شيله مهداه إلى الشيخ حميد بن حسين بن شويلع بمناسبة زيارة الشاعر سلطان الهاجري والشاعر تركي الميزاني

شيله مهداه إلى الشيخ ورجل الاعمال حميد بن حسين بن شويلع بمناسبة زيارة الشاعر سلطان الهاجري والشاعر تركي الميزاني كلمات سالم سلمان اداء عبدالعزيز القعبوبي
حي السحاب اللي ثقيل(ن) خياله
كل الجزيرة ترتقب وين منشاه
خيال شعر لا تركز ثقاله
كل(ن)همر سيله وربانه امداه
سلطان بن وسام شعر وجزاله
وتركي عطالله منبع الشعر حيِّاه
كلن عطاه الله مقام وجماله
ينطح بها وجه المواجيب ولجاه
شعار رواد الادب والمقاله
ولكل منهم حي ربعه ومجناه
ومن باب حفظ المعرفه وزماله
ماهو بعيب امدح شواعير ودهاه
وشاعر اللي مايبرهن مقاله
ودك تعرضه بطريق وتخطراه
ولايعتبر شاعر وهو راس ماله
انقد وسبحه وبعض المباباه
لاصار مايصدر بيوت الجزاله
لقه ضهرك ولاتميدح بطرياه
وياحي هلمجلس وحي عناله
اضيوفنا كلن سما في مزاياه
الكل له واجب ضيافه لحاله
واميرنا مايلزم الربع وفاه
هذا حميد حسين عمه وخاله
طابو بطيب اللي على الطيب رباه
تقدم لحمل الضيافه وشاله
الله يحييكم على ما وجدناه
كمل بواجبنا وشرف قباله
هذا ولد عمي ونا سيف يمناه
شويلعي(ن) جمل الله حاله
تنساق له جزل القصايد وتنصاه
عدًه من اصحاب السمو ولجلاله
يسمو بفعله وبجلالت سواياه
حياكم الله وتقدّم بداله
بسمي وسم شيخ حضرتو لدعواه
شرف حميد حسين ياحي فاله
سوّا المضيف اللي محد قبل سواه
ياحي ديوان(ن) تعاقب دلاله
كنّه من قصور اليمامه بمبناه
لو(نّ) صوتك صافيات حباله
تزهم لمن بقصاه ماقال لك هاه
من طوله وعرضه يضلل ضلاله
لو ينكسر ضله على طويق غطاه
شيّد بدار شيوخ فعل وجماله
وسط العراديه تعيِّن وتلقاه
مامثله الاّ اخوه طبق الاصاله
على ايسر الخط العمومي ويمناه
مرحب جنوب منه وهو شماله
كنه خطيب(ن) متجه في مصلاّه
يفتح على قبله ويدّي رساله
لهل الكرم وهل الكرم ماتعداه
لاجيته احس بمعزه وطاله
من طيب حميد وربوعه ومن جاه
شويلعي(ن) عن قبيلة لحاله
ولمدح ياقف له وينساق لرضاه
كريم ومشرف وفكاك قاله
ومن هيبته تشهد على طيبه عداه
وبعيد وصف راسخ(ن) في خياله
مدحت فيه سعود وسعود حلياه
لو(ن) عبس الاولين الشكاله
وعيِّو على رايه وعرفه وسطواه
خلوه رِيس معهم بكل قاله
لين ان عبله تعاف عنتر وتهواه
ولو(نً) عنتر شاف طيب السلاله
اهدا على حميد سيفه وسمّاه
حميد بن شداد ولا اسطفاله
اسم الهرم لأن الهرم مثل مبداه
وشعر وهبه لكن العرف حاله
ونا انفعلت اوصفه ازريت لا القاه
بس الاكيد انا وشعري فداله
يلعن ابو شعر(ن) يجي ويتعداه
#ياسر_محمد #شمالي_مطنوخ
#شيلات

[@ابومحمد-ح6و5و]

صح لسانك يا الشاعر سلمان الرشيدي ويستاهلون الهاجري والميزاني الرشيدي شاعر متمكن مبدع فى النظم والمحاوره

[@أبوسعود-ص7ف9ق]

ونعم الشيخ ابو حسين يستاهل

[@سعوودالرشيدي-د5ي]

والنعم بشيخ حميد ابوحسين رجل المواقف والطيب

[@GfjcjfhjvVcjrjtjj]

ونعم

[@أبومعاذ-ق5د]

ونعم ابات من ذهب

[@سليمانالشويلعي-ث9ت]

يستاهل ابو حسين وصح السان شاعرها

[@hvc7gjh939]

صح لسانك يشاعر عبس سالم بن سلمان الرشيدي

[@فيصلعمر-ل6ظ]

صح السانك

[@تركيالرشيدي-ر7غ]

ونعم في ابن شويلع

[@fm-je2hw]

ونعم والله عيال عبس 🤍

[@nasserabdulrahman8357]

تغ❤🎉خغ