللي حصلت. انا كنت عايز صناديق و الموظفة قالتلي ان هي دي الصناديق اللي عندهم. انا عملت فيديو تاني وضحت فيه اللي انا كنت عايزه و هي صممت علي توجيهي لمسار التأمين.

[@hatemhussein5253]

@@egyptcoin ازاي بس تسيب حد يوجهك وانت بتقول انك شغال في المجال.!!!!!...مفيش حاجة اسمها تدفع ١٠٠٠ كل شهر لصندوق استثمار..من اول وهلة ده قسط تامين... نصيحة كمان.... ما ينفع تخلي حد ما فاهم يروح مشوار زي ده نيابة عنك... ادام انت برة مصر جرب شهادات البنك الاهلي 12 % لغاية ما تعرف تنزل وتروح بنفسك تشترك في صندوق استثمار....

[@egyptcoin]

1- أنا ما وافقتش علي حاجة و مادفعتش اي فلوس لان الكلام لم يقنعني 2- للاسف الحاجات ديه المفروض تتعمل من علي الموقع لانها حاجات سهلة و لكن مصر مازالت لم تصل لهذه المرحلة 3- الفيديو علشان الناس لما تروح البنك تعرف اساليب الناس في البنوك شكلها ايه 4- انا محرج اني اطلب من اختي انها تروح البنك الأهلي و تتبهدل في الطوابير. زي ما قلت الحاجات ديه المفروض انها تتعمل من الموقع بسهولة و لكن زي ما قلت

[@hatemhussein5253]

@@egyptcoin ماينفع فتح صندوق استثمار على النت..في اي دولة مش مصر بس..انا هنا في الامارات من اكتر الدول تقدما وما ينفع. تاني حاجة سهل جدا تفتح حساب بنك اهلى من برة مصر من خلال المكتب التمثيلي عندك في اميركا وبعدين تودع فلوس وتعمل شهادات من التطبيق عادي جدا كلنا بنعمل كده من دبي.... وتنزل الفوايد على الحساب..بس الحق لانهم عمالين ينزلو الفايدة..كان فيه ١٥ % وخلصت ودلوقت فيه ١٢%....

[@Angelus930]

@@hatemhussein5253 معاك حق .. هو فعلاً مش فاهم والمشكله إنه رغم إنه عرف إنه غلطان لكن برضو بيجادل. هو إزاي شغال في المجال زي ما بيدعي ومش فاهم الفرق بين صناديق الإستثمار والتأمين ؟!!. ده سيح الدنيا على بعض وأنا إستغربته لما لقيته بيجيب سيرة السن الصغير والسن الكبير وكمان لقيته بيقول إنه صناديق الإستثمار بتعطي للمتوفي مبلغ محدد في حال الوفاة. ده كلام يتقال بس عن صناديق تأمين !. هو للأسف كلم الموظفه وهو مش فاهم وهي ماكانتش أمينه معاه ووضحت له إنها بتتكلم عن صناديق تأمين وبحث مع نفسه معتمد على معلومات مغشوشه من موظفه غير أمينه. وهو لو كان فاهم الفرق فعلاً ماكانش لغبط الدنيا وشرح صندوق الإستثمار بمفهوم صندوق التأمين.

[@momali1563]

صناديق التامين دي بتكون العايد بتاعها مرتفع اوي فعلشان كدة بياخظوا منك اتعاب

[@Noor-pb4kp]

هو ازاى حضرتك بتقول فاهم وانت مش فاهم الفرق بين صندوق الاستثمار والتأمين البنكي غريبه الصراحه

[@egyptcoin]

انت مش فاهم الفيديو اساساً يا حبيبي. انا باكلها عن صندوق استثمار و هي بتحاولي تلبسني في تامين مع اني قلتلها مليون مرة انا عايز ايه. ما فيش غرابة انت اللي مش عايز تفهم.

