شروط وإجراءات إستخراج الرخصه المهنية 2023

[@الاهليالقاهري]

جزاك الله خيرا.. تعقيد و كلاكيع الحكومه ربنا المعين

[@haneabdo9968]

لو سمحت كنت هشترى باص رحلات كنت عايز اعرف ممكن يترخص اجره أو نقل جماعي و ايه الطريقة

[@trafficadvisor_EhabAtiea]

- بالنسبة للترخيص أجرة:- 1- اقصى عدد ركاب لسيارات للأجرة 17 راكب ويكون ترخيص الأجرة مفتوح فى المحافظة بتاعتك والموديل عالى لم يمضى عليه 5سنوات - بالنسبة للرحلات :- - السجل التجارى والبطاقة الضريبيه - خطابات النقل البرى ( مزاولة نشاط الرحلات + خطاب ببيانات السيارة ) - رخصة محل تجارى لممارسة نشاط " رحلات داخليه" - تحريات مباحث المرور عن النشاط " مكتب رحلات داخليه" - طبعا الأجرة دلوقتى اسهل بكتير من الرحلات طالما ترخيص الأجرة فاتح فى محافظتك - طيب لوترخيص الأجرة مقفول ؟ ها تشترى سيارة أجرة موديل قديم رخصتها سارية وترخصها بإسمك فى الأول بعد كده بتأخذ نمرتين الأجرة على الأتوبيس " إحلال أو تحديث "

[@kareemMohamed-v7l]

جزاك الله كل خير

[@حسيناحمددسوقيدسوقي]

بعد اذن حضرتك انا هسافر السعودية التاشيره سائق هينطبق على المده ديه كلاها ولا فيه تيسر فى الاورق

[@abcd-w7pr]

#سبحان_الله_والحمدلله_ولااله_الاالله_والله_أكبر

[@trafficadvisor_EhabAtiea]

سبحان الله وبحمده عدد خلقه ورضا نفسه وزنة عرشه ومداد كلماته

[@mamdoahsalama4793]

بعد ازن حضرتك كنت عايز اعرف سعر الرخصه التالته كام حاليا

[@trafficadvisor_EhabAtiea]

عدت كثير عن الأول - حاليا مش اقل من 6000 جنيه

[@MohmedAllam-gv4pv]

هل الرخصة المهنية تمنع التقدم لوظيفة أخرى حسب المؤهل الدراسى يعنى خريج كلية تربية مثلا

[@محمودعبدالغفار-خ6ح]

مجهود مشكور عليه لو سمحت هل يجوز موظف في شركة استثمارية مؤمن عليه استخراج رخصه مهنيه

[@trafficadvisor_EhabAtiea]

طالما الشركة موافقه فما المانع؟ بتجيب برنت تأمينى انك مؤمن عليك حتى تاريخ إستخراج الرخصه

[@abuyousuf.yousuf2163]

لو كان جواب المعاق يقود بنفسه ينفع تغيره بساءق خاص

[@trafficadvisor_EhabAtiea]

- فى الحالة دى المعاق علشان يسوق بنفسة لازم يطلع رخصة قيادة - لو عاوز ترحص بسائق شخصى مؤمن عليه بتكشف تانى فى المجالس الطبية المتخصصه وتغير النتيجه لتصبح (لايمكنه القيادة بنفسة ويحتاج لشخص آخر )

[@FathyBoyka]

لو سمحت انا واخد تاجيل بالجيش لدراسه ينفع اطلع رخصه مهنيه ثالثه تتأجيل اللى واخده عشان الدراسه

[@mohmaedmohmaed9370]

لو سمحت يا فندم انا معايه رخصه هيئه شرطيه عايز ابدلها بدرجه تالته ما هي المصريف والاجرات والاوراق كونت عسكري في الجيش

[@MohamedAshraf-rk4rq]

كم تكلفةرخصةالدرجة الثالثة لاول مرة بالتفصيل

[@trafficadvisor_EhabAtiea]

عنك الأوراق ( شهادة الجيش - المؤهل الدراسى - الفيش والتشبيه - القومسيون الطبى - الاشتراك فى مدرسة تعليم القيادة - الاختبار على عربية المرور - ضريبة المرور - الاشتراك فى التأمينات والنقابه ) حوالى 4500 جنيه - اعمل حسابك فى 5000 جنيه

[@abcd-w7pr]

#لااله_الاالله_محمدرسول_الله ❤

[@trafficadvisor_EhabAtiea]

اللهم صلى وسلم وبارك على سيدنا محمد

[@امامالديب]

لو سمحت عاوز اجدد رخصة مهنية وانا موظف حكومى والمسمى الوظيفى فى البطاقة اخصائى ادارى ينفع اجدد ولا لا

[@trafficadvisor_EhabAtiea]

طالما جهة عملك موافقة يبقى المرور مش ها يمانع المهم جهة عملك حاول مع شئون العاملين فى الشغل بتاعك

[@abdalhalimalkhoaga9081]

السلام عليكم يا مستشار لو تكرمت معايا رخصه قياده خاصه ومتأمن عليا ك مترجم وعايز أعمل رخصه مهنيه هل ينفع وأيه الاوراق

[@حسينربيعسنوسيطلب]

تحياتي لك

[@trafficadvisor_EhabAtiea]

تسلم بارك الله فيكم

[@Mohammed_eltawel]

السلام عليكم لوسمحت انا معايا رخصه ثالثه وعايز استبدلها ثانية تحتاج كام يوم بالمدرسه لغاية مااستلمها

[@trafficadvisor_EhabAtiea]

1- للاستبدال من درجه لدرجه لازم تعدى 3 سنوات على الأقل مثل من 3 الى ثانيه 3 سنوات - ومن ثانية لأولى 3 سنوات 2- بتشترك فى المدرسة وثانى أسبوع بتدخل الامتحان ( اعمل قومسيون وفيش للإستبدال وروح المرور اشترك بالمدرسة " دورة تنشيطيه" وفى الأسبوع اللى بعده بتروح تحدد ميعاد للإختبار - حسب المرور بتاعك كل درجه لها يوم فى الاختبار وإستخراج الرخصه - يعنى بالكثير فى أسبوعين تكون مستبدل الرخصه من ثالثه لثانيه

[@waleedslama4331]

لو سمحت انا متءمن عليا عامل مقولات تءمين حر ينفع اعمل رخصه مهنيه من غير اشتراك تءمين وهل لازم اغير البطاقه من نقاش الي سواق

[@trafficadvisor_EhabAtiea]

ينفع تعمل رخصة مهنية بعد الاشتراك فى التأمينات كصاحب رخصةمهنيةوها تغير البطاقة الى سائق

[@waleedslama4331]

@@trafficadvisor_EhabAtiea طيب لو عملت رخصه تالته ينفع اسوق بيها عربيه معاق واحولها بمرافق مع العلم انا هخلي تءمين عامل المقاولات زي مهوا وهيدوني تصريح ب3سنين

[@trafficadvisor_EhabAtiea]

طالما عربيه المعاقين بمرافق ينفع تكون انت المرافق برخصة القيادة المهنية بتاعتك

[@Khosdi-hv3mp]

أفاده الكليه تنفع أقدم بيها

[@trafficadvisor_EhabAtiea]

كلية يعنى معاك شهادة إتمام مرحلة دراسية " الثانوية او الدبلوم على الأقل " تمام كده - طبعاأكيد ينفع بالاضافه ان البطاقة فيها " طالب "

[@MohmedAllam-gv4pv]

معايا رخصة خاصة وهل الرخصة المهنية تنفع وانا موظف

[@MostafaAhmed-gy6el]

انا عندي عشرين سنه ومعايا معفا غير لأق طبيه وعندي عشرين سنه ينفع اطلعها مهنيه

[@trafficadvisor_EhabAtiea]

لازم تتم 21 سنة ميلادية علشان تعرف تطلع رخصه مهنية ممكن تطلع خاصه دلوقتى طالما اكثر من 18 سنة وأقل من 21 سنة

[@elsaman]

لو الاوراق المطلوبة متوفرة كلها زي ما حضرتك ذكرت، لازم البطاقة يكون مكتوب فيها سائق؟

[@trafficadvisor_EhabAtiea]

للأسف المادة 34 من قانون المرورحددت :- الرخصه الثالثه تمنح لمن تكون القيادة مهنته يبقى لازم مهنتك تكون سائق - بس بالنسبة للموظف الحكومى لوجهة عملك وافقت على إستخراج المهنية ها تطلعها - رفضت يبقى ما باليد حالةلأنك لا تعمل بوظيفة سائق فى جهةعملك

