شيلة أرزاق

- شيلة : أرزاق
- ‏كلمات الشاعر : عبدالله السهلي
- ‏اداء المنشد : مروان الحربي
رزق الخلايق عند ربٍ خلقها
ما جاه كدادٍ و لا جاه فرّاق
ناسٍ حرمها الله و ناسٍ رزقها
و الكل يسعى و القدر لفة الساق
سبحان ربٍ كل حبه فلقها
يرحم و يِتْبِع رحمته حب و اشفاق
يا صاحبي لا تشتكي لي قلقها
نفسك و خلك مثل ما قيل حوّاق
الشمس غابت لا تَعاين شفقها
و لا تقول بعد اليوم يا خل مشتاق
و كلمة أحبك لو لسانك نطقها
فكرك على شان الغلا صابه إرهاق
مكتوبك اللي ممتلي به ورقها
جوهر ثمينٍ و الدرر فيه تنساق
يا ويل حالي شهقةٍ قد شهقها
خلاني أملا كل ما حولي أوراق
و العيب ما هو لأجل زولك سبقها
كان الرجى يتبع تناهيد و فراق
ما عاد يالخاطر تباهى فهقها
حظّك و خلّك مثل خِلّك ليا ضاق
ثوّر و رز اللي تطاير فشقها
و لا تنتظر رحمة من الخافق العاق
ما عاد تنفع لقمةٍ قد سرقها
غيرك و لا تتبع من الناس فسّاق
و إلحق زهورٍ عزّها في لبقها
تصبح على لهفة و تمسيك مفتاق
أنته من اللي مستحق و وثقها
صدق المشاعر ما بها غش و نفاق
تستاهل اللي للمعالي صدقها
قولٍ و فعلٍ ما بها زيف و إملاق
نور الحياة و قلبك اللي عشقها
هذي حقيقة صدق قلنا لك أرزاق
التوتة اللي ما بعد شفت ذقها
و لا تنشد اللي ما بعد شاف أو ذاق
صف المعاني يا رفيقي و سقها
يم الديار و يم راعين الأسواق
تمت وصلوا عد و بلٍ برقها
على نبيٍ أشرق العالم إشراق
و أصحابه اللي واصلوا في عبقها
السيرة العطرة بطولات و سباق
- ‏تنفيذ وأنتاج قـناة : عـادي

[@abuturkialsehli821]

وانا رايح الدوام يوم الاربعاء 1440/12/06 المشاعر والمواقف احتاجت العودة للارشيف وتشغيل هذي الشيله اثارت شجوني وادمعت عيني

[@bh588]

وكمان قسم بالله انها تجنن نفس الكلمات مره حلوى وبعد الصوت والتصميم مره حلو الي الامام استاذ عبد الله

[@bh588]

قسم بالله ي استاذ عبد الله حلوى وكل كلمة جمليه قليله الشيله اجمل من جميله دا يما مبدع الي الامام ي استاذ انشاء الله لكبرت اصير زيك 💔

[@rhal425]

الابداع مرورك و تعليقك 🌹

[@bh588]

والله العظيم تستاهل ي استاذ

[@abuturkialsehli821]

ابداع الاداء والكلمات والانتاج دائماً مبدعه قناة عادي وتتحفنا بما هو جميل وجديد تصاميم وشيلات رووووعه

[@mnif511]

سيف الثواني الابداع تواجدگ والله

[@bh588]

سيف الثواني

[@ملامح_حزينه]

مبدع تسلم على الذووق

[@rhal425]

حبي يتيم ، الله يسلمك كلك ذوق 🌹

[@rhal425]

قناة عادي ، ابداع فالتصميم بشكل احترافي و اختيار الفيديو بعناية بما يناسب الكلمات ، سلمتم على هذا التصميم الرائع 🌹

[@mnif511]

عبدالله السهلي شكر لك من اعماق قلبي وهذا دعم لي وعسالله يوفقگ وصح منطوقگ

[@rhal425]

صح بدنك لا هنت 🌹