ساندويش مقلوب تونسي بحشو مميز و لذيذ

لكل التعاملات التجارية
[e-mail] انستغرام شخصي
/ hicham_cook

[@fatmabouhaya8883]

خويا هشام ممكن دير كتاب لكل وصفاتك باش نحتفظو بيها أحسن من احتفاظ بيها فتلفون لي عجبتها الفكرة دير جام

[@aminabenchahla5031]

De

[@dadoudou417]

Sah 👍🏻

[@mouzaalouma4281]

فكرة مليح كن غير يدير كتاب

[@hananmoka9820]

راني معاك 👍👍👍

[@salimasmarani2215]

يا خويا هشام دير كتاب خاص بيك والله فكرة شابة

[@marwamima1109]

نص كاس ما ربع كاس زيت ملعقة خميرة ملح كاس ونص فرينة نلموها ونعجنوها شوي ونخليوها تخمر لافاغس لحم ماريني طماطم بطاطا اختياري زيتون معدنوس جبن

[@wissalzouggari6311]

Ma dafi wala bared nrmll

[@bouchraib8807]

@@wissalzouggari6311 دافئ

[@user-wy5ou6ct1p]

للعجينة نصف كأس ماء مع ربع كأس زيت مع ملعقة صغيرة خميرة خبز ونضيف معلقة صغيرة ملح ونضيف كأس ونصف فرينة ولموا ونشوفوا تجي رايحة للكسرة نتاع فرينة أو تاكوس ونخليها تخمر

[@Asomaa684]

شكرا اختي ربي يوفقك ويفرحك

[@ademdabdob8765]

نص كاس ماء وسكر مكانش

[@roumaissa350]

صباح الخير اختي ممكن تعاونيني بأبوني

[@ysaysa7689]

شكرا يعطيك الصحة

[@almaamoullafifi8957]

لا اختي قال نصف كاس ماء

[@NassboukhMimone]

جربتو اليوم للعشا والله غير جاا رووعة ..عجبهم في الدار كامل .نخمم نعاودو ان شاء الله يعطيك الصحة

[@user-kq9cj4pf4j]

المقلوب التونسي نصف كاس ماء ربع كاس زيت ملعقة صغيرة ملح وملعقة صغيرة خميرة الخبز ونخلط ثم نضيف الفرينة الكاس الاول والثاني ندير غير بلعقل حتى نتحصل على عجينة متماسكة تقريبا كاس ونصف فرينة نعجنوها وتخليها تختمر الحشو..سكالوب مقطعة قطع صغيرة نتبلو بالملح الكاري موطارد فلفل اسود زيت هريسة وحبة صغيرة بصل مقطع مربعات صغيره نخليه يتشرب التتبيلة ثم نطيبوه في مقلاة نرجع للعجينة نقسموها على زوج نحل الاولى لازم تكون دائرية نحطها تطيب غير تنشف نقلبوها ونحطو الحشوة دجاج طماطم معدنوس جبن مبشور هاذو كامل على جهة ثم نقلب الجهة الأخرى وخليها تكمل تطيب

[@user-st1hv6nu2k]

شكرا

[@soumaguia555]

مشكوووورة

[@rofeidaben8543]

بارك الله فيك

[@fahimakara-mohamed7656]

شكرا

[@minouchkaweb8223]

Merci

[@Goodluv-lt2qj]

جربتها ، تهبببببببل تهبلللللل والله في ظرف 3 ايام درتها 5 خطرات ... والله ماااتتندمو عليها ...

[@electroniquesecurite6594]

اختي دارتلك زوج ساندوشااا برك

[@hanme675]

@@electroniquesecurite6594 نعم اختي دير 2 ساندويتشات كبار

[@ريتاجبوزيان]

درتيها بسكالوب

[@hanme675]

@@ريتاجبوزيان , درتها بالتشكتشوكة والزيتون اخضر والتون ومرة اخرى درتهاها بالسكالوب والفرماج .جات تهبل في المرتين😍😍😍

[@as_ma9966]

ااااواه زوج حبات ماتخرجش عليا حنا دار العيال 😁 كامل يستناو ..دونك ندير عجينة البيتزا ونطيبها في الطاجين ..جي كيف كيف بنة هباااااال

[@user-nn9dm3zq3c]

صباح النور حكمة اليوم: #"السكوت ليس دائما علامت الرضا احيانا لا تجد جوابا مناسبا لبعض الاشخاص "# مشاء الله

[@وردةالجزائر-خ5خ]

صح.كما يقولو بدون تعليق.

