شيرى اريزو 5 التقرير المفصل جدا جدا Chery Arrizo 5

[@sharifeisa3775]

بصراحة انا اول مره اكتب كومنت بس من كتر الغيظ كتبته هي الناس اللي بتتكلم دي اول مره تشوف لحضرتك ريفيو هما مشفوش الريفيو بتاعك على الجيلي امجراند اللي حضرتك مبهدل فيه توكيل غبور بالأدب ولا مشافوش الريفيو بتاعك اللي قارنت فيه بين الهيونداي الأتش دي المجمعه محليا والمستورده ولا مشافوش ان التوكيل جاب لحضرتك لحد عندك التيجو 3 الجديده وانت لحد النهارده مرتضتش تعمل الريفيو ومبتردش على التعليقات اللي بتسألك عنها ومرتضتش تدي أي انطباع عن العربية ومسئولي المبيعات معاك لما تقول شهادة حق في اللي انت شايفه صح عن العربية دي تتعرض لكل الهجوم ده !!!!!!!!!!!

[@عصام_غنايم]

الله يعزك حضرتك انسان محترم وبتشهد شهادة حق والأهم انك ايجابى لم تكتفى بالمشاهده والسكوت زى متابعين كتير بل دافعت عن الحق بكلمتك والأكثر اهميه انك لماح وذكى لأنك لاحظت وقولت اللى انا مقولتوش فعلا بارك الله فيك وأكثر من أمثالك ورزقك الجنة بغير حساب وربنا يديم الود والمحبه ما بينا فى الله

[@gamalfoad3323]

المشكلة ان الناس اللي بتتكلم الكلام ده بتتدخل علي تقييمات الباشمهندس عشان يستفيدوا من المعلومات وكمان المفروض انهم بيثقوا في تقيماته ..عموما هو يكفيه انه بيتكلم بضميره وبما يرضي الله والناس اللي بتدعيله وبتقدر مجهوده

[@mostafa_morshedy]

هو ليه مرداش يقيم التيجو

[@madamido6282]

معاك ف رأيك وبالأخص في حتة الفتيس

[@arwaselimm1037]

@@عصام_غنايم بصراحة الله يعزك متابعة حضرتك من فترة قصيرة بس استفات من حضرتك كتير ان مكنتش اعرف حاجة عن العربيات بس علشان نفسى اشترى عربية كانت بدور ولقيت حضرتك ماشاء بتقول مزايا وعيوب كل عربية ربنا يجعلة فى ميزان حسناتك

[@رامىرفيق-ث1ت]

حلقه جميله جميله جميله جميله جميله جميله جميله جميله جميله جميله جميله وفعلا واخد حقه وتسلم إيدك وإيد اللى شاركك فى الريڤيوهات بتاعتك عشان يطلع الريڤيو بالجمال والجوده دى وعلى فكره انا واحد من متابعينك ومش بزهق حتى لو الڤيديو بتاعك 8 ايام بشوفو للنهايه

[@عصام_غنايم]

حبيبى يا روميو انا كنت خايف الحلقه تكون تقيله عليكم

[@رامىرفيق-ث1ت]

لا والله ده لو مده الڤيديو شهر هتابع الڤيديو للنهايه كفايه انى بشوفك وبسمع صوتك والله

[@mostafamishref1885]

بصراحة ال review شايفه حلو جدا ومحايد ولو حد شايفه مش محايد ممكن يكون الراجل بيحب العربية ومعجب بيها دا مش شرط يