ስርዓተ ማኅሌት ዘጽጌ የሁለተኛ ሰንበት ሰላም ለአፉክሙበከመ ይቤ መጽሐፍፄነወኒ ተአምርኪ  እንዘ ተሐቅፊዮ ለሕጻንኪ ፣እፎ ጐየይኪ tsige mahlet

[@Mahiletay1221]

ስርዓተ ማኅሌት ዘጽጌ የሁለተኛ ሰንበት ሰላም ለአፉክሙበከመ ይቤ መጽሐፍፄነወኒ ተአምርኪ  እንዘ ተሐቅፊዮ ለሕጻንኪ ፣እፎ ጐየይኪ tsige mahlet ༒ ሥርዓተ_ማኅሌት_ዘወርኃ_ጽጌ ༒ የ፳፻፲፮ ዓ.ም የጥቅምት ፬ ሰባተኛ ዓመት ሁለተኛው ሰንበት የጽጌ ማኅሌት ሥርዓተ ማኅሌት መጀመሪያ (ሥርዓተ ነግሥ) ሥምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። ፩ ነግሥ/መልክአ_ሥላሴ/፦ ሰላም ለአፉክሙ ዘማዕፆሁ ሰላም ፤ ጽጌያቲሁ ሥላሴ ለተዋሕዶ ገዳም ፤ መንገለ አሐዱ አምላክ ንዋየ መጻኢ ዓለም ፤ ማኅበር ወልጡ አምልኮትየ በጸጋክሙ ፍጹም ፤ እምአምልኮ ጣዖት ግሉፍ አሐዱ ድርህም። ዚቅ:- ለሥሉስ ቅዱስ ጥዑም ቃሎሙ ናርዶስ ጸገየ ውስተ አፉሆሙ። ፪ /ማኅሌተ ጽጌ/ በከመ ይቤ መጽሐፍ በከመ ይቤ መጽሐፍ ማዕከለ ፈጣሪ ወፍጡራን፤ ለዕረፍት ዘኮንኪ ትእምርተ (ጽላተ) ኪዳን፤ ሰንበተ ሰንበታት ማርያም ዕለተ ብርሃን፤ ብኪ ይትፌሥሑ ዘገነተ ጽጌ ጻድቃን፤ ወብኪ ይወጽኡ ኃጥአን እምደይን፡፡ ወረብ፦ በከመ ይቤ መጽሐፍ ማዕከለ ፈጣሪ ወፍጡራ ን ዘኮንኪ ለዕረፍት ትእምርተ ኪዳን፤/፪/ ብኪ ይትፌሥሑ ዘገነተ ጽጌ ጻድቃን ብርሃን ዕለተ ብርሃን/፪/ ዚቅ፦ ሰንበቶሙ ይእቲ ለጻድቃን ትፍሥሕት ሰንበቶሙ ይእቲ ለኃጥአን ዕረፍት ኅቡረ ንትፈሣሕ ዮም በዛቲ ዕለት፡፡ ፫/ ማኅሌተ ጽጌ / ፄነወኒ ተአምርኪ ፄነወኒ ተአምርኪ ሶበ ይነፍሑ ነፋሳት፤ ከመ ጼና ገነት ዘይፄኑ እምርኁቅ ፍኖት፤ መዓዛ አፈዋት ማርያም ወጽጌ መንግሥት ቡርክት፤ ጽጌ ጽጌ ዘሰሎሞን ወዳዊት ጽጌ ጽጌ ጽጌ አሮን ዘክህነት፡፡ ወረብ፦ ጽጌ ጽጌ ዘሰሎሞን ወዳዊት/፪/ መዓዛ አፈዋት ማርያም መዓዛ አፈዋት ወጽጌ መንግሥት ቡርክት/፪/ ዚቅ፦ ሠርፀ መንግሥት ዘእምሥርወ ዕሤይ፨ ወጽጌ ንጽሕት ዘእምጕንደ ዳዊት፨ ወብኪ ይትሜዓዙ ኵሎሙ ቅዱሳን። ወረብ ዚቅ ፦ ሠርፀ መንግሥት ዘእምሥርወ ዕሤይ ወጽጌ ንጽሕት ዘእምጕንደ ዳዊት/፪/ ወብኪ ይትሜዓዙ ኵሎሙ ቅዱሳን/፪/ ፬/ማኅሌተ ጽጌ/እንዘ ተሐቅፊዮ እንዘ ተሐቅፊዮ ለሕጻንኪ ጽጌ ፀዓዳ ወቀይሕ፤ አመ ቤተ መቅደስ ቦእኪ በዕለተ ተአምር ወንጽሕ፤ ንዒ ርግብየ ትናዝዝኒ እምላሕ፤ ወንዒ ሠናይትየ ምስለ ገብርኤል ፍሡሕ፤ ወሚካኤል ከማኪ ርኅሩሕ፡፡ ወረብ፦ ንዒ ርግብየ ንዒ ርግብየ ምስለ ሚካኤል/፪/ ወንዒ ሠናይትየ ወንዒ ሠናይትየ ምስለ ገብርኤል ፍሡሕ/፪/ ዚቅ፦ ንዒ ኀቤየ እንቲአየ ሠናይት፨ ንባብኪ አዳም መዓዛ አፉሃ ከመ ኮል፨ ትሁብ ሰላመ ለነገሥት ፨ ለአሕዛብ ወለበሐውርት። ማኅሌተ ጽጌ/ ክበበ ጌራ ወርቅ ክበበ ጌራ ወርቅ ጽሩይ እምዕንቈ ባሕርይ ዘየኃቱ፤ ዘተጽሕፈ ብኪ ትእምርተ ስሙ ወተዝካረ ሞቱ፤ አክሊለ ጽጌ ማርያም ለጊዮርጊስ ቀጸላ መንግሥቱ፤ አንቲ ኵሎ ታሰግዲ ሎቱ፤ ወለኪኒ ይሰግድ ውእቱ፡፡ ወረብ፦ ክበበ ጌራ ወርቅ ዘየሐቱ እምንቆ ባሕርይ/፪/ ማርያም አክሊለ ጽጌ ለጊዮርጊስ ቀጸላ መንግሥቱ/፪/ ዚቅ፦ በወርቅ ወበዕንቊ ወበከርከዴን ሥርጉት ሥርጉ ት በስብሐት፨ ወነገሥት ይትቀነዩ ለኪ፨ ትርሢተ መን ግሥቱ አንቲ መድኃኒቶሙ ለነገሥት፡፡ ፮/ሰቆቃወ ድንግል/ እፎ ጐየይኪ እፎ ጐየይኪ እምፍርሃተ ቀትል፤ እምገጸ ሄሮድስ ቊንጽል፤ ወለተ አናብስት ግሩማን እለ ይጥኅሩ በኃይል፤ ኢፈቀድኪዮ በምድር ለመንግሥተ ዓለም ወብዕል፤ እስመ ልማዱ ትሕትና ለፍሬ ከርሥኪ ልዑል፤ ከማሁ ግዕዝኪ በምግባር ወቃል። ወረብ፦ ወለተ ግሩማን አናብስት ግሩማን እለ ይጥኅሩ/፪/ ዕፎ ጐየይኪ ጐየይኪ እምገጸ ሄሮድስ/፪/ ዚቅ፦ ሃሌ ሉያ እምሊባኖስ ትወፅእ መርዓት ወትወፅእ እምግበበ አናብስት እምታዕካ ዘነገሥት ከመ ፍህሶ ቀይሕ ከናፍሪሃ መዓዛ አፉሃ ከመ ኮል።

[@SamiKe-e4c]

Enamesgnalen መምህረይ ❤❤❤

[@kalkidancl6493]

❤❤❤

[@mulualemmengistu8039]

ግሩም ነው ረቡኒ።

[@امل-خ5ظ]

❤❤❤❤❤