[@saraadel2736]

لوسمحت الدفع ينفع كاش ولا لازم فيزا؟

[@قناهقرآن-ف1ذ]

السلام عليكم سؤال من فضلك هو لو في واحده ست عندها ضعف نظر وعمله عمليه في عينيها ومركبه شرائح ومسامير في الظهر وغير قادره على الحركه بسبب وزن الجسم ينفع تعمل كمسيون وتطلع جواب معاقين

[@trafficadvisor_EhabAtiea]

حاول تستخرج بطاقة الخدمات المتكامله من التضامن الاجتماعى فى البداية وبعد كده بتكشف فى المجالس الطبية المتخصصه علشان تعرف تجيب عربية المعاقين

[@قناهقرآن-ف1ذ]

@@trafficadvisor_EhabAtiea الله يرضى عليك تمام بس بطاقه الخدمات دي بيحتاجها المجلس الطبي المتخصص ولا حضرتك تقصد ان البطاقه دي بتسهل الامور في الحصول علي جواب

[@MohamedMohsen-fe5xs]

حضرتك أنا مش معاق وعايز اشتري جواب واجيب عربيه ازاي امشي بيها من غير مشاكل مع الكماين والمرور

[@اللهربى-ط5ح9ع]

الرخصه الثالثه بتطلع بعد كام يوم واشتراك مدرسه القياده

[@karimsayed64]

لو سمحت انا خلصت جيش وكان معايا رخصه اوله مدده سنه وعايز اطلع الرخصه المهنيه هتطلع تانيه وله3 واجيب منين نموذج 52س ‏‪ولازم مؤهل دراسي انا المؤهل مكتوب ف البطاقه

[@trafficadvisor_EhabAtiea]

شهادة الجيش مكتوب فيها بيانات الرخصه العسكريه - لو كنت سواق فى الجيش اكثرمن 3 سنوات ها تأخذ ثانيه - اقل من 3سنوات بتأخذ ثالثه طالماالمؤهل مكتوب فى البطاقه يبقى لاتطالب بالمؤهل " حاصل على .....

[@MohamedAshraf-rk4rq]

كم رسوم الكشفالطبى بالقموسيون

[@trafficadvisor_EhabAtiea]

الكشف الطبى فى القومسيون بيكون فيه كشف مخدرات كما ن ومبلغ الشف فى حدود 500 جنيه خد معاك حوالى 1000 جنيه واللى ها يتفضل ها يبقى فى جيبك

[@محمدالجوهري-ذ7س]

من فضلك انا كنت شغال في شركة وسبتها بس كان متأمن عليا 7 سنين ينفع اضيف التأمين ده علي الرخصة

[@trafficadvisor_EhabAtiea]

بتأمين سواق لاستخراج الرخصه المهنيه وتستفيد من المدد التأمينيه فى المعاش

[@احمدقنديل-ر8د]

ينفع بالرخصه الخاصه اسوق اي سياره متكنش بتاعتي ؟؟؟

[@trafficadvisor_EhabAtiea]

ينفع بس يكون معاك توكيل بالادارة

[@حسينربيعسنوسيطلب]

لو سمحت انا بسافر الخارج وبسددتأمين اول بأول هل السفر يأثر في التأمينات

[@trafficadvisor_EhabAtiea]

كل مليم دفعته للتأمينات لما بتوصل لسن المعاش بتستفيد بيه حسب مدد سداد اشتراكات التأمينات سواءا كنت صاحب عمل او عندك رخصه مهنيه وبتسدد لها تأمينات

[@hasnhasn4915]

لو انا طالب ومعدي سن القانون وعايز اطلع رخصه مهنيه اعمل ايه

[@trafficadvisor_EhabAtiea]

شوف موقف الخدمة العسكرية الأول " الاعفاء"

[@alimohamed341]

كان معايا رخصه ثالثه وغيرتها وخليتها رخصه خاصه وحاليا مطلوب مني رخصه ثالثه تاني عشان اعرف اسافر السعوديه اعمل ايه عشان ارجع الرخصه الثالثه ؟

[@trafficadvisor_EhabAtiea]

