شنو اختار كلية غير الطب ؟ شلون انجح بحياتي ؟ شنو حقيقة الطب ؟

الكثير من الطلاب كان حلمهم يجيبون معدل يأهلهم لكلية الطب لكن للاسف أحياناً أعشار تكون فارقة بين كلية الطب و غير كلية .
بهذا الفيديو نتكلم عن اشخاص قريبين عليه و معدلاتهم و وين خلتهم يوصلون .
وشلون ممكن الشخص يختار فرع و ينجح بيه بالمستقبل و يكون مصدر رزقه .
د. عثمان قتيبه
مقيم أقدم جراحة القلب
#العراق #بغداد #مدينة_الطب #الطوارئ #قصة #قصص_طبية #قصص_واقعية
‏#iraq #baghdad #medical_city #emergency #medicine #DrOthmanQ #doctor #story #story_time @DrOthmanQ

[@user-jg6qs2pb4v]

اني جنت اريد ادخل طب وقريت كل جهدي لكن ظروفي وفاة امي كانت كلش صعبة عليّ طلعت معدل مايقبلني طب لكن الله برحمتة ولطفه عوضني بالصيدلة نصيحتي الى طلاب السادس لا تعيد سنة اذا ماعندك الطاقة والاصرار روح الى الجامعة الي كاتبهة الك رب العالمين وحاول تبدع بي نحن انخلقنة مو حتى ندخل مجموعة طبية نحن انخلقنا حتى ندخل الجنة وان شاء الله تكون وضيفتنا بالدنيا سبب دخولنا جنة عرض السماوات والارض

[@MohamedEsam-hb2kv]

الله يرحمها ويغفر لها ويسكنها فسيح جناته ويكتب اجرك ويوفقك

[@user-mt2uq8qr9i]

الله يرحمه برحمته الواسعه😢

[@user-mt2uq8qr9i]

الله يرحمه برحمته الواسعه😢

[@Dopamine_Ahmed7]

الله يرحمها

[@gameplyer5091]

الله يرحمها هذا احسن كلام لأن بهذا الفترة هواي طلاب يدخلون طب وينسون باقي التخصصات وهذا جاي يدمر مستقبل الأجيال القادمة ❤

[@فاطمةعلي-ف9م]

ياهو يفهم الناس عدهم الدكتور هوء انسان ناجح وهذا اكبر خطآ الانسان ينجح بالقسم الي يحبه المدرسين اليتيوب بالنسبه الي ناس ناجحين لان ساعدونه كلش هوااي يشرحولنه شرح مجاني

[@Ali-ln3hx]

و الله دكتور اذا تحجي حجاية على المجموعات الطبية كبل يكلك اي الي ما يلوح العنب يكول حامض يعني حرفيا لو يدافعون عن الاسلام و الناس المستضعفيين بنفس الشغف جان احنة بخير

[@user-tea700]

@@Ali-ln3hx 😭🤣ذكرت بيبي الله يرحمها + واذا انت داخل مجموعه طبيه نفس الحاله

[@AntiCringeAndDislikeToAllGays]

ليش دوما تنتضر منا نسوي شيء وانت نفسك ما خادم غيرك + احنة نحاول نخدم الناس بكل شغفنا و قدر النكدرله و هواي اطباء ما يكدر يساعد السبب لان رواتبنا ما تكفي يعني شلون تريد بيت و سيارة و توفير عيشة كله براتب تسعمية و المهنة ما نكدر نطلع منها فلوس تسوة الا بعد ما نوصل للتخصص و ما فوق التخصص يعني ٣٠ و انت صاعد و لو تروح للمستشفيات و العيادات هواي اطباء كلش هواي انجازات انسانية عندهم فما اعرف ليش لازك بهل كلمة

[@ZaidAbdualhadi]

@@Ali-ln3hx ض

[@Ali-ln3hx]

@@ZaidAbdualhadi شكرا

[@mustafa_.ss5]

😂😂😂😂

[@ppooppoo-rm7ml]

المفروض الدوله اتخلي دخول كليه الطب مو من السادس انما امتحان خاص اصير الطلاب الي تريد تدخل طب حته الطالب يعرف نفسه ادبره لو لا مو بس بالطب بكل الاقسام

[@Hassan_Basim]

نفس التفكير،علمود نمييز بين الشخص اللي صدك يريد هذا القسم عن الشخص الثاني

[@vian0o]

اتفق، طبعاً هاي بالدول الأجنبية هيج يمنا كل من هب ودب يدخل طب

[@zahraa7721]

اي والله

[@Rania-hn5sg]

حتلو صار ما يفيد طلاب العراق خلال سنتين يهكرون الامتحان لو شما كان بعدين مستحيل امتحان يشمل كلشي بالطب حتى نعرف هذا الطالب يناسب الطب لو لا +اكيد اكو منهج لهذا الامتحان والطلاب راح يجهزون نفسهم ويقرون اله حاله حال السادس واعيد خلال كم سنة يهكرون الامتحان

[@9zhwo]

​@Rania-hn5s😂😂

[@mh_nd]

طلاب معدلي ٥٤ دخلت معهد واتخرجت منه وحاليا جاي اكمل كليه هندسه مدني مرحله ثانيه الحمدلله والشكر خلصت المعهد وطلعت الاول على قسمي بمعدل تخرج ٩١.٣٠ وحاليا دا ادرس كليه هندسه بالمرحله الاولى والثانيه طلعت الاول على قسمي بالهندسة رغم وياي معدلاتهم فوك ٩٠ رغم جان معدلي بالسادس ٥٤ بالسادس فنصيحتي ياطلاب حاول تنسى موضوع الي حصل وياك بالسادس لان يجوز ماتوفقت بسبب ضروف بس صدكيني الكليه اذا تتعب على نفسك راح تحصل الي تريده بسهوله وكل التوفيق لكل شخص يقرأ تعليقي

[@Aylol_195]

معهد شنو ؟

[@geminiflowers]

عوض رب العالمين الحقيقي :

[@mh_nd]

@@Aylol_195 معهد تقنيات الهندسة المدنية

[@mh_nd]

@@geminiflowers ربي يرزقك بالي تتمناه🌷

[@S6ic]

@@mh_ndوين موجود هذا المعهد و شنو معدله حاليًا ؟

[@zahr_aad]

غداً ساخطو أول خطوة في أمر، حياتي و سعادتي متعلقة به، دعواتكم اتوفق و أعود فرحانة و سعيدة.

[@klaraarmy3405]

ان شاءلله يارب 😍 الله يوفقج ان شاءلله ❤❤❤❤

[@laethather_818]

يرادلنة هواي شغل على ارشادات اختيار التخصصات وفد تنظيم يرتب مقابلات بين الطلاب واصحاب التخصصات للاستفسارات لين صراحة خسارة عمر وفلوس وتخريب حياة من تدخل تخصص وتنصدم بسلبياتة وتكرهة وممكن يخرب بحياتك ويقيدك ومضرة عامة للمجتمع

[@_AMMAR-99]

هذا الكلام ما تشوفة بالعراق العظيم 😅 بس تگدر تشوفة بغير دول طبيعي، مثلاً: مدارس احد الدول الخليجية اكو اوقات معينة غير الدراسة يحضرونها حتى يتعلمون ارشادات عن الاختصاصات، واكو اشخاص مختصين بهذا الشيء.

[@Adam0Null]

ما تتخيل شكد مهم لطلاب العراق

[@laethather_818]

@@_AMMAR-99 موجود بغير الدول بس كلش نفتقرلة مادري شلون عدنة هلكد طلاب سادس وخريجين ومحد مفكر بهالسالفة واهميتهة

[@laethather_818]

@@Adam0Null خوية اختيار التخصص او العمل او الوظيفة باهمية اختيار شريك الحياة اهم اختيارين وشكد نسمع ناس متندمين على اختصاصاتهم مو دوم اللي تحبة وتحلم بيه يطلع صح ممكن مكانك مكان انتة متتخيلة وممكن ماسامع بيه اصلا نظرة المجتمع لهواي اختصاصات موضوع معقد ومزعج

[@gameplyer5091]

​@@laethather_818شوف صديقي مو شرط الدولة هي الي تقوم بهذا الشي المفروض انت شخصياً تبحث 😊

[@haiderjassm1355]

اول شخص يوعي الناس بمخاطر الطب والحلم الوهمي

[@-xs4xw]

الحلم الواهمي؟

[@Adam0Null]

شوف فيديو دكتور عثمان عن حياة الطبيب وراح تعرف شنو يقصد

[@user-jo1nz4tm4d]

اي لان انت متخيل فلؤس سيارات وكلشي ونسه وتنصدم بالواقع الى انت بي بس دراسه وشايف من تكلي مساعده الناس جذبوالله ​ لان لو صدك ما الالف من الناس جاي تموت @@-xs4xw

[@Aboo_o5]

والله صراحة كان حلمي من الثالث متوسط ادخل طب عام واتخصص بجراحة الدماغ والاورام بس قدر الله وما شاء فعل اصعب سنة مرت على كل الطلاب هي 2024 بعد رضيت بمعدلي 73 ومأجل 3 مواد وشكد ميصعد او ينزل عادي مراح اعيد لان سنوات تركض ركض ولازم نشوف طريقنا او مستقبلنا ان كنا نتخصص بشي مفيد او ناخذ مصلحة بلقطاع الخاص يم رب العزة بعد هو يحدد والف مبروك لكل من تعب وجاهد انت بطل ✊🏻

[@gameplyer5091]

احسن كلام والله اضيع ثلاث سنوات بسادس من حياتي وخمس سنوات بلكلية ادرس طب وين اكو هيج ومن تحاول انك تحجي وياه عن تخصصات ثانية يكوم يكلك عوفونة شتريدون من عدنة الي بينة مكفينة عبالك تريد تغتصبه

[@AlZahraIssues]

تفكير جدا صائب اني عدت بالسادس وبالثالث وكلش متندمه هسه لان اشوف الي وياي قسم تخرجو وقسم مرحله ثالثه راحو واني بعدني بالسادس ارضو بألي قاسمه الله الكم وأكيد هو افضل شيء 🌹

[@zano_2026]

اني هم دفعه 24واهلي يلحون عليه اعيد بس اني مالي واهس اعيد

[@AlZahraIssues]

@@zano_2026 اذا مالج واهس ابد لاتخطين هاي الخطوه لان بعدين تتندمين اني عدت واني بالسنه الاول اكدر اطلع معدل ب77 وعدت سنه واني لا اريد طبيه لا اريد شي وهسه متندمه

[@user-eu8uh5ry4i]

انه مثلك رجعتي دور ثاني نشوف منو الاعلى 😂

[@Salih__Ali]

اني سادس خارجي د2025 اما اطلع معدل 100 او معدل 100 . نصيحة التزم بصلاتك وكون قريب من ربك وصدگني ال100 تجي بكل سهوله

[@danya-hd4ys]

ولش مية ؟ ماله داعي المية نحنا ما انخلقنا عشان نكون بيرفكت ويلي مقدرة رب العالمين هو يلي رح يصير كافي تحطون ضغط عالطلاب هم بس عليهم يسعوا والدرجة كلها بيد رب العالمين والخيرة في ما اختاره الله لنا

[@Salih__Ali]

@@danya-hd4ys صح لكن اذا اضل نايم واگول الله كاتب معدلي فهل راح يجيني معدل عالي ، لازم اسعى بكل ما عندي من طاقه لتحقيق اكبر نتيجه وهي ما ارداها الله لي !!

[@ARAy309]

الله يرزقني واهسكم🗿💔

[@Salih__Ali]

@@ARAy309 اللهم آمين ، نصيحة حاول تتخلص من مشاكلك الخاصة مثل مشاكل مع الاهل او ديون او عمل او اي شي والباقي سهل فقط متابعة كم يوم وراح تصير الدراسة كل حياتك اصلاً ما ترتاح اذا ما تدرس يوميه

[@Zipzeboo]

​@@Salih__Ali والله كلت هذا الكلام وكلشي ماكو وفوكاها وراي دور ثاني خليك واقعي قبل كلشي احلم واطمح بس اهم شي ما تتحطم لانو حرفيا كلشي متدمر حوالية حتى القراية لعبت نفسي منها

[@omarozil1477]

نصيحة أخوية آني عدت ٣ سنوات وردت اعيد اسويهن ٤ بس الله ستر شباب شوفو اللي الله كاتبة الكم هوة اللي راح تحصلو سنة اولى جبت ٩١ والثالثة جبت ٩٥.٥ ونفس القبول مافرق شي لكن كانت مجرد مماطلة وتأخير مع الاسف إلى الآن ندمان على السنتين اللي ضيعتهن

[@user-fn6oq1fh3i]

تقريبا مقبل مفكر اعيد سنة ثالثة مثلك بس خايف ومتردد لان طموحة مو طب بعيد كل البعد عن الطب انما بهيج واهسي احصل معدل عالي واتفاخر بي وهي هااي الكاتلتني

[@zahraa7721]

سنة ثالثة شكد معدلك

[@mohamadahmad3837]

@@user-fn6oq1fh3iبس بالبداية راح تتفاخر بالمعدل وراها محد راح يدير بال للمعدل والكل راح يسألك عن اختصاصك ففكر قبل لا تعيد المعدل مجرد رقم لكن التخصص هو الي باقي وأنت كلما تطور نفسك بتخصصك وتكون أنت حاب اله راح تبدع بي وراح تكون إمكانية رهيبة وهواي تحصل من الجانب المادي

[@omarozil1477]

@@zahraa7721 ٩٥.٥

[@omarozil1477]

@@user-fn6oq1fh3i المكتوبلك هوة اللي راح تحصلة علة فكرة اكو هواي مجالات حلوة وبيهة شغل عدا الطب كذلك المؤسسة الصحية اتعس المكانات اللي ممكن تشتغل بيهة فخلي بالحسبان انو الدراسة مو فقط طب

[@_AMMAR-99]

صراحتةً المثال الاول عن براء: فعلاً هذا مثال للانسان إلي يريد ينجح بالاخرة قبل الدنيا، وهذا الانسان راح يتوفق بحياته اكثر من الانسان إلي يريد ينجح بالدنيا الزائلة قبل الاخرة، كل هذا المعدل وكل التخصاصات المتاحة بهذا المعدل رفضها واختار الشيء إلي يناسبة، الله يوفقه ان شاء الله ويوفق كل شخص يهتم ويفكر بالدنيا وبالاخرة.

[@user-op6iv3je4t]

فعلاً والله من احلى واجمل الأمثلة...ولكن لدي سؤال الك اخي العزيز وأريد نصيحتك ؟ الطالب الي ما عندو مصلحة غير الدراسة ومثل ما قال الدكتور ايگول الطالب يروح ع تعيين المركزي علمود مستقبلهُ واني من هذا النوع الي يريد التعيين بعد التعب صراحة ماكو قسم أبالي الي أبالي أريد أختار قسم بيه مستقبل لان ما امتلك مصلحة سوى الدراسة.

[@_AMMAR-99]

@@user-op6iv3je4t والله يا عزيزي اني ايضاً طالب، حالي من حالك وما اعرف الاقسام إلي بيها مستقبل، تگدر انت تبحث باليوتيوب عن الاقسام إلي تعينها مركزي لسنة 2024 وفوق.

[@user-de8dt8gm5e]

@@user-op6iv3je4t سياسة القطيع 99% من الشعب يفكر هذا التفكير تزاحم ليش الشاحوذ يطلع دخل عالي لان مابيه تنافس اخيتارك طبيعي اجعل الدراسه سبيل للوصول وليس هدف وتذكر مسي هدف واحد سجله في كاس العالم يعادل ما تكسبه انت في كل حياتك الاختلاف يصنع منك شخصية غير كل الأشجار تنمو الى الاعلى لكن اذا تحكمت باتجاه اغصانها سوف ترسم شكلا مميزاً وتلتفت الناس اليه اكثر من الاشجار المرتفعه

[@stuner0]

​@@user-op6iv3je4t الرزق من الله سبحانه وتعالى ومكتوب الك من قبل لاتجي للدنيا روح التخصص الي اقرب الك وتحب تشتغل بي او روح قسم تحسة الشغل بي يلوكلك والروق من الله سبحانه وتعالى

[@_AMMAR-99]

@@user-op6iv3je4t اني طالب حالي من حالك، وما عندي معلومات كافية عن هاي الشغلات، تگدر تبحث باليوتيوب عن التخصصات المضمونة مستقبلاً .

[@xx.oo50]

توتي اكتشفت دكتور عثمان گاعد على كرسي والله عبالي واگف حتى الحلقات السابقه الي بنفس المكان عبالي واگف 😂

[@g69h]

غير يموت تعب اذا واكف😂

[@xx.oo50]

@@g69h لا ميتعب لان اكيد متعود على الوگفه طبيعه عمله عودته

[@fatima_18ali]

الا قريت تعليقج يلا انتبهت🤣

[@xx.oo50]

@@fatima_18ali 😂😂😂

[@Alioalioalio2065]

اكتشاف خطير راح ينقذ البشرية

[@user-xx7ex8tq2r]

احنه تفكيرنه تعبان وتفكير الاهل همين لان يردونك تدخل بل صحه واحنه هاي سنتنه هواي سدو اقسام من التعين المركزي النجاح مو بس بل دراسه ول التعين النجاح بكلشي بل التخصص الي تحبه تكدر تشوفلك قسم تشتغل بيه على القطاع الخاص

[@كوزال_ف7ح]

اتفق

[@nabalm2067]

طلاب السادس اختاروا زين وبناءًا على المنطق ،هاي حياتكم واختياراتكم لتسمحون للناس تأثر عليكم ،اختاروا بحكمة، محد حيتعب ويسهر ويبذل جهد غيركم ،بالتوفيق يارب❤

[@safuan00]

المفترض يعملوا قياسات للطلاب في اخر مرحلة في الثانوية وعلى اثر هذه القياسات يحددوا ميول الطالب بمعنى اللي ميوله هندسة يروح هندسة واللي ميوله إدارة يروح كلية الادارة واللي زراعة يروح كلية الزراعة وهكذا..... مو اي واحد يجب معدل عالي يذبوه في تخصص ما يريده ولا يناسبه

[@zahraa7721]

أي والله 😢

[@Zllix777]

عدت سنتين وماحصلت الطب ودخلت باكتئاب حاد وخسرت صحتي ادعولي بالشفاء

[@rainakhuald3638]

الخيرة فيما اختاره الله ، إذا توسع نظرك وتحاول تفهم الأمور من اكثر من جانب واحد راح تفهم انه لكُلشي حكمة ، مو كُلشي نريدة نحصل علي ممكن يكون شر النا ورب العالمين بعدة عنا ، على شنو تكتئب وتحزن وتأذي نفسك واهلك ممكن القسم الي رب العالمين اختارة الك افضل الك من الطب

[@Zllix777]

@@rainakhuald3638 اني بنيه+كلش اشكرج على كلامج

[@hi3_fg]

ان شاءالله الج والنا يا رب ❤

[@just_me303]

نهاية العالم قابل ارض بقضاء الله وقدره

[@user-xx9su9dd2j]

هذا سببب لأن مارضيت بالي قاسمه رب العالمين 😊

[@5i8j]

دكتور تدري ردت اعيد سنه ثالثه حته ادخل طب عام بس علمود التعيين والصيت وينكتب يم اسمي Dr وجانت كلها معارضه ومريت ازمه نفسيه بس الحمدلله قريت كم معلومه عن الطب العام و كنسلت الفكره والحمدلله اهلي جانو معارضين وهسه حيل مقتنعه بمعدلي والحمدلله وانشاءالله انقبل بالتخصص الي فعلاً احبه 🫶🏻❤️

[@user-go6er4zx5m]

شكد معدلچ؟

[@user-uu5uq7wf3w]

دكتور بمعدلي هذا اگدر اروح تقنيات او اي شي تحليلات او اشعه حتلو موازي بمعدل 76

[@Dr.mariamiq]

لا لازم اهلي​@@user-uu5uq7wf3w

[@x_7w0]

حرامات ٢ سنتين هيج راحن

[@user-jd1es2lw2w]

إن شاء الله *

[@kucdsnhrt6807]

احله شي بيك انتو تعترف انو اكو شخص احسن منك في جانب حته وان كان في مجالك تعترف بنجاحه وتفوقه عليك وهذه يعكس قمه الوعي وعدم اظهار قوتك مبارك عليك هاي الميزه

[@fabiolima8286]

والله اني طلعت 95 واريد تخدير لان هذا القسم احبه ومع احترامي للطب العام الطب صار مفاخره بين الناس فقط لا اكثر

[@user-xi5qz2cp7v]

والله صح امي كالت العائلة الي تطلع كلها اطباء هاي عائلة نموذجية وذكية😂😂😂 طكتني صفنه ابو صابر

[@fabiolima8286]

@@user-xi5qz2cp7v مو كلشي طب اذا الحياة واگفة علطب لازم نعزل 😂

[@ZahraaFfthh]

اي والله بس سمعه وتلكيهم داخلين ميحبو علمود اهلهم غير ضعيف شخصيه اذا امشي وره اهلي

[@user-xi5qz2cp7v]

@@ZahraaFfthh المشكلة هسه لو حتى يروح ويقرا وكلشي اعدادهم اهواية وصارت المنافسة بينهم قوية ونادرا ما تلكين هذاك الي يفتهم مع احترامي للأطباء يعني اني رحت علمود اعيوني واحد يكلي الا عملية واحد يكول لا ميحتاج واحد يكول عندي انحرام بلقرنية واحد مدري شنو تالي كلت اجمع افلوس واروح لتركيا واسوي ليزر اشرفلي

[@user-xi5qz2cp7v]

@@ZahraaFfthh بنت عمي رايح من عمرها ٣ سنوات وهسه راح تعيد ٤ سنوات هاي اشوكت تتخرج و اشوكت اقامة واشوكت تدرس تخصص ومدري شنو لوعة بس عقلهم مفرمت اهلي مع احترامي الهم لذالك راح هندسة ذكاء الاصطناعي او هندسة ميكاترونس وخليها تبرق وترعد لحد ما يطلعوني من البيت وانطرد😂😂😂👍🏼

[@assy-bw9rw]

والله هسا لو اگلك مالي خلگ اكمل دروسي الله شاهد أجلت ٣ مواد ولحد لان ماكملت شي ونفسيتي ادمرت هاي الفترة وغير وغير ضغط من الأهل

[@Justsarah_06]

و الله نفس الحالة بالضبط

[@jumanatoumaj8706]

3:33 وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا من سورة المائدة- آية (32)

[@lI.I2]

مَتتخيل شكَد فديوهلتك فتحت بصيرتي والحمدلله طلع الطب مِن بالي وشاكره الك والسبب لأن شخصيتي أنا ك انسانة كُلش مجتهدة ولو دخلته فـعلاً مَراح اقصر بي وامشي بضمير سواء بدراسه لَـو بعمله بس عَلى جانب ثاني راح استمر بالعطاء للناس بَس عَلى حساب راحتي ووقتي وتعبي وحتى مُمكن اقصر ويا اهلي ومستقبلا من اصير ام راح وظيفتي تأثر عَلى اطفالي وهاي نقطة العائلة والدائرة الصغيرة كُلش تهمني انا وغير هِهيج انا ببالي كومة شغلات بنفسي اسويها واجربها ومهارات اكتسبها عَلى المجال الخاص والطب راح يكتفني ويمنعني مِن خوضها واخير شِي الدوام بالمستشفى للأبد واشهد حالات الولادة والحروق والحوادث والامراض والوفاة والام المرضى وصياح الاهل ومواقف تخلي الواحد ينهار ويتكأب وهاذ كُله احسه هوسه ودوخة وضغط لاَ متناهي ومتناسبني هَل اجواء أنا أرِيـد اعيش حياتي بهدوء ورضا مُو ضغط دائم وشغل شغل شغل طول وقتي .

[@sososaw-w2s]

تماما هذا الكلام بداخلي والحمد لله هسه احس وعيت ع هاي التخصصات الطبية

[@user-pb3xy3bc2v]

والله العضيم نفس كلماتي وتفكيري رفضت اعيد لان ماتحمل الحروق والصياح وابخياط والجروح وماكو عطل سبحان الله نفس تفكيري بالضبط+شنو ناويه تروحين وشكد معدلج

[@sososaw-w2s]

@@user-pb3xy3bc2v بالتوفيق ان شاء الله

[@lI.I2]

@@user-pb3xy3bc2v بعدني دور ثاني ادعيلي اعديها عَلى خير كُلش متأذية دراستي هَل فتـرَة

[@nooraahmed-t2q]

المعدل القليل لا يعني انك فاشل لا تحاول تحصر روحك بدائره التعيين شوفوا تجار واغنياء العالم هل هم موظفين الجواب لا فتح عقلك وتوكل على الله واختار هواي اقسام انته ما تدري بيه

[@user-sd2ym1yf7q]

امس ردت ابحث هن قناتك بس ما تذكرت إسمك وطلعلي الفيديو سبحان الله 🙂 القصه الاولى وعتني اكثر لان اني درست حوزه مرحله اولى وتركت بالسادس واحب اكمل بالمجال وإن شاء الله ربي يوفقني احفص القرآن لكن لازم يصير عندي شهاده او وضيفه او مشروع بي دخل شهري 🤝

[@user-Gaza07]

‏‪10:45‬‏ الأمن السيبراني

[@_AMMAR-99]

الهكرز السايبر 😁

[@3b3s]

هذا القسم يخبل ومطلوب جدا من المؤسسات الأمنية

[@ano909]

اتمنى اروح لهذا القسم بس اهلي يردون طبيه

[@user-gt9pv4cf8y]

@@ano909مشكلة الاهل والله

[@user-Gaza07]

@@ano909 حاولي تقنعيهم لأن هذا مستقبلج إنتي مو مستقبلهم والاختيار لازم يكون إلج كليلهم الاقسام الطبية راح ينسد التعيين بيهه وبعد ما نتعين لان الاعداد صارت هواي وحاولي إن شاء الله يقدملج الي بي خير

[@popcorn7733]

تحية لبراء

[@B56]

يا اخي انت شگد انسان فاهم ووردة ،يعني هسا اني طالب سادس وراح اقدم على هندسة معماري بإذن الله ومن الابتدائية ما اريد ادخل لأي مجال طبي وحتى اهلي يدعمون حلمي بالهندسة بس مع ذلك اتابعك وكلش اتونس بمقاطعك واسمع نصائحك الله يوفقك ❤

[@momen1_]

اني هم راح اقدم هندسة مدني

[@B56]

@@momen1_ الله يوفقنا ونحقق الي نريده

[@user-yl9ih9by6e]

ادرسوا روحوا طب اشتغلوا لكن اذا تأذى بيوم مريض من جهلكم راح تصير ذمة بركبتكم فكونوا كد المسؤولية

[@Zainab-tx2jo]

اني طالبة من جنت من الاول ابتدائي لخامس اني اطلع من الاوائل وجان حلمي طبية لان كلت اريد اعالج الناس من امراض الي يعانون منها وبالسادس ضبيت كل قوتي وقريت وتعبت لحد اعلان النتائج لكن لاسف ماطلع معدلي عالي واني هسه حايرة جان كل املي وحلمي بالطبية لان محد من اهلي واصل بالدراسة فكلت اني اريد اعينهم لاكن امتحني ‏‪ رب العالمين بدراستي الي ماعندي شي غيرها اخسره وفعلا خسرة مستقبلي وحلمي 😔

[@Reda_7_iq]

لا تكولين هجي ولا تضلين تفكرين بهاي الطريقه ، صحيح انتي ما كدرتي اطلعين الي تريديه وعلى كولتج ما كدرتي تحققين حلمج ، بس صراحتاً انا اتوقع انو انتي جنتي مخليه ابالج انو تريدين الطب بس على الأغلب هذا جان بسبب البيئه والأهل او انتي حطيتي ابالج من البدايه انه اروح طب والله علمود اعالج الناس او علمود تكون عندي مكانه اجتماعيه او علمود تكون عندي فلوس وخلص قنعتي نفسج وحطيتي نفسج بهذا القالب وضليتي ملتزمه على هذا التفكير الي اغلب الطلاب الي يجيبون معدلات عاليه و يروحون طب هم هجي يفكرون ، هذا الشي مو صحيح لئن اغلب الطلاب الي يفكرون هجي وفعلاً يدخلون كلية طب راح يكتشفون انو همه حطو نفسهم بمكان غلط وشافو نفسهم انو همه كاعد يتعبون وكاعد يتأذون نفسياً وجسدياً من القرايه ومن الضغط النفسي وهنانه راح يكتشفون انو تفكيرهم جان عباره عن تفكير سطحي و مو واقعي ، بس خلص فات الأوان انو يستوعبون هذا الشي وحتى لو استوعبوا فهمه دخلو بكلية الطب وصار الي صار وهنا راح يدخلون بصراع هل اعوف الطب وأحول ادرس مجال ثاني ‏‪لو ابقه على الطب ويضل يسئل نفسه زين اذا عفت الطب والدراسه زين والتعب الي تعبته وجوز بهذا الوكت الي راح اشخص راح يستوعب هذا الشي يكون معدي مرحله او مرحلتين فهنا يكون وضعه اصعب وراح يكول جا والسنين الي درست بيها شنو ذني ؟ لو راح يكول الناس شراح تحجي و تكول عليه ؟ فهنا هوه عنده اختيارين يأنما يغير مجال دراسته او يضل ويكمل دراسه وغالباً راح يفشل اذا ما يفشل بدراسته راح يفشل بكونه طبيب ناجح لئن هوه درس وكمل علمود تعيين او علمود فلوس او علمود انو هوه درس وتعب أوصل لمرحله بالكليه اكتشف انو هوه مو هلكد ويه الطب لكن بذاك الوكت يكون فات الوكت وما يكدر يتراجع، فكمل وتلكينه من صار طبيب ما صار طبيب ناجح لئنو هوه ما مرتاح بشغله فلذلك ما يكون مخلص بعمله لو بسبب الي ذكرته قبل شويه لو بسبب ضروف العمل المجهده الي تخليه دأماً تحت الضغط فلذلك ما راح يكون مخلص بعمله او يكون كفوء او مايكون بكد المسئولية لئن يحس انو مجبور على الشغل وهذا الشي ممكن يتسبب بخطاء طبي وممكن تروح حياة انسان وهذا فعلاً الي كاعد يصير بالعراق بسبب خطاء طبي بشكل مقصود ناتج عن تقصير او غير مقصود ناتج عن اهمال راح تصير حالات وفاة وممكن را يتأذه او يكتأب بسبب هذا الشي او حتى انو يخسر وضيفته بسبب هذا الخطاء ، فمو شرط الي يدخل طب راح ينجح ومثل ما كال الأستاذ الي بالفديو مو شرط انو اذا دخلت طب راح تكون ناجح وسعيد ، و ترا يكون الطب الي جنت تحلم بيه هوه سبب تعاستك وعدم رضاتك بحياتك وممكن التخصص او المجال الي اختاريته ابدال الطب هوه راح يكون مصدر سعادتك والله يوفقك وتنجح بيه وتصير سعيد وعلى عكس حلمك الي يمكن اذا تحقق ما راح تكون راضي على نفسك وما راضي غلى شغلك و الله يوفقج ويعوضج واتمنالج كل التوفيق ان شاء الله

[@Zainab-tx2jo]

ياخيتي تعبتج بالكلام تسلمين وربي يوفقج ويفتحها بوجهج احس كلامج شويه خفف عني @@Reda_7_iq

[@Zainab-tx2jo]

ياخيتي والله كلامج شويه خفف عني ربي يسعدك ويفتحها بوجهج @@Reda_7_iq

[@smf679_tt]

ياشباب عوفوا الطب نصيحة والله روح اي قسم بس لاتجي للطب اما اذا عندك قوة وحيل وتتحمل ضغط وتتحمل تعب تعال ترا الطب مو مثل السادس اختلاف جذري على العموم الي يحب الطب خلي يدخل الكلية

[@user-nv9xm9vr1h]

قصدك الطب العام لو كل فروع المجموعة الطبية

[@smf679_tt]

@@user-nv9xm9vr1h الطب العام

[@Ravé_006]

الفديو طلعلب واني راجعه من امتحان عربي دور ثاني ونصدمت من الاجوبه النموذجيه💔💔 اتمنى ارجع للمقطع واني ادخل تخصص بيه خير

[@user-kn8jj2fd4p]

جنت محتاجة هيج فيديو شكرا اني ماعرفك هسه عرفتك بس شكرا هوايه لان انت أثرت بيه

[@mustafam9239]

بعد ماكو شي اسمه تعيين​@@mustafa10667

[@سجادالدون-ط5ل]

انته تنقذنه بهاي فديوهاتك شكراً طبيب عُثمان❤❤

[@AlZahraIssues]

اقتنعت كلش مو كلشي بالحياة يجيك مثل ماتريد مرات الإنسان يتعب روحه زياده ويعيد سنوات علمود يحصل الشي الي يريده وميصيرله وحتى اذا صارله مراح يرتاح بي ابدا شكرا جزيلا على النصائح 🌷

[@user-df8ry4er7k]

كلامك صحيح اني بعد الاعادة نزل معدلي وصار كل اهتمامي بالبزنس والطيران

[@user-so8fd3fu5g]

جنت اريد اعيد سنة 3 بس راح امتحن واخلص

[@حمادهاكثر]

نفسج وراح اروح هندسه يمكن

[@user-Gaza07]

‏‪5:30‬‏ العالم بس تشوف واحد طلع معدل هذا لازم دكتور وميصير غير شي عبالك الدنيا واكفة على الطب والاطباء (مع احترامي للطب والأطباء مع العلم اني احب الاختصاصات الطبية وما أنفي أهميتهم ودورهم الكبير ❤)بس يعني الدنيا متوكف على شي لازم أكو المهندس والمعلم والطيار ومختلف الاختصاصات مثل إدارة الاعمال وغيرهاا الكثيرررر ، أتمنى من الطلاب ميضلون حاصرين نفسهم بتخصص معين لو هو لو ماكو لازم الشخص يفكر هل اني فعلاً أحب هذا التخصص هل راح أنجح بي و أطور من نفسي ومن مكانتي بهذا التخصص ، المهم عاشت إيدك دكتور على الفيد ولأن دائماً توعي الناس ❤

[@_AMMAR-99]

اغلاب طلاب ومجتمعات هذا الزمن تفكيرهم تجاه الطب هو المستقبل فقط، (خلص لان بي مستقبل لازم الحياة تنتهي لو ندخل هذا الاختصاص )، واذا الطالب دخل الاختصاص وهذا تفكيره اعتقد 95٪ راح يفشل وممكن يكره هذا الاختصاص. واختيار التخصص شغلة مو سهلة، واذا راد الطالب ينجح ويتفوق بأي تخصص يختارة لازم تكون عنده الرغبة والشغف بهذا التخصص لان حتى اذا التخصص ما بي تعيين مركزي، بشغفة راح يگدر يطلع مصدر دخل وينجح بي . وغالباً هاي النقاط الثلاثة هي النقاط إلي يگدر الطالب يحدد تخصصه من خلالها: 1_ الرغبة بهذا الاختصاص 2_ مستقبل هذا التخصص 3_ المقدرة على هذا التخصص واعيد واكرر الرغبة وحب الاختصاص وحدها تگدر تصنع كل شيء.

[@hawraali4765]

تخيلو معدلي ٩٢ يعني دفعه هاي السنه وكلها تكلي معدلج مال طبيات حرامات يروح معدلج كتلهم بابا اني مطلعه هذا المعدل حتى انقبل هندسه حاسوب ومعدله هم اعلى بدرجتين بس مو مشكله الموازي بس كلها تخبص معافوني بحالي ديحسسون الي مطلع ٩٠ وفوك لازم طب

[@funnyclips4313]

بالظبط ترا طلاب مو كلشي بالحياة طبية ياما هواي أطباء وصيادلة فشلوا بمجالهم وراحو اتجهوا لغير مجال وبعدين إذا كل العالم تريد تصير طب زين الطبيب ميحتاج ميكانيكي ماء؟ ميحتاج ميكانيكي كهرباء؟ ميحتاج مهندس نظافة ينظف مدينته ؟ لازم اكو هاي الفوارق علمود تستمر الحياة وبألاخير مو كلشي تريده لازم تحصله وارضوا بمعدلاتكم مهما كانت لان رب العالمين كتبه الكم واكيد بعدين بي صالح الكم وياما هواي ناس عادت السادس مرتين و٣ وحتى ٤ وتالي كلشي ماحصلوا بس ضياع سنين من حياتهم بدون فائدة وربي يوفقكم بأي تخصص تنقبلون بي

[@ARAy309]

ياريت يفتهمون الجهله حتى معدلاتهم بالتسعينات وعادوا ان شاء الله يفشلون

[@Abas.sami.]

مرحله ثانيه طب اسنان حكومي راح اترك واروح معهد نفط

[@funnyclips4313]

@@Abas.sami. بالتوفيق يارب

[@EL_313]

عمي كلشي والله العظيم لان تعبت مليت اصلا الدراسه مااحبها😂بس شسوي لازم عندي اكثر من هوايه وشغل وكلشي غير الدراسه لذلك ممهتمه كلشي يجي نعمه من الله

[@امحسين-ن7ح]

والله شهادة حق لله، دكتور انت إنسان رائع بمعنى الكلمة، وافضل دكتور اشوفه على منصة اليوتيوب، وألتمس بكلامك الواقعية، والصدق، والأمانة بنقل المعلومة. فجزاك الله كل خير ويا رب يوفقك بكل خطوة بحياتك ويحفظك ويجعلك واهلك ومن تحب من أهل الجنة اللهم يا ربي آمين. احبك بالله دكتور

[@Fatima-y9r]

فعلا اني كان حلمي طب بس ما طلعت معدل يوصلني اله وهم چان حلمي صيدلة وهم ماوصلتلها حسيت بقهر وفشل وتحطيم للنفسية بس من بحثت وشفت اكو اقسام تخبل ولگيت نفسي اصلا ما حابة الطب والصيدلة ان شاء الله اقدم عليه حسيته فعلا قسم يناسبني

[@TheMone-qe7vs]

شنو القسم؟

[@EdwardRe6467]

@@Fatima-y9r بالتوفيق يارب+شنو القسم

[@muamal2274]

شنو القسم ؟

[@dania2095]

والله دكتور اني لاحظت شي اصلا مو بس بالطب بهواي تخصصات تلگه الاشخاص مراضيين على وضعهم لان فعلا محد يعرف الا لمن يجرب يعني يمكن الطبيب يتمنى داخل هندسة ويگلك اريح ويمكن المهندس يتمنى روحه داخل طب لان فعليا الواحد يمكن يحب شي ومن يشتغل بيه يندم ندم فضيع اكو ناس نقذوا روحهم ودخلوا تخصصات زينة واكو ناس لا بقوا بنفس روتين الوظيفة واكتابوا والله يوفق الجميع

[@Alimohamed57864]

بالضبط هيج والمشكلة من تجي تاخذ نصيحة منه يكرهك بابو الاختصاص ويضل يشكي من عنده هسه مثلا اني طالب مقبل على الجامعة اجي اراسل طلاب الطب يكلولي ديربالك تجي للطب اراسل طلاب الهندسة نفس الحجي يكلولي ماكو مستقبل نادر نادر الي يحفزك وينطيك الصدك

[@animestar7427]

كلامك صح أكو طلاب يداومون بنفس قسمي تحليلات مرضية وميعرفون يقرون أصلا

[@user-sf2zr8hs9c]

عليمن اروح طب اروح معهد تخدير افضل لان راتب بكد الطبيب وماعليه مسؤلية وقسم راقي❤

[@hy_3]

شلون ما عليه مسؤليه تدري خطوره التخدير اكثر من خطوره الطب عام

[@Zainab-tx2jo]

​لا خوية الخطورة الكبرى على دكتور ​التخدير اما التقني والمساعد ماعليهم خطورة@@hy_3

[@zt._ti]

انا حلمي هندسه طب حياتي وكلها تريد مني طبيه واناا اكرههه طب بس مجاهلتهم وامشي ورا رغبتي

[@user-lw7bp3me7s]

عيوني وورمن من البجي من شفت حلم الطب عام صور بعيد مني يعني حيل تأزمت حالتي النفسيه واني والله ضحيت بصحتي وعافيتي ووجهدي ووقتي ونسيت نفسي ونسيت الي حوالي حتى سبح ما اسبح لاسابيع بس علمود لا اضيع وكت بس صار عندي ظروف بفترة المراجعه اثرت عليه وحاليا ماجله مواد ومعدلي الحمدلله على كل حال راضيه بالي قسمه الله لي لان الله اختارلي الصح اكيد بس فكرة الطب وسعي وجهدي وتعبي علموده راح يروح جا اتدمرني وتموتني الف موته

[@AliAli-le8yg]

شكد معدلج

[@Medzoze]

نفس حالتج💔

[@user-tea700]

9:05 تدري دكتور اول مره انتبه لهذا السالفة

[@qae-b5v]

هاي اول مره اشوفك وصراحه جذبتني بكلامك كلش هواي رغم اني لا احب الطب ولا افكر بيه بس گلت خلي اشوف شنو سلبات الجب الخابصينه بيه دخلت وقنعتني بتخصص السيارات بعد ما چنت اريد هندسه واصير مثل ✨زهـــا حــديد✨❤️‍🔥 (عشقي السيارات الرياضية)

[@Nml-sc2fo]

زعا ؟؟؟؟ زعا؟؟؟

[@qae-b5v]

@@Nml-sc2fo خطا مطبعي😂😂😂من الكيبورد طبعا😂😂😂

[@user-nq9wg8ot7u]

شحلاته الامن السبراني و سوالف الهكرز تخبل و انت بالبيت تشتغل

[@noorhoda2175]

شكد المعدل ويقبل بنات وبيا كلية لانو عاجبني بس اتوقع ماكو بمحافظتي

[@ayasalih1080]

صديقتي العام معدلها جان95 وراحت بس هالسنة معرف​ +اي يقبل بنات +الكلية موجودة بالموصل معرف اذا اكو بغير محافظات@@noorhoda2175

[@youarespeciairm2979]

​@@noorhoda2175 بس كتبي يوتيوب يطلعلج معلوماته

[@محمدباقر-م5ن]

اريد أقدم عليه بس اني الحاسبة ما اعرف اشغله😂

[@ARAy309]

معروف قذائر وسلبيات الطب كلش واضح بس جهله مايفيد وياهم

[@ammar_sayl]

ما شاء الله اشترى الاخره ...نحتاج هواي مثل براء

[@dangerousdark562]

دكتور انت تحجي عن الهندسة و باقي الاقسام احنه ندري ما بيها تعين ولا شركات اهلية يعني تتخرج تروح تكعد اذا بالعراق الي حجيت عنهم اما خارج العراق او عدهم امكانية

[@hibaahmedalshuker8496]

الامن السيبراني والبرمجة والذكاء الاصطناعي.. هاي الآفاق الجديدة حاليآ المطروحة بالساحه المحليه والعالمية

[@Aboo_o5]

ياهلا بسورها ونورها صار فترة ساحب علينه العزيز😄🤍

[@user-fi5fj5jd3e]

والله حلمي اصير انجح ممرضة بالعراق وبالعالم لله الحمد عندي هواي موهلات من ضمنها أسلوبي بالحديث واتقاني للعملي على حساب صحتي لمهم اتمم عملي على أتم وجه ولغتي باانكليزي لكن شاء القدر وامتحنت ٣ومعدلي بيهن 80 وانتظر بعد دور ثاني ويارب يبقى ب80 واحصل تمريض حتلو معهد

[@Sa1234f]

دكتور عثمان عفية نزل النه فيديو عن دور الثاني والواهس والله روحنه رايحه ومابقى اقل الشهر ونمتحن

[@zainabbrnss6287]

اي والله ياريت اني دور ثاني مأجله ٤ مواد ولسه ماقاريه واهسي منعدم ماقدر اقرة بس اكمش الكتاب اختنگ والله تعبت واني مستواي حلو ودرجاتي دائما عالي بس هاي الفترة ماعرف شنو لي يصير جااي ميخلين ادرس اريد حل فدوة ❤

[@noorNazar545]

​@@zainabbrnss6287 حبيبي ابدي وحاولي خصوصا انتِ عدج اربعة الي دنسويه مجرد هروب من الواقع وتالي متالي هي تخلص شون ماخلص الدور الاول بس حرامات هاي فرصتنه الاخيرة ونضيعها حاولي تعدلين نومج اكلج والسوشل ميديا قللي منه وانسي شي اسمه شغف لان ابو الدور الثاني يحتاج اجبار لنفسه اكثر من الشغف وتذكري كلما ضليتِ هيج الندم ماراح يفيد بالمستقبل ب ف خل نتوكل على الله ونبدي وربنا كريم من اليوم من باجر سوي جدول.

[@hey_sad828]

كلام صادق اكو هوووووواي ناس نجحو و وصلو و بعيدا عن طب

[@Noorhan99]

بصراحة ما اعرف مدا انجذب لاي تخصص ولا ببالي شي

[@er_c4]

مثلي بلضبط

[@user-vs6vg4wv3j]

نفس المشكله

[@user-lx2gy8fl3w]

نفس الحاله وماعرف وين أروح

[@laethather_818]

@@Noorhan99 ماذا ندوس يا ثيو قتلنا البؤس والضياع

[@Noorhan99]

@@laethather_818 انت ضائع في بلدك يا كوخ

[@user-ll4hm8kr2s]

اتته انسان راقي جدا ودائما اتمنة اصادق هكذا عقليات

[@user-ty2ll1oz2n]

‏‪11:32‬‏ ‏‪موجود بالسنك وكالة مال بطاريات تبيع مال ساعات صغيره ومال دراجات كهربائية وبيها ضمان اسمها فاربر ويمكن بالجادرية هم عدهم فرع

[@OthmanQutaiba]

وجود هيج وكالة بدون ما الناس تعرفها مثل عدم وجودها المفروض التسويق يكون قوي بحيث الكل يعرفهم

[@Message313]

انا اريد ادخل تمريض حته اسمع هموم الناس واسمع قصص يوميه وممكن اسوي كتاب واختلط بناس مختلفه

[@محمدباقر-م5ن]

أول مره اشوف واحد يريد يسمع هموم الناس

[@user-lv4ur7vw5e]

احسنت دكتور والله انت ذهب، 11:07❤ اني بقناتي حاولت اشرح عن تخصصات علم النفس لطلاب السادس لان علم النفس غير معروف بشكل كافي و واضح للناس، وبشكل خاص اشرحلهم عن كيفية الدخول لمجال العلاج النفسي بالكلام ، والحمدلله لكيت هواي تفاعل من الطلاب واقبال كبير على علم النفس ... اتمنى منك تسلط الضوء على علم النفس الي هو يختلف عن الطب النفسي ومستقل عنه بعض الشيء

[@sw2lov]

اني احب علم النفس لكن ماردده ادخلة لو لا ومحد ينطيني المعلومات الكافية عن القسم اتمنى تشرحلي عنه وعن فروعة ومنو الافضلل اريد شرح تفصيلي 🙏🏻فدوه لان ما اريد اعيد سنة

[@user-lv4ur7vw5e]

@@sw2lov ب قو.ائم التشغيل اكو عدة فيديوهات عن علم النفس والعلاج النفسي

[@user-lv4ur7vw5e]

@@sw2lov شارح كلشي بالتفصيل حتى اكو شغلات طلاب وخريجين علم النفس ما يعرفوها اني ناشر فيديوهات عنهن

[@pixel9719]

اني طالب طب مرحلة خامسة حاليا مفكر ادرس هندسة ميكانيك ورة البورد ان شاء الله مو كرها بالطب لا والله حمدلله احبه واحس مكاني وحمدلله تقديراتي زينة هنا بس همين احب الهندسة😂

[@g69h]

يارب يوم الالي

[@phys779]

ليش متغير

[@user-eo8eh5ek3j]

10:45 الامن السيبراني😊 كلش زين هذا القسم ان شاء الله اطلع معدل واروحله

[@Rosella_2]

شكد معدله

[@user-eo8eh5ek3j]

@@Rosella_2 من80 وفوك

[@revlxbunny]

دراسته مو زينة العراق بس الشي الزين بيه تكدر تاخذ شهادة لان مهمة

[@user-eo8eh5ek3j]

@@revlxbunny ليش

[@revlxbunny]

@@user-eo8eh5ek3j شنو ليش

[@omahmedmerk8514]

اني بنتي رادت تروح تطبيقي قبل سنتين وتروح هندسه معماري طلعت معدل ٩٨ و١٤ خليته تروح صيدله موازي بكربلاء يومي تحجي عليه تكولي انتي صوجج بس اني متاكده بعدين تحس انه اخياري صح لان الهندسه المعماري للولد ولازم عده افق وموهبه تحياتي

[@x15nr]

ظلمتيها، البنية حلمها هندسة ليش تجبريها على شي انتِ تريديه بس علمود الصيت؟ راح تبقى طول عمرها ضايجة منج على هالشي و تسمعج حجي صدگيني، ما دمرنا غير الاهل و تدخلاتهم

[@Mia-vm3cw]

الهندسة المعمارية انسب هندسة للبنات ياريتج بحثتي عنها

[@_AMMAR-99]

مع احترامي لحضرتچ بس انتوا الاهل سبب دمار احلام وطموحات اغلب الطلاب إلي طموحهم تخصصات اخرى غير تخصصات الطب خليتوهم يدخلون بالاجبار علمود المستقبل والماديات، واذا الطالب دخل تخصص علمود المستقبل غالباً وبنسبة چبيرة راح يكره هذا التخصص؛ لان هو ما عنده رغبة تجاه هذا التخصص ودخلة اجباري . وتذكروا دائماً رغبة الطالب وشغفة بأي تخصص هي راح تصنع من عنده انسان ناجح بعمله، لان دخل الشيء إلي يحبه.

[@ppooppoo-rm7ml]

دمرتي البنت

[@vian0o]

بالعكس دمرتيها واصلاً الصيدلة اعدادهم بكد التمن ما بيها مستقبل

[@nwrascraft]

والله يا دكتور هذا صديقك فاهم انو الله يريده يصير راهب ميريده شخص سوي يدور طموح واحلام ويعمل لدنياه كانه يعيش غدا يحشون روس اكبر واحد رجال الدين فعلا ....

[@ودَادْ46]

راهب! قُل مُلتزم باوامر الله ونواهيه

[@Lordhussein-]

بحسب الفكرة الخاصة بشخصك كل شخص حر يعمل الي يحبه هذا الشخص ربما كان هدفه وخلاصه بهكذا نوع من الحياة

[@nwrascraft]

@@ودَادْ46 عايشين تحت تاثير الافيون فعلاً ! الله سبحانه يريد منك تصلي وتصوم وتعمل وتفيد البشرية

[@nwrascraft]

@@Lordhussein- لكن الشيء المتفق عليه جمعاً من الناس والبشرية سواء هو العمل لاجل افادة البشرية واختراع اشياء واكتشافات والعمل كونه مهندس يحتاج يعمل يحتاج يبني يحتاج يكون يحتاج يعمر ! اما ترك شغله وعمله لاجل دينه ! هذا التصرف صراحة ماله داعي ! لان هو بمجرد ما سعى وصار مهندس بعرق جبينه وتعب ١٢ سنة وية البكلوريوس والتعليم العالي هذا يؤجر عليه لان اكتسب علم قد يفيد البشرية اكثر من گعدته بالجامع ! هو فاهم الله شرايد منه مو شيريد ! الله خالق المعمورة والسماوات والارضين يعوفهن كلهن ويجي يدور واحد عايف شغله الاساسي الي هو يفيد البشرية وراح يتفرغ لعبادته ! هو اكو شي اسمه منطق عزيزي (وَأَن لَّيْسَ لِلْإِنسَانِ إِلَّا مَا سَعَىٰ) الله يريد منك سعي مو تكعد تصير امام وتخطب بالناس لان ما شاء الله هواي اكو ائمة جوامع وما مقصرين بحشو افكار الناس …. عالعموم ما اريد ادخل بهذا المنطلق المهم الفكرة وصلت تحياتي لحضرتك

[@Lordhussein-]

@@nwrascraft كلامك صحيح عيوني لولا العمل جان الرسول والصحابة وغيرهم بقو كاعدين وساكتين لا حاربوا ولا كتبوا ولا نشروا … بس مثل ماكتلك يمكن هذا الشخص حلمه وحياته بالتدين وتفريغ الوقت لهذا الشيء الي كاعد يسويه انا شخصيا كذلك اميل ذاتيا اني اعيش حياة هادئة لوحدي في الريف الا اني ارفض هذا الشيء بسبب طبيعة العالم هذا والاسباب الي ذكرتها بالذات احنا ورانا اطفال وعائلة ، ولا بد ضبط النفس وعدم اتباع كل ما تريده لانه ممكن يوديها للتهلكة وحياة ابناء صعبة

[@alzahraadentist3431]

