สรภัญญะ สู่ขวัญข้าว

ทำนองสรภัญและเสียงโดย พระอาจารย์เสรี

[@user-ic1jp7jh5k]

ศรี ศรี วันนี้แม่นวันดี วันเศรษฐีอมุตโชค วันชาวโลกชื่นชม วันพระบรมกุกุสันโธทนะ ลงมาเกิด ลงมาเปิดโลกา พระสัตถาผู้ก่อ ตั้งแต่หน่ออรหันต์ มารวมกันอยู่ในโลก จั่งเป็นโชคปฐพี ท่านเศรษฐีปลูกข้าว เอาใส่เล้าในฉาง ยังมีนางหน่อนารถ ผู้ฉลาดเมืองคน ชื่อว่าสาวหน้ามนคิ้วก่อง คิงกลมค่องนางแมน เป็นลูกแถนลงป่อน มาอยู่บ่อนพาราณสี เป็นนารีผุดผาด อยู่ปราสาทสามหลัง ไผได้ฟังชมชื่น ดีล้นหลื่นคนทั้งหลาย ปานเดือนหงายผิวผ่อง คิงกะค่องงามงอน ตาออนซอนนวย นาด ผิวพรรณคาดเครื่องไพฑูรย์ คนมีบุญมาสู่ มีนามอยู่ว่าโภสพ คอคางจบคิ่วก่อง แขนขาค่อง ปานมะที สาวเศรษฐีหยาดย้อย คิดค้อยๆ อยู่ในใจ ไผสิไปนำเอาข้าว พระพ่อเจ้าโกรธา ตามไปหา บ่พ้อ จั่งให้น้อยหน่อนารี ไปขอพรพระฤาษีอยู่ในถ้ำ จั่งลุก้ามในผา จั่งได้มาเมล็ดข้าว จั่งได้เว้าต่อ กันมา มีผญาปัญญาล้ำเลิศ คนจั่งเกิดมาหลาย คนบ่ตายเพราะมีข้าว จั่งได้เป็นพระพุทะเจ้ากุกุ เพราะบุญชูถวายบาท จั่งฉลาดคนเฮา ว่ามาเยอขวัญเอย ทั้งข้าวจ้าวและข้าวเหนียว เจ้าอย่าเหลียวไปทางอื่น เจ้าอย่าตื่นไปไส อย่าไปไกลจากต่า เจ้าอย่าว่าคนมายี เจ้าอย่าว่าคนมาสีมาตำมาเหยียบ เจ้าอย่าเปรียบเป็นดิน ดอน คนออนซอนบ่อึดอยาก คนเหลือหลากในโลกา เชิญเจ้ามาอยู่ในเล้า คนกินเจ้าโภชนา แม่น มีผลากะบ่แล้ว แม่นมีแก้วกะบ่เอา คนมาเซาช้องส่อ ออนซอนหน่อโภชนัง กินอี่หยังบ่ท่อเจ้า บ่ท่อ ข้าวขาวๆ ใหญ่เป็นสาวและเป็นบ่าว เขาบอกกล่าวกันมา ข้าวอยู่นาเอาใส่เล้า เขาเอาเจ้ามานอน เฮือน เป็นปีเดือนได้เลี้ยงลูก เอาข้าวปลูกฮอดข้าวปัดลาน เป็นข้าวสารอยู่ในต่า เอามาหม่านึ่งหวด ลายสอง หอมฮองๆ หื่นเฮ้า จั่งเอาเจ้าเลี้ยงพระเถรา จั่งเอามาทำบุญตักบาตร บ่ได้ขาดพระตะถา คะตา มีปัญญาคนได้กินข้าว คุณของเจ้าเหลือแผ่นสุธา เหลือธาราสมุทรแม่น้ำ คนทุกก้ำจึงแข็งแรง คนมีแฮงกินข้าวท่านบอก ของอยู่นอกบ่แม่นคนเฮา เขากะเอาหมู หมาเป็ดไก่ เขาเอาใส่ฮำแกลบโฮยดิน สัตว์เก็บกินตามมีตามเกิด แสนประเสริฐกว่าสิ่งทั้งปวง ยาม เป็นฮวงเขาเก็บเขาเกี่ยว ยามเจ้าเหี่ยวเป็นเฟืองใบเหลือง เอามาเถียงมัดไว้บ่แตก บ่ได้แจกไปใส มาใส คือดั่งใจมุงเฮือนกะได้ เถียงหลังใหญ่มุงเฟืองเกินหนา อยู่เถียงนาอาศัยบ่ขาด บ่ประมาท คุณโภชะนัง เอามาวางใส่เล้าเต็มอั่ง จั่งได้นั่งว่ามุมะมูลมา ว่ามาเยอขวัญเอย ขวัญเจ้านอนอยู่ท่ง นำเขียดจานา ขวัญบ่มาไปนำเขียดโม้ อย่าอ้าวโอ่นำหมู่ปูทาม ว่ามาเยอขวัญเอย นางข้าวจ้าวทั้ง นางข้าวเหนียว ก็ให้มาสามื้อนี้วันนี้ ต้นเขียวๆ ข้าวก่ำต้นบ่ต่ำข้าวดอ เกินงามนอนั้นเป็นข้าวงวง ช้าง ดำสับหว่างนั้นแม่นข้าวมันปู งามปูลูนั้นแม่นข้าวใหญ่ เขาดำใส่นาทาม เกินเผิ่นงามดำเลาะ ฮ่อง ฮวงเผิ่นก่องเป็นพวง ว่ามาเยอขวัญเอย ขวัญเจ้านอนอยู่ท่งนำฮู นอนนำปูทั้งจี่หล่อ เชิญน้อยหน่อมาอยู่ฉาง เชิญคำนางมาอยู่เล้า เจ้าอย่าเศร้าเสียศรี ว่ามาเยอขวัญเอย ขวัญเจ้าตกอยู่น้ำในตม ขวัญเจ้าชม อยู่ไฮ่ ขวัญข้าวใหญ่ข้าวปลาเข็ง อย่าไปเส็งนำหมู่ อย่าไปอยู่นำปลา อย่าอยู่นาแดดฮ้อน ให้เจ้า ย้อนโงมา ให้เจ้าหวิดปากปลา ให้เจ้ามาไวว่อง อย่าอยู่ฮ่องนำทาม ให้เจ้างามมาอยู่ มารวมหมู่ นำกัน ว่ามาเยอขวัญเอย ขวัญเจ้าไปทางก้ำดินดำน้ำก่ำ ขวัญเจ้านำหมู่ม้า กุลาพุ้นให้ต่าวมา ว่า มาเยอขวัญเอย นกกะจิบเขาสิตอด พวกนกขอดสิคาบหนี ถึงเดือนปีจั่งออกจากเล้า สิเอาเจ้าหว่าน นาทาม เจ้าสิงามกว่าเก่า เอาไปไว้นาเหล่าดงดอน คนออนซอนต้นก่อง เอาไปใส่นาฮ่องปลายทาง เอาเจ้ามาเป็นข้าวเปลือก ให้เจ้าได้เลี้ยงลูกเลี้ยงหลาน ได้กินทานสืบต่อ เป็นน้อยหน่อศาสนา ให้ เจ้ามามื้อนี้วันนี้ มาอยู่ในฉางมาอยู่ทางเล้าใหญ่ เบิ่งคางไก่สูตรแล้วงามหลาย คางไก่หวายโตลาย โค้งโน้ง คางมันก่งคือเกี่ยวเหล็กแหลม ตาเฮาแนมฝนดีปีหน้า หมอสูตรว่าพราหมณ์สวดขวัญมา เป็นราคาข้าวเหนียวข้าวจ้าว จั่งบอก กล่าว อุอะ มูล มา โภชะนา พิชาคะมัง สาธุ