[@mamhmoud2]

الحقيقة انا مستغرب انك بتقول شغال فنفس المجال ومش عارف الفرق بين صندوق تامين وصندوق استثمارى نصيحة ارجع للفيديوهات الموجودة للناس اللى لابسة بدل مرة تانية هتعرف انهم بيتكلموا عن صناديق دخل ثابت ونقدى واسهم الصناديق النقدية والدخل الثابت بتحقق ارباح وبتقبض كل شهر او ثلاث شهور وتقدر تسحب فلوسك اى وقت بدون خصم منهم صناديق حققت 20% وبدون اى مخاطرة نصيحة اسمع واتعلم بعدين انصح تحديث: حضرتك غريب بجد, انا مفترض فيك حسن النية , بس بعد كل الردود اللى بتقولك انك فاهم غلط , حضرتك لازم تمسح الفيديو لانك بتضلل ناس كتير بسبب الفيديو بتاعك

[@magdasaleh2243]

ياريت حضرتك تقولى إيه هى أفضل صناديق إستثمار فى مصر بتحقق أعلى عائد ؟ وجزاك الله كل خير

[@loverchrist8779]

هو منصبوش عليك في حاجه هي وضحتلك كل حاجه في الاول وحضرتك مجمعتش كلامها

[@hm.g.2685]

حضرتك اختلط عليك الامر بين التأمين و صناديق الاستثمار. مافيش صندوق استثمار باقساط شهرية. الافضل انك تشيل الفديفو لانه كدا تضليل للناس.

[@egyptcoin]

اذاً انت ما فهمتش الفيديو. بتسأل علي صناديق استثمارية بيحاول ا يبيعوا لك تأمين. و مش بس كده، دي قالتلي ما فيش الصندوق اللي بتسأل عليه. مش حاشيل الفيديو لأنك لو بصيت في التعليقات الموضوع حدث مع ناس كتيرة 😉

[@hm.g.2685]

@@egyptcoin كويس انك اقريت انه تأمين. براحتك تشيل الفيديو او تخليه انت صاحب القناة و لك مطلق الحريه. بس مش شايف انك غلطت في الناس اللي بتتكلم على الصناديق في اول الفيديو بتاعك؟

[@waelmostafa]

مش عايز تشيل الفيديو براحتك ، بس ع الاقل غير عنوان الفيديو بغض النظر يعنى لو العنوان ده جايب مشاهدات وظابط مع عدد كبير من كلمات البحث !!! غير اخلاقى انك تعمل عنوان مسيئ لكيان معين ما لم يكن الكلام صحيح ١٠٠% .

[@kareematef8265]

مع كامل احترامي ل حضرتك صناديق الاستثمار ال حضرتك عملها دراسة و اتعابها تخص شركة axa للتأمين ، صناديق cib و اتعابها موجودة علي موقع البنك. اخت حضرتك زارت فرع البنك و اتوجهت لموظفة شركة axa الموجودة داخل البنك

[@egyptcoin]

انا سألت الموظفة بالتحديد علي صندوق الأستثمار و هي تجاهلتني تماماً، ما تعبتش نفسها انها تقولي ان ده شيء مختلف. انا ما اشترتش او اشتركت في صناديق اكسا و لكن الموقف اذهلني و بعد التعليقات اللي شوفتها انا متأكد ان الموظفة كانت بتحاول تخدعني متعمدة وهي عارفة الفارق.

[@kareematef8265]

طب يا فندم ده معناه ان شركة axa هي الي حضرتك عندك اعتراض علي اتعابها ايه ذنب cib الي حضرتك حطه في اسم الفيديو ، و بالمناسبة اخت حضرتك لو بصت علي tittle الموظفه هتلاقيه مكتوب انها بتتبع لشركة axa ، لو اخت حضرتك اخدت دور و اتوجهت لموظف cib كان هيقولها المعلومة ، اختيار اخت حضرتك جوا الفرع كان لممثلة شركة axa الي هما متواجدين داخل فروع التجاري الدولي بيغطوا مزايا تأمينية للعملاء و زي ما حضرتك وضحت في الفيديو اخت حضرتك معندهاش خلفية عن الاستثمار فبصراحة تسمية الفيديو باسم سرقة و cib حاجة مش في محلها تماما تحياتي

[@mahmoudatallah2632]

الكلام ده في التامين مش صندوق الاستثمار

[@esmatusama2640]

انا عملت وثيقه سموها. تأمين ولما يصل الواحد ٥٠ سنه ياخد مبلغ طبعا ليس لها شهريه. ارباح مثلا. ( هل هي دي. اللي بتقول عليها )في البنك الاهلي. وقالوا تبدأ ب . ٦٠ الف. بس عملتها ب ١٥ الف. لاجرب. اذن اسحب المبلغ والغي الوثيقه دي بقه

[@سليمانعبدالحي-خ7ج]

اللطة مع البنوك كلها خوازيق مرتبة !!!

[@hanyhasan6571]

اللي حضرتك شرحته ده تأمين وامبارح أنا قابلت مندوبة AXA اللي في البنك التجاري الدولي... البنك عنده 6 صناديق استثمار منهم صندوق ثبات أحسن صندوق لعام 2020 وفي آخر fact sheet achieved annualized return 11.75% يليه صندق أصول... الصناديق يتم البيع والشراء قبل الساعة 12 ظهرا... يتم البيع والشراء بالسعر وقتها... الاتعاب موجودة غلى موقع بنك مصر في الصناديق الخاصة ببنك مصر... التأمين ده حاجة تانية والموظف قالي إنه ميعرفش حاجة أصلا وقالي اقعد مع ممثلة AXA عشان تشرح لك

[@اذكراللهيذكرك-ذ7ض]

لا اله الا الله محمد رسول الله صل الله عليه وسلم استغفر الله العظيم سبحان الله وبحمده سبحان الله العظيم استغفر الله العظيم سبحان الله وبحمده سبحان الله الحمد لله الله اكبر لا حول ولا قوه الا بالله العلي العظيم استغفر الله العظيم سبحان الله وبحمده سبحان الله العظيم استغفر الله العظيم

[@ramymenasa273]

كلام حضرتك مظبوط جدا اي خدمة عملاء بنوك ليه نسبه على اي حاجة بيعملها سواء قرض. وديعة. شهادة. حتى الكريدت كارد اللي بيعمله للعميل هو ليه كوميشن كويس

[@tarekelnabawy439]

معتقدش إن ده صناديق استثمار ده تقريبا صندوق تأمين....بالرجاء التأكيد والله اعلم

[@adhameyadaseel]

ولا من الارباح ولا من ايه؟

[@nadergamal5052]

هو ازاي الأتعاب 2.5٪حوالي 25 جنيه والفائدة 12٪ وبتديلك 10 جنيه بس

[@egyptcoin]

الأتعاب في اول سنة 30% و في تاني سنة 25%، 30% علي 12 شهر حيديك 2.5 يعني انت بيحاسبوك علي 2.5 و بتاخد 1% بس الشهر في اول سنتين.

[@MoeKahiel]

رحت افتح حساب - من الصبح خرجت اخر واحد - طلبوا مبلغ ١٠٠٠٠ حد ادنى - ودفعوني ان اضعه في شهادات الاستثمار - وبعد كل هذا جاء الحساب ناقص ١٠٠٠٠ جنيه وهات مكالمات لحل المشكلة

[@OSOSRemix]

@Koky Play اكيد قصده 1000 بس غلط

[@tboobdo6523]

@@OSOSRemix لا ١٠ عسان ده بنك خاص

[@mohammedsamir9416]

انا كنت عاوز اشترك فى صناديق استثمار الحمد لله وربنا يجازيك خير انت باشا

[@manalhafez9159]

حضرتك البنك يتعامل مع العملاء بمكر شديد لازم يكسب مهما كنت عارف مابالك بلي مش عارف تعاملات كلها سرقة حسبنا الله ونعم الوكيل

[@ynaf88]

من تجربتى مع هذا البنك اذا رحت لموظف تانى هيقولك معلومات تانيه

[@egyptcoin]

😂😂😂

[@marcosdonaldtru2834]

شكرا

[@me7a]

اخي الكريم ...اكتتب في صناديق استثمار البنك نفسه زي ثبات وغيره ..عن تجربة ممتازة ولا توجد اي خصومات او ضرائب او غيره بل وثيقة بسعر بيزيد حسب العائد ولا توجد رسوم استرداد او اتغاب او غيره....بل كل شهر النسبة المتحققة معاد بحولها الي سيولة دون اي خصومات والاسترداد كامل ولكن مشروط بان يكون في الاحد الاول من كل شهر ميلادي وفقط

[@bobamombo1529]

انا كنت عايزه اكتتب ف صندوق حمايه بس لقيت الاكتتاب برسوم ٢٥.٠ كده كتير اظن ثبات مفيش رسوم بس الحد الأدنى للوثائق ٢٥٠ كتير اوي يعني

[@MostafaAhmed-ce8eh]

انا مشترك فى ثبات بس زيادة سعر الوثيقة كل شهر تقريبا 9ونص فى المية مش 12 ياريت لو تعرف ازاى بيتحسب الأرباح تبلغنى خصوصا أن فى حاجة اسمها توزيع أرباح مش عارف ايه دى

