Sizə xoş dinləmələr! 🎵💖 Görüşünə gəldim səndən xəbərsiz, Səni görmək üçün gözlər tələsdi, Keçdiyin yerlərdə gəzdim, dolaşdım, Yolunu getməyə dizlər tələsdi. Gecələr yadıma düşürsən mənim, Səndən ötrü sinəmdəki ürək tələsdi. Unutdum qoxunu ötən illərdə, Sənə toxunmaqçün əllər tələsdi. Əsən küləklərdə səsini duydum, Könlümün sazağı yaza tələsdi, Sənsizlik şam kimi əritdi məni, Pərvanə yanmaqçün oda tələsdi. Dərin bir ümmandın, üzə bilmədim, Sənə dalmaqçün nəfəs tələsdi. Sanırdım axtarıb taparam səni, Sözümə baxmayan ömür tələsdi.