Рет қаралды 1,052
كلمات الشيله
ياللي تجر الصوت لاترفع الصوت
صوتك فرى صدري وحالي براها
كني على صوتك من البعد منعوت
ونفسي من الايام حزني طواها
لاقفت نجوم الليل والعالم خفوت
تزورني الذكرى واحلق معاها
اقفا مع الايام وقفايته موت
وعيني من الفرقا تزايد عنااها
وحبل الوصل من بينا صار مبتوت
وحزن الليالي بالحشا مرتكاها
صورته في جفني وطاريه مكبوت
بين الظلوع العوج يدوى صداها
عقبه سقيم الحال والحزن ملفوت
والله يعين العين من حر مااها
يابايع الرمان والخوخ والتوت
نفسي من البارح كثيرٍ غثااها
ابني مع الذكرى مشاريع وبيوت
وافرح بطاريها واعيش بسماها
في داخلي طفلٍ يتيمٍ ومغموت
ووجاع وجروح الحياه وبلاها
في داخلي اهاات في وسط تابوت
تلعب به امواج الحزن في حشاها
كن الحزن ماخذ علي صك مثبوت
كنه يقول انت الحيااه وغلاها
تجري بنا الاياام واعمارنا تفوت
وصكات بقعاا بيّنت لي غثااها
الصوت ماينفع اليا فاتنا الفوت
والدمع مايشفي الكبود وعنااها
#حمود ال هادي
2021