شيلة فهد بن فصلا الفارس المغوار🔥 | شابت رموش العين | كلمات وصل العطياني

شيلة فهد بن فصلا الفارس المغوار🔥 | شابت رموش العين | كلمات وصل العطياني | ( جديد ) 2021

Рет қаралды 5,591

Күн бұрын

كلمات وصل العطياني
أداء فهد بن فصلا
تصميم الساطي
حفل
فيصل بن بدر الدعجاني
الأبيات
شابت رموش العين والقاف ماشاب
الشيب ماهو حوله ولا طرى له
الواهس الي قال بتوب ماتاب
ابمهل خطامه وابطلق عقاله
من يوم قالو مالها عنك مجناب
لو شيلّوه أكبر من الضلع شاله
الي علي اطلعه راس مرقاب
والي عليه انه يوصل رساله
ياطا على الحيه وياطا على الداب
و يعلم الشعار معنى الجزاله
شعر بلا معنى لاودى ولاجاب
ماودك يقولون راعيه قاله
والطيب الي يفقدونه ليا غاب
ماكل رجالً يعوض بداله
واليا حظر فرحوله ونال الإعجاب
مثل الفرح بالعيد ليلة هلاله
لاتنشد الحسّاب لاصرت حسّاب
العيد هذي ليلة من لياله
فيصل رفيقي صاحبي خير الأصحاب
محفوظ تاريخ ومقر احتفاله
ينصاك ترحيبه قبل تاصل الباب
والكيف الأشقر ماتوني دلاله
وده يحط الضيف من بين الاهداب
ومن الشحم والطيب يدهن سباله
البخل ماله معه موقع فالاعراب
قرم مسوي سيرف في حر ماله
من كثر مايعطي ولا يحسب حساب
كنه حلال القوم ماهو حلاله
ماهو غريب الطيب فيصل ليا طاب
الطيب ورث سلالة من سلاله
ابوه بدر مجري لكل هياب
على بياض الوجه حنك عياله
والجد صاهد يوم للحرب حراب
اسمه واسم سيفه له أكبر دلاله
السيف بن ذرعان قطاع الارقاب
يمثل الموت الحمر بالوكاله
سوابها الإرهاب قدام الإرهاب
صارو يهابونه ليا جاء مجاله
لو يدقلون أحزاب مع ساقة أحزاب
صاهد ليا جاهم صهدهم لحاله
والفارس المغوار يذكر وينهاب
لو كان من دنياه شدت رحاله
اسمه يخلد مثل ابو زيد وذياب
والظيط وابن حميد وبن طواله
والي تحزم فالدعاجين ماخاب
في ضفهم مايعطي الهم باله
كم شيخ مع حظ الاسامي والألقاب
تحصل من الاد باين خواله
نفخر بهم بين القبيلة والاجناب
والي يجملنا نزيده جماله
حنا عتيبه يوم نفخر بالانساب
طنخة على عز ومعزه وطاله