[@jeerawatsawataue]

ฝากแชร์ต่อให้ด้วยนะครับ

[@user-zx3xn1gq6r]

จบทอนี่หนอครับ

[@user-zx3xn1gq6r]

สาธุไฟอนุโมทามิ ขอขอบคุณครับผม

[@user-zx3xn1gq6r]

สิปลิ้นออกจังใดดีหนอเอาบ่อเป็นเอาจังชีก่อนให้ผู้รู้ปลิ้นออกให้ครับ

[@user-qj3rw9dc4k]

พระเพิ่นจำวัดยุไสน้อครับรับงานจังดั๋ยครับ อยากฟังแหล่แถมพรยามเป็นบุญแจกเข่านะครับ

[@user-zh9xv9pc1r]

ปลูกข้าวและสูขวัญ แล้วน้อมนำถวายต่อพระศาสนา

[@phensrisrisong6218]

สาธูๆๆ

[@newphone903]

ืืสุริยาเรียกขัวณ์ให้คนที่ชื่อเศษฐาหมายถึงท่านเศษฐาที่ตัวสูงๆๆเข้าใจยัง

[@user-zx3xn1gq6r]

อีกกลอนสรภัญ เทิดทูลคุณพระรัตนตรัย และกลอน คุณบิดามารดา จะจดเอาไม่ทันครับ ครับขอขอบคุณพระ อ .อย่างมากครับ

[@chutchawalwsl3173]

การสู่ขวัญเป็นทำนองอีสานฟังแล้วเพราะดี ถูกทำนองดี ลงถูกจังหวะ รักษาคำอีสานและโบราญได้ดีมากๆๆครับ

[@user-er7xt5vp5b]

ผมมักหลาย คุณข้าวคุณน้ำ งดงามหลายครับ

[@user-hc6gg3fb4x]

สู่ขวัญข้าวทำนองได้น้อครับ ฟังแล้วทำนึกถึงความสำคัญบุญคุณ ของข้าว ที่เลี้ยงเรามาให้โตขึ้นมาได้ เพราะมาก พระพุทธศาสนาด้วย

[@jeerawatsawataue]

ขอบคุณครับ เป็นทำนอง สรภัญะ ครับผม ฝากเผยแผ่ ต่อให้ผมนำเด้อครับ แชร์ต่อหลายหๆ หาฟังยากครับ

