Рет қаралды 424,004
- شيلة / كلنا عتيبه
- كلمات سلطان الحويقل
- أداء شبل الدواسر
- حفل الشيخ / نشاء بن ناشي النفيعي
انفتح باب الطواري عقب طار النعاس
وانزعج جو المهوجس بعد هداوته
ودك اتلج العزاوي مثل لج الحساس
لين حرف الشعر يرجع على قداوته
بين شعار المنابر و شعار الحماس
ماعرف وش مستوى القوه المتفاوته !
من تورث من هله طيب شعر وطيب راس
ياااجد الانصاف لو كان من عداوته
عن فناجيل المدايح وعن لطم العماس
مبطين ماخذت من خاطري نقاوته
اشبح نجوم السماء واسهج القاع المساس
ولا لقيت الطيّب اتعب عشان ارضاوته
ي عيال الشايب اللي يروس ولا يراس
كل بيتً من قصيدي عساااه فداوته
اصوكً قلبه حديد و عظم راسه يباس
الحمايا تجذبه و العزاوم تشاااوته
لاوقف من غطرسه مايشوف الناس ناس
و يتبجح يوم شاف المراجل هاااوته
مع نشاء نرهي على الطايله من دون ياس
ونبلغ اعلى المجد لا ضاع هرج اسعاوته
مانقص طيب الزحول المثبت فوق ساس
بين كل البدو ما تنجهل بداااوته
ويضحانه مارعت غير قفرً مايداس
لا شتعل برق الحياا في مثاني ناوته
يوم دحم القوم ماجاء يعرّض ب اللباس
دون ربعه يـعرض العمر من جراوته
في مديحه يكبر الحجم ويطول المقاس
و يطرد فكر المغني ما وصْل انهاوته
مجلسه تهدى به النفس وتطيب الحواس
من كثر تكرير ترحيبه و حفااوته
للشحم عوكه وللجمر والعود اقتباس
والقبول اللي على حله و طراوته
من هل الردات يوم الفعول بقو باس
فالنهار اللي تبين اعْربه من جاوته
لأنفضو بيرق فَخ وصار العلم ماس
الطيور اللي تحرّا الجنايز خاوته
ذبْحَت الخيال فـ عيونـهم شيٍ طفاس
زال مافنوا قومه اللي تعبد ا سماوته
لا متلا كاس المنايا وطق الكاس كاس
ذوقوا روس المعادين من حلاوته
كل قرمً منهم ايحس في راسه عطاس
لا عتزى صارن بنات الشيوخ سباوته
يطبخ ف المعركه دون درع ودون طاس
يدري ان فعله عن حماه قد حماوته
عزوة الاد النفيعي صعيبين المراس
كل رجمً معتلي ب البسيطه ساوته
وكلنا عتيبه لـَ جا ضرب شلف وقدح ماس
لطمين الحاكم اللي تساق أتاوته
العديم اللي على حربنا يضرس ضراس
ماتجرى قدمنا لو يجر حداوته
يترك الخيل الأصايل ويرجع للركاس
لين يملا العين من ذله وغباوته
يعرف ان ماله مع اهل اللزز غير الفلاس
اكبر كبار المرابط خذينا فلاوته
قسمنا في نجد مافيه شك وْلا التباس
ماهو بقسمٍ اتدك الهمل نباوته
مرتع سهاف العشاير مرودمت العَبَاس
اللي لاشم المغربل عبسها داوته
ذِكْرنا شايع قبل لاتشيع أخبار واس
و مجدنا السامي تنوش السماء سماواته
- تنفيذ وأنتاج قـناة : عـادي