كلامك جدا واقعي دكتور احنا اكتشفتا هذا الشي ورا سنوات بالجامعة ورا ماشفنا الحياة الواقعيه غير المسلسلات وكلام الناس

[@user-fp4ck5yo4b]

دكتور عثمان يا ريت تحچيلنا عن طريقه دراسه بالكليه وخاصه مراحل كلينكل وشون نوازن بين كليه والمستشفى ومنقصر يا ريت قبل دوام وشكرا جزيلا

[@Aligussam]

الله يحبه والله الي محصل طب ومطلع معدل

[@AliHh-vi1qi]

احنة غير الطب ما عدنة وسيلة 😂😂😂😂😂 ان شاء الله راح اقدم طب بابل او بغداد اروح فلوس دك 😂😂😂😂😂

[@ميمي-ب7ع]

اعرف وحدة دخلت قسم مو طبي وتخرجت وتعينت وما شاء الله تطلع فلوس بالملايين اكثر من الاطباء

[@1.k1]

شنو تخصصها​@@ميمي-ب7ع

[@znoba2005]

​@@ميمي-ب7عشنو هل التخصص

[@محمدباقر-م5ن]

والله هي من ناحية الفلوس ما اعتقد تكدر تصير غني لان اعداد الأطباء صاروا هواي الفلوس ما تجي بالشهاده تجي بالذكاء

[@AliHh-vi1qi]

@@محمدباقر-م5ن تحجي صدك هو راتب الجراح 12 مليون غير العمليات

[@il0_c]

اني لو ادراه واقتصاد قسم حاسبة تعين مركزي جان رحت بس ابقى انتضر شكد شهر سنة + اني ماشايفه مستشفى ولا بعمري رايحه الها ومستواي بالانجليزي ضعيف لكن عجبني قسم بصريات وماعرف هس طالبة دور ثاني 😢😢❤

[@er_c4]

ما طلعت المعدل الي يدخلني طب فدائماً اتابع فيديوهاتك ونصائحك لطلاب الطب ومنزلتهن وجانت طافيه الكهرباء واتفرج فيديو لطلاب السادس اول ما اجت الكهرباء كلت اشوف قناتك بلكي منزل فيديو جديد ولگيتك منزل فيديو اليه تقريباً. كل ما اكول لنفسي شنو تحبين قسم غير الطب للاسف ما اشوف اي قسم مقتنعه بي او احبه الحمدلله على كل حال وما ظايجه ابد. معدلي 89 ومأجلة المهم اشوف الفيد بعدني مشايفته 😂❤

[@gameplyer5091]

الله سبحانه وتعالى خلق الأنسان ومكان رزقه لكي يتم العدل بين الأفراد فمن غير الطبيعي أن الله سبحانه جعل لجميع الشعب مكان رزقهم طب هذا شيئ خاطئ فلذالك اغلبية طلاب الطب يفشلون بحياتهم وميرغبون بهذا التخصص اما بنسبة لبحث عن تخصصات فمن الأسف ان هذا الثقافة ماوصلت لنة 😢😢

[@gameplyer5091]

اني طالب ثالث دفعة 2024 وان شاء الله اوصل لحلمي مو طب لحلمي تقنيات برمحية لأني عدي حافز واحب هذا المجال ومن الأن داخل لكورس تعلم اساسيات البرمجة لأني كلش احب هذا التخصص ❤❤

[@pprrcc99]

انتو ليش من تختارون التخصص اختار بس التخصص اللي بي تعين ليش هيج طموحكم واحلامكم مقيده العالم كله دا يتطور يا ناس اعرف نحتاج فلوس وليش دا ارس غير راتب وكذا وكذا بس ليش هيج اريد احجي هواي شغلات بس ما اعرف شلون اصيغها بس عقليتكم جدا تعبانه ما تباوعون للبعيد،،مهنتك امانه اي شي تدخله لازم داخله عن حب لان الحب راح يولد اخلاص واخلاصك امانه لان اي مهنه هي امانه المدرس امانته اجيال ومستبقل ابناء بلده وعلميتهم الطبيب والمجموعه الطبيه وارواح الناس اللي مسؤول عنها المهندس الضابط المحامي وووووووووووووووو

[@user-zg8fs3cz9w]

إذا احنا ببيئة خايسة شلون نطور نفسنا؟

[@t8illq0]

اول مره رح اكتب هالكلام حتى بيني وبين نفسي ما جنت افكر احچي ، لان ما اتقبل الحقيقة والتعايش وياها فـ اي اول سنة سادس وحماس ودخلت معهد ودورات والى اخرها المهم وصلت للامتحانات بفترة المراجعة قررت ااجل أحياء نوب وصلت للامتحانات امتحنت بس ثلاث مواد والباقي تأجيل نوب جنت مقررة امتحن دور ثاني بس ورا النتائج نصدمت وكله درجات ب خمسين عدا الاسلامية٩٨ فـ قررت الاعادة وانا ببالي افكار وخطط وحماس وكذا ونوب بس اول اسبوع ودرجاتي نجاح وكذا بس بالنازل وتسخيت ونفسية فضيعه فضيعه وجنت رايدة دكتوره ونوب طب اسنان ونوب صيدلة وهسه آخر شي طلع معدلي ٧٣ وماجلة ثلاث مواد وشنو حيطلع خل يطلع لأن عرفت أنا لا احب الطب ولا يم الطب ولا الي خلكه ولو طالعلي طب جان ماكدرت اكمل بهل طريق الصعب جداً وغيرت للتخصص ادنى بهواي علمودي صحتي ونفسيتي ترتاح وشكراً رجعوني اكللكم مُعدلي وتخصصي❤

[@كوزال_ف7ح]

احسج شخصية قوية ترة مو شرط طب براحتج.. اصلا محد الة حق يدخل باختصاص غيرة هاي اقدار وكذلك استحقاقات الله يتكفل بيهة معلينة بالناس ❤ اني بنت"

[@t8illq0]

@@كوزال_ف7ح صح قوية والدليل تحملت سنتين ونص بكُلشي بيها وانا قبل جنت كله دور ثاني واعاده سنه ، المُهم انا راضيه كُل الرضا بشنو راح يطلعلي

[@كوزال_ف7ح]

@@t8illq0 الله يحفظج ان شاء الله ترتاحين بحياتج ❤️

[@t8illq0]

@@كوزال_ف7ح حبيبتي انتِ 🩷 الج بالمثل يآرب

[@user-pk5zh1km5h]

كلامك ذهب ❤❤

[@رسلسمير-ن2ه]

نطالب وزير التعليم إلغاء ٧ درجات الى ذوي الشهداء لان كلهم صاروا أطباء

[@znoba2005]

نلصم احسن الك مغثوث من هل 7 درجات شلك غرض

[@user-zg3lz6xq3t]

صراحه ما يستحقون سبع درجات لان نل انسان عنده ظروف هواي غير يستحقون

[@znoba2005]

@@user-zg3lz6xq3t الصراحه انتم ما تستحقون تعيشون ليش يا خبثاء ليش ما نستحق ليش ما نستاهل والله وسفه ابوي يموت ويندفن جو التراب حتي امثالكم تعيشون شبعت ظيم وذل واهانه اله وصلت السادس يتم وعوز وقهر وزبالة المجتمع تحجي وتدعي عليه تحملت كل شي خاطر اوصل ورفع راس ابوي وسبع درجات ينقلني من جامعه الجامعه بس انتم ناس حقودين ما عايشين احساسنه الذا تحجون هيج من حركة اكلوبكم يا الحقودين نفسك ب الواقع موجودين بحياتي هم مثلكم ما تستاهلين سبع درجات هواي عليج امداكم اي والله

[@znoba2005]

@@user-zg3lz6xq3t التقل خير او تصمت خلي صراحتك هاي الك واسكت احسن

[@RanaKhalid-we7jc]

اسكت/ي

[@yamisan8877]

انه واهسي بالأعمال و التجاره و كلش متعمق بهذا الموضوع بس ياخي ساعه اگول اريد صيدله و ساعه اگول اريد أدارة أعمال و بالواقع انه اريد صيدله علمود شغلهه المريح بعد التخرج انطوني سلبيات الصيدله 😂

[@x15nr]

ماكو تعيين

[@vian0o]

سلبياتها ما بيها اي مستقبل، خريجي العام بعدهم ممتعينين

[@FreeInmargan]

دكتور شهل غيبه مفتقدك

[@Hussaein-ps2zu]

أنت طالب ؟

[@FreeInmargan]

@@Hussaein-ps2zu اي طالب

[@b1n1Jr]

مأجلة ثلاث مواد ومعدلي ٩٨،٥ وبعد عندي امل ادخل طب 🗿🗿

[@anwerali867]

بابا روحي اقري فرحي اهلج انشاء الله كل الموفقيه

[@user-ls5ke6wv6r]

نفسج🥲

[@er_c4]

طبعاً اذا طلعتي بيهم كلهم 100 ترحين طب

[@hwraaessa1203]

اكو امل جيبر استمري

[@b1n1Jr]

​@@anwerali867🤍🤍

[@user-pw2tj8vy4p]

كلش اشكرك عثمان اني طبعا تركت دراسة بعام 2016 وسافرت لاسباب ماريد اذكرها ورجعت عام 2019 وقدمت خارجي ثالث متوسط عام 21 وحاليا اني طالب سادس وكلشي ماعرف وين اروح مشتت ونفسيتي والله محطمة كل الي اريدة بس اطلع سادس وبعدها اقرر وين اروح اني احب ميكانيك سيارات والفيزياء الكمية

[@S6ic]

يعني دفعة ٢٤ انتَ ؟ بلكي اگدر اساعدك

[@user-pw2tj8vy4p]

@@S6ic لا صديقي 25 بس اني خايف من هواي امور

[@S6ic]

@@user-pw2tj8vy4p لعد امورك تمام دام من دفعة 25 گدامك وقت كافي ووافي شنو مشكلتك ؟ متعرف ع يا مدرسين تدرس لو شنو ؟

[@Hussain.ali.]

