سائل التبريد ناقص في بورش

[@hayel23]

يعطيك العافيه ياخويه عطيتنا شرح طيب 👌🏻

[@falehmohammed6085]

يعطيك العافيه أخوي 🌹🌹

[@ibrahimalbahrani3035]

للإبداع حدود ومعكم لا حدود للإبداع👍 استفسار : بعد المطر علق ماء عندي أسفل السيارةيضايقني صوته كيف أزيله علما أن سيارتي بورش كايين ٢٠١٦ base

[@alzuwauh]

شكراً جزاك الله خير ، مافهمت كيف علق ماء؟؟ وضح اكثر لان صاجه تحت وفيها فتحات تصريف ما المفروض يعلق

[@hawi1213]

السلام عليكم. استفسار عن الدبابات ارغب في تعليم قيادة الدباب

[@msharihassn8751]

الله يعطيك العافية اخوي اسامه طيب موية الوكالة مركزة غير مخلوطة هل اضيف معها ماء مقطر

[@alzuwauh]

موية الوكالة مخلوطة بتركيز عالي لا لا تضيف ماء مقطر الخلطه جاهزة مكتوب عليها مثل لوكو مولي بس الفرق بالسعر وانا اخذت هذا بسبب فرق السعر فقط

[@msharihassn8751]

تمام الله يعطيك العافية ☺️👍

[@oppressedoopressed7630]

السلام عليكم أنا عندي نفس السيارة البطاريه خلصت وتو الباب ما يفتح بالريموت كيف الحل علشان افتح الباب بالرغم حتى مفتاح اليدوي ما يفتح الباب

[@عبداللهمحمد-م8ط3ق]

طيب الماء المقطر حسب خبرتي البسيطه انه مايسبب صدا داخل المحرك.. َبعدين انت معبي مويه مخصصه مضاده للتجمد يعني مخصص للمناطق البارده وثلجيه.. ياليت تنزل فيديوهات تغير بلف حراره تغير بواجي وجميع القطع مقاطعك ماتنمل مشالله بتوفيق يالغالي.. نسيت اقلك الرديتر ممكن يبغاله تسييخ كل سنه او سنتين

[@alzuwauh]

نعم قرات هذا الكلام عن الماء المقطر لكن من خلال تجاربي القديمة النتايج غير صحيحه يمكن الماي مغشوش ، من ناحية التجمد سائل الرديتر خليط بين مضاد للتجمد والتبريد اي يعني لا يتجمد ولا يتبخر هذا المختصر زادة البرودة او الحرارة يظل ثابت بالحالة السائلة . من ناحية تغيير بلف حرارة ذكرتني ايام التسعينات في الكوابرس الامريكية يسمونها صابونه لازم تغير بلف الحرارة هههه البورش بصورة عامة مافي مشاكل حرارة فا ما تحتاج تغير بلف حرارة عموماً مدري لاني ما احتجت ما عندي مشكلة بالحرارة وبواجي الحمدلله لما اللحين ما احتجت اغير انا من النوع اللي اذا اخترب شي غيرته ما سوي صيانة دورية وتشييك ووو الخ . لا لا اعتبره كلام وخساير عالفاضي . السيارة فيها كمبيوتر اذا تتطلب شي يطلع اشعار وصلح المذكور وبس. اعاملها مثل اي سيارة اخترب شي اصلحه وبس.

[@majdmoataz2011]

السلام عليكم اخوي أسامة ربي يوفقك ... سؤالي غريب شوي بس ارجو الرد . هل هذي السيارة لا تزال موجودة عندك ؟؟ وانا راغب اشتريها منك .. إن أمكن

[@alzuwauh]

وعليكم السلام نعم موجودة الحمدلله نعم ممكن تشتري ممشى العداد / ١٥١ الف والسعر / ١٥٠ الف ريال الحالة / ممتازة جداً الحمدلله

[@AaA-tx3kc]

استاذي لقيت كايمن ٢٠٠٦ s وكاله هل اشتري او تعتبر قديمه؟

[@alzuwauh]

مرحبا، وكالة مخزنة ولا مصينة؟ اذا مخزنة معناه لازم تسوي لها صيانة كل شي فيها ناشف جاف الجلد والقازقيت والصوف يعني انواع التهريبات و القرقعه لان جلد العكوس والمقصات والتوازن هذي يابسه ومع الحركة تتقطع لاحظ عمرها ١٦ سنة مخزنة يعني راح تدفع مبلغ وقدرة للصيانة احتمال ضعف قيمتها. اما اذا عليها صيانة من قريب وليس من زمان معناه امورها تمام. وبكل حال ما عندك خيارات كثير هل لاقي غيرها !! العرض قليل. ولو فلوسك تسمح ومرتاح مادياً خذ الجديد وارتاح.

[@previousg2]

استاذي عندي استفسار بشتري الماني بس ابغى مساعدتك بورش كايين اس ٦ سلندر ٢٠١١-٢٠١٣ او بي ام اكس ٦ ٢٠١٠- ٢٠١٢ ٦سلندر من ناحية الصيانة والقطع ارخص واجود في العملية سيارة استخدام يومي بيت دوام مشاوير داخليه بس

[@alzuwauh]

البورش اكثر اعتمادية ، من خلال تجربتي مع الكايين من سنة ١٢ الى ١٩ استخدام ٧ سنوات الحمدلله ما احتجت قطع ابد حتى الاستهلاكيه بس زيت وفلتر وفلتر هواء ومكيف فقط طول ال ٧ سنوات هذي القطع اللي احتجتها غيره ما غيرت ابد لا بواجي ولا بريكات ولا هيدرولك ماخذها جديد اصفار الى ممشى ٢٧٥ الف. وندمت على بيعتها، الله يرزقنا واياكم واقدر اشتري كايين ما اقبل بغيرها . للمعلوميه انا ما اروح الوكالة لا تشييك ولا غيره انا من النوع اجلد الموتر اذا اخترب شي رحت صلحت وبس والحمدلله ما واجهت اي خراب او عطل. والله يكتب لك الخير

[@previousg2]

@@alzuwauh الله يجزاك خير ويرزقك باللي اجدد منها افدتني كثيير بردك الله يوفقك طيب بين البورش نفسها كايين ٢٠٠٨- ٢٠١٠ او ٢٠١١- ٢٠١٣ كلهم اس ٦ سلندر ايش تفضل ؟ وموضوع الضمان تنصحني لازم افعله او اشتريه ؟

[@alzuwauh]

@@previousg2 الى مديل ١٤ نفس الشي ١٥ و١٦ تغير شي بسيط بالانوار صارة انحف ١٧ مافي و١٨ الى هذا اليوم نفس الشي ٦ او ٨ سلندر الفرق بالقوة وعدد الاحصنه فقط منت بحاجة قوة العزم لان شوارعنا كلها كميرات وما يمديك تدعس مخالفات منت ناقص مصاريف انصحك ٦ سلندر تراها مو هينه . من ناحية الضمان انا ما اعترف بذا، لان ثقتي بصناعة البورش والالماني بصورة عامه عالي الجودة تدوم لعمر طويل وفوق هذا يوجد ضمان الصانع فاليش ادفع لضمان الوكيل!؟ اختصر لك سالفة الضمان ( مثل اي شخص معه تأمين طبي او من دون ). واللي ما عنده تأمين طبي شلون ما يتعالج ؟؟!! بامكانه يتعالج باي مكان مشفيات حكومية أو خاصة على حسابه كل يوم يحتاج علاج 😁 نفس الشي الموتر كل يوم او كل شهر او كل سنه يخرب لا ما يخرب ابد مصنوع بجودة عالية الماني . بصورة عامة كل الناس لو احتاج يشتري اي منتج كان غير السيارات الكترونيات او غيرة يبحثون عن المنتج الالماني حتى رقعة الكفرات في حال مسمار في التاير الناس تركب رقعه المانية فما بالك سيارة كامله كل بلط فيها الماني تطمن منت بحاجة الضمان البورش ما يخرب. الوقفه تخربها لا توقفها فترات طويلة اذا استخدام يومي وكرف تعجبك

[@previousg2]

@@alzuwauh الله يسعدك م قصرت كتت انتظر احد من ملاك بورش يفيدني لاني سالت ناس كثيره ما تمتلك بورش وخلوني اهرب منها 😂 ايش اهم الشغلات اللي لازم افحصها قبل اشتري كايين اس بدون هيدروليك مستخدم ؟

[@alzuwauh]

@@previousg2 البطارية المفروض الاصليه شد بلاده عمرها طويل يوصل ل ١٠ سنوات تخربها الوقفه الطويله يجف السلئل او المحلول فيها. الزبدة اذا عليها بطارية امريكيه اي سي ديلكو ابعد عنها او اي بطارية تجارية لازم الاصليه عليها شعار بورش واضح اذا مش بطاريتها الاصليه توقع انواع المشاكل لان الكمبيوتر والحساسات فيها مش اي بطارية تتحملهم. والباقي نظرت عينك

[@ahmedimsaad1077]

عندي مشكله في الكايمن حاولت افتح غطاء الرديتر وعياء يفتح معاي بجميع السبل حاولت فخليته لين يجي وقت السيرفس يشوفو له حل

[@alzuwauh]

محكم اغلاقه منضغط لو تحتاج تفتح زرادية مقاس كبير بشده شبه قوية. لكن ليه تحتاج تفتح الغطاء؟ لو نقص الماي معك يطلع لك اشعار نصيحه لا تفتح دام الامور تمام ولا عندك نقص خله مضغوط محكم صح

[@محمد-ن3ك9ح]

أخبار عالم الهارلي والريدات الطويلة والهوندا والسوزوكي وعالم الدرجات النارية هل طلقت دراجتك النارية بثلاث طلقات وش اللي صار وش اللي غيرك عن عالم الدراجات النارية