شيلة ذخر جبرين 2024 كلمات نايف بن ضيدان الجبرين | اداء خالد ال بريك

يارب و انت الذي بيديك كل الامور
يالواحد اللي تجازي بين جنّه و نار
اشكرك و احمدك ياعالم ماتخفي الصدور
على ما ظنيت بك بدعاي فالمستجار
العمر يمضي و ساعات الليالي تدور
و النور كنّه عن الظلمى يزيح الستار
و انا لا سجيت ماجاء من تجاهي قصور
مغير ابطلع من الضيقه و افك الزرار
من قبل عيد الضحيه دم راسي يفور
اعد الايام و انا ما ارغب الانتظار
ماني عن الماقف الغصاب رجل معذور
لو داحمتني ضروفي من يمين ويسار
يوّم انها هاضت الافكار شعر و شعور
كن للقريحه جناح اللي بوسط المطار
يوم ان لي من على القمّه مقر و ظهور
في كل طيّب نبا لي هاجسً ما استخار
وشلون ماكتبّك وفعلك معي مايبور
ياخوي ياضلع جنبي ياسندي باختصار
يا ذخري و محزمي يومً لفوك الحضور
من طيب راسك تحفوبك طوال العمار
منك التراحيب ياتراحيب وسمً بكور
لها من اسمك نصيب العود لامن دار
لانك على الجزله مضّرى ورجلً جسور
يكفيك بانك سمي اللي فعوله كبار
سمّاك منهو بنى فالمجد باسمه قصور
و معقّبً له على المشراف عشرة حرار
ابوي لامن غدا فالامر رايً و شور
اسمً على راس عيطاً ماهو بمستعار
شيخً بوقت اللوازم صارمً و مخبور
شِيخة شدادٍ قوي ماهيب شِيخة عقار
على اللي مدهله عامر بالوفا و معمور
منصى هل الطيب والفعل الجري والوقار
لاجـاه ضيفه يثور من الهلا والسرور
كثر اللي حطّه من دنان الحطب فالوجار
ياذخر جبرين يوم ان البنادق تثور
ياعزوةً فالوغى الها قيمةٍ و إعتبار
من قبل ورّادة الماء في قديم العصور
والماء عليه البدو مبطي تشد الحصار
عن حدنّا ماطلعنا الا طلوع الصقور
في جمع سرد الخيول اليا استثار الغبار
وقّف لها خيال الخيل بعزيمة صبور
لين ان صيت الجنازه وصل كل الديار
قبل الدير لاتجي فيها نقاط المرور
حتى قبل لايجي فيها فلاش الردار
النا فالاكوان وقفات لطوال الشبور
بمشلشلً لا غزو من فوق قب المهار
روسً ما تنطال يزهاها النعم و الغرور
من كثر ماهيب شوّاشه تقادح شرار
يوم المغازي لها سيفً يفج النحور
ياكم لنا وقعةً في نجد ليل و نهار
حنا لعرض الخوي و الجار درعً و سور
ستر الجميله لامنها لوحّت بالخمار
تاريخنا لقاريه ماهو محطة عبور
تاريخ ثبّت على صدر المعالي شعار
مثل رمضان الشهر من بين كل الشهور
مكاننا بنجد الانجد معتلي فالعمار
انشهد اني لامن كلً تفاخر فخور
حيث ان لي لابةً بالذكر فوق المدار
تمت وانا عيون بنت افكاري عيون حور
فارقةً عن القصيد اللي له الاقتدا

[@Siiiiii305]

ياخي كل مقاطعك حلوه و الي محليها المطران اجحدها اذا طفشت ادور لي شيله من عندك انشاء الله نشوفك اعلى المناصب🥹❤

[@user-kk1ry2uc6f]

شيوخ عبدله مهب حيا الله 🩵🫡 ونعم مليون في الجبرين اهل الاماره .

[@alialmakrami4363]

ونعم صح السانك حي ذا صوت ابن بريك ما هي بغريبه عليكم وطيب وخيراكم سابق 🇸🇦👍

[@user-pe5bc3bx1v]

كفوكفو قصيده جزله من شاعر جزل في رجل جزل وتستاهلًون ياذخر جبرين وعلومكم غانمه

[@jbreenaljbreen]

الله الله .. نايف ما ابطى بالسيل الا كبره .. اشهد بالله انك اوعدت و اوفيت ! .. صح الله لسانك منا الى عيد الضحيه الجاي 👍🏻

[@user-dy7or8lf6m]

صح لسانك يا الامير ❤

[@KhaladAljbrain]

صح لسانك وتسلمون كل المشاركين

[@N.001]

👍🏻👍🏻👍🏻

[@user-kr3ii4zt1ynasser]

ي سندي باختصار ❤

[@user-yl7jd1vl7t]

صح لسانك

[@user-ot2wd5rz8l]

شاعر بـ معنى الكلمه

[@user-tl5xs4ut2d]

افضل قناة شيلات 👍👍👍👍

[@user-kr3ii4zt1ynasser]

من قبل عيد الضحيه ونا دمي يفور اعد الايام ومارغب الانتظار ماني على الماقف الغصاب رجل معذور لو داحمتني ضروفي من يمين ويسار يوم انها هاضت الأفكار شعر وشعور كن للقريحه جناح اللي بوسط المطار

[@KhaladAljbrain]

كفو لا هنت 👍🏻👍🏻👍🏻👍🏻👍🏻👍🏻

[@user-kr3ii4zt1ynasser]

لاهنت

[@user-kr3ii4zt1ynasser]

وقف لهاخيال الخيل بعزيمه صبور لين ان صيت الجنازه وصل كل الديار قبل الديار لاتجي فيها نقاط المرور حتى قبل لايجي فيها فلاش الردار

[@Al_mutairi_kwt]

🔥

[@user-kr3ii4zt1ynasser]

حنا لعرض الخوي والجار درع صبور ستر الجميله لامنها لوحت بالخمار🫡🦅