Рет қаралды 116,319
للتواصل وطلب التصميم والنشر : 0503241264
كلمات الشاعر : خالد بن جهيط
أداء المنشد : جفران بن هضبان الجفراني
على قمة جبل مزمومة المطلاع والمحوال
بعيدن عن كرونا و الظروف الاحترازيه
عطيت القاف راسي و استوت لي جرة الموال
اردد بيت لي من ظهر مدح و بطن مرثيه
عسى اللي يحمض ب شعره مجالس طيبين الفال
فداه اللي مسبب لا اكثر العالم حموضيه
انا .. لي مده اجامل و اكابر عن بعض الاحوال
لاحد يشره علي لا صارت اخلاقي تجاريه
ما يجذبني سناء البارق ولا الوقفه على الاطلال
مايجذبني سواء النسناس لاهبت شماليه
ادور رفقة اللي فالشدايد معه وسعة بال
و اجنب رفقة اللي معه زود و معه نفسيه
اباهي ب اسمي السامي عن الحساد والانذال
اعرف قلوبهم تشبه براريد العزوبيه
واحسب احساب من يحسب حساب السيل لامن سال
ولاآ آحسّب حساب امحسّب النجم السماويه
يبن رجحان من شفت الرقم في شاشة الجوال
دريت ب علمك الغانم قبل لا تشرحه ليّه
اعرفك معدنك طيب و منعور و كريم اسبال
ذخر عودن عن الطالات ما تقصر هقاويه
ي كيف اصد عن مدح السنافي مضرب الامثال
ف علم الطيب و الفزعه و فاليمنى الرهاويه
و انا من دون ربعي داعي رفاعه على اية حال
اعد اللي تجمل ف الكفو متجملن فيّه
اماري في فعايلهم بفضل الوالي المتعال
و اقلّط ب اسمهم صدر المنصات الرياسيه
لنا في قمة العز و تواريخ الفخر منزال
يوازي جاهنا الطيّب مواقفنا البطوليه
نفاخر بالرفيق و نطمس المتغطرس المحتال
نزعنا بالتواضع زمكة الروس الكباريه
لكن لا وصلت الدعوى ليا النادوس و الزرفال
ما لِنّا بالجناب الا ل حكام السعوديه
ذرآنا غامد الهيلا الاشاوس منبع الابطال
مناصيب الفعول البيض في الازد العروبيه
يقولون العوارف ما تميّز معدن الرجال
سواء لاحدتك بعض المواقيف الضروريه
احد ونعم على قده و احد ونعم براس المال
لكن من دون سبع انعام .. سبع ارقام سريه
ملكها الطيّب اللي مالك بالطيب روس رجال
هذا اللي شال بالامداح رتبته القياديه
عبدالله بن حباب اليا اعتزى جا للعقد حلاّل
عقيدن للجمايل و المواقف عاقد النيه
نشبهه ب حضن هيبه و نوماس وذرى و ظلال
مكانه ما تغيرّره المعايير الجلوجيه
من سهوم المنايا العزوه اللي تكعم العيّال
دمار اللي ينافسهم ليا من ثارت الهيه
يدور الوقت و يدور الزمن و اجيال تقفى اجيال
و غامد و البقوم اسم و مقام و سيرتن حيه
ما يمنعهم من مصافح يد التاريخ بالافعال
لو الصحه تشدد .. بالتدابير الوقائيه ..!!