Сұмдық айтыс - 2022/ Төлеген Жаманов пен Қазірет Бердіхан/ Қызылжар

ПЕТРОПАВЛДА «ҰЛТЫН СҮЙГЕН ҰЛЫЛАР» АТТЫ РЕСПУБЛИКАЛЫҚ АҚЫНДАР АЙТЫСЫ ӨТТІ
Еліміздің суырып салма ақындары бас қосқан дүбірлі дода халық жазушылары Ғабит Мүсіреповтің 120, Сафуан Шаймерденовтің 100, Кәкімбек Салықовтың 90 жылдық мерейтойына орайластырылған, деп хабарлайды Qyzyljarnews.kz тілшісі.
Айтысты Қазақстанның еңбек сіңірген қайраткері, «Парасат» және «Құрмет» ордендерінің иегері, Халықаралық айтыс ақындары мен жыршы-термешілер одағының төрағасы Жүрсін Ерман жүргізді.
Аталған іс-шарада еліміздің түкпір-түкпірінен келген 12 ақын бақ сынады. Солтүстік Қазақстан облысынан Жұмабек Рахимов пен Жарқын Жұпархан өнер көрсетті.
Қазылар алқасына Қазақстанның еңбек сіңірген қайраткері, халықаралық «Алаш» әдеби сыйлығының лауреаты ақын Ғалым Жайлыбай төрағалық етті.
Аламан бәйгенің қорытындысы бойынша бас жүлдені солтүстікқазақстандық Жарқын Жұпархан иеленді. Жеңімпаз жерлесімізге 1,5 млн теңге сыйақы берілді.
Бірінші орын Нұр-Сұлтан қаласынан келген Еркебұлан Қайназарға бұйырды. Ал Рүстем Қайыртай (ШҚО) мен Мейірбек Сұлтанхан (Қызылорда) екінші орынға табан тіреді. Үшінші орынды Нұрзат Қару (Алматы), Төлеген Жаманов (Қарағанды), Серік Қуанған (ШҚО), Шұғайып Сезімхан (Алматы) және Тілеген Әділов еншіледі (Қарағанды).
Сонымен қатар, шымкенттік Қалижан Білдәшқа Қожаберген атындағы; солтүстікқазақстандық Жұмабек Рахимовқа Мағжан Жұмабаев атындағы, Алматы қаласынан келген Қазірет Бердіханға Ғабдолбәри қари атындағы арнайы жүлде табысталды.

[@dulataliev5624]

Қазірет шайыр екен таза ! Жарайсыздар

[@akhatzhumabay8404]

Қазырет мықты ақын