1-بنفس إجراءات الرخصه المهنية لأول مرة طبعا عدا الاختبار الفنى فى القيادة 2- ها تعمل كشف قومسيون طبى عن طريق المرور بتاعك بصورتين وصورة البطاقه وفيش وتشبيه موجه للمرور لتجديد رخصة ثالثه وشهادة مخالفات للرخصه الخاصه وها تسلم الخاصه وتأخذ المهنية تانى بعد الاشتراك من جديد فى التأمينات الاجتماعيه والنقابه العماليه وها تغير المهنة فى بطاقةالرقم القومى الى سائق

[@mohamedibrahim8180]

رحت ادفع التأمينات رخصه ثانيه عيزين يدفعونى ٨١٠٠ جنيه اعمل ايه وهل ده سعر مزبوط لثلاث سنوات ولا ايه

[@حسنحسن-ص5ب4ث]

انا بقالى عشرين سنه معايا رخصه ثالثه وعندى الوقتى 60 سنه كم قيمه المعاش حضرتك

[@trafficadvisor_EhabAtiea]

حوالى2000 جنيه تقـــريبا

[@yosseframdan4853]

ينفع اعمل رخصة تالته بشهادة رفض من الجيش

[@trafficadvisor_EhabAtiea]

ولا اى مشكلة ؟ ولو الشهادة رديئة مش مهم درجة الأخلاق فى شهادة الخدمة العسكرية

[@MeraAmigurumi5M]

انافي مشكله كبيره ومحتاجه حل من حضرتك لو امكن انازوجي سلم رخصته وكان عامل شهادة انه مريض نفسيا علشان يصرف معاش وعاوز يرجع الرخصه حاليا ومش عارف هل في اي حل اواجراءممكن نعمله ليسترد الرخصه كانت درجه اولي

[@trafficadvisor_EhabAtiea]

لازم يتعرض على القومسيون الطبى وهو اللى بيحدد ينفع يأخذ رخصه مهنية ولا لا

[@احمدعيدابنالنيل]

شهادة الجيش والمؤهل بياخدو الاصل؟

[@trafficadvisor_EhabAtiea]

المرور بيأخذ الأصل او مستخرج مش ها تفرق الاثنين ينفعوا فى الترخيص - بس لو قدمت مستخرج من المؤهل الدراسى المرور ها يستعلم عنه الأول - ممكن تقدم اصل مؤهل مش محتاجه " ابتدائية - اعداداية

[@redaamr1731]

انا موظف حكومي وبحدد الرخصه المهنيه كل 3سنين بخطاب من العمل هل التجديد مستمر ولا في مشكله ياريت تفاصيل لو سمحت يا فندم

[@trafficadvisor_EhabAtiea]

طالما شئون العاملين فى جهة عملك وافقت على تجديد الرخصه المهنية المرور بيجدد عادى خالص

[@السيدابراهيم-ي3ن]

طيب أنا عندي رخصه قياده ثالثه وبعد ثلاث سنوات في يوم الانتهاء الرخصة وقفتها ازاي ارجعها تاني وشكرآ لحضرتك

[@trafficadvisor_EhabAtiea]

اعمل قومسيون طبى وفيش وتشبيه واشترك فى النقابة والمؤسسة من تانى

[@السيدابراهيم-ي3ن]

@@trafficadvisor_EhabAtiea وإذا جدتها من تاني الفلوس اللي دفعتها في الثلاث سنوات بتروح علي ولا موجوده وشكرآ لحضرتك يا مستشار

[@السيدابراهيم-ي3ن]

@@trafficadvisor_EhabAtiea وهل امتحن من تاني ولا مفيش امتحان أنا موقفها من سنتين

[@trafficadvisor_EhabAtiea]

بتستفيد بالتأمينات اللى دفعتها عند بلوغك سن المعاش - لما بتجدد بتدفع ضريبة المرور ومؤسسة ونقابه ب3 سنوات جديده

[@trafficadvisor_EhabAtiea]

مفيش إمتحان من تانى - نكتفى بالاختبار الأول فقط طالما كان اصلها مهنية

[@hamdiqurani404]

لو هشتغل في شركة قطاع خاص والشركه هتدفع تأمينات. ماذا افعل عند تجديد الرخصة في دفع تأمينات الرخصة # ثانياً ما فائده البرنت وشكرا لسيادة