[@user-hc6gg3fb4x]

@@jeerawatsawataue ครับ

[@Zzxxcc322]

กราบสาธุสาธุสาธุครับผม

[@kantaena6688]

สำเนียงเสียงไพเราะมากๆ แถมเป็นมงคลอีกด้วย

[@onumasiriboot7232]

สาธุ สาธุ สาธุ

[@tiksrisawat5259]

สาธุอนุโมทนามิ

[@foohfgiphcd2952]

สาธุๆๆครับ

[@user-zh9xv9pc1r]

พืชพันธุ์ธัญญาหารอุดมสมบูรณ์น้องนำถายต่อพระศาสนา. และเลี้ยงดูไพร้ฟ้าผู้คนทั้วหล้าให้ได้รับความอิ่มหนำสำราญ

[@user-np4dr2jj2r]

เสียงเพราะมากๆครับ

[@jeerawatsawataue]

วิทูล กาลพันธา ขอบคุณนะครับ ช่วยกดแชร์ให้ด้วยนะครับ

[@sitthichokthawongklang4928]

ซึ้งมากเลยคับชอบ

[@jeerawatsawataue]

ขอบคุณครับ

[@user-rj6po8yc8e]

สุดยอดเลยคะ

[@jeerawatsawataue]

จริยา อนุโนนธาตุ ขอบคุณครับ กดแชร์ด้วยนะครับ

[@user-kn7du5xy1n]

☺🙏🙏🙏😻🙏🙏🙏🙌

[@user-mx9jl8qd6r]

ผมชอบหลายคับม่วน

[@jeerawatsawataue]

กดไลน์กดแชร์ให้ด้วยนะครับ ขอบคุณหลาย ๆ

[@tiksrisawat240]

ขอบพระคุณครับ

[@jeerawatsawataue]

ขอบคุณครับ ยังมีอีกหลายชุดอยู่ครับ ยังรวบรวมไม่เสร็จ

[@user-cz8sg8zt9d]

เสียงพระอาจารย์เพราะมากฟังแล้วคิดถืงบ้านค่ะ

[@wertttyuihdfgggh1626]

จำปา อินทรประสาท

[@user-mn4if3lx5l]

ขอบทสูตรขวัญแน่ครับ

[@user-vl1lk6kj4d]

ศีรๆ

[@user-zx3xn1gq6r]

ขอกลอนได้ไหมครับ พระ อาจารย์ ผมขอเบอร์ได้บ่อครับ

[@ggyhhh462]

บอมีตัวหนังสืออายนครับ

[@jeerawatsawataue]

ผมได้แต่เสียงท่านมา ค่านมานั่งแกะตัวหนังสือ มันก็จะไม่เป็นลิขสิทธิ์ ของต้นฉบับ ไม่ได้ปรุ่งแต่งใด ๆ

[@firstkingmaharaja8296]

เสียงมันสะท้อน

[@user-hx4te7ec5u]

มีเนื้อบทกลอนไหมครับ

[@jeerawatsawataue]

ไม่มีครับพระอาจารย์ท่านไม่ได้ให้ผมไว้ ครับ

[@jeerawatsawataue]

ได้แต่เสียงท่านมาครับผม

[@kahabodee57]

ເດືອນຍີ່ເຮັດບຸນຄຸນລານ (ຫຼືບຸນກອງເຂົ້າ) ເປັນພິທີທາງສາສນາແຖນ ຫຼືວັດທະນະທັມຄວາມເຊື່ອ ລາວບູຮານ ຄຳວ່າບຸນກອງເຂົ້າ ແມ່ນຕິດພັນກັບສາສນາພຸດ. ถึงเดือนยี่ทำบุญคูนลาน(หรือบุญกองข้าว) เป็นพิธีทางศาสนาแถน หรือวัฒธรรมความเชื่อลาวโบราณ คำว่าบุญกองข้าวคือคำกล่าวคติพุทธพุทธ

[@jeerawatsawataue]

ຂໍຂອບໃຈທ່ານ, ຂ້າພະເຈົ້າຈະດຽວສິ່ງລົບກວນໃນເນື່ອງຈາກຄູອາຈານໄດ້. ມາລົງທີ່ຈະຮັບຟັງການເກັບກໍາ.

[@wertttyuihdfgggh1626]

Kahabodee Wongdam

[@wertttyuihdfgggh1626]

บุญผลา นาดง ต้องการคำสูตรขัวญบทนี้ครับ

[@user-ks2xu2nj1n]

มีสูตรขัวญวัวควายไหมอยากได้

[@user-jl4jv5tq8x]

น้ำเสียงพระอาจารย์เสรีนี้ฟังยามใด๋กะหลงใหลคือยามนั้นบ่ว่าสรภัญญะหรือสูตรขวัญ

[@jeerawatsawataue]

ผมฝากแชร์ต่อให้นำแนเด้อครับ มีบทกลอนใหม่มาผมจะเอามาลงให้ฟังอีกเด้อครับ