Рет қаралды 216,142
١- ياأهل الطيور اللي بها جنس تهجين
يلي تمارون الطيور الأصيله
٢- حتيش لوجتكم من إنتاج برلين
ولا ورىٰ لندن ياويش الحصيله
٣- صقرت أنا الحر النداوي من سنين
وجربت أنا التهجين ولاني عميله
٤- وأخذوا الكلام اللي من أول وهاالحين
(من لاقنص بالحر واعزتيله)
٥- اليا ضربنا أديار برقىٰ الجناحين
والعلم فَرق دقها والجليله
٦- حَل الوعد ثِم زَل حكي الدواوين
واللي بغىٰ الميراد يدبغ صميله
٧- متحيزمن بطيور فارس وقزوين
نوادرٍ(ن) هدت معانا فصيله
٨- خطو أشقرٍ(ن) ماكَرّه روس الضلاعين
ماقلبوه أهل اليمان البخيله
٩- فرخٍ (ن) فريد الجنس ماجيب بالدين
مفرع وعاتق والموامي طويله
١٠- جبر الثنادي لحمةٍ(ن) مابها لين
حرشٍ(ن) أكفوفه والمخالب صقيله
١١- عليه من مجناه رسم ونياشين
(أقطم ولايحتار فيه الدليله)
١٢- يلي تمارونا بلاشك غاليين
والفعل بين كل شكٍ(ن) يزيله
١٣- والجير لوصاد الحباري ثلاثين
منهو كفيله يامدور كفيله
١٤- والحر تِحّسبله ولو صاد ثنتين
مثل الشجيع اللي ذكِر عِقّب جيله
١٥- يطري علي حشار غال التثامين
القاطع اللي يرّجح الفعل كيله
١٦- يطلع على المخمر قبل ترمش العين
ماتل سِبقه كودها تستويله
١٧- ولاروح الحفان من عِقب جيرين
متنطحٍ (ن) كبد السما للمخيله
١٨- عرضته اللي يشطر المتن قسمين
حرٍ (ن) أفعوله نادراتٍ(ن) أمّهِيله
١٩- إيحالي أطياره فروخ الشياهين
خرشٍ(ن) لياهدت تصيد الجزيله
٢٠- الحر وصفٍ(ن) للرجال المسمين
يلي تمارون الطيور الأصيله
٢١- هذا جوابي والدلايل براهين
وكلٍ(ن) على شفه ودربه وميله
*
{#صقاقير#}{#الكويت#}{#السعوديه#}{#البحرين#}{#الامارات#}{#قطر#}{#طرح#}{#كزاخستان#}{#طيور_كزاخستان#}{#وحش#}{#خلوي#}{#حرار#}{#جير_شاهين#}{#بيور#}{#مقناص#}{#مقانص#}{#مكشات#}{#طيور#}{#صقور#}{#حباري#}{#هدد#}{#الربطه#}{#جير#}{#صقار#}{#المقناص#}{#طرح#}{#سيبيري#}{#شياهين#}{#كراوين#}