[@moonprusser]

ممكن اتواصل مع حضرتك فيس أو واتس

[@me7a]

@@moonprusser تحت امر حضرتك

[@MostafaAhmed-ce8eh]

@@me7a اتواصل مع حضرتك ازاى بعد اذنك

[@moelgendy5993]

يا فندم انت بتتكلم علي صندوق تأمين ده امر مختلف عن البنك و النسبه دي لتأمين حياتك اي حاجه مع شركه تأمين في اي بنك في اي بلد نصب خصوصا لو هتسحب قبل الموعد انا كنت مع اليانز نصبوا عليا علني

[@egyptiva7893]

حصل معايا بردو

[@nadiribrahim6302]

كلامك غير دقيق ربنا كانت تخص شركات التأميين ...ثم ثانيا مستحيل ال ٣٠ في الميه تكون علي راس المال اعتقد ح تكون علي عائد الفائده ...

[@adhameyadaseel]

٣٠٪ من ايه؟

[@mohamedalazab965]

الأتعاب 30% بتكون من الأرباح و ليس من أصل المبلغ

[@lseddiki]

2.5% في الشهر يعني 30% في السنة الموظفة صحيحة

[@amirelrooby]

كتر خيرك يا أستاذ نصيحتك دي تتقال بالدهب ..انا قلبي كان حاسس والله .. وحسبي الله ونعم الوكيل

[@eslamabobakr4750]

يعنى الفايدة على الصندوق مثلا ١١ فى المية اخصم منهم الاتعاب الاتنين و نص و انت الكساب الموضوع مربح مش زى مانت فهمت و لو مش مصدق اتصل بالبنك تانى و اسالها انى الاتعاب بتتخصم من الارباح و لا من اصل المبلغ و شوف و على فكرة فى شهادات استثمار بالدولار و بالجنية بفايدة عالية و تقدر تشترى اكتر من شهادة فى حساب واحد و فى بنوك بعدد غير محدود و كمان ممكن ارباح الشهادة تشترى شهادات تانية و اتصل بالبنك و اسال

[@mohamahd6586]

مع احترامي حضرتك مش عارف الفرق بين وثيقة التأمين ووثيقة الاستثمار اللي انت بتكلم عنة وثائق التامين وليس وثائق صناديق الاستثمار

[@yasserfared6966]

انا مشترك فى الصندوق النقدى البنك الاهلى مفيش لى رسوم ولا اى اتعاب السى اى بى شكله حرامى بس اللى انت بتقول عليه دة مش صندوق استثمار دة نظام تامينى طويل الاجل مش اقل من عشر سنين علشان تكسب كويس شكلك انت مش فاهم

[@egyptcoin]

🤦🏽‍♂️🤦🏽‍♂️🤦🏽‍♂️ انت اللي مش فاهم الفيديو حبيبي. ان كنت بسأل علي صناديق الاستثمار و الموظفة بتحاول تلبسني في برالي تأمين علي انها صناديق استثمار. اقرأ التعليقات و هتلاقي انهم عملوا كده مع ناس كتير.

[@yasserfared6966]

@@egyptcoin لا متخليش الموظفة توجهك انت بتروح تقول انا عايز اشترك فى صندوق حماية او صندوق امان او اى صندوق انت عايزه بعد ما تدرسه كويس نظام القسط الشهرى دة نأمينى علشان تامن ليك معاش او لابنك لما يكبر ولازم يكون عشر سنين على الاقل

[@remonmohsen3568]

مع احترامي ليك مفيش صناديق استثمار بنظام التقسيط .. انت كده كنت بتأمن علي نفسك مش بتثتثمر فلوسك .. انت عملت حاجة ملهاش علاقة بصناديق الاستثمار اصلا واتنصب عليك و خلطت الامور ببعض .. كنت عملت شهادة استثمار ب 12% ثابته وريحت دمغاك طالما انت مش قادر او مش عارف تفرق كده.. ليه بتدخل نفسك في حاجة انت مش فاهمها كويس وفي الاخر تشتكي ؟

[@egyptcoin]

انت حضرتك اتفرجت علي كل الفيديو؟؟؟؟ اتنصب عليا ازاي اذ كنت انا ما اتفقتش معاهم علي حاجة و لا دفعت مليم🤦🏽‍♂️😂. حبيب قلبي اتفرج علي الفيديو كاملاً. و علي فكرك التأمين ده فعلاً بيديك فوايد علي فلوسك و لكنه اشتغالة.

