Рет қаралды 17,921
على وفرة الافكار بالهاجس المزحوم
اتل القلم واخذ لي اشوي واهده
لأن القصايد لو تلبد سماي غيوم
وتمطر ومارب ينفجر منها سده
ماوفت حقوق اللي نجومه ماهي بنجوم
هي اثار في كتفه من الحمل لا شده
زهمت الشعر واليوم ياخو هيا ملزوم
اجي له على حدي يجيني على حده
يافراج بن عربيد يامزبن المضيوم
في ليلة زفافك للفكر حومه وهده
هلا وابرك الساعات ياضيوفنا واليوم
الافراح غنت والبحر يحتفي مده
هلا مرحبا بالطول توصل ليا المرموم
وبالعرض من بحر الخليج ال بحر جده
على ام الشحم واللي عليه الشحم مردوم
وعلى ام البهار اللي على الكيف منعده
بفاخر ولا يلحق مداي العتب واللوم
انا ما وقفت ابماقف الا وانا قده
عضيدي عضيدي ماتمنى لذيذ النوم
هذا لذته والله في ساعة الشده
هذا اللي يحط الحمل فوق الظهر ويقوم
هذا اللي مثل جده تسمى على جده
خزاين ذهب قارون بيده تضيع ابيوم
يمينه ليا مدت ماهي تحسب المده
معه كلمة ابشر كنه امصدرن مرسوم
على ادناه ختم اللي ماتقدر على رده
يافراج لا شمرت عن ساعديك كموم
وش اتشمر الا هد بالك ولا اتشده
علامك خذيت الطيب كله بقو اعزوم
وش اللي بقا منه وكل لازم اتسده
وحنا قبل يطلع لنا حاكم ومحكوم
يدينا رهاوية والايام مسوده
سلايل هل العطفه نسوم المنايا سوم
على روس اهلها نصقل السيف وانحده
م ندحم ضعوف القوم ندحم كبار القوم
الى من حضرنا ننطح الخيل وانصده
والى من عطينا نغدق ونغني المعدوم
والى من زعلنا نصدم طويق وانهده
لنا بالفخر تاريخ يفري كبود خصوم
لو استذكر التاريخ محدن يجي نده