Рет қаралды 53,869
كلمات الشيله
ياهاجسي ماطلبتك في المثايل حول شهرين
واليوم جاء لازم الشاعر وطشّيت العمامه
هات البيوت الذي تطرب وتغني عن دواوين
الشعر غالي على قلبي ومرفوعآ مقامه
مادام ربعي ثقيف العز لابياتي عناوين
يولي لهم كل شاعر لابدع جُلَّ اهتمامه
ثقيف قومآ لنجم الجدي والجوزاء موازين
من راس بيضان الى شهدان الى ساحل تهامه
نبدى بدعوى بني جاهل مرجِّحَة الموازين
ياحظ من هم نهار الضيق والشده حزامه
واليوسفي والنديبي لادعى اللازم قريبين
بارودهم تستظل به العرب مثل الغمامه
وشيوخنا مركز القالات والحكمه من سنين
حصون وقلاع كلآ له من الماضي علامه
شيوخ تعرف طريق الحق وللدوله موالين
ومبايعين الملك سلمان في قصر اليمامه
من فضل ربي على جبرا وللوحده حريصين
ولا يجي بيننا شقرا عصاتآ وانقسامه
في الديره اللي طبيعتها الجَمَال وتبهج العين
مافارقت كل زاير في ثقيف الابتسامه
الضيف يقلط على ترحيب هيل وسمن وسمين
نوفّي الضيف ماجوبه وقدره واحترامه
تاريخنا محتمينه في الزمن ماضي وذلحين
والمجد حنا هله وبدورنا ذروة سنامه
قدنا المعارك واخذنا مانريده في الميادين
مارافقت من يعادينا ويحربنا السلامه
الله ياكم قمعنا من طغاه ومن معادين
نبطش ولا ينفع الطامع بنا عَضّة بهامه
واليوم برقابنا بيعه ولا حنا مُوَصَّين
ماننقض العهد والميثاق الى يوم القيامه
معا ملكنا قلوبا وافيه في العسر واللين
لو نفقد ارواحنا دون الوطن ماهي ندامه
والله يعز السعوديه ويحمي حوزة الدين
في ظل حكامنا روس الشهامه والزعامه