[@trafficadvisor_EhabAtiea]

ربنا ييسر لك الحال- ممكن الشركه تطلب منك تقفل ملف الرخصه الأول فى التأمينات ولو حبيت تجدد الرخصه بعد كده بتجيب برنت تأمينات انك مؤمن عليك بشركة كذا............. وما زلت بالعمل حتى تاريخه

[@hamdiqurani404]

@@trafficadvisor_EhabAtiea أولا شكرا لسيادتك معالي المستشار الشركة بتقول تأمين الشركة لحاله ليس لنا دخل بتامين الرخصه ثانيا حضرتك لو تاخرت عن تجديد الرخصه بعد الانتهاء بعددة أشهر هل يتم لغي الرخصه وهتطلع من الأول ولا هجدد على نفس الدرجة # وشكرا لحضرتك

[@trafficadvisor_EhabAtiea]

إتأخر براحتك وقت ما تحب تجدد الرخصه بتروح المرور بتاعك وتجدد عادى؟ولا تلغى الرخصه

[@FacefakeFacefake1]

معلش لو انا طالب في معهد ينفع اطلع

[@trafficadvisor_EhabAtiea]

المهم الموقف التجنيدى وهاتأخذ نصريح مؤقت للموقف التجنيدى اهم حاجه عديت 21 سنة وممكن تقدم المؤهل الدراسى ( ابتدائية او اعدادية )

[@sherefyaser7956]

لو موجل الجيش عشان في الكليه ينفع اطلع الرخصه

[@trafficadvisor_EhabAtiea]

لو رخصه مهنية بتأخذ تصريح مؤقت ينتهى بنهاية الموقف التجنيدى

[@هانيالبحراوي-ب7ذ]

حضرتك لو انا دفعت تامينات ٢٠ سنه رخصه مهنيه المعاش بيكون قد ايه برايك

[@trafficadvisor_EhabAtiea]

مش اقل من١٧٠٠

[@MuhammadBarakat7]

لو سمحت استاذنا الغالي انا عندي عربيه معاقين ورفعها في الجراج بقالها سنتين ومرخصتش نهايا من ساعة ماطلعت من الميناء وعاوز ارخص بعد مرور 5سنين بتوع الحظر هل بذلك في ضرر علئ العربيه من ناحية المرور او الجمارك وهل حيكون في غرمات ارجو الافاده حضرتك

[@trafficadvisor_EhabAtiea]

- مفيش اى ضرر او ضريبة متأخرة - مارخصتش وعدت مدة الحظر بوصول خطاب رفع الحظر للمرور - بتفحص وترخص عادى خالص بدون عبارة " حظر جمارك؟ - طيب لو اتمسكت بدون ترخيص ورفع الحظر وصل المرور ؟ بتدفع القديم من تاريخ الافراج عن السيارة بحد اقصى 5 سنوات ( م 54 من قانون المرور) الحق نفسك ورخص احسن محدش عارف بكرة قيه إيه؟

[@mrjoo112]

بنتكلف كام ..المصاريف كلها

[@trafficadvisor_EhabAtiea]

بتوصل ل5500 جنيه

[@الهرم-ن1ض]

لو تكرمت انا بطلع رخصه مهنيه تالته علشان عربيه ملاكي معاقين مرافق للمعاق وأنا موظف في شركة بترول.. ومؤمن عليا فيها واليوم قدرت اجيب برينت من التأمينات موجه للمرور كدا لازم اجيب موافقه من الشغل بردو ولا إيه ولا هل بيكتفو إن قدامهم برنت موجود فيه إن مؤمن عليا وخلاص

[@trafficadvisor_EhabAtiea]

اكيد تابعه للهيئة العامه للبترول يبقى لازم تجيب موافقة جهة العمل - بالاضافه لبرنت التأمينات انك على رأس العمل حتى تاريخ إستخراج الرخصه

[@youssef.adel.]

