شيلة مهداه لـ النائب حمدان العازمي | كلمات عبدالرحمن محمد القوزاني | اداء خالد آل بريك

الهجوس اللي حداني على الخط العموم
حده الطاري وطاريه في بالي طرا
رحت معه وراح يم الكواكب والنجوم
ماضرى على البسيطه ولا فكري ضرى
بيني وبينه مابين الذيابه والرجوم
لانبلج نور القمر وانكشف ستر الثرا
كن صدري فوسطه جيش فرس وجيش روم
في لزوم اللي حدا العين عن حلو الكرى
سيرة اكبار الاسامي تقومني واقوم
واغرف مْن البحر عصماً ماتاقف بالسرا
جعل وجه القوم يفدونه وجيه الرخوم
دام وقفاته تحصل بها ظل وذرا
لو يصير اعطيه من عمري وعمره يدوم
جيت له بالعمر وعيون خلق الله ترا
الاوادم كلها بين معطا ومحروم
حكمة الله منزل الفاتحه والم ترا
الردي ماتستره فاللقى حتى الهدوم
لو تدفه قدم مارده يعوّد ورا
بوم ماينعق له الا مثل شرواه بوم
زمرةٍ في عالم الضعف والذل اخشرا
والله اني مامدح الا قويين العزوم
روسٍ تروس الرياجيل وترد البرا
مثل حمدان المواقيف قضاي اللزوم
مايوفي حقه الوافي اشعور شعرا
عمي اللي لاغدا العلم في سده علوم
سيلٍ يشيل الجلاميد لامنه جرا
هيلعٍ شاله الامانه وشمّر بالكموم
والامانه ماحتمل ثقلها طويق وكرى
دون ربعه يسهج الصعب ويدق الخشوم
مايرده عن لزومه مشايخ وومرا
لاوقف لك حال من بينك وبين الهموم
كنه امعرض ضلوعك هبوب ام القرى
يامن الضايق بضله وينعم ومخدوم
يشهد التاريخ قبلي ويشهد من قرا
أثبت مْن الضلع لامن بدا صمخ القروم
وأكرم مْن الغيم لامن تزبّر وانفرا
في جنابه ريف ماطيّره لفح السموم
مرتع اصحاب وقبيله واقارب واقصرا
راس ماينراس متسلسلٍ من روس قوم
يوم شفت الروس قامت تباع وتنشرا
من هل الشرفا مقر الفخر سقم الخصوم
عزوةٍ من يعترضها سرا ليله سرا
من مطانيخ العوازم محطمت الرقوم
دولةٍ لو الدول فالمداين والقرى
الشموخ اللي يعانق مراويح الغيوم
ايتجسدها وترقابه اسنود اجهرا
والكلام المعتبر مالحق صاحبه لوم
انشد اللي في سلوم الرياجيل اخبرا
من مثل حمدان سالم ليا حان اللزوم
والله انه فالمواقف من الظن ووراا

[@user-xy5xz3bz6z]

يستاهل ابو عبدالله الاول باذن الله ✅✅✅

[@user-ct9wg6xv1j]

طرق الاول

[@user-id7ol2rl9m]

عسى الله يوفقه يستاهل ابو عبدالله 🔥🥇

[@ahmedalms6020]

سمو مرجله 💪🏻ابوعبدالله ربي يحفضها

[@user-iy4zi7dp1e]

ما شاءالله

[@user-ly7uc3ep6n]

يستاهل بو عبدالله والنعم وآلله

[@user-lk4sp6wx8o]

ونعم ي روقها

[@user-bn6cw8fx4g]

👏👏👏👏👏👏👏 فاله الاول

[@HdhdhdHdhd-ps9yn]

🥇

[@kuwait1479]

يستاهل ابو عبدالله 🥇طرح الداهوم

[@al3azmiy]

يستاهل ابوعبدالله فاله الاول وصح لسانك يابومحمد ابدعت

[@user-lk4sp6wx8o]

مشاالله استمرر فايز الفرجي بن قوزان

[@abdullahalgozany6034]

اااالله الله 👏👏👏👏👏👏

[@user-lk4sp6wx8o]

كفووو والله ونعم

[@user-ro5ip7ih3u]

يستاهل ابوعبدالله

[@user-wg8jj2dd7b]

كفووووو يستاااااهل كحيلان

[@ahmadalsabri9207]

حي هراس ابوعبدالله ابن العممممم

[@kwl7783]

الاول اناشالله

[@user-ov6ld7gd9d]

والله ونعم

[@user-ro5ip7ih3u]

فاله الاول

[@user-ou6xi4el5k]

كنه يقول كراسي كلها لي ( صوااااابر ) 🔥✅

[@kwl7783]

عاش عمي

[@user-dh3bg8sl6j]

عاش خالي ابو عبدالله فالك الفوز اناشاالله اول خالي حمدان وعاش ولد خالي عبدالرحمن محمد 👍🏻👍🏻✌️✌️💕