شنو كيعطيني طبيب الأسنان منين كندير عندوا زيارة ؟ radio panoramique ou rétro alvéolaire ؟

موضوع الحلقة : زيارة طبيب الأسنان ومختاف الأوراق اللي ممكن يعطيك
الجزء الأول : ورقة العلاجات الخاصة بطبيب
الاسنان او كيفاش خاصوا يعمرها ليا
الجزء الثاني : باقي الأوراق او شنوا خاصني
ننتابه ليه منين يعمرهم ليا ( ورقة الاتعاب،
راديو بانوراميك ولا rétro alvéolaire, ...)
#تفاصيل_الحلقة :
01:04 ملئ الوجه الاول للورقة
01:57 ثلاثة خصائص لطب الاسنان (العلاجات، الزراعة، التقويم)
03:03 الصيدلي او كيفاش كيعمر بجزء الخاص بيه
(هنا تقدروا تشوفوا الفيديوا رقم 1، وبالضبط الدقيقة الرابعة وعشرين ثانية فما فوقها)
03:21 الراديوات والتحاليل، كيفاش كيعمروا في لورقة
04:35 الجزء الي خاص الطبيب ديال السنان يركز فيه، رقم السنة ولا الضرسة، نوع التدخل (عمارة، قتيل عرق، كورون...)
06:08 الجزء الثاني (بقية الأوراق )
06:21 خاصية مهمة في الوصفة الطبية عند طبيب الاسنان
06:32 الفيديوا المشار إليه في المقطع هو الفيديوا رقم 1 في اللائحة اسفله (تفرج فيه باش ما يرجعوش ليك لوراق)
07:04 ورقة الاتعاب note d'honoraires
07:50 علاش ضروري ورقة الاتعاب ؟
08:16 الراديوات panoramique , rétro alvéolaire
08:52 التحليل التقويمي bilan orthodontique
09:36 عالج اسنانك وانتبه اجيبك
لائحة بالمواضيع التي سبق نشرها، اللائحة اقوم بتعديلها باستمرار وادرج فيها المقاطع الجديدة
1 - كيفاش نعمر ورقة العلاجات العادية ديال كنوبس (الورقة الصفراء)
• كيفاش نعمر ورقة لامتيا...
2 - كيفاش ندير النظارات الطبية او ناخذ التعويض الكامل عند كنوبس
• كيفاش ندير النظارات ال...
3 - الزجاج يعوض مرة كل سنتين فقط (تصحيح لمعلومة جاءت في المقطع رقم 2 بعنوان : كيفاش ندير النظارات الطبية او ناخذ التعويض الكامل عند كنوبس)
• زجاج النظارات الطبية ي...
4 - علاش التعويض ديالي في موقع كنوبس كيطلع ليا 00 في الخانة ديال mutuelle ؟
• علاش التعويضات ديالي ف...
5 - علاش لاكارط كنوبس ما بقاتش غادي تبدل ليك، او غادي تبقا خدام فقط بي لقديمة واخا تتزوج او واخا يتزادوا عندك لوليدات :
• علاش لاكارط كنوبس ما ب...
6 - التعويضات ديال كنوبس هزيلة للغاية، علاش ؟
او كيفاش نقدر نخلي التعويض ديالي يولي افضل
• علاش تعويض كنوبس ضعيف ...
7 - علاجات الأسنان بالمجان (خاص بالسككيين)
• علاجات الأسنان مجانا ل...
#تعويضات_كنوبس #تعاضدية_السككيين #كنوبس #تعاضدية #اومفام #موسح #طلبة #جامعة #omfam #mutuelle #CNOPS #mpsc #MGEN #MGPAP #MGPTT #amo #AMOE #etudiant #Faculté #oncf

[@soufianem1041]

الله يكثر مثالك .. تستاهل التشجيع

[@CNOPS_CNSS]

بارك الله فيك خويا 🙏

[@mohammedmallouki3878]

شكرا على التنوير،ولكم فاءق التقدير والاحترام.

[@CNOPS_CNSS]

على الرحب اخي محمد 💙

[@rachidrachid6506]

شكرا على الإفادة تبارك الله عليك

[@CNOPS_CNSS]

❤❤❤❤❤❤

[@mohamedben8550]

شكراً أخي على الشرح

[@CNOPS_CNSS]

على الرحب 😊

[@jamalbaqilane4322]

حياك الله وبياك اخي عبد الرحيم

[@CNOPS_CNSS]

الله يحفظك ا مولاي جمال 💙💙

[@Mehdi8034]

مع الشكر الجزيل

[@CNOPS_CNSS]

بارك الله فيك

[@aminemekioui7856]

شكرا لك

[@CNOPS_CNSS]

مرحبا

[@hassanyouyou6735]

كل الشكر على المعلومات المفيدة او كنوبس دعيناها لله ياخد فيا الحق

[@CNOPS_CNSS]

للأسف 😢

[@mohamedelfakehi9398]

شي شرح على كونطر فيزيت على حساب سنان الله يجازيك بيخير

[@CNOPS_CNSS]

كنوبس ولا سنيسيس ؟

[@abdoabid1162]

bravo

[@CNOPS_CNSS]

🙏🙏🙏

[@-saidelghoulami1552]

