اسعار السيارت رايحة في داهية ..اعرف الاسباب واحسن وقت للشري و البيع مع ملك السيارات

رابط قناة حلقات القصص البوليسية :
برنامج القصة من الاول
/ @yassergomaa2
حلقة النهاردة مهمة جدًا لأي حد عايز يشتري عربية أو عنده عربية عايز يبيعها. هعرفك أسباب أزمة السيارات في السوق المصري، وتشتري إمتى لو عايز عربية، وتبيع إمتى لو عندك عربية عايز تبيعها.
السوق المصري بعد صفقة "رأس الحكمة" والانفراجة الدولارية اللي حصلت، الأسعار هبطت بشكل ملحوظ في السيارات وباقي السلع. لكن فيه أحداث حوالينا بتغير المعادلة وبتأثر على الأسعار في السوق، لازم تعرفها علشان تفهم الدنيا رايحة على فين.
أولاً: الصراع الدائر في الشرق الأوسط
الصراع الدائر في الشرق الأوسط له تداعيات خطيرة. أولها أن تكاليف الشحن زادت بشكل كبير جدًا بسبب أن السفن ما بقتش تمشي في مضيق باب المندب والبحر الأحمر للوصول إلى قناة السويس. الكلام ده خلى أسعار الحاويات تزيد بشكل كبير جدًا. يعني مثلاً، الحاوية الـ 40 قدم كان سعرها في 2022 حوالي 1400 دولار، النهاردة بيعدي الـ 5000 دولار. الأرقام دي هتحطها أوتوماتيك على سعر العربية.
ثانيًا: زيادة أسعار الشرائح الإلكترونية
الشرائح الإلكترونية بقت مكون أساسي في السيارة، فزيادة أسعارها بترفع ثمن السيارة وقلتها بتقلل إنتاج السيارات، وبالتالي بتؤدي لارتفاع الأسعار نظرًا لقلة الإنتاج وزيادة الطلب.
نتيجة لما سبق، بنلاقي ظاهرة "الأوفر برايس" بترجع تاني. والـ "أوفر برايس" بالمختصر كده للي ميعرفش، هي أن التاجر بيحط فلوس إضافية من تحت الترابيزة على سعر السيارة. يعني لو عايز تشتري قانوني استنى دورك، أو ممكن تشتري دلوقتي بس تدفع رقم إضافي فوق ثمن السيارة بيوصل لمئات الآلاف في بعض الموديلات. المشكلة إن الناس بتشتري، وده بيخلي التجار يطمعوا أكتر ويزودوا قيمة الأوفر برايس.
أخيرًا: وقوف 13 ألف سيارة في المواني المصرية
فيه 13 ألف سيارة في المواني المصرية مش عارفين يدخلوا البلد، وفيه ناس بتقول 18 ألف. ده رقم كبير جدًا في ظل احتياج السوق للسيارات. السبب في منع دخول السيارات دي، بيتقال إن فيه تحايل من المستوردين على النظام الجمركي. يعني مثلاً بيدخل العربية على إنها سلعة تانية، وبعدين بيعدل الورق ويخليها سيارة بدل السلعة اللي كان كاتبها قبل كده. ده غير التلاعب في إدخال سيارات ذوي الهمم اللي بقت تجارة غير مشروعة. النهاردة التجار بيشتروا أوراق الإعاقة من أصحاب الإعاقة مقابل مبلغ مالي ويدخلوا عربيات فارهة بدون جمارك بالأوراق دي. الدولة خدت بالها من الثغرة دي وبتتعامل معاها.
كل اللي فات ده بيخنق سوق السيارات في مصر وهيؤدي لارتفاع الأسعار مرة تانية.
السؤال هنا: أشتري أو أبيع إمتى؟
نتكلم الأول عن الشراء. لو عايز تشتري، يبقى النهاردة أحسن من بكره لأن زيادة الأسعار هتتم بشكل تصاعدي. كل فترة هتلاقي فيه قفزات في الأسعار. يعني اللي كان بمليون هيبقى بمليون ومية، ولو استنيت أكتر هيبقى بمليون ومتين وهكذا. طول ما أسباب زيادة الأسعار اللي شرحتها موجودة، يبقى الأسعار هتتجه للزيادة.
طيب حلو، أنا هاسمع كلامك وأشتري. طيب أشتري إيه؟ بص يا سيدي، أولًا دور على العربية الموفرة في البنزين وخلي ده أهم أهدافك. لأن أسعار البنزين في اتجاهها للتحرر الكامل والدعم هيتشال بالكامل عن البنزين. معلومة كده، سعر لتر البنزين العالمي الآن هو 0.99 دولار أمريكي يعني حوالي 47 جنيه مصري. يعني لو هتحط 50 لتر في العربية وده متوسط سعة الخزان، هتدفع 2350 جنيه.
فاستهلاك البنزين مهم جدًا، وبالتالي هتلاقي السيارات ذات المحركات الكبيرة والسعة اللترية الضخمة حالها هيقف وسعرها هينهار. زي مثلاً السيارة الجراند شيروكي 8 سليندر 5700 سي سي. وأيضًا السيارات القديمة مش هتكون مرغوبة لأن تكنولوجيا المحرك بتاعها مش اقتصادي في استهلاك البنزين.
العربية اللي سعرها هيزيد هي السيارة زي السوزوكي ألتو، لأنها ملكة توفير البنزين ومكيفها قوي جدًا. وده اللي فئة كبيرة من الشعب هتكون محتاجاه. طبعًا موضوع السوزوكي ألتو ده على سبيل المثال وليس على سبيل الحصر.
نيجي بقى لو أنت عندك عربية وعايز تبيع. في الحالة دي أنصحك بالشراء الفوري بعد البيع لسيارة أخرى علشان لو بعت وما جبتش عربية تانية على طول، يبقى مش هتعرف تركب عربيات تاني طالما الأسعار بتزيد. يبقى جهز في جيبك الفرق بين السيارة اللي معاك واللي عايز تشتريها وبعدين بيع.