[@lilia-ki6go]

و احيانا هناك كلام لا يستحق الرد عليه و لو بكلمة السكوت عن الاحمق جوابه

[@user-ws1rq5sd3d]

ايا لي يحب هشام للطبخ ويكره الحسادين يوري روحو

[@fatihakh9406]

Yatik essaha maa3ak ha3

[@tawhidtawhid1102]

ساعاات من الصدمة تبقااي ساااااكتة ..ويحسابوك عاجبك الحال🤐🤐

[@abirerebahi1446]

شيف تعيش اكتبلنا الوصفات في صندوق الوصف و الكمية لي ديرها شحال تخرجلك باش كي نحبوا نديروا نعرفو إذا نضاعفو الكمية و لالا و شكرا على مجهوداتك يعطيك الصحة

[@اخرتيجنتي]

بارك الله فيك.مليح بزاف.اللهم اشفي ابي وكل مرضى المسلمين .الحمد لله على كل حال ونشكر كل اخت دعاتلي لبابا في ميزان حسناتكم يارب.شكرا شاف.

[@chnadhir7507]

ربي يشفيه يارب

[@omabdelrahman4812]

الله يشفيه

[@user-bk8hi1kv3b]

ربي يشفيه ويعافيه

[@thevengeancelurker2763]

الله يشفيه طهور انشاءالله

[@aliasetif4217]

يعطيك الصحة جربتها في اخر يوم من رمضان جات فوووووور ولذيذة والان راح نديرها للعشاء كل وصفة جربتها نجحة وكانت ماشاء الله ربي يحفظك ويحميك ويوفقك 💖💖💖💖🌹🌹🌹🌹🌹

[@fififoufa7300]

مشكور شاف على كل دقيقة تمدهالنا من وقتك ربي يرضي عليك الوالدين ويجعلها في ميزان حسناتك

[@wafajoumana9299]

درتها اليوم للعشا جات بنينة بزاف بنتي صغيرة ما تحب تاكل والو و كلاتها.... يعطيك الصحة و بالتوفيق

[@123vivabladi6]

ضك كملت المقلوب و جا ماشاء الله رووووعة بنة و طراوة و خفة ... الله يعطيك ماتتمنى وكيما العادة عمرك ما خيبتنا في كاش وصفة

[@haydimess7437]

راحت على لي فاست فود....من...أسرار لي سوندويتش كامل وراهملنا شاف هشام....و بزيادة نحضروهم في البيت لولادنا أو لوجبة خفيفة....و الله يا شاف راك أديت حسنات خصوصا لي عندو ولادو بزاااف و ما يقدرش مسكين يخلصلهم فطور برا....ربي يفرحك شاف....و في ميزان الحسنات...

[@bensalma4654]

والله صح انا وليت نعاف الماكلة تع برا عادو غير يللبزو فيها الشيف هشام نحى علينا الميكروبات تع برى 🥰

[@haydimess7437]

@@bensalma4654 تعيفيها بسيف....صح راهم غير يلبزو....و تخافي ما يغسلش يديه....ما يغسلش اللحم او الخضر....تدخلي لبعض لي فاست فود تندمي....والله غير الشاف نحالنا بزاااف حيرة...و اصبحنا شيفان في بيوتنا....ربي يعطيه في صحيحتو ان شاء الله....بوركت أختي....

