Рет қаралды 177,323
#masteerrecipes #vishnujirecipes #indianfood #marathipadartha #maharashtrianrecipes
तांब्या पितळी भांडी म्हणजे स्वयंपाक घरचा दागिना आरोग्य आठवणी अभिमान आणि हो प्रॉपर्टी जिची किंमत दिवस गणिक वाढत जाते स्वस्त प्लास्टिक सारखी कमी होत नाही तेव्हा आजच स्मार्ट बना आणि तांब्या पितळी भांडी वापरा
मास्टर रेसिपीज ऑनलाईन स्टोअर - Whatsapp No - 7304494848
सावजी ग्रेव्ही
साहित्य - कांद्याचे वाटण 200 ग्रॅम (300 ग्रॅम कांदे तेलावर परतून त्याची पेस्ट करा), आलं-लसूण पेस्ट 1 वाटी, लाल मिरच्या 8-10, बडी शोप 1 चमचा, मोठी विलायची 4-5, छोटी विलायची 8-10, स्टार फूल 4-5, दालचिनी 2-3, लवंग 2 चमचे, जायपत्री 1 चमचा, काळी मिरी 2 चमचे, शहाजीरे 2 चमचे, धणे अर्धी वाटी, खसखस पाव वाटी, ज्वारीचे पीठ 2 चमचे, शेंगदाणा तेल 1 वाटी, खोबरेल तेल अर्धी वाटी, तिखट 2 चमचे, तमालपत्र 4-5, हळद अर्धा चमचा, मीठ चवीनुसार
कृती - कांदा व लसूण सोडून सर्व मसाले लालसर, काळपट रंगात भाजून घ्यावेत व गरम पाण्यात 10 मिनिटे उकळल्यानंतर बारीक वाटून घ्यावे. पातेल्यात तेल टाकून प्रथम आलं लसूण पेस्ट टाकून ते शिजवल्यावर कांद्याचे वाटण तसेच वरील वाटलेला मसाला व तमालपत्र घालावे. थोडेसे पाणी टाकून हे मिश्रण तेल सुटेस्तोवर उकळावे. सगळयात शेवटी हळद, तिखट व खोबरेल तेल टाकावे. वरुन थोडी कोथिंबीर घालावी. चवीनुसार मीठ घालावे
1. सावजी मसाला (कोरडा)
साहित्य - धने अर्धा वाटी, बडीशोप 2 चमचे, दालचिनी 2 ते 3 तुकडे, मोठी वेलची 8 ते 10, जीरे 2 चमचे, शहाजीरे 1 चमचा, काळीमिरी 1 चमचा, लवंग 5-6, हिरवी वेलची 2 चमचे, तमालपत्र 7 ते 8, ज्वारीचे पीठ 3 चमचे, मीठ अर्धा चमचा, जायपत्री 1 चमचा, लाल मिरची 7 ते 8, हळकुंड 2, सुंठ पावडर 2 चमचे, कांद्याची पावडर अर्धा वाटी, सुंठ पावडर 2 चमचे, स्टारफुल 4 ते 5, दगडफुल 2 ते 3.
कृती- सुंठ पावडर, लसूण पावडर, कांदा पावडर सोडून सगळे मसाले वेगवेगळे भाजून घ्यावे. मंद आचेवर थोडे काळपट भाजून घ्यावे. यानंतर यात सुंठ पावडर, लसूण पावडर, कांदा पावडर सगळे एकत्र करुन भरुन ठेवा. ही झाली कोरडा मसाला वापरण्याची पद्धत.
मसाला वापरताना थोडया गरम पाण्यात मसाला मिसळून ठेवावा. भांडयात तेल घेऊन शहाजीरे फोडणीला घालून ती पेस्ट घालावी. व तेल सुटेस्तोवर परतून घ्या. नंतर यात आवडीप्रमाणे टोफू, पनीर किंवा वांगी बटाटा अंड अथवा एखादा नाॅनव्हेज प्रकार सुद्धा चालू शकतो.
2. सावजी मसाला (ओला)
साहित्य - यात कोरडया सावजी मसाल्यातील सर्व वस्तू घेणे. मात्र सुंठ पावडरऐवजी आल्याची पेस्ट, लसूण पेस्ट 2 चमचे घेणे. कांदा तळून त्याची पेस्ट 1 वाटी घ्यावी.
कृती:- सगळे मसाले वेगवेगळे भाजून गरम पाण्यात 10 मिनीटे उकळवून पाणी गाळून ठेवावे. व मसाल्यांची पेस्ट करुन घ्यावी. पेस्ट करताना ज्वारीचे पीठ घालू नये. यानंतर अर्धी वाटी तेलात कांदा, आलं लसूण पेस्ट छान परतून घ्यावी. नंतर तयार मसाल्याची पेस्ट त्यात घालून चवीनुसार मीठ घालावे. थोडे पाणी घालून मिश्रणाला तेल सुटेस्तोवर उकळावे. नंतर यात आवडीप्रमाणे शाकाहारी किंवा मासांहारी प्रकार तयार करावेत. कोथिंबीर घालून सर्व्ह करा. त्याआधी 2 ते 3 चमचे खोबऱ्याचे तेल घालावे.