السلام عليكم ورحمة الله ماشاء الله شكرا لهذه المعلومات طب الاسنان قناة مميزة ♥️🌹🙆👍🔥🐝🐝🐝🐝تستحقون كل خير وكل النجاح نضير مجهوداتكم🔥🐝🐝🐝🐝🐝 ماشاء الله قناة روعة استمرو🐝🐝🐝🐝🐝من متابعيكم🐝🐝🐝🐝🐝🔥👍🙆🌹♥️🐝🐝🐝🐝

[@CNOPS_CNSS]

بارك الله بك .. مشكور جدا على الدعم 🙏💙❤️

[@user-dy6lf2yu1b]

شكرا على مجهوداتك. من فضلك واش كتعوض كنوبس على لافيزيت ديال العينين لرخصة السياقة؟

[@CNOPS_CNSS]

اه تتعوض ، تمشي للطبيب اللي غالبا راه عام تخلص ليه الزيارة او عطيه يعمر ليك ورقة العلاجات

[@amsong7395]

❤

[@CNOPS_CNSS]

🙏🙏🙏

[@noranor4615]

السلام عليكم شكرا على مجهوداتك عفاك عندي بعض الأسئلة حيت اول مرة معنديش فكرة: عندي جوج ضرسات مسوسين فالفك السفلي وحدة فالفك العلوي خاصها ديتاختاج واش ممكن ندير هاد العلاجات كاملة فورقة وحدة او خاص نفارقهوم ؟ شحال المدة لي خاص تكون مابين حصة وحصة ؟ واش خاصني ندير راديو بانوراميك اولا لا ؟

[@CNOPS_CNSS]

هادوا الفيديوات اللي قلت ليك kzbin.info/www/bejne/e6ubfp5piLCYhtU kzbin.info/www/bejne/Y2aro2uOhL97qpo

[@yahyakadraoui5220]

شكرا اخي على الشرح المبسط. سؤال ديالي هي شنو هي الحالات التي نحتاج فيها الى الموافقة الطبية المسبقة بالنسبة للعلاجات الخاصة بالأسنان.

[@CNOPS_CNSS]

على الرحب اخي .. الموافقة المسبقة في علاجات الأسنان فيها ثلاث حالات فقط : - الفيكس (التجوية)، التركاب .. اذا كان العدد ديال الاسنان 4 فما فوق - التجديد ديال الفيكس بعد 5 سنوات (مثال درتي 2 سنات فيكس، او بغيتي تجددهم من ورا 5 سنوات) لاباراي (les stellites) اذا كانوا أقل من 3 او فوق 10 .

[@yahyakadraoui5220]

@@CNOPS_CNSS السلام عليكم اخي. كنبغي نشوف الحالات الثلات لكتبتي ليا و لكن مكيطلع ليا والو ؟ إلى كان ممكن تكتب ليا الحالات الله ينورك. انا بغيت نركب جوج أسنان fixe و معرفتش واش غادي نحتاج الموافقة المسبقة عند كنوبس. شكرا جزيلا خويا

[@CNOPS_CNSS]

@@yahyakadraoui5220 بالنسبة للحالة ديال فيكس جوج اسنان لا تحتاج للموافقة المسبقة ، غير هوا رد البال راه جوج اسنان شحال من واحد وقع ليه مشكيل .. ما عرفتش علاش لكن كنلقا كنوبس يا اما كترد الملف مرفوض، يا اما كيعوضوا فقط على سنة وحدة .. نتا اذا عندك سنة ما كايناش او بغيتي تعوضها من الاحسن دير 3 ، يعني اللي في الجناب بجوج كيهزو ديك الثالثة اللي خاوية .. او تا في حالة 3 ما كتحتاجش للموافقة المسبقة

[@yahyakadraoui5220]

@@CNOPS_CNSS الله يرحم الوالدين اخويا. الله يسهل عليك

[@CherifAlaoui-oe7sg]

​@@CNOPS_CNSS ❤

[@yassineamrouane182]

شكرا جزيلا سؤالي بالنسبة للمساعدين الطبيين, واش هما ,’’البرافارماسي’’ يعني ممكن اعوضو مثلا bain de bouch ...

[@mohamedelfakehi9398]

contre visite dentaire momkin chi char7

[@CNOPS_CNSS]

كنوبس ولا سنيسيس ؟

[@fatimazahrakachmar1699]

السي عبد الرحيم جدا مشكور علي التوضيحات،انا عمرت 3ديال الضراس عمارة عادية،و حيدت2د العقل ،واش نحتاج الراديو ،علما انني درتو قبل القلع panoramique)،ولكن الطبيبة ماعطاتوليش واش مايطلبوهش،شكرا.ودارت ليا كااااع هدشي بتاريخ واحد ،

[@CNOPS_CNSS]

لا مشكيل كبيييييير في التواريخ ضروري تفرقهم ليك الى جمعتهم غادي يجمعوك في التعويض تدير كلشي في ملف واحد او التواريخ مختلفة تا التحياد تدير كلا في تاريخ الراديوا تحتاجوا فقط الى ضروزرس لعقل كانو عوجين نتا الى درتيه دفع الفاتورة ديالوا باش تتعوض عليه

[@fatimazahrakachmar1699]

الله يجازيك بخير،دعواتي لك في ظهر الغيب،

[@ChaymaeEl1-di4eb]

سلام عليكم اخي الله اجازيك بالنسبة لأمو تضامن أوراق لي خاصني ندفع لسينيسيس غير هادو لي كنخرج بهم من عند طبيب صافي ولا كنجمع اوراق اخرين اذا ممكن تفيدني وشكرا