[@Darkgirl-xu6ll]

صح ربي يحفظه

[@mimiqueen6974]

ربي يهديكم رجعتو هنا زاوية مكاش لي مد رأيو في غوسات المهم انا جربتو ليوم يعطيك الصحة شاف والله حمرتلي وجهي يشهي

[@dzafkar1367]

ختي شحال خليتيه يريح

[@mimiqueen6974]

@@dzafkar1367 خليتو يريح قيس ماوجدت الحشو برك و كي كملت حشو قسمت العجين كريات و غطيتهم قيس مابرد حشو برك باه كي طيب يجيك خفيف

[@dzafkar1367]

@@mimiqueen6974 يعطيكالصحة ختي

[@user_n1jdun28dnkd92b]

اختي شحال جاوك من حبة

[@mimiqueen6974]

@@user_n1jdun28dnkd92b جاوني ربعة حبات

[@princesse5544]

تحية كبيرة شاف هشام والله تمد وصفات من قلبك وتحب تعلم الناس بطريقة سهلة متواضعة ربي يحفظك قولو امييين

[@dreams6870]

يعطيك الصحة شاف جربتها و نجحتلي بارك الله فيك ربي يفرحك و يرزقك الفردوس الأعلى

[@salmazidanirmama9479]

ياخويا ربي يعطيك ما تتمنا ويرزقك من حيث لا تحتسب...هادي تاني وصفة جربتها من عندك وجات ولا اروع احترفتو بفضلك يعطيك الصحة شيف ومزيدا من التالق✌💚

[@boughadjer6135]

شكون راه يشوف الفيديو في أيام الحجر الصحي 😢😢

[@radjakerdoune8322]

انا هههه

[@boughadjer6135]

@@radjakerdoune8322 ربي يرفع علينا هذا البلاء إن شاء الله 😥

[@daitsaid761]

انا هههههههه

[@serrayefatma999]

الكل رانانتابعو في وصفات الشيف هشام

[@serrayefatma999]

يعطيك الصحة يا شيف

[@elafrida4693]

من يشاركني الاجر صلو على محمد صلى الله عليه و سلم

[@aminaben6994]

عليك الصلاة و السلام ياحبيبي يارسول اللّٰه.

[@imeneboufarh8284]

اللهم صلي وسلم على نبينا وحبيبنا محمد عليه افضل صلاة و تسليم

[@frtb111]

@espoir espoir عليه 💐🌹افضل💐🌹🌷🌺🌸 الصلاة السلام❤💐🌹🌹🌹

[@alholmalmosafir7135]

اللهم صلي و سلم و بارك على حبيبنا و شفيعنا خير الانام محمد صلى الله عليه و سلم

[@kimakima5412]

Sala lah 3lih wasselem

[@oumali217]

جربتو اليوم في الحجر الصحي جاني روعة الله يعطيك صحتك ومزيدا من التألق

[@charrifkhaled5395]

شحال قطعلك

[@ahlemboudjemai8816]

شحال خليتيه يريح الاخت

[@chouchabalkire3649]

بصحتك

[@chouchabalkire3649]

انا راني رايحا نجربو

[@faridfifi4966]

اصبحنا و اصبح الملك لله جام قبل ما نشوف مازلنا نحوسو على الوصفات الساهلة شكرا شاف

[@user-nt6zj7ng7h]

سييتها ليوم جات رووووعة حمرتلي وجهي قدامي عجوزتي يعطيك صحا 😍😘😁

[@DoDo-dp7cj]

جربته بصح بلحم الخروف واش نقول اممممممممم روعة روعة روعة يعطيك الصحة

[@benzima6579]

شكون راهو هنا يحوس علا وصفات لرمضان ليوم نجربها نشالله علا هديك اممممم فالاخر نجربها بسيييف عليا يعطيك الصحة شاف

[@chaima1627]

اللهم صلى وسلام وبارك على سيدنا محمد وعلى آله وصحبه أجمعين الله الله عليك ربي يعطيك في صحتك شكرا

[@razantima1176]

يعطيك صحة جربتهم جاو هايلين ربي يحفظك و زيدي مديلنا وصفات ساهلين

[@mounaarabi4616]

جربتها في رمضان جاتني هايلة😍👌 وليوم وليت بااه ندي المقادير و نعاود نديرها✌ ان شاء الله❤

[@user-vz5ov2gr3s]

درتهم البارح ننصحكم ديروهم بلا تخمام بنة عظييييمة

[@chnadhir7507]

ياليلي يا عيني لعشية نديرو يعطيك الصحة اكتشفت قناة الشاف محمد والله نشبهو فيك قناتو في القمة

[@chikhisabrina7482]

الله يحفظك شاف هشام ماشاء الله وصفاتك جربت منهم وحايد والله قمه

[@3333-b7e]

يعطيك الصحة شاف ، و الله العظيم غير طيبتهم بنتي اليوم العشاء ، جاو روووووعة ، ربي يحفظك ان شاء الله ، جزاك الله كل خير ، عجز اللسان عن التعبير...

