شيلة يالويلان دحوا كلمات الشاعر بشير النزال أداء ماجد خضير ( حصري )

إهداء إلى بيرق الويلان رجل الاعمال والافعال باذر الخير شافي فاحس الزوين الصقري العنزي
كلمات العمل :
بعد سلطن الهاجس وسميت بالرحمن
وانا منحرف لتو من نافلة وتري
تضك الصدر هرجة محبه من مسيان
يقول انت وينك غبت مانت بعلى خبري
وانا اقول لاوالله ماغبت بعض احيان
نجاح الحدث تختار له ساعة الصفري
ياماجد ياماجد سرّها بعذب الألحان
ماني مادحاً موتر ولا مادحاً شعري
مدحت المواتر لين طارت بلا جنحان
ومجد من الشعر أعذبه واكذبه مغري
ولاهو غزل هجرست به من غلا طربان
لابالله مادندن معي ساجع القمري
كتبته وانا مؤمن بحرية الانسان
ومؤمن بأنه حر في طرحه الفكري
الإيمان في مدح المواقف من الإحسان
لمن يستحقه تاج راسي وهو ذخري
وانا ماعليه لوم في مدحة كحيلان
علي الملام ان جنبه شعري وفخري
هرمون التباهي مرتفع عندي من الان
وماري بشافي وفتخر كل مايطري
على طاري علوم الحياء شدّت البدوان
على طاري الصقري ذا يجهم وذا يسري
هاك العلم ود العلم شافي هو العنوان
به الصاحي يسولف به النايم يهذري
ماتحتاج قوقل ماب مع زحمة السكان
مكانه يوصف به وفعله خبر حصري
يانجم الشمال اللي توصّف بك العربان
زحمك بامكانك نجمنا شافي الصقري.
طلع في مدارك ورتفع لك رفيع الشان
لين البوصله صوبه هزع عودها المبري
هذا نجمنا نجمً تسمى به الويلان
به التغلبي يفخر ويفخربه البكري
شب النار شب النار بالموقد المليان
شافي حاتمي هذا الزمن والعرب تدري
صوت بالعشاء صوت للجيعان والجيران
ابن مهيدنا الثاني شافي وافي الشبري
ياحمدان ياحمدان لوشفت ياحمدان
عطية غبيني شافي بفعلها يحري
تباشر بك الويلان يابيرق الويلان
وبك يفخر التاريخ ميلادي وهجري
على اسمك ياشافي والفعايل لها برهان
فعايلك عذبه كنها البارد المقري
تسميت باذر خير والخير بك ودّان
بالأفعال والاقوال والعسر واليسري
يوم الأغنياء تسعى لتوفير وستكنان
الاّ ابوحسام البيّن المعطي المقري
تفاخر بك الارقام وترجح الميزان
يوم أن الفواصل تفخر برقمها العشري
نعرفك رجل موقف قبل دية الفدعان
وقبل العواجي والعسيري نهر يجري
من الطيب راسك به حميا وفيه جنان
على الساعه اللي خيرها شر مستشري
بك من الحميا جين ثابت من الجدان
احميّا الصقور من القدم تفرح وتبري
فخر والبويضاء شاهده وجلوي زعلان
خيال البويضا ياجلوي والفعل صقري
هل الموقف الغصّاب في روغة الأذهان
جميع النشايب عندهم حلها جذري
هذولا الصقور ان بان وان زان ولا شان
عن الشمس فيهم ظل وبيوتهم تذري
يوم إن الزمن قبا ومدقوقة الهوشان
على أهل البويضا ماخلق راس يستجري
من اللابه اللي قادها الزحل ابن شيبان
رفعنا العرب يوم العرب وضعها مزري
بذي قار دحينا ويشهد لنا الميدان
وبدري على منهو يبي مثلنا بدري
يالويلان دحوا من زعل يلعن الشيطان
ماهو ذنبنا يوم انه من الفخر فقري
دحوا وفخرو يالابة المجد علم وكان
دحوا وفخرو بالمعتبر شافي الصقري
بشير النزال
تصميم وتنفيذ: سمو للإنتاج المرئي
تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق
____________________
لايكـ + أشتراكـ + تعليق
وترقبوا المزيد و الجديد
يسعدنا تواصلكم على:
جوال [ واتس آب ] : 966550690666+
تويتر : / smotube
إنستقرام : / smotube
ايميل : [e-mail]
سناب شات : / smo.tube
تيليجرام : telegram.me/sm...

[@aljasser508]

ابدعتو الشاعر و المنشد ويستاهل الممدوح

[@malek7250]

صح لسان الشاعر بشير النزال جزل ومبدع و متألق كعادتك دائما ويستاهل الممدوح 👏🏼

[@عبداللهالبعيجان-ج4س]

صح لسان الشاعر الكبير والمبدع بشير النزال الجعفري ومبدع كما تعودنا منك شاعرنا ومدحت من يستحق المدح كاسر الأرقام شافي الصقري اسم لمع في سماء الطيب والعلم الغانم

[@majedruwaili5289]

صح لسانك يا ابو يزيد شاعر جزل ومبدع دائماً وشافي ونعم يستاهل د. ماجد الرويلي

[@عبداللهالعنزي-ذ6ي]

ياسلام على الابداع صح لسانك ابو يزيد وعزالله ان شافي يستاهل المدح والثناء نوماس عنزه ويسلم صوت المنشد العذب ماجد خضير

[@wail3783]

والف نعم أبو يزيد كما عودنا الجزالة وقوة المعاني صح لسانه مدد بلا عدد .. وشافي الصقري يستاهل والف 🫡🙏🏼

[@مالكالعتيبي-د7م]

ونعم والله يشيخ وعنزه كلها كفو وانا من عتيبه ❤️‍🔥❤️‍🔥.

[@حمودالعنزي-ذ9و]

كفوك الطيب و ربعك عتيبه الهيلا

[@عبداللهالعنزي-ذ6ي]

كفوك الطيب وماعليكم زود عتيبه الهيلا والله والف نعم

[@محمدالفياض-ث3ز]

صحح لسان الشاعر بشير النزال ويستاهل شافي الصقري

[@Mohammed-u3o3v]

صح لسانك ابويزيد مبدع دائماً ويستاهل اخونا شافي هذه الدرر ومافعله جميعنا نفخر به .ابورائد محمد الضوي

[@drwael7653]

صح لسانك يابويزيد شاعر علم ومبدع وشافي يستاهل . د/ وائل الرويلي

[@dhgeo7073]

واخيرااااا

[@HamadAlruwly]

صح لسانك ابويزيد وشافي يستاهل ابويزيد مبدع دايم وشاعر جزل ابوبندر حامد الرويلي

[@حمودالعنزي-ذ9و]

صح لسانك و شافي يستاهل

[@نافعالعنزي-ي7ق]

صح لسانك يابو يزيد ويستاهل

[@bandralrwlil13]

صح لسانك يبويزيد

[@mnm99_9]

صح لسان الشاعر