[@CNOPS_CNSS]

اغلبية كتخرجي من عند الطبيب بيهم شوفي هنا وضحتها كثر kzbin.info/www/bejne/oIvYdYBpaZ2Wocksi=ndrzCgJAONbqWne8

[@yassinoujdi6856]

خويا انا عما قريب ان شاء غنمشي عند طبيب الاسنان كنعاني من الجير ونزيف للثة يعني خويا ضروري خاص يكون هدا الوتائق كاملين

[@CNOPS_CNSS]

شوف الحالة ديال الجير هنا بالضبط kzbin.info/www/bejne/e6ubfp5piLCYhtUsi=69IKYxMKJyfhzNBn

[@HafsaMarouane-ez6ik]

Ila dert gha war9a 3adia machi diyal dentaire wach ghat9bl ?.

[@CNOPS_CNSS]

لا في حالة الاسنان ضروري الورقة الخاصة بالاسنان

[@merwaeh8423]

شكرا على المجهود ديالك . سؤال الله يخليك بالنسبة ل ورقة العلاجات منين كناخدوها ؟ واش كنخرجوها غير من تيليفون بالالوان ؟

[@CNOPS_CNSS]

خرجها من التيليفون غير بيض او كحل ولا شريها ب درهم من المكتبة ولا في وكالة سنيسيس كيعطوهم فابور ولا في التعاضديات كيعطوهم فابور

[@merwaeh8423]

@@CNOPS_CNSS شكراا بزاف الله يرحم الوالدين

[@CNOPS_CNSS]

@@merwaeh8423 واليدينا او واليديك

[@Fatima-zahraBensalah]

Wach bnisba les bagues remboursables

[@CNOPS_CNSS]

اه كيتعوضوا لكن للأطفال اقل من 16 سنة فقط kzbin.info/www/bejne/eJLWZKyqjdaMm6csi=yZobjnaaOBL2Sg1m

[@MERYEMHOUARI-sm1nr]

سلام خويا انا عندي وحد مرض نادر وبزاف لبروفسور مقدو يديرو ليا العملية وش لفكرت نمش الفرنسا تقدر تعوضني كنوبس

[@CNOPS_CNSS]

ممكن تتعوضي ولكن خاصك اجراء قبل غادي تشوفي رئيس جناج في مستشفى جامعي يكتب ليك تقرير مفصل أنه العملية ولا العلاج لا يوجد بالمغرب او بي القرير وجميع الوثائق اللي عندك تدفعي لكنوبس المراقبة الطبية باش يديروا دراسة الملف ، من بعد يوافقوا او يعطيوك تحمل كلي للعلاج بفرنسا مع مستشفيات متعاقدة (غالبا فيها تا تذكرة الطائرة ذدهابا وايابا)

[@abbottibenachir2389]

من فضلك بالنسبة تركييب الفم لبراي ماهي الوثائق المصحوبة وكم مبلغ التعويض وهلر ممكن نتعامل مع صانع الاسنان.

[@CNOPS_CNSS]

لا صانع اسنان ما كيتعوضش .. راه كاين اللي كيعمر ليك لوراق لكن راه كيكون غير واحد الطابع من عند شي طبيب .. يعني كاين مغامرة تقدر تطيح في التزوير .. التركيب عادي ما تحتاج لوالوا، تمشي عند الطبيب يركب ليك الفم يعمر ليك لوراق او دفع (ما كيحتاجش راديوا) التعرفة المرجعية 1500 درهم وتعوض ب 1200 درهم للفك الواحد .

[@asmaaelh5910]

سلام عليكم اخي انا رجع ليا الأوراق من كنوبس وطلب مني RVG post_operatoire شنو هوا شكرا

[@CNOPS_CNSS]

كيقصدو راديو ريترو الڤيولير Rétro alvéolaire غادي ترجعي عند طبيب الاسنان اللي صايبتي عندوا غادي يدير ليك الراديو الصغير

[@asmaaelh5910]

شكرآ

[@anything8831]

بالنسبة les soins de lparadonthite wch remboursable

[@CNOPS_CNSS]

اشنوا بالضبط في paradonthie .. حيث كيكون تدخلات مختلفة .. مثلا علاج اللثة gingivectomie راها قابلة للتعويض

[@anything8831]

Surfaçage curetage

[@anything8831]

Paradontite

[@yassineezzyadiofficiale6202]

عفاك فين نلقا نسخة ديال ديك ورقة الاتعاب

[@CNOPS_CNSS]

في الاصل كتكون عند الطبيب بغيتيها هاهيا تيليشارجيها www.cnops.org.ma/sites/default/files/note_honoraires.pdf

[@alialiking7318]

خويا بالنسبة نالطلبة اللي مستافدين من كنوبس، حتى هوما يديرو نفس الخطوات، وواش كاين شي اختلاف بالنسبة نالتعويضات. وشكرا مسبقا

[@CNOPS_CNSS]

لا كيستافدوا من نفس الامر .. يعني اللي شرحت راه ينطبق عليهم ايضا

[@tasnimdaaouag]

@@CNOPS_CNSSواش من حق الطلبة يتعوضو على التقويم؟

[@meryem1453]

les bagues makay3wdoch 3liihom yak?