[@soumakeb456]

شحال جاتك من حبة

[@khadidjaamrouche7979]

جربتها اليوم والله يعطيك الصحة ولا اروع .وصفاتك كلها ناجحين ربي يباركلك

[@Mouhajira.]

اليوم عرفت بالي ليسطومة عندها مشاعر يا خويا ياخويا ليوم التعبير ليسطومي هههههههههه😂😂😂👍👍👍👍👍

[@maram4411]

الله يبارك يعطيك الصحة شاف

[@alyatendziria7560]

المشاعر كامل رآهم في ليستوما هههههه

[@oumsoundous9859]

هههه😋😋

[@مطبخوتدابيرناجحة]

شرفو عندي لبنات ف قناتي مطبخ البركة في القليل فيها اطباق اقتصادية و حلويات و درت لبراج و غريبية الزمان يذوبو في الفم مرحبا بيكم عندي

[@Mouhajira.]

@@مطبخوتدابيرناجحة بالتوفيق

[@joliemali9780]

وصفاتك نجربهم و عنیا مغمضین ینجحولي الله یبارك جربت لیکراب و البان کایك و البسبوسة و لبراج و شرمولة کبدة و حمیس بلجاج ماغیني کلهم وااو ومزال مزااال ههه ربي یوفقك خویا لعزیز

[@JiJi-kl4or]

حتى انا نجرب وصفاتو يخرجو بنان

[@user-hq7ov3tt3o]

#قصة_قصيرة_وعبرة تشاجرت مع زوجها بسبب الظروف المعيشية الصعبة فقررت ترك البيت والهروب انتظرت أولادها و زوجها حتى ناموا خرجت من البيت تتسلل بجانب الجدران و تمرّ بجانب شبابيك بيوت الحي من أجل أن لا يراها أحد سمعت من أحد الشبابيك: أمٱتدعوا الله و تسأله أن يشفي إبنها المشلول حتى يلعب و يعيش مثل بقية الاطفال وسمعت في بيت آخرإمرأة تدعو الله أن يرزقها بطفل يزين حياتها وسمعت زوجة تدعو الله أن يهدي زوجهاإلى الصواب وسمعت بنت تبكي و تقول: يارب أشتقت لأمّي و لكنني أعلم أنّها عندك في الجنة وسمعت إمرأه تقول لزوجها: صاحب البيت سيطردنا قل له يعطينا مهلة إضافية حتى يرزقك الله و تسدّدله الايجار سمعت المرأة الشاردة و أيقنت: أنّ الناس الذين يتظاهرون بالسعادة و يبتسمون في وجوه بعضهم هم في الأغلب يخفون بداخلهم ألمٱووجعٱ لا يعلم به أحد إلا الله . عادت مسرعة إلى بيتها وشكرت الله على نعمة البيت و الأولاد والزوج الخلاصة: انّ كل البيوت فيها ما فيها من المشاكل و النقص فلا تظنّوا أنّ كلّ من يبدو أمامكم مسرورٱ أنّه يعيش حياة مثالية فخلف هذا الوجه البشوش آهات ومنقصات لا تعلم أنت بها فلا تقارن حياتك بحياة الآخرين فالحياة لا تصفو لأحد. فقل الحمد لله دائما و أبدا *​✨صـَّــبـآٍْآٍٍْْآٍٍٍْْْآٍٍْْآٍْح☕آٍْآٍٍْْآٍٍٍْْْآٍٍْْآٍْلَـٍّخــٍّيـر✋🖤 🖤ⓜ✰ツ

[@chemsoudoz314]

