Рет қаралды 112,466
Бүгін Сәтбаевтағы жағдайға қайта ораламыз. Себеп - қалада жағдай тұрақталғанымен, күшейтілген режим алынған жоқ. Басқа қала, басқа аудандардан әкелінген күштік құрылым, әскерилер әлі сонда. Оның үстіне, педофил ретінде күдікке іліккен адамды ұстау операциясынан кейінгі ел көтерілісінің салдары - баласы мен бауыры, әкесі немесе күйеуі қамауға алынғандар ашулы. Олар, «қаршадай қызды қорлағанды қолға бер дегені үшін балаларымыз неге жазықты болады?» десе, полицияның өз аргументі бар. Айта кету керек, сәтбаевтықтар көтерілген күннен бір күн бұрын қалада атыс болған екен. Күдікті қамауға алынғаннан кейін полиция бөлімінің алдындағы жаппай тәртіпсіздік пен сол оқиғаның арасында қандай байланыс бар? Сол күні қала тұрғындарының кейбіріне 100 мың теңге не үшін берілген? Күдіктіні арнайы жасақ неге тұратын үйінен екі этаж жоғары орналасқан пәтерден алып шықты? Қаршадай қызға қастық қылмақ болған адам жалғыз емес пе? Қала халқының бір мезетте көтеріліп, жиналып кетуіне себеп болған ватсап желісіндегі топтар алдын-ала не үшін құрылған? Ал, оқиға орнына алдырылған иісшіл ит ізінен жаңылып, полицияның күдіктіні ұстауға керек бір сағат уақытын жоғалтып алғаны рас па? Жоғалған қызды іздеуге елді жұмылдырып, полиция бөліміне барғандарды ғимаратты бүлдірмеуге үгіттеген ерікті қазір неге қамауда жатыр? Сәтбаев оқиғасының шындығы мен сұмдығы - бүгінгі «Сөздің шыны керектің» басты тақырыбы.
.
.
.
.
Сөздің шыны керек 06.08.2020