สักการะมหาเถราตักสิลานคร

Рет қаралды 25,324

คีตะ อีสาน

Күн бұрын

Пікірлер: 9

@peamm6425 Жыл бұрын

ไพเราะมากครับ สมบารมีหลวงพ่อท่านเจ้าคุณ🙏🏻สาธุๆ

@คีตะอีสาน Жыл бұрын

สักการะมหาเถราตักสิลานคร พระธรรมวัชราจารย์ (น้อย ญาณวุฑฺโฒ) เจ้าคณะจังหวัดมหาสารคาม เจ้าอาวาสวัดมหาชัย พระอารามหลวง จัดสร้างถวาย : พระปลัด ทินพล ชยาภิภู ศิลปิน : จ๋า เกวริน เเสนหวัง ประพันธ์ : นรชน โทบุดดี บันทึกเสียง : คีตะอีสาน Studio *เพลงเกริ่น กตัญญูบูชา นบสักการ์หลวงพ่อเจ้าคุณ อุ่นเบื้องใบบุญ หนุนนำส่งเถิงเลิงเลิงสุกใส คุณไตรรัตน์เเก้ว เอกสงฆ์ผู้เเนวนามเเก้ววิไล ร่มโพธิ์ทองโพธิ์ธรรมยิ่งใหญ่ สารคามก้ำฝ่ายตักสิลานคร *ลำพื้น -มาจักจาบ่อนบั้นกลอนกลั่นมาแถลง แปงเอานำคุณโนแห่งมหาสังโฆเจ้า เนาว์อารามนามเบื้อง มหาชัยเเถวถิ่น ในแดนดินเขตกํ้าสารคามนี้อยู่เย็น คือดั่งเช่นฮ่มโพธิ์ใหญ่ใบหนา ศานุศิษย์ได้เพิ่งพาอาศัยเงานำซ้น -เป็นนำผลผลาสร้างได้นำทางเทียวไต่ หลวงปู่ใหญ่เฮานี้บุญมีกว้างแผ่บัง ยอยกตั้งเหนือเกศเกศา บุญพระธรรมวัชราจารย์ ปวงหมู่เฮาพนมน้อม *เดินลำพื้น -เอาเด้อยอมือน้อมพนมกรวอนว่า สาธุสาใส่เกล้ายอไว้ที่ควร บรบวรล้ำสิโอมอ่านดุษฏี ยามดิถีมุงคุลบุญผลาซูค้ำ -พระธรรมเจ้าวัชราจารย์ลือล่ำ ปกครองสงฆ์เขตก้ำถิ่นนี้บ่วาย สารคามได้ใสส่องเกษมสุข อันตรายภัยทุกข์กะบ่มีมาใกล้ -หลวงปู่ได้สร้างคนให้มีค่า การศึกษาซ่อยยู้ซูค้ำบ่วาย ปริยัติได้บ่ให้ละการเรียน ปฏิบัติเพียรเอาซุป่องทางพาก้าว -คุณโณเจ้าเมตตาธรรมก้ำเกิ่ง ใสเลิงเลิงดั่งแก้วแววกล้าค่าคูณ บริบูรณ์ล้ำนำเลิศพระวินัย ดั่งสีใสบ่หม่นหมองครองธรรมบ่มีล้า *เดิน -ความเมตตานี้ล้นเหลือประมาณ(ซ้ำ) เสียสละให้ทานสานประโยชน์ส่วนรวม หนักแน่นใจร่วมสุขุมเยือกเย็น พูดน้อยทำมากเป็นตัวอย่างให้เห็น ทำวัตรเช้าเย็นผายแผ่กรุณา -สมสง่าล้ำเจ้าคุณธรรมงามเด่น เฮ็ดให้เห็นเฮียนฮู้เว่าหน่อยเฮ็ดหลาย ศิษย์ทั่วค่ายให้น้อมรับปฏิบัติ นำมาขัดกล่อมเกลาเป็นแนวทางนำน้อม * ตังหวาย -โอ้น้อข้าขอยอน้อแม่นมือน้อม ดอมสังโฆน้อละแม่นลือหล่ำ เจ้าคุณธรรมวัชราจารย์เจ้า ของไทเฮาน้อสาธุชน คนไทเอ๋ย -โอ้น้อ เป็นนำผลผลานำคอยยู้ เพิ่นค้ำชูศิษย์บ่เว้นหว่าง ก่อแนวทางอบรมบ่มให้ บ่ละไลทำแต่กรรมดี เด้อท่านเอ๋ย -โอ้น้อ ปฏิปทาหลวงปู่ว่านี้ ส่องใสศรีบ่มีเหลืองหล่า คองวัตรสงฆ์เพิ่นกะเก่งกล้า สง่าล้ำสมเป็นพระธรรม หลวงปู่เฮาเอ๋ย -โอ้น้อ เพิ่นพาทำนี้พานำแปงยู้ เฮ็ดให้ดูน่อละบ่เว่าหลาย บำเพ็ญทานนี้กะบ่เว้นวาย ประโยชน์ได้แก่ศาสนาใด้ หลวงปู่ของเฮานี้เอ้ย หลวงปู่ของเฮานี้เอ๋ย สารคามเฮาเอ๋ย *ศรีโคตรบูรณ์ -ไหว้ว่านอบน้อม ค่อมวจีตางว่า สาธุสาบารมีหลวงปู่พระธรรม วัชราจารย์ค้ำ หนุนนำศาสนา ก้ำฝ่ายตักสิลา จัมปาศรีแม่นนคร -แก่นบวรสังฆาราม คามวาสีสง่า เลิศล้นปฏิปทา ปฏิบัติได้สมส่า มหาเถราผู้ทรงคุณ เป็นบุญของชาวประชา เหล่าศิษยาน้อมชุลีกร ไหว้วอนด้วยมีศรัทธา ว่าสาธุการเทอญ *เต้ยขอพร -ถึงคราวาระมงคล ทวยเทพช่วยดลให้สมปราถนา พอเมื่อถึงเวลา บรบวรสมควรแล้วยิ่ง ขอพรทุกสรรพสิ่ง ให้มาหล่ำหลิงพระเดชพระคุณ สังฆะเถราทรงคุณ ผู้เกื้อหนุนและได้นำพา (ซ้ำ) -สิ่งศักดิ์สิทธิ์ทั่วจักรา พื้นพสุธาทิพย์สรวงแดนใด จตุระ เทพพะท่อนไท้ ว่าวอนถึงท้าวสักกา ฮอดสาวสุรางค์นางฟ้า เสด็จลงมาอำนวยพรชัย ยอยื่นพร้อมพร่ำถวาย แด่เจ้าคุณใหญ่เมืองสารคาม(ซ้ำ) -ขอยอมือขึ้นใส่เกล้า ผองไทเฮาวันทาสาก่อน ชุลีกรพนมมือนอบน้อม จอมเจ้าพระรัตนัง -ไหว้ไปทั้งเทพเจ้า เหล่าเทวามเหศักดิ์ตนใหญ่ อยู่แดนใด๋ขอให้มาแห่ห้อม ดอมข้านั้นผู้ว่าวอน -ขอยังพรให้มานำคํ้า คุณศีลคุณธรรมขององค์หลวงปู่ จงมาชูหนุนนำช่อยยู้ อยู่ดีล้นแม่นซุวัน -อายุยืนยาวอยู่ยั้ง ถึงร้อยปีดั่งสมตั้งใจหมาย วรรณะผุดผ่องใจกาย(ซ้ำ) สุขขะนั้นหมายแข็งแรงชื่นมื่น พละกำลังล้นลื่น กว่าคนในพื้นแผ่นพสุธา(ซ้ำ) -สุขอุราเบิกบานในธรรม แจ่มใสนำคำพระพุทธองค์ ตั้งมั่นสถาพรดำรง(ซ้ำ) หลักชัยแห่งสงฆ์เเละผองไทเฮา ร่มโพธิ์ทองป้องแผ่ยังเงา ให้แก่ชาวมหาสารคาม(ซ้ำ)