❤️❤️ ساكن قصادي ❤️❤️

• ساكن قصادي و بحبه - نج...
ساكن قصادي
حسين السيد
محمد عبد الوهاب
نجاة
ساكن قصادي وبحبه وأتمنى اقابله
فكرت أصارحه لكن أبدا مأقدرش أقوله
وفضلت استنى الأيام في معاد مايسهر ومعاد ما يرجع
كل خطوة أرسم احلام تكبر ف قلبي والقلب يطمع
وأقول مسيره ح يحس بيا لو يوم صادفني وسلم علي
حيلاقي صورته ساكنه بعيني ويحس بيها برعشة ايدي
كنت حاسه أن حـبـه كل ماده كان بيكـبــر
أبقى عايزه لو يكون لي قلب غير قلبي الصغيـر
فضلت أمالي مع الليالي
تقرب حبيبي اللي ساكن قصادي وبحبه
وفي يوم صحيت على صوت فرح بصيت من الشباك
زينـه وتهـاني وناس كتيـر دايـرين هنـا وهنـاك
شاوروا لي بإيديهم وقالوا لي عـقـبـالك
هللت م الفرحه وسألت
قالوا ....... جارك
حبيبك حبيبي
اللي ساكن قصادي .... وبحبه
رحت الفرح بالليل ورسمت بعيني الفرحـه
ساعة ما كان بيشيل بإيديه وبعيني الطرحه
شربت شرباتهم وانا قاعده بصالهم
لحد ما قاموا ومشيت اوصلـهـم
حتى الأمل ما بقاش من حقي أفكر فـيـه
بعد الليله دي خلاص بقى غيري أولى بيه
وتهـت وسـط الزحـام مـا حـد حاسس بي
عايزه أجري وأرجع أتوه والناس يقولوا حاسبي
ناس في طريق النور ما بين فرح وشموع
وأنا في طريق مهجور ومنـوراه الدموع
ولقيتني فايـتـه من جنب بـابه
لاهو داري بقلبـي ولا باللي نابه
يا ويلي يا ويلي من طـول غيابه
وياويل أيامي من جرح عــذابه
عذاب الجرح اللي فاتوهلي وسابه
ساكن في قلبي وساكن قصادي وبحبه
حبيبي ساكن حبيبي ساكن قصادي وبحبه
• ساكن قصادي و بحبه - نج...

[@monaeldeeb9503]

فعلاً زمن جميل شكراً لحضرتك

[@emanelawadly4280]

فعلا شكرا على سردك للقصه بتاعه الاغنيه اغنيه جميله بتعتبر فيلم قصه كامله باحاسيسها ومشاعرها وموسيقاها وكلماتها وصوت نجاه الملوء شجن وحنان وياسلام على البحر وجمالوا تسلم دايما بتمتعنا باختياراتك ونورت بلدك مصر

[@mishko01]

تسلم على الشرح و طريقة الشرح الرائعة لحضرتك. الاغنية من اجمل ما غنت القديرة نجاة الصغيرة و من اقرب الاغاني لقلبي, ربنا يطول في عمرها

[@amanielnoamani8250]

فيديو كليب بالتغني والكلمات واللحن تملي احس بصدق الحدوته دي كأني عشتها

[@ashrafnegm9030]

مع حبى و إحترامى للصوت الحنون لنجاة الصغيرة لكن شقاوة صوت شاديه فى مين قالك تسكن فى حارتنا تدخل القلب على طول و تفكر أى حد بشقاوة بنت الجيران

[@user-oh2qg4is3d]

فديو جميل وشرح وافي لكن للاسف الصوت واطئ جدا وصوت امواج البحر عالي

[@halamahmoud2034]

شكرا على الذكربات الجمييله دي وطريقه حضرتك ووجهك البشوش