على حسااااااب لحاااااافك مد رجليييييييك يعطيك الصحه كلام منطقي ومن الواقع المعاش

[@anonyme_amira9114]

الله يرزقنا بنعمت الرضا

[@asmanoor7047]

اليوم درته خرج روعة تاع الدار كامل عاجبهم اول مرة نطيبه وصلح ليا شكرررررا شاف هشام ربي يحفظك لينا

[@halimabas3818]

جربتو جاني بنين بزاااف يعطيك الصحة شاف👌👌👌👌👌👌👌

[@akrambasset5075]

جربتها البارح جات تهببببببببل يعطيك صحة

[@user-cc9ub6zy7g]

واخيرا والله عندي شحال وانا نطلبها و مزال شاباتي يا شاف

[@amalmayssa8304]

أنا تاني توجور نطلب شاباتي إن شاء الله يسمع طلبنا

[@soumiatur27]

@@amalmayssa8304 ديري تع ام اسل سييتو وجاني بزاف شباااب راني على الشاباتي

[@kokigogo5447]

والله سييتها من اروع مايكون يعطيك الصحة شاف

[@dourssaf83]

جربتها ضك للغدا والله بنه لاتقاوم يعطيك الصحه

[@mairioualid7989]

عيشك ختي قوليلي كفاه جاتك؟؟ و قداه جاتك من حبه؟؟

[@asmamimi2398]

قداه جاتك من حبة

[@ibrablidi7999]

صح ولا بلعاني

[@lembarekhadji1406]

سلام هذا وين كملتها للعشا جات فوق التوب ربي ايبارك فيك يا شاف وصفاتك حقا رائعة

[@ouargliaalgeria6111]

العجينة : نصف كاس ماء ربع كاس زيت نصف ملعقة ملح نصف ملعقة خميرة ونخلطو كاس ونصف فرينة وشوفي اذا تزيدي العجينة تكون يابسة شوية ماتلصقش يعني ونعجنوها شوية برك

[@chouchou327]

درتها لبارح جات روعة 😍 ربي يحفظك شاف وربي يفرحك كيما أنا فرحت راجلي بهدي وصفة

[@sarahbennour4797]

بصحتكم بصح شحال جاتكم من حبة

[@جنتيأميأمياسر]

راني أول مرة من الأوائل راح نجربها غير عل جال هادي يعطيك الصحة شاف

[@assilassil7550]

وش نقولك 😍😍 ،واحد المقلوب ،يقتل ،جا طوووب ،جربوه يا لبنات روعة ،راجلي ياكل ويتشهى 🤩😘 ،مشكور كي لعادة شاف هشام ،ربي يحفظلك لي عزيز عليك ،كل توفيق لك

[@miminousa5451]

Wach mn tajin taybtih fih

[@assilassil7550]

@@miminousa5451 طيبت على طاجين لحديد لي نطيبو فيه الكسرة ،نقصي للنار باه يجي باهي فتحمار تاعو

[@samirabouceba9191]

Ma3andiche tajine nta3e 7dide nahdare ntaybou felmakla wala tajine nta3e alfakhare !?

[@assilassil7550]

@@samirabouceba9191 اه طيبي عادي،على نار متوسطة باه يجي محمر وباهي

[@samirabouceba9191]

Merciîii bcp dartou wallah ja haaayyal bniiiiiine machaaa allah chokrane bzef

[@mimisamouna641]

رجعت ندير جام قبل مانشوف لافيديو😍😍😍😍😍

[@radiasb9857]

روعة هشام في التمام

[@soumiuvu2997]

شكرا شاف وصفاتك لي جربتها نجحتلي كامل وخاصة البشاميل وليت محترفة فيه هههه جزاك الله خيرا

[@PerLa-ik5zw]

هاااااايل يعطيك الصحة 💖💖 ديرلنا دوبارة بسكرية عيشك

[@oummatia7907]

روحي زوري قناة ام منير بسكرية دارت واحد الدوبارة واش نقولك

[@PerLa-ik5zw]

@@oummatia7907 شكرا ضوكا نشوفها

[@cherguisamia6157]

جربتو فنفس النهار يا هشام وجا بنين 😋.. ربي يعطيك صحتك

[@ess5279]