انا موظف غير حكومي "عقد مع شركة IBS" بيجدد تلقائي سنويا و الشغل مع شركة المصرية للاتصالات الحكومية و متأمن عليه ينفع اطلع رخصة مهنية؟ مع العلم ان موقفي من التجنيد متابعة عشان انا تجنيد جنوب سيناء و ارجوا التوضيح لو اخدت اعفاء مؤقت ٣ سنوات بنفس الوظيفه ينفع اطلع الرخصة المهنيه ولا لا

[@trafficadvisor_EhabAtiea]

الاعفاء من التجنيد سواءا كان مؤقت او نهائى ينفع تستخرج به رخصة مهنية - وبتجيب برنت تأمينات انك مؤمن عليك وعلى رأس العمل حتى تاريخ إستخراج الرخصه

[@mmhmad491]

انا مرخص عربيه معاقين وواخت تصريح بثلاث منتهى لو عايز اجدد رخصه ادافع قديم وجديد ولا والعربيه موامن علي علي سائق ولا سيب مثلا العربيه لحد ما تكمل خمس سنين تنصحني اطلع رخصه مهنيه و ادفع تامين سائق ولا اصبر خمس سنين والعربيه باسم اخي وهل الرخصه المهني بتشيل التموين

[@khaledlodi]

السلام عليكم انا معايا رخصة خاصة ومؤمن عليا في قطاع خاص وظيفة مندوب مشتريات لو عملت رخصة مهنية هيطلب مني ادفع تأمينات ولا عشان مؤمن عليا مش هدفه تأمينات الحاجة الثانية انا مؤهل عالي ومثبت في البطاقة هيحتاجو مني اصل المؤهل ولا صوره

[@trafficadvisor_EhabAtiea]

المهنة فى البطاقة حاصل على !! خد معاك اصل المؤهل وصورة منه المرور ها يأخذ منك صورة فقط - بتسدد النقابة العماليه والتأمينات بتعطيك برنت انك مؤمن عليك

[@karemelgandy7205]

لو تكرمت كنت شارى عربيه سنه ٢٠١٣ ولما روحت انقلها من المرور الخاص بالعربيه الى المرور الخاص بمكانى دخلت فحص وظهرت انها مغيره نص وسقف واتحولت لجنه وفحص جنائى وروحتهم واترفض ترخيصها ومن وقتها ركنتها فى جراج وقفلت عليها ومتحركتش الى وقتنا هذا والرخصه فى المرور مسحوبه من وقتها والنمر راكبه عليها وانا معايا عقد مسجل و٣ توكيلات قبلى وصوره من الرخصه موجودين والرخصه باسم صاحبها الاول السؤال . اذ سمحت ايه الحل القانونى لاسقاط العربيه من المرور وبيعها خرده واكون خالى من اى مشاكل قانونيه بعد كده وهل يلزم اروح بالعربيه المرور لانى من بلد تانيه وهيبقى صعب امشى بيها كده اسف للاطاله

[@trafficadvisor_EhabAtiea]

معاك عقد بيع مسجل للعربيه اعمل شهادة المخالفات وفك النمرتين وروح المرور المرخص به السيارة لو لقيت الرخصه موجوده هاتسلم النمرتين والمخالفات وصورة العقد الموثق للاستغناء عن الترخيص وفى الحالة دى ها تسدد ضريبة المرور المتآخرة بحد أقصى 5 سنوات

[@karemelgandy7205]

الف شكر لحضرتك

[@solomomar3309]

السلام عليكم انا كان معايا رخصة مهنية ثالثة صدرت من محافظة الغربية من 2011 انتهت 2014 ولم اجددها لحين تسليمها والاستغناء عنها عام 2019 وهى منتهية وبعدين غيرت محل اقامتى الى الاسكندرية هل يجوز استرداد الرخصة وما هى الاجراءات وهل اقوم بتغيير البطاقة علشان تاريخ صدورها يبقى مناسب للاجراء وشكرااااا

[@trafficadvisor_EhabAtiea]

انت موظف حكومى ولا سائق حر ؟

[@solomomar3309]

@@trafficadvisor_EhabAtiea سائق حر حاصل على مؤهل متوسط

[@MeraAmigurumi5M]

ممكن رقم فون لحضرتك

[@trafficadvisor_EhabAtiea]

واتس 01013280176

[@abdalhalimalkhoaga9081]

السلام عليكم يا مستشار لو تكرمت معايا رخصه قياده خاصه ومتأمن عليا ك مترجم وعايز أعمل رخصه مهنيه هل ينفع وأيه الاوراق