Рет қаралды 733,463
ميّت وأشوفه ياجماعه قبيلي
وأقول مدري صدق ولا تحلمت
ابكيك يا خالد بدمع هميلي
مثلك عليا لو عليكم تقدمت
قالوا تصبر قلت صبرٍ جميلي
صبرت صبر أيوب لكن تحطمت
قالوا توكل قلت ربي وكيلي
وكلت ربي في مصابي وحكّمت
قالوا تناسى قلت زبن الدخيلي
خالد حزامي لانخيته تحزمت
اخوي لا شبت براس الفتيلي
غصبٍ عن الحساد والحاقد الشمت
قالوا تجبّر قلت لو هو بخيلي
بخلت بدموعي وفيها تحكمت
قالوا تسلى قلت مايستويلي
قالوا توقف قلت خلو سبيلي
لوي بكيته دمع يمكن تندمت
يجزيك ياقبرٍ به عزي نزيلي
من هامل المزنه ونوّه تعممت
لأنك حويت النادر المستحيلي
يانادر الأوصاف والطيب والسمت
عجّلت ياخالد بوقت الرحيلي
بسكات ترحل يافتى ماتكلمت
ما قلت لي بأنه بقالك قليلي
ولا بتلقاني معاكم تولمت
كنت أحسبك تبقى زمانٍ طويلي
وأن شفتني زعلان جيت وتبسمت
ترحل كذا و الحمل فوقي ثقيلي
وأنت معودني تشيله مع الصمت
تركتني مثل الوحيد الذليلي
كني بليا ناس ولا تيتمت
من بعدكم شفني سوات الهبيلي
أدوج مدري وين من وين يممت
ليت المنايا يقبلنا البديلي
ولا علي يا حزامي ترحمت
أقنب قنيب الذيب وأعوي العويلي
وأحيان تلقاني بحزتك تكممت
ميّت وأشوفه ياجماعه قبيلي
وأقول مدري صدق ولا تحلمت
ابكيك يا خالد بدمع هميلي
مثلك عليا لو عليكم تقدمت
ترى الوعد في ظل روضٍ ظليلي
بإذن الولي نلقاك فيها تنعمت