10:40 السايبر ❌😂 الأمن السيبراني ✅ الله يبارك بجهودك دكتور ❤

[@user-st5gp1pu5f]

هسه اني حاليا راح اعيد سنه يمكن على مود الطب بس انا راح اعيده على مود اطلع معدل ما يجبرني على تخصص معين لان اهم شي بحياتي انه ما اندم على اختيار .

[@ANAN-f1f]

اني هم راح اعيد بس علمود المعدل ما أريد اطلع من السادس واني متندمه لان قصرت بدراستي وسختت هم بس ان شاءالله اهلي يرضون اعيد

[@user-st5gp1pu5f]

ان شاء الله والتوفيق من رب العالمين . @@ANAN-f1f

[@ANAN-f1f]

@@user-st5gp1pu5f ان شاءالله يارب وبالتوفيق الك ان شاءالله المعدل الي يرضيك ويفرحك

[@user-st5gp1pu5f]

@@ANAN-f1f اني ولد بس تمام شكرا .

[@ANAN-f1f]

@@user-st5gp1pu5f هاااا العفو عبالي بنيه

[@g69h]

امنيتي اصير ملتزمه دعواتكم

[@user-cm2gv1kg4g]

انا معدلي 100 اريد اروح طب وغيرت فكري شون🤔 😂😂😂

[@جناتالورود-ب2ك]

صدك معدلچ ميه

[@HomA-eg6wn]

استعدل وروح طب😂😂

[@user-cm2gv1kg4g]

@@جناتالورود-ب2ك انا ولد + اي

[@user-cm2gv1kg4g]

@@HomA-eg6wn كسر واهسي 😂😂😂

[@user-uu5uq7wf3w]

​@@user-cm2gv1kg4g خلاص خلينه نبدل اني ماشي يكسر واهسي عن الطبيات لانها حلم 💭 عمري لكن للاسف انظلمت بالتصحيح وطلعت 76 ومعرف شنو اگدر اروح بيها حتلو موازي متعرف

[@زااي]

عدت سنة ثالثة علمودها

[@user-xv1ff8st2m]

وياج وكله دكلي مطلعين

[@KpkpKp-pd6ew]

ليش ترا عمر كاعد يطير

[@hawraa322]

فيديو يخبل ❤️

[@OthmanQutaiba]

شكراً

[@Smile-fl7tj]

بعد تعينت كطبيبة اكتشفت شكد الطبيب متأذي نفسيا وجسديا حرفيا من يصير اختصاص يصير مختل عقليا شكد مايتحمل ضغوطات من المجتمع والناس ☹️

[@m.hd_1533]

مسوية روحه مصدومة واول مرة تدري 😮

[@nwrascraft]

محد كلج ترحين طبية ! وتحرمين هواي ناس حلمها طبية من صدك ! اخذتي مقعد وتعينتي وغيرج ما اله نصيب بالتعيين !

[@sor_d1]

@@nwrascraftيمة شكد تسسس تره بتعبه!!!

[@nwrascraft]

@@sor_d1 التعب لاجل حلم لاجل واهس لاجل معالجة وانقاذ الارواح لان الي اله واهس قوي جداً ميهمه كلام الناس والمجمتع ما راح يهزه كلامهم وبذاءة لسانهم تجاه الاطباء ! بعدين ليش هالتجاوز شنو يعني تس ؟

[@s.d3438]

كلام منطقي جدا وعين الصواب ​@@nwrascraft

[@Hassan_Basim]

سبحان الله انا من الاشخاص المحبين للسيارات وهندسة الميكانيك ومن دخلت السادس جان طموحي ادخل هندسة ميكانيك ومعدلي مايسمح ادخل هندسة ميكانيك وحالياً بحيره اعيد لو اكمل مع العلم والدي كال اذا كملت اي قسم ادخلك اهلية اذا تريد،نصيحتكم 10:42

[@AgAh-t5l]

ادخل اهلييه لا تعيدددددد عن تجربه

[@vian0o]

روح اهلية، والله حرامات ينعاد نفس التعب

[@rhm5]

لتعيد

[@B97]

دكتور عثمان انت انسان راقي شكرا على المحتوى الي تقدمه ونصايحك من ذهب والله ❤

[@10.1]

الصراحة بس الصيدلاني مرتاح😂

[@-xs4xw]

وطن فلوس

[@Nrg2000-d2v]

العراق بي طن صيدلايين

[@femto7601]

يا مرتاح هي غير صارت تمشي وتعثر بصيدلاني

[@Roweda706]

الاستاذ اعتقد قصده السايبر والهكر يقصد الأمن السيبراني

[@النبأ_العظيم14]

جنت اطمح المعدل عالي (موو علمود الطب) حتى اكدر اختار التخصص بسلاسه و التخصص اللي اريده هندسه تحديدا هندسه العماره جداا احب زها حديد و احب التصمامي العمرانيه معدلي للاسف طلع جدا قليل بسبب الخوف و التوتر و الحرص الزايد 61.5 و ماجله 3 جنت ناويه يصير ب الثمانين لكن قدر الله و ماشاء فعل محتاره بين الاعاده و التكمله و مااكدر ادخل جامعه اهليه اريد حكومي ف يكولون المسائي يقبلني؟ صح انقبل معماري او حتى لو مدني انقبل؟

[@user-ds4zz4py6y]

حرفيااا هذا الڤيديو يمكن يكون السبب بإنقاذ مستقبلي كلامك خلاني أراجع أفكاري شكرا كلش هواي 🙏 چان حلمي الطب العام و معدلي ميقبل ادخل هذا التخصص چنت متدمره نفسياااا و لحد البارحة بس من هاي اللحظة لا بعد خلاص راح أغير افكاري و إنت السبب بهاي الخطوة ربي يوفقك

[@ano909]

ما حجيت على جانب الاحترام الناس تحترم بس الدكتور للأسف

[@Justsarah_06]

عادي. الواحد يكمل دكتوراه و الناس هم تحترمه

[@888ourE]

وين أكو تحترم بس الدكتور الناس تحترمك بشخصيتك وادبك ومواقفك احنا الناس كلها تحترمنا وماعندنا شخص بالطب فشيل هاي الفكرة

[@dontcareatall88]

صح الناس تحترم بس الدكاترة والدليل الاعتداءات عليهم بالمستشفيات كليومية معتدين على طبيب

[@shaima1372]

@@dontcareatall88 😂😂😂ضحكتيني بنص ضيمي

[@MGTABA11]

يعني اذا ما صرت دكتور الناس ما تحترمني؟!! 😂😂😂 هذا الشي انت زارعه ابعقلك وقنعت نفسك بيه بالواقع ماكو هيج

[@moualhusainy4371]

كلام جدا جميل و عميق شكرا الك دكتور❤

[@user-tea700]

اني ماجله 7 مواد لان ما اجن درجة كامله اغلبهم وقافله على طب بالدور الاول وهي سنتي الثانيه بعد الدور الثاني صراحة الموضوع صعب يا ام اعيد في سبيل الطب للسنه الثالثه او بالي قسم الامن السيبراني كلش عاجبني هذا القسم بس معدله كذلك بالتسعين وللاسف ضيعت على نفسي ايام هواي بحجة الاعاده وما باقي للامتحانات فتره كلش اريد ارجع احاول ان شاءالله اذا خير الي ربي يسهلها عليه واحصلها واذا الله يصرفه عني

[@hallaabdulkaliq8850]

بل فتره نطو قرار عدم رسوب الي مستفيد من عدم الرسوب مره يكدر يستفيد مرة ثانية؟

[@user-tea700]

@@hallaabdulkaliq8850لا مرة وحده يستفاد منها

[@user-tea700]

@@bfwehbgdej2285 بغداد 90 معدل باقي المحافظات فوك 85

[@user-tea700]

بغداد 90 معدل باقي المحافظات فوك 85

[@bfwehbgdej2285]

@@user-tea700 خرب بيها بغداد الساعة السودة الولدت بيها كله 90 وفوك يعني الي ب80 معدله وين يولي استغفرالله

[@shather.alawadi]

مشكور دكتور ربنا يوفقك بحق محمد وآل محمد.