قداش خرجلك نحبة

[@hendisaida4872]

خويا هشام ماتنسانش pain d'épices بارك الله فيك

[@user-pd5fy2pi8j]

امممم😋

[@meriember3687]

Ouiiii pain d'épices svp

[@nesrineyacine7477]

احب حلوى لقلبي

[@louizabensefa5903]

ملفوف تونسي : نص كاس ماء + ربع كأس زيت + م ص خميرة خبز + ملح + فرينة .. الحشو :صدر دجاج فلفل اسود ملح كراي دجاج زعيتر اكليل جبل موطارد زيت هريسة بصل مقطع رقيق ... زيتون مقطع طماطم مقطعه و فرماج مرابي ..

[@assilassoula9379]

وليدي رح يقرا و انا رني في مقلوبة تونسية بالتوفيق للجميع

[@roumaissa350]

صباح الخير اختي ممكن تتفظلي عندي

[@oummouhamed1316]

رانا كل تقلبنا هههه .كنت راح ندير مرقة زيتون راني حبست

[@assilassoula9379]

Lah yberk rani abonitek

[@roumaissa350]

@@assilassoula9379 يبارك فيك عزيزتي شكرا اختي والله محتاجتكم بزاف ربي يفرحك بولادك يارب

[@kikakika312]

باغية نديره الليلة للعشاء درته مرة جاني يهبل😍😍😍

[@User-ho1xg]

أصبحنا وأصبح الملك لله 🤗 يعطيك الف عافيه ياشاف 😘😘 جربت شحال من وصفة من مطبخ تاعك وخرجولي كامل ناجحين وربي يجعلها في ميزان حسناتك يارب 😊😊وبلا ما ننسى اممممممم ياخويا ياخويا 😋😋

[@HamidHamid-co4wc]

شكون ره يشوف فالفيديو في رمضان يبين روحو 💔💔💔

[@missoo6955]

جربتها ليوم جاتني هاااأاايلا . يعطيك الصحة خويا هشام راك متهلي فينا 😉🎩

[@mizzolmize5252]

جربتو اليوم جا طوووووب ماشاء الله

[@rilassou1338]

السلام عليكم، وقتاش جوز في سميرة اخ هشام،شكرا

[@bassmalalat5079]

ولله ديما تشهينا بواصفاتك اليوم درناها في الغدا جات ماشاء الله 👌

[@keysoflife2587]

بصحتك يا اخونا، راني صايمة و شخفت على المقلوب التونسي، كليتو في سوسة روووووووووعة

[@charefbhd6466]

يعطيك الصحة شاف جربتو راجلي هبل عليه.

[@Rosalina28119]

أحسن حاجة هي كي تذوق خويا هشام وتقول همممممممم تشهيناااااا 😁😁

[@biohind8232]

هبااااااااال هاد السندويش تحب تبكي مالبنه فووووووور ديروه ما تندمووش انا فارسيتو بالشورما اااايما روووعه

[@minanina911]

مطابتليش لعجينة من. داخل

[@katifleur7406]

والله ياخويا هشام مازال مادرتش وصفة من وصفاتك ومانجحتليش الله يعطيك الصحة 👍👍تحية من وهران ليك ولكل من يقرا تعليقي

[@sdathamza9618]

محبتش تخمرلي علاش😭😭😭🥺

[@youceffares700]

العجينة : نص كاس ما ، ربع كاس زيت ، نص ملعقة ملح ، كاس و نص كاس فرينة و لمهم

[@bntbabaha671]

يعطيك الصحة جربتو جاوني رووووعه😍

[@fatimabez3434]

نصف كاس ماء مع حوالي نصف كاس زيت نصف ملعقة كبيرة ماهيش معمرة ملح نخلطوا مليح كاس ونصف فرينة نعجنوها شوي ونخليوها تخمر نوجدوا لافاص سكالوب نقطعوه قطع صغار ملح فلفل اسوده كاري دجاج اكليل الجبل زعيترة لاموطارط هريسة شوي زيت نخلطوهم وشوي بصل مقطع رقيق مقلة شوي زيت تسخن نحطوا ماريني يتقلا نطفيووا عليها ونخليوها تبرد طماطم زيتون مقطع معدنوس وفرماج العجينة نقسمها على زوج ونفتحها

[@soniadz2576]

حرام عليك شاف😟🤣 ادا على الحداش نتاع الليل صعيب الحال نشوفك نهار كامل وانا نجري مع الوليدات والمدرسة والكوزينة ثمانية تسعة راني 😴😴😴😴😴بالتوفيق ولد بلادي🇩🇿🇩🇿🇩🇿 عالمي بكل المقاييس خليك دايما كيما موالفينك نوصلوك لعشرة مليون ان شاء الله 🤲 راك فالغربة مشهور بيناتنا كل واحدة واش تقول جربت هاد الوصفة نتاع شاف هشام المالح والحلو وصدقولنا ماشاء الله TOP 👍👍👍👍👍👍👏🏾👏🏾👏🏾👏🏾👏🏾👏🏾👏🏾👏🏾👏🏾

[@marwatouta4194]

اعطيييك الصحة جربتها وجات تقتللللللل قصف ربي يباركلك في يديك ان شاء الله 🥰🥰🥰🥰

[@ahlemahlem6087]

درتها قداش من مرة لي يذوقها يقولي ماشاء الله يعطيك الصحة خوية

[@naouelky4606]

شحال جاتك من حبة مقاديرو

[@djidji8547]

Chhal drtlkk men haba nhws ndir b zyada kifh ndir ?

[@hadiaelmecherfi867]

راني جربتها وجات بننييينة يعطيك الصحة حتى راجلي عجباته

[@ninajoudi2452]

مزيا لي وحدة جرباته و قالت ملي دخلت لتعليقات مكانش لي قالت جربتو راح نديرو ليوم للعشاء

[@chemseddinechemseddine5018]

صباح الخير على بنات وولاد بلادي 🇩🇿شفتو هشام ومادار فينا 😊 يعطيك الصحة شاف👨‍🍳 ومتنساش السنيكرز. وكي تعود رايح لسميرة نشالله لازم تدي معاك البسينة الوردي لانو سر البنة راهي فيها هههه

[@LSD592]

فارق كبير على المقلوب التونسي الأصل المقلوب التونسي لا يعلى عليه !

[@nesrinecher6420]

يعطيك صحة شاف درتو جاني يهبل خير من تع برا 😍

[@melaisbrahimi2903]

اللي جات تشوف الوصفة راني جربتها اكتر من رائعة يعطيك الصحة شاف جربوها وعينيكم مغمضين

[@user-vc6ks2qi4h]

اروع من قدم المقلوب التونسي على الأطلاق 🍨🍨🍨🍨🍨

[@nananajla7667]

هاذا وين طيبتها للغداء جات تهبل بنة مش نورمال جربوها وماتندموش يعطيك صحة شاف

[@itsme.0505]

شحال من حبة دارتلك ؟؟؟

[@nananajla7667]

@@itsme.0505 انا ضاعفت الكمية على 2 ودارتلي 6 وكمية تاع شاف ديرلك 3 حبات متوسطين

[@doudadoudi1353]

شحال جاتك وحده و شحال خليتيها تخمر

[@rabahahmed1614]

يعطيك الصحة أخي هشام على الوصفة الرائعة راهي تشهي معاك يتريبلا البوا الأكلات اللي تحضرها قمة في المذاق والبنة مانحكيش ربي يحفظك ويوفقك

[@minouamine5320]

ممممم يبان بنين شهيتني غدوة نديرو عشاء وحبيت نقولك انت رائع زوجي سمن غي من وصفاتك ههههه يعطيك الصحة

[@khoukhaoura5819]

حريتهم و جاو هايلين و رايحة تعاودهم ليوم للفطور بادن الله ...

[@وماعنداللهخيروأبقى-ن7ق]

عجبتني لعجينة جاية تقرمش مشب هذيك لي تتفتت حابة نجربهم بصح بغيت نديرهم على شكل فطائر يعني نغلقهم كي ليسوفلي يصلحو؟

[@saratouati3496]

سبحان الله هشام من الصفر الى الفخر🎉❤ الحمد لله

[@salahmazghiche7168]

درت ميني بيتزا يا خويا يا خويا جاو هايلين 😋😋😋😋😋😋😋 روعة روعة روووعة ناكل و ندعيلك 😁😁😁😁 و اليوم راح نجرب الوصفة هدي

[@aichainfr9858]

وصفاتك جربت معظمها وناجحة لحاجة لي تخليني نجرب وصفاتك غي على جال ذوقاا وتقول ابااابااا تسخفني نوض نجري نجربها

[@azeddinebrik1313]

هيه معليش تروح عن سميرة لكن دير هنا في اليوتوب انا منتبعش قناة سميرة اصلا نتبعك هنا خير وصفاتك كاملة ناجحة ونديرها اول باول ولادي عجبتهم ومام يعجبهم الاكل لي نطبقه من قناتك

[@linaprincesse6673]

صح عندك الحق انا تاني منتبعش سميرة نحب اليوتيوب خير

[@dinadania3208]

والله صح انا منتبعش سميرة واقيلا راح يبطل يدير الوصفات في اليوتوب

[@nasrinnina664]

@@dinadania3208 😲😔😢

[@nasrinnina664]

@@linaprincesse6673 أنا تاني منتبعش قناة سميرة هادي زمااان كنت نتفرجها

[@user-ti9bz1vf6r]

انا تاني نحب اليوتيوب منتبعش سميرة ان شاء الله يقعد يحط الوصفات في اليوتيوب

[@user-ef6cf6zs5f]

يعطيك صحة شاف درتو و جاني بنييييين مينشبعش شكرا

[@iyadrtyui5134]

ربي يعيشك جربتها ليوم لوليدي عندو 4 سنوات عجبوه وشبعه كريشتو هههههه

[@mayssacheraz6480]

دك برك درتهم .ماعندي مانقولك الله يفتح عليك .نموت على المقلوبة التونسي.ولادي هبلو عليه و درتو بالتون و الفرماج و كي طابو دخلتهم شلاظة و مايونيز تع الدار و الله ذوق وحدوووو..

[@sabrinedjelloul3541]

جربتهم و زدتلهم فريت و تونة جاو هايلين يعطيك الصحة شاف هشام و صحا رمضانكم 😊❤

[@lunans2710]

بإسم الله ماشاء الله جربتو قمة الله يبارك هاذي ثالث وصفة نجربها اكل نجحولي ربي يباركلك ويحفضك

[@omiyed1354]

درتو لبارح فالعشاء والله جا بنيييييين روعة يعطيك الصحة خويا مزيد من النجاح

[@oufighousherine9320]

Malak Malak enfin wahda dartou

[@aichatebbani5690]

درتهم اليوم ،وحق ربي غير ماشبعت هههه ،روعة

[@nassimamerah9227]

يعطيك الصحة شاف👨‍🍳👨‍🍳👨‍🍳...بإذن الله راح نديرها للعشاء ....شهيييتنا يا خويا بصحتك👨‍🍳👨‍🍳👨‍🍳

[@fanfanlatulipe8108]

يا وليدي يا وليدي علىle sense de l'humour ديالك ربي يحفظك

[@dadadaroussa7512]

نقعد نقرا تعليقاتكم 💕💕وننسى الفيديو يمشي وحدو 😂😂 ....ومن بعدها نعاودو 😀

[@أستغفراللهوأتوباليه-ع9ج]

والله تصرالي بزااااااف ههههههه

[@anonyme_amira9114]

انا فاني داايما تصرالي

[@user-gv1ke4jt4p]

انا ثاني

[@banban8579]

ههههههههه ضحكي

[@bekrisamia9881]

صح انا ثان

[@tasnimsouni9745]

جربتهم جاو روعة وصفة ناجحة 100٪

[@mohamedyahiaoui3225]

ايما و شنو هذا نموت على هذه الماكل يعطيك الصحة شاف راح نسميك سنيكرز الله يسترك

[@naimaberkani4667]

الوصفات تاعك لي جربتهم كامل ناجحين ماشاء الله ربي يحفظك