شرح وانشاء خطة الكلمات المفتاحية ذات الذيل الطويل Long Tail Keywords | كورس سيو | اسلام مجدي

[@Fkra_t]

❤❤❤ شكرا جزيلا اخي... بس يا ريت تعمل لنا شرح متعمق أكثر من الصفر وحتى عمل خطة محتوى لموقع جديد وانت تختار النيتش 😊😊 وشكرا

[@itsesmagdy]

حاضر يافندم قريباً ان شاء الله

[@amiramohamed4669]

الفرعيات اللي تحت الكلمة الأساسية دي بتبقى معاها في نفس المقال لو سمحت ولا ايه؟

[@itsesmagdy]

اهلا أ. اميرة .. مش شرط يتم اضافتها كلها ولكنها بتكون دليل على هيكلة الفرعيات الي الجمهور بيبحث بيها، لو قدرتي توفري معلومات عنها هتكون مفيدة للقاريء وبالتالي تجربة الاستخدام هتكون مميزة والمقال هيتصدر طبعا ده عامل واحد فقط لتقوية اوثورتي المقال وتصدره ولكن في عوامل كثيرة اخرى

[@Trippzed934]

طيب لو انا بدأت الموقع باختيار كلمات مفتاحية قصيرة واتصدرت فيها، دا فيه مشكلة للموقع ؟ وهل ممكن اغير الخطة دلوقتي أني ابدأ بكلمات طويلة ؟

[@itsesmagdy]

لأ مفيهاش مشكلة، صحح بس مسارك وابدأ بكلمات منافستها متوسطة او ضعيفة بس قبل ده إتاكد ان المحتوى الي عملته للمقالات الي استهدفت فيها كلمات قصيرة كاملة وقوية، اتاكد ان المحتوى كامل في كل حاجة ومش ناقصه أي حاجة وديه هتكون ميزة برضه انك تقدر تعملها ربط داخلي طول مانت شغال في المقالات الـ Long Tail

[@Trippzed934]

طيب ايه سبب اني لما ببحث عن الكلمة المفتاحية المقال بتاعي مش بيظهر، لكن لما ببحث بكلمة مفتاحية من مرادفات الكلمة الأساسية اللي انا عايزاها بيظهر في الصفحة التالتة مثلا، هل دا معناه أنه مقال ضعيف ؟

[@itsesmagdy]

ليه أسباب كثيرة، بس في الحالة ديه السبب الاكثر شيوعاً ان المقال لسة جديد او وسط منافسة قوية او الموقع بشكل عام لسة جديد ومسألة وقت والمقال بتاعك يطلع ع الكلمة الرئيسية صفحة اولى، معنى ان الفرعيات هي الي بتظهر معاك، يبقا كدة المقال لسة في مرحلة التقدم.. تابعه كل اسبوع وشوف تقدمه على Google Search Console

[@Trippzed934]

@@itsesmagdy طيب وايه سبب أن المقال متأرشف لكن ببحث عنه مش بلاقيه خالص على جوجل ؟

[@محمدغريب-ص3ف]

توضيح معلش حضرتك قلت من تحت لفوق يعنى انا عملت الفروع و جمعت 10 كلمات رقم 10 اللى من تحت هى اللى ابدأ بيها يعنى تكون هى عنوان المقاله و العناوين الفرعيه تكون من تحت لفوق برده رقم 9 حتكون اول عنوان فرعى اتش 2 و بعدها 8 و كدهون لانى متغلبط فى الحته دى اتمنى الرد و شكرا لحضرتك و اشتركت فى قناتك لانك حد محترم بتشرح بسهوله و بوضوح ربنا يجزيك عنا كل خير و يجعله فى ميزان حسناتك اللهم أمين يارب العالمين

[@itsesmagdy]

شكراً على كلامك الجميل ده، الي بيشجعني فعلاً اقدم كل ما عندي 😍 بخصوص سؤالك، اه تبدء من تحت لفوق عشان بس تمشي بنظام ثابت ونظامك انت شخصياً في خطط الكلمات المفتاحية يتطور، ولكل كلمة مقال اه بما ان كل كلمة نية الجمهور فيها مختلفة عن غيرها

[@محمدغريب-ص3ف]

@@itsesmagdy شكرا لرد حضرتك جزاك الله عنى كل خير

[@Bnl2-m4r]

ممكن اسئل حضرتك كان عندي دومين مجاني وكنت اجيب زيارات من جوجل وكنت ماسك بعض الكلمات المفتاحية وكان الدومين اثورتي الخاص بيه 5 وبعدما بدلته ادومين مدفوع وعملت كل حاجة من ارشفة ونقل الارشفة من القديم الى جديد وانتظار 180يوم لم اعد اتصدر في كلمة مع العلم الدومين المدفوع دومين اثورتي تبعو 10 مش عارف اسوي ايه هل ارجع القديم ولا ايه

[@itsesmagdy]

الدومين أوثورتي مش عامل يتم بيه قياس قوة كل موقع، المفترض الدومين المجاني كنت اسال قبل نقل ارشفته لان ممكن يكون كان لسة جديد ومع نقل المحتوى من المجاني للمدفوع اكيد هيعمل دروب وممكن يكون النقل يكون متمش بشكل صحيح، لان الاستبدال شيء والنقل شيء تاني، لازم توجه قوة المجاني للمدفوع والصفحات نفس الأمر... لان كل نطاق منهم بيتعامل معاملة منفردة بالنسبة لجوجل