[@malekcars]

رابط قناة حلقات القصص البوليسية : برنامج القصة من الاول kzbin.info/door/FdDrXbjt_8X5KpoV8n5CNA

[@mohamedelmedany1437]

تحية مني لملك الاشتغالات

[@spiderstore4385]

إنت بتغيب تغيب وترجع تشتغلنا وبكرة هيطلع يقولك الاسعار هتنزل ما تقولها ياعم واحنا نقبضك وتقول الاسعار هتنزل

[@thenewcapital8084]

راجل هزلي

[@abdoabdo-zc5lu]

كل فيديو بكلام مختلف

[@vinny845]

فعلا

[@ahmedelrabat4572]

انسي ياريس 😂 نائبك علي شونة الناش مبقيتش هبل زي الاول، محدش يشتري حاجة يا جماعة سيبيوها تصدي سنة كمان

[@amirhussein5694]

للأسف انت بتألف اي كلام وخلاص واصلا مش بتفهم حاجة الحوار كله

[@hossamseif1976]

الحل يابشمهندس الحكومة تفتح إستيراد السيارات المستعملة من الخارج حتى ١٠ سنوات سابقة خصوصا من أوروبا بتكون أسعارها رخيصة جدا وفى أوروبا الصيانات بقطع الغيار الأصلية فى مراكز الخدمة الأصلية يعنى حالات زى الجديدة زيرو

[@OsamaOsama-er6zs]

طيب ايه المانع انى اجيب عربيه مرسيدس واركب لها غاز

[@aboganyma]

لا حول ولا قوة الا بالله العلي العظيم........

[@MohammedElfawal-mw8fs]

مع احترامي لكلام حضرتك يا بشمهندس دي مش الاسباب بدليل شوف اسعار السيارات خارج مصر ارخص بكتير من داخل مصر وهي هي نفس المعادلات إللي حضرتك بتتكلم فيها ساريه عليهم وعلينا

[@saidelsahat7162]

كلام حضرتك سليم

[@رحابالشربيني-غ6س]

بس احنا في مصر متنساش حضرتك

[@moezzat-k7x]

يا ابنى كفايه قصص بوليسية مسرحينك تكدب 😂😂

[@محمدعادل-و7ق4ر]

انت فتحت قناه ثاني يا استاذ ياسر❤❤❤

[@mohdahmed3817]

ياعم اتنيل وبطلوا سمسرة على الناس ولسة توكيل عامل تخفيضات ٢٠٠ الف جنية

[@رحابالشربيني-غ6س]

😂😂😂هههههههه

[@vinny845]

الفيديوهات إلي في القناة عكس بعض أنا هلغى متابعه لأن بصراحة مش عارف اتجاه القناة و بعدين قلبت علي قصص بوليسيه

[@heshamibrahim1893]

مش مع كلام حضرتك انا في الخليج والسعر هناك غيرمدعم وبفول حوالي ٦٠ لتر بحوالي ٨٠٠ او٨٥٠ جنيه انتم كدة بتشجعوا الدولة انها تلعب براحتها بحجة الأسعار بالخارج

[@مصطفيعكاشة-ح3ه]

مش عارف إزاي الاسعار هتعلي ونفس الوقت حلقه بعدها بيومين متشتريش حاليا الاسعار هتنزل 😂

[@hanyelhadad]

يا بشمهندس محمد......كل يوم كلام شكل .......انت ركز كل يوم بتقول كلام كلام ......

[@AliRezk-v4w]

انت مره تقول تشتروا ومره تقول ما تشترو حيرتنا

[@sayedeissa4151]

الثغرات فى الإجراءات والقوانين سبب الفساد المنتشر في كل المجالات

[@nabilsedeek4610]

انت رطاط 😅

[@رحابالشربيني-غ6س]

فعلا كلامك كله صحيح. انا بثق في حضرتك. والله كل السلع حوالينا مسعرة على أساس الدولار ب ٧٠ جنيه

[@AhmedElgn-e2f]

انا عايز معرض عربيه اللي هي اللي نازله الجديده دي بتاع مكان التوك توك

[@Replayhistory311]

العيب عيب مشتري مش بايع علشان يوافق يدفع اوفر

[@ebtsamhemdan2610]

ايه تانى انواع السيارات الموفره فى البنزين

[@احمد-ه2ر1ب]

عربيات الكهرباء ياهندسة

[@ahmedradwan8808]

ممتاز

[@hossamabdelmoneam8587]

شكرا لشرح حضرتك كلامك مقنع وصحيح

[@مصطفيالقاضي-م9ب]

اسلام عليكم ممكن رقم حضرتك

[@خلفاللهمحمدالزغبي]

اقرب مكان فحص لمدينتي باش مهندس قريب من مدينتي

[@thenewcapital8084]

حاضر من عينيا بالمناسبه ايه هي المدينه بتاعتك ؟

[@خلفاللهمحمدالزغبي]

المنطقه اسمها مدينتي في القاهره العربيه فالمعرض في مدينتي

[@thenewcapital8084]

@@خلفاللهمحمدالزغبي مركز الخطيب في مدينه نصر ممتاز او عندك الشركه الوطنيه لفحص العربيات مايبعدوش عنك اوي

[@MohamedSamer-fe8gj]

المفروض يكون انت وزير مالية