Рет қаралды 57,773
شاورما الطيبين
نحتاج كيلو صدور دجاج مقطع شرايح رفيعه ( اكيد عادي تستخدمو الأفخاذ )
التتبيله/
علبة لبن زبادي + م ك معجون الفلفل بديله اهرسي 3 حبات فلفل طرشي احمر + م ك معجون ثوم و زنجبيل + ملعقتين ك بهار شاورما + ملعقتين ك بهار كيجن + ملح + كمون مطحون + ملعقه صغييره ملح اندنوسي + م ك بودرة فلفل احمر حار + م ك بابريكا + فنجان قهوة زيت + حبة عصير ليمون و ممكن تزيدي شوية عصير برتقال و بشرة برتقال و اخلطي جميع المكونات جيدا
و ضعي فوقه الدجاج و تبلي الدجاج و ممكن تتبليها قبلها ب ليله
السلطه /
خس و بصل مقطع شرائح رفيعه جدا طماطم مقطع مربعات صغار بقدونس مقطع ناعم شوية سماق و اخلطيهم و ممكن تقطعي معاه مخلل خيار يطلع ممتاز
الصوص /
مايونيز + كاتشب + ثوم مهروس مره ناعم كأنه معجون و اخلطيهم
الطريقه /
سخني الصاج وضيفي عليه زيت او ذوبي شحم مفروم ( لية الغنم )
و ضعي الدجاج و قلبيه حتى يستوي و يحمر ملاحظه وقت تكشين الدجاج يكون الصاج مررره ساخن و النار مره عالي طول وقت الطبخ عشان الدجاج يحمر و يستوي بدون ماينشف و يكون التكشين على السريع
و بعدها يكون جهزتي بطاطس مقلي و لفي الشاورما زي ماتحبي و ممكن تسخنيه في الحماصه