Рет қаралды 33,394
لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
استوا لي بارد النسناس والا ما استوا لي
ابشرو بالشاعر اللي للمواقف ذاخرينه
كل ما جاء للحمايا عنفوان وصوت عالي
جيت جيّت طارق ابن زياد في ظهر السفينه
والقصيد اليا كتبته من خيالي في خيالي
لا يطالع فيّ نقّاد القصيد بنص عينه
مستعد اكتب قصيدة مدح بالشكل المثالي
ومستعد اكتب قصيدة مدح بـفكار ٍ حزينه
مير انا مانيب متعالي ولا احب التعالي
اعرف ان المستميت ادنات مابيّح كنينه
ماذبح قيس الملوح رمح ابو زيد الهلالي
انذّبح من زين غرون يذبح العشاق زينه
ياصبي القوم لاتصبح على القوم اتكالي
من تكل حاله على ربه يبى ربه يعينه
والله اني دون ربعي مرخصن حالي ومالي
وواقف ٍ لمداحم الايام بجنوب ٍ متينه
والرفيق اللي تهمّه جيّتي والا اتصالي
يعتبرني في لزومه منكبه والا يمينه
سم ياخالد حظور ٍ يطلق وجيه الغوالي
العذر من دون حفلك ما اعتْبره الا غبينه
انت ابن راشد وراشد غالي ومن نسل غالي
من نسل مقبول حمّاي المواقيف الثمينه
شايب ٍ من طيب راسه فـ البعيد وفالموالي
كل ما طرّوه قلنا ياعسى تبطي سنينه
جعل يفداه البخيل اللي من الامداح خالي
ان حياء ماقيل وينه وان قضى ماقيل وينه
مرحبا ترحيبنا المعروف من ماضِ الليالي
الشلاوى للكرم. عنوان وحصون ٍ حصينه
ضيفنا نستقبله بالطيب والصدر الشمالي
لين تقلط راحة الدنيا على راحة يدينه
عاد حنا اللي يحق النا نجاهر مانخالي
الفعل متوارثينه والنباء متوارثينه
اشتهرنا بالثلاث البيض والمجد الخيالي
وسلم اهلنا اللي من عصورن قديمه حافظينه
مانخاصم غير شغموم ٍ يشوف المر حالي
ولا نخاوي غير طلق ٍ ملتزم بحقوق دينه
علمو من يحسبنا لا نضد ولا نوالي
قبل لا يافتل شنباته يوصي والدينه
والله إنا عزوة ٍ لو نعتزي يوم الهوالي
ماتخيّل وش نسوي فـ البلاد. وساكنينه
يمكن انرد الديار العالميه ربع خالي
ويمكن انرد البحور العايمه صحراء دفينه
ياموثّق صفحة التاريخ حنا الاد شالي
سربة نسهج طريق العز من حينه لحينه
ان طلعنا ما طلعنا الا على روس المعالي
وان نزلنا مانزلنا الا لمكه والمدينه