[@CNOPS_CNSS]

كيتعوض الاطفال اقل من 16 سنة شوف هنا kzbin.info/www/bejne/eJLWZKyqjdaMm6csi=NS3hq_rUx9lHJsTM

[@belaidakenou5313]

السلام عليكم شكرا على المعلومات عفاك صيفت ليك فالخاص الفايس ايلا ممكن تجاوبني

[@CNOPS_CNSS]

مرحبا ، غير هو الفيس صعيب نلقا الميساج ، كاي بزااااف حاول ترسل ليا ايمايل [e-mail]

[@HassanGada-nw8je]

السلام عليكم عفاك عندي سوال مهم وبيتكتجاوبني وتفهمني شنو ندير

[@CNOPS_CNSS]

مرحبا

[@Lucyel]

واش الفحوصات الاشعاعية .. لبلاكة نديراها نسخة و ندفعها مع الملف ولا شنو

[@CNOPS_CNSS]

الفحوصات الاشعاعية فيهم انواع .. كاين النيميريك ، هادي ساهل كيخرجها ليك في ورقة او تدفعها مع الملف .. كاين الكليشي (argenté) هذا كيخصك تدفعوا هوا كامل مع الملف .. + الفاتورة ديال الراديوا + التقرير ديال الراديوا في حالة راديوا بانوراميك

[@mohamedamejoud6217]

كم ثمن التعويض عن radio panoramiqu؟ و هل سيتم فقط دفع نسخ لتلك الراديو (كليشي ورقي موقعة) أو الكليشي ككل (الأصلي). وشكرا

[@CNOPS_CNSS]

الراديوا بانوراميك التعويض عنه من كنوبس 128 درهم، كتدفع فقط الفاتورة ديال المختبر + الوصفة الطبية موقعة من طبيب الاسنان ومن المختبر + ورقة العلاجات فيها توقيع الطبيب المعالج وايضا توقيع المختبر

[@oty96]

راديو بانوراميك صوبتو بلا ميقولها ليا طبيب ، حيث ديجا كان عندي ضرسة عقل عوجة و جدر باقي لا لاصق ، واش غادي نتعود ولا لا ؟ ضروري نقول ل طبيب يصوب ليا ورية ديال راديو ؟

[@K_I_N_G460]

سلام خويا بيخر عندي. 2ضراس ملاسقين مسوسين وبغيت نمشي نعمرهوم و نقتل ليهوم لعرق واش نديرهوم فورقة وحدة ولا كل وحدة في ورقة علاجات وشكرا بزاف خويا لعزيز❤

[@CNOPS_CNSS]

ورقة وزحدة غير فرق التواريخ او يعمر ليك بالضبط بالطريقة اللي شرحت هنا راه اذا ما عمرش هاكا ما تعوضش مزيان kzbin.info/www/bejne/Y2aro2uOhL97qposi=QB80MAlTbPdMCMcf

[@elmehdielhasnaoui5838]

ويا عبد الرحيم محتاج نمرتك نسولك الله يحن عليك نتا لي اتفيدني

[@CNOPS_CNSS]

مرحبا، تقدر تدور عندي ايمايل وانا معاك [e-mail]

[@MohamedMohamed-mx7cb]

السلام عليكم واش ممكن ندفع الملف ديالي فالبريد عوض التعاضدية

[@CNOPS_CNSS]

اه السي محمد، ولكن غادي نرسلوا للتعااضدية ديالك ماشي لكنوبس .. حيث الملفات العادية المكلف بعلاجهم هي التعاضديات .. شخصيا كنفضل تحطوا في التعاضدية لانه اأمن .. في البريد ممكن يتوضر او ما عندكش باش تقدر تهضر ولا شكون تقدر تساءل !!؟ التعاضدية افضل مع وصل الإيداع

[@chahbounesoukaina1185]

عافاك واحد السؤال واش ورقة الأتعاب حتى هي ناخدوها من المكتبة أنا دوزت عند الطبيب وماعطاهاليش

[@CNOPS_CNSS]

لا كتكون عند الطبيب ، ولا كيعوضها بورقة اخرى يسميها الفاتورة

[@yassinoujdi6856]

خويا الله يحفظك داك رقم لانخراط مين نجيبو

[@CNOPS_CNSS]

الى طالب راه ما عندكش ، عمر فقط رقم البطاقىة الوطنية الى خدام راه كاين في لاكارط كنوبس اللي عندك

[@yassinoujdi6856]

@@CNOPS_CNSS خويا انا عندي CNSS بصح داك رقم للانخراط مكينش

[@muslim..1105]

السلام عليكم ،انا طالب كيفاش نحصل على رقم الانخراط

[@CNOPS_CNSS]

ما عندكمش رقم الانخراط ولا رقم التسديل لا، كتخدموا فقط برقم البطاقة الوطنية

[@rachidbenouakka3848]

السلام عليكم ورحمة الله خويا بغيت نسولك الام ديالي اتركب l'appareil ف الفكين بجوج وبقاو عندها غير 4 سنان لي ديالها واش ضروري تاخد الموافقة عاد تبدا و ل ماشي مشكل

[@CNOPS_CNSS]

