Рет қаралды 98,106
الشعر مثل الذهب عالي الجوده
مايشوه سمعته كل غشاشي
واكثر الشعار ما نال مقصوده
والبحر مايسبحه كل طواشي
وان بغيت اصخره واصرف نقوده
حالف(ن) للوي كبود(ن) عطاشي
اتحكم فيه وابيح سدوده
واشتغل به شغل مجرم وحشاشي
واتخير ندره واقطف وروده
لين جزل القاف ينعشني انعاشي
من يقدم طيب يبشر بـ مردوده
ومايجازا بـ الردا والتطناشي
والبلالي اشكره واشكر جهوده
جعل يفداه المثيبير والاشي
ابو نايف كنه الضلع وحيوده
شامخ(ن) بين التضاريس ياناشي
بانين بيته على خط ساموده
مدهلن للضيف والجار والماشي
يسري الساري على نيره عقوده
يقتدي به كل ساري وطراشي
تدهله رؤس الرياجيل وتروده
يفتخر به كل هيلع وشواشي
ارجح(ن) للمرجله تقدح زنوده
يذبح الخرفان ويبرك الحاشي
كان بنك المرجله قفل بنوده
بنك جوده يدعم المرجله كاشي
مايحسب المال نقصه ولا زوده
عاش من يتعب على المرجله عاشي
وان مدحته للمواثيق موجوده
والصحيح ابيض من القطن والشاشي
كلمات الشاعر : مفلح الرقابي
اداء المنشد : عبدالله الوسيدي
تنفيذ وأنتاج قـناة : عـادي
.