[@remonmohsen3568]

@@egyptcoin من الاخر كده مفيش اي موظف في اي بنك في مصر هيفيدك في موضوع صناديق الاستثمار ده .. معلوماتهم كلها غلط ومش دقيقة .. هما مش بيفهموا غير في الشهادات والحسابات وخلافه وحاول تتعامل معاهم علي هذا الاساس عشان متتعبش نفسك .. اللي هيفيدك في صناديق الاستثمار هي الشركات اللي بتدير صناديق الاستثمار نفسها الخاصة بالبنك

[@muhammedkhalaby1]

لو سمحت ايه الافضل شهادة استثمار ب 12.25% ولا صندوق استثمار ثابت cib ؟

[@aboahmad6084]

برنس والله

[@مهندسالسيدجمعة]

يا سيدي هذا ليس صندوق استثمار هذا نظام تاميني لازم تفرق بين هذا وذاك

[@CoOA380]

أيوة حضرتك برضو إلى أنت بتتكلم فيه ده تأمين بنكى يعني انت بتشترى بوليصة تأمين لمدة عشرة أو خمستاشر سنة وبتدفع قسط شهرى مع شركة التأمين إلى البنك متعاقد معها ... كل ده مالوش علاقة بصناديق الإستثمار .. على أى حال النصايح إلى حضرتك بتقولها دى فى غاية الأهمية شكراً جداً

[@dododaa2672]

طب بس سؤال في الشيت اللي حضرتك عملته موضح جدا ان نسبة الخصم والاتعاب اكبر من الربح ال 12% طب بناءا علي ايه الناس بتشجع تلك الصناديق..؟! ولا فيه شيء مش مفهوم..

[@egyptcoin]

ديه بالظبط بوليصة تأمين بيحاولوا يلبسوا الناس فيها، الوثيقة من شركة اسمها اكسا و بيبيعوها في البنك التجاري. انا كنت باسأل علي الصناديق الأستثمارية و الموظفة كانت بتلبسني في بوليصة تأمين

[@waelmostafa]

طيب يا اكسلانس عادى قول ان حصل عندك لخبطة او سوء تفاهم ووضح للناس ، كمان قول ان النصب ده مالهوش علاقة بصناديق البنك التجارى الدولى ، لان ف ناس نفرت من صناديق بنك cib وكأن الحوار ده ليه علاقة بصناديق استثمار البنك ، بعدين يعنى سؤال بس هو ايه علاقة صندوق استثمار بتكتتب ف عدد وثايق معين بتدفع تمنها مرة واحدة ع حسب سعر يوم الاكتتاب بأنك تدفع اقساط شهرية ويعود عليك مبلغ تأمين ف حالة الوفاة ، يعنى من خبرتك البنكية اللى حضرتك بتحكى عنها ما جالكش شعور كده سيادتك انك بتوصف بوليصة تأمين مش عملية استثمارية !!!!

[@asmaasarhan5276]

شكرا جزيلا لك تمام انا كده فهمت

[@egyptcoin]

أي خدمة يا اسماء، شرفتي القناة.

[@eldawly_motorcycles]

حضرتك بتمط في الكلام جدا جدا انا صدعت عشان تقول معلومه تاخد ثانيه تفضل تتكلم دقيقتين انا نسيت المعلومات من رغيك

[@egyptcoin]

يعني انت اخدت من وقتك الثمين دقيقتين علشات تكتب التعليق ده، انا ممتن ان شخص وقته ثمين زيك بيتفرج علي فيديوهاتي. يبدو و انك شخص لطيف جداً في الحياة . تعرف الانسان من سلوكه. شكراً علي المشاهدة

[@eldawly_motorcycles]

@@egyptcoin انا كتبت التعليق في 5 ثواني بس

[@eldawly_motorcycles]

ووقتي الثمين انا مش مضطر اسمع فيه حضرت عايش فين واخت حضرتك درست ايه وماعندهاش مهارات في ايه والمعاد بالساعه ال اتصلت بيك فيه انا بنصح حضرتك مش اكتر وعموما انا ماكملتش الفيديو لاني زهقت وصدعت مع اني كان نفسي اعرف مشاكل صناديق الاستثمار لكن كتر كلام حضرتك ال مالوش لزمه خلاني صرفت نظر عن اني اعرف مشاكلها اصلا