خويا رشيد بالنسبة لتركاب الفم اذا كان كامل ديال البلاستيك prothèse adjointe راه لا يحتاج لموافقة .. اذا كان stellite (فيه لحديد) أقل من أربعة او فوق 10 .. هذا يحتاج لموافقة .. عند الطبيب اللي غادي يصايب ليها تسولوا واش prothèse dentaire adjointe ولا stellite.. راه الاطباء كيكونوا عارفين هاد القضية .. فقط نبهوا قبل ما يبدا الخدمة إلى القضية ديال 4 و 10 اللي ذكرت ليك هاد الشي كامل اللي قلت ليك خاص ب كنوبس .. (التأمينات الخاصة راه كيخص الموافقة المسبقة)

[@rachidbenouakka3848]

@@CNOPS_CNSS الله احفظك و يرحم والديك وجزاك الله خيرا

[@user-wu1oh5ec7d]

خويا أنا عندي 4 ديال ضروس خاصني نقتلهم العرق و نعمرهم بغيت نعرف واش خاصني ندير لكل وحدة راديو بوحدها وندفع ولا نجمعهم كاملين ف ضوسي واحد ؟

[@CNOPS_CNSS]

اذا بغيتي تدير راديوا لك واحدة من حقك ، ولكن نصيحة او باش ما تضيعش في رزقك دير راديوا كبير قبل او راديوا كبير من بعد ما تسالي العلاجات غادي تتعوض او في الراديوا غادي يكون باين كلشي غيرهو رد البال مع التواريخ وطريقة مل~ الملف شوف هنا باش تعرف اش تدير kzbin.info/www/bejne/Y2aro2uOhL97qposi=2aM2pKzibB0p00Hw

[@jessicaff9133]

السلآم وعليكم خويا انا بقات ليا حصة وحدة عند الطبيب نعمر واحد الضرسة عادية ويالله طلقو ليا لامو واش ندي معايا ديك الورقة وبالنسبة لراديو واش ضروري فهاد الحالة حيث السوسة يالله بادية فيها وشكرا

[@CNOPS_CNSS]

الى عاد طلقوا ليك لاموا رد لبال مع التواريخ اللي يعمر ليك الطبيب في لوراق دير تواريخ من بعد ما طلقات عندك اموا الورقة اه ديها معاك دي ديال لاسنيسيس ديال الاسنان تلقاها في مكتبة ب درهم ال راديوا ماشي ضروري في حالة غير نقيتي السوسة

[@user-zf1cl9bi8i]

خويا واش بصح كاين تعويظات على التقويم على مسمعت مكيعوظوش؟؟

[@CNOPS_CNSS]

التقويم ديال الاسنان كيتعوض فقط الاطفال أقل من 16 سنة

[@user-zf1cl9bi8i]

@@CNOPS_CNSS اوكي شكرا خويا 😍

[@elmestamekhalil2969]

سؤال السي عبد الرحيم الا درت زيارة عند اي طبيب واش ضروري نشري الدوا باش نتعوض ولا غادي نتعوض في الفيزيت

[@CNOPS_CNSS]

ماشي بالضرورة تشري الدوا .. يعني تقدر تدير زيارة عند طبيب يعمر ليك ورقة العلاجات أو تدفعها عادي او غادي تتعوض في الزيارة .. الاستثناء كاين في حالة طبيب الاسنان، اذا درتي زيارة او ما شريتيش الدواء خاصوا يكتب ليك في ورقة اخرى (ورقة الوصفة) دواعي الزيارة ، يعني يشرح السبب .. ملاحظة اخرى مهمة ، اي زيارة طبية عطاك الطبيب تدير فيها شي تدخل اخر (تشري الدوا، ولا تدير تحاليل ولا شي راديو ... ) خاص التاريخ بين الزيارة الطبية أو التدخل اللي عطاك ما يفوتش شهر .

[@elmestamekhalil2969]

@@CNOPS_CNSS بوركت اخي

[@cbtcbt7107]

أنا ما كنتش عارف هادشي وبديت العلاجات واش ممكن ندير هادشي ونسترجع شويا ديال المصاريف؟

[@CNOPS_CNSS]

اه راه اصلا غادي تعمر هاد لوراق تا تسالي العلاج دي معاك ورقة كنوبس خاوية للطبيب باش يعمرها ليك او رجع شوف الفيديوات واش عامرة بالطريقة الصحيحة على حساب الخالة ديالك

[@user-nv9dv5ks9u]

انا جويت سنة ولي حداها كانت خاوية حتى هي جويتها ولكن الثالثة كما قلت كانت عندي مجوية ما يمكنش تهز عليها هل استفيد ام لا وشكرا جزيلا

[@CNOPS_CNSS]

يعني في لحساب غادي يكون عندك 2 غادي تشوفي الطبيب يحسب ليك معامل المضغ راه كيعرفوا ، اذا كان مزيان يركب ليك على جوج ما كانش قولي ليه يدير ليك دوڤي او طلبي الموافقة المسبقة على تركيب جوج (واخا ما مطلوباش لكن غير ديريها باش عامل تضمني تعويضك، راه جوج فيهم المشاكيل)

[@user-nv9dv5ks9u]

@@CNOPS_CNSS شكراجزيلا

[@elbachrimohammed394]

واش راديوا تنديروه في حالة اقلاع الاضرس . او في حالة bridege

[@CNOPS_CNSS]

راديوا على حساب الحالة : في لبريدج ضروري راديوا .. في قلبه الاسنان على حساب، اذا كانت الضرسة مطمورة ولا نصف مطمورة ولا ناعسة، هنا خاصك راديوا باش تتعوض فيها مزيان ..

[@assamlalirachid7694]

ف حالة detartage. درت radio pano ولكن درتو ف ورقة علاج أخرى والبقية ف ورقة أخرى

[@assamlalirachid7694]

عادي او كلشي ضروري يكون ف ورقة واحدة

[@goalsfootball3537]

واش الراديو كندفعو البلاكة أو كنديرو ليه فطوكوبي

[@CNOPS_CNSS]

الراديوا فيه جوج ملاحظات اذا غادي تدفعوا كدليل غعلى انك درتي شي جاجة هنا كتدفع صورة الاسنان الى بغيتي تتعوض فيه كتدفع الفاتورة والوصفة فقط

[@user-zg4eo3hq4e]

عفاك انا كنت درت استشارة طبية عند طبيب أسنان ، وفي ورقة علاجات عمر بلي غير درت عمارة ل اضراس ، وعطاني غير ordonnance فيها ادوية واش هي هاد وصفة طبية كافية باش نتعوض على هاد إستشارة ؟!

[@CNOPS_CNSS]

الى عمرتي شي ضرس واخا ما كنتيش عمرتي راه يكتب ليك فقط زيارة مجانية او عطيك الوصفة ديال الدواء

[@sosoabdo2498]

السلام عليكم اخي عندي سؤال انا عمرت ضرسة و قتلت العرق و كنت درت راديو و من بعد حيدت ضرسة العقل و ديت ليها نفس الراديو دابا في تعمار الوراق كل حاجة درتها بوحدها و واش راديو نديرو معا ورقة ديال تعمار ولا ديال تحياد الله يجازيك بخير جاوبني راني تلفت

[@CNOPS_CNSS]

الى ضرس لعقل عادي ماشي عوض ولا مطمور ، راه ما يجتاجش راديوا لان اصلا تعويضوا غادي يكون هو 140 درهم ، يعني ما تديرمعاه لا راديوا لا والوا قتيل العرق ضروري راديوا قبل وبعد الى ضرس لعقل عوج ، الراديوا ديال قبل التحياد خاص دير صورة (ممكن منين تقتل العرق تدير ليك جوج نسخ باش كلا تدفعها في ملف ) او تزيد صورة ديال بعد التحياد باين فيها مكان الضرس خاوي باش تتعوض مزيان

[@meryamelyazid7175]

سلام عليكم . عندي سؤال نتمنى جواب عن قريب . عندي وليدة فيها الاكياس الذهنية فالرأس ديالها ومشينا طبيب عمومي عمر ليا اوغدوننس أنني نمشي عند dermato يدير ليا ربور ونردو ليه دابا لفيزيت ديال طبيب الجلد واش لبغيت نعمرها شنو ندفع معاها هو مخرج ليا لدوا لا والو . وشكرااا

[@CNOPS_CNSS]

ما تدفعي والوا، فقط يعمر ليك ورقة العلاجات او يسني او يكاشي فيها او دفعيها تعوضي على الفيزيتا

[@ilyassilyass5939]

العنوان ديالاش لي نديرو

[@CNOPS_CNSS]

العنوان فين ساكن ، واخا راه ما لايق لتا شي لعبة غير زايدينوا تماك هههه

[@ilyassilyass5939]

@@CNOPS_CNSS دابا انا كنقرى فمدينة اخرى واش ندير العنوان لي ساكن فيه حاليا ولا لي عندي فلاكارط ناسيونال

[@CNOPS_CNSS]

@@ilyassilyass5939 العنوان اللي ساهل توصلي ليه الى درتي ديال لكرا ممكن تبدلي الكراء او هنا تلقاي مشكل فيما بعد اش جا ما ردك ليه ولا تبدليه من الافضل ديري ديال الواليدين باش هاكا تا اذا جان شي حاجة يعلموك عليه او هو عنوان مضمون

[@ilyassilyass5939]

@@CNOPS_CNSS صافي شكرا خويا

[@Sihamsiham-pw8vg]

من فضلك زرت طبيب الأسنان، قال انه غادي ينيقيلي السوسة ويعمر ويقتل العرق و يغلف الضرس بغلاف نسيت اسمه كيجي ابيض كامل من برا والداخل ماشي زيركون الكل ب 3000 درهم، هل الثمن مناسب

[@CNOPS_CNSS]

اذا كان السيراموا سيراميك راه ما يتعوضش شوفي هنا تفهمي اكثر kzbin.info/www/bejne/e5u2pGSXaLV9jc0si=1VrOdsCK2b5n7cj5 قتيل العرق كيتحسب بوحدوا خارج التغليف

[@Sihamsiham-pw8vg]

شكرا لك، كم ثمن التغليف وثمن القتيل تقريبا جزاك الله عنا كل الخير

[@CNOPS_CNSS]

@@Sihamsiham-pw8vg التغليف 2250 درهم للسن الواحدة kzbin.info/www/bejne/e5u2pGSXaLV9jc0si=1VrOdsCK2b5n7cj5 قتيل العرق اما 175 او 210 درهم kzbin.info/www/bejne/Y2aro2uOhL97qposi=8Weka_1vTjxtgSXA

[@Sihamsiham-pw8vg]

@@CNOPS_CNSS كل الشكر، من فضلك كيف استطيع التواصل معك فلدي الكثير من الاستفسارات للإشارة زوجي سككي وانا في التعليم وكلامنا لدينا كنوبس ولا نفقه شيئا في التعويضات

[@nanired6006]

السلام عليكم ورحمة الله وبركاته عيد مبارك سعيد انا عندي CNSS و تأمينات RMA و بغيت نصوب اسناني نجويهم عندي تقريبا 3 أسنان مفقودة و الطبيب قالي خاصك 7 باش يركب عليهم المهم دب بغيت غير نعرف واش نتعوض فيهم كاملين ولا دايرين حد للتعويضات و واش يمكن لي ندفع نتعوض من RMA CNSS في نفس الوقت

[@sankasaid3922]

سلام عليكم اخي.انا مشيت لمصحة خاصة بالاسنان. دارو ليا راديو بانورميك 300dh.وكشف طبي200 درهم ، عاد عطوني دوفي العلاج لسن واحد 2000 درهم . مهم ؤالعلاج مدرتوش نساحبة نتشاور . واش ممكن نتعوض على الزيارة و الراديو ، ؟ واش ممكن نبدا مع طبيب اخر و ندي راديو بانوراميك ديالي و نعوض عليه عن طبيب اخر ؟

[@CNOPS_CNSS]

هادي ماشي مصحة هادوا نصابة رادوا مع زيارة ب 500 درهم بزااااف غادي تعوض ولكن ممكن تطيح في تدخلين في يوم واحد يعني من أصل 500 درهم ترجع ليك 128 درهم من كنوبس الراديوا اللب عندك اه تقددر تخدم بيه مع طبيب اخر

[@sankasaid3922]

@@CNOPS_CNSS chokran akhi bezaf

[@hanaehanae-de1ft]

عفاك جاوبني حيث غدا عندي رونديفو انا بغيت نحيد ضرسة العقل مشيت عند الطبيب عملت راديو قبل و قاليا غيعملو ليا من بعد و غيحسبهم ليا بجوج ب 500 درهم يعني 250 للواحد و التحياد ب 500 درهم و لكن اقترح عليا انه يعمر ليا فورقة العلاجات انني عمرت الضرسة ماشي حيدتها بالرغم انه غادي يحيدها و لكن الراديو غيحسبو ليا ب 150 درهم فهاد الحالة دابا حرت شنو ندير واش يعمر ليا تحياد و غيطيح عليا المبلغ 1000 درهم 500 تحياد و 500 راديوات ولا يعمر ليا انه عمرها و فهاد الحالة غنخلص 800 درهم 500 درهم و 300 درهم راديوات دابا السؤال ديالي شنو الاقتراح لي بانليك مزيان و علاش غنتعوض اكثر عفاك شرح ليا شنو ندير باش نقرر و جزاك الله خيرا

[@CNOPS_CNSS]

ما يمكنش لأنه اذا درتي الراديوا فيه غادي تبان التحياد الراديوا اللي غادي يحسبوا ليك ب 250 درهم واش كبير ولا صغير الى كبير نغمضوا عينينا الى صغير راه كريساج هذا التحياد ب 500 درهم راه بزاف الا اذا كانت عوجة ديك الساع واخا

[@zakariyaeessehb2267]

الله يجازيك بخير الى ممكن تجاوبني على واحط القضية كنت درت extraction dent de sagesse بالجراحة ≈1700dh وكنت طلبت للطبيب المعالج يكتبلي راديو ديال apres extraction احتياطا ملي كنت باغي ندفع dossier سولت الناس لي كايشدوهم وقالولي لا بلاش ماتحتاجش الراديو ومادرتوش ولكن dossier رجع من بعد .. رجعولي فيه فوطوكوبي ديال ورقة cnops لي دفعت وورقة ديالهم كاتبين فيها الوثائق لي ناقسين ** السؤال ديالي هو ديك ordonnance لي كان كاتبلي الطبيب ديال الراديو حاليا فايتة 4 اشهر واش هانية مقبولة حيت dossier ديجا مسجل؟ و واش خاصني نعمرو فورقة cnops جديدة وغايخصني نرجع للطبيب المعالج يسني ليا فيها ضروري؟ أو ممكن نعمرو فهاديك الفوطوكوبي لي سيفطولي للدار (هادشي كامل حيتاش الطبيب عندمن درت هادشي بعيد عليا 400km وانتقلت من ديك لبلاصة 😅😅) وسمحلي طولت 🙏

[@CNOPS_CNSS]

الى طلبوا ليك غير الراديو راه ماشي مشكيل ، غادي تيدر راديوا وترسل ليهم مع الملف فقط صورة الاسنان في الراديوا الراديوا فاش تبغي تديروا غادي يخصك وصفة جديدة، الوصفة غادي تمشي عند طبيب اسنان تخلص ليه استشارة ب 100 درهم يكتب ليك وصفة او يعمر ليك ورقة كنوبس ، باش تمشي تدير الراديوا او تتعوض في الراديوا (الفاتورة خودها من عند مول المختبر او يعمر ليك الجزء الخاص بيه او يكاشي ليك الوصفة ) يعني راه عندك راديوا كدليل في الملف الاول او عندك التعويض على الراديوا في ملف عاد غادي تصنعوا شوف هنا تفهم اكثر kzbin.info/www/bejne/qKWxl2x7gLp6rdUsi=51JmOs5jkEIQzU2a

[@zakariyaeessehb2267]

@@CNOPS_CNSS الله يرحم ليك الوالدين 🤝

[@khalidaitoufkir941]

سلام خويا عفاك أنا عندي cnss و غاندير الفيكس ديال 4 أسنان و ديجا دوزت ثلاث حصص وما قالو ليا والو على الموافقة المسبقة واش ماشي ضرورية ف cnss و حاجة أخرى طلبت مني ندير هاد راديو بانوراميك واش خاص ندي ديك الورقة فين كيعمرو ديك لبارتي أولا تا نكمل غاع الحصص ديالي عاد ندي ليه دوسي إعمر ديك لابارتي وشكرا مسبقا

[@CNOPS_CNSS]

خويا بالنسبة ل CNSS ما كتحتاجش لموافقة مسبقة كتعالج او تعمر لوراق او تدفع غير هو راه التعويض في اقصى الحالات ماىغاديش يفوت 3000 درهم بالنسبة للراديوا من الافضل عمروا بوحدوا ، الفاتورة والوصفة الطبية وورقة العلاجات يدير ليك فيها الطبيب انه دار ليك كونسيلطاسيون او دفعهم باش تتعوض على داك الراديوا الصورة ديال الراديوا اللي فيها الاسنان (لكليشي لكحل) هو اللي غادي تدفعوا مع الملف الاخر ديال الفيكس

[@CNOPS_CNSS]

شوف هاد جوج فيديوات ضروري kzbin.info/www/bejne/p5faZHepl6t6b5Isi=5pwfQTK8ZvRN2Qcu

[@CNOPS_CNSS]

kzbin.info/www/bejne/e5u2pGSXaLV9jc0si=FIvIWeQHHG1DH31A

[@khalidaitoufkir941]

أه صافي شكرا بزاف خويا 🙏 مهم راه شفت دوك لي فيديو الله اعتيك الخير مهم بالنسبة للنوع ديال الفيكس درت معها ديال العاج 2000dh لسنة ولكن معرفت واش هو نيت. داك النوع للي قلتي كايتعوض في الفيديو ولا شي حاجة أخرى ؟ بالنسبة للتعويض قلتي السقف ديال 3000dh يعني غايرجعوها ليا كامله ملي عندي فيكس ديال 4 ؟؟ عافاك إلى كان ممكن تخلي ليا نمرتك أولا شي حساب ديالك الله ارحم ليك الوالدين حيت أول مرة غندفع لهاد cnss

[@MohammedDra-id4ll]

عندي راديو بانوراميك وغادي نصوب فيكس ميطاليك كفاش ندفع الراديو الأول والثاني باش نتعوض فيهوم بزوج وجزاك الله خيرا وعندي 5 الاسنان وبغيت ندفع 3 نتعوض فيهوم ومن بعد ندفع 2 نصحني عفاك كفاش ندير الراديو الثاني واش نركب داك الثلاثة ونمشي ندير الراديو ولا غير نركبهوم بخمسة وندير كلشي فمرة الله يحفظك ونبقا ديك ساعة داك الراديو نخدم بيه جوج مرات ولا خصني منيبن نجي نركب داك 2 ندير راديو اخر

[@CNOPS_CNSS]

بلاتي يا اخي القضية عندك معكلة شوية الراديوا باش نساليو معاه دير الراديو الاول او دفعوا في ملف بوحدوا باش تتعوض قيه (دفع ورقة علاجات الوصفة والفاتورة) الصورة ديال الراديو الاول غادي تخليها باش تخدم بيها الملف الاول غادي تصايب الثلاثة او تعمر ملفك ، او تدير راديوا بعد (هاد راديوا بعد شد منوا جوج نسخ ) ، او هاد راديوا بعد الفاتورة ديالوا والوصفة ديرها مع ملف الثلاثة باش تتعوض فيه تا هو غادي تدفع الملف ديال ثلاثة من بعد منين غادي تبغي تصايب الجوج ، غادي تاخد النسخة الثانيو اللي درتي من ال راديوا ، قلت ليك لفوق خليها ندك ، غادي تولي هيا راديوا قبل ديال علاج دوط الجوج ، تركبهم ، تدير راديوا بعد ديال دوك الجوج ، او تدير الفاتورة ديالوا مع الوصفة في الملف باش تتعوض فيه تا هوا ، او ترسل مع ملف جوج اسنان (راديوا قبل اللي هو غير صورة للاستدلال ، وراديوا بعد فيه الصورة للاستدلال وفيه الفاتورة ديالوا باش تتعوض فيه )

[@douaebelghiti8329]

​@@CNOPS_CNSSج

[@noranor4615]

السلام عليكم شكرا على مجهوداتك عفاك عندي بعض الأسئلة حيت اول مرة معنديش فكرة: عندي جوج ضرسات مسوسين فالفك السفلي وحدة فالفك العلوي خاصها détartrage واش ممكن ندير هاد العلاجات كاملة فورقة وحدة او خاص نفارقهوم ؟ شحال المدة لي خاص تكون مابين حصة وحصة ؟ واش خاصني ندير راديو بانوراميك اولا لا ؟

[@CNOPS_CNSS]

بالنسبة للعمارة و الديتاغتغاج ما كيحتاجوش الراديوا .. الطبيب يدير ليك كلا ضرسة عمرها في نهار (ماشي مشكيل شحال المدة بين الحصص، المهم تواريخ مختلفة) .. الديتاغتغاج يدير ليك جوج حصص، كلا حصة في نهار .. حاولي تشوفي القناة فيها فيديوا على الديتاغتغاج+ فيديوا على لعمارة