Рет қаралды 7,072
Аливаа амьд бие хий, чийг, тоос гэсэн гурван махбодоос тогтох бөгөөд энэ гурвын нэгдэл дээр амь буюу сүнс ирж сууснаар амьд болдог байна. Амь нь сүнс, эд нь хий чийг тоос.
Хүний биеийн жингийн 70% ус, 20% нь яс булчин үлдэх 10% агаар байдаг бол манай гаригийн гадаргын ус 70%-г ус, 20%-г хуурай газар, агаар мандал 10%-г тус тус эзэлдэг байна.
Биеийн эсийн хий чийг тоосны харьцаа мөн дээрхийн адил байдаг. Хүн хоол идэхгүй сар орчим амьдарч чадах бол усгүйгээр долоо хоногоос илүү харин агааргүйгээр ганц хором ч амьд байж чаддаггүй хэврэг өчүүхэн нэгэн.
Гэтэл өнөөдөр өөрсдийн өчүүхэн шуналдаа хөтлөгдөж хорвоо дэлхийн хамаг шороог ухаж төнхсөнөөс болж хөрсөн дээр ургах ургамал хордон устаж түүнийг идсэн малынхаа маханд хордож, далай тэнгис гол мөрнийг бохирдуулж ширгээснээр ундны усны хомсдолд орж, хөгжингүй үйлдвэржсэн нийгэм нь агаарыг бохирдуулж байгаагаас хэт ягаан туяанд амьдаараа түлэгдэж, угаар утаатай агаар амьсгалан амьсгалын замын өвчнөөр нас барцгааж байна.
Өөрөөр хэлбэл бид эх дэлхийнхээ агаараар амьсгалдагаа, рашаанаар нь ундаалдагаа, газар шороон дээр нь ургасан бүхнээр нь ундаалж хооллодогоо умартан цэнхэр гаригтаа дайсагнан хандаж байгаа нь өөрсдийгөө үхэл рүүгээ туун аваачиж байгаагаас ялгаагүй болжээ.
Нэн даруй ухаарахгүй бол хожимдож эх дэлхий маань тэвчээр алдран энэ аюул заналаас өөрийгөө хамгаалахын тулд нэгэнтээ ширүүхэн хөрвөөхөд л хамаг амьтай бүхэн зовлонтой жаргалтай, зөвтэй буруутай нь ялгалгүй бүгд түүнд өртөн арчигдаж хүн төрөлхтний түүх дахин хэдэн сая жилийн дараанаас эхлэн тоологдох дээрээ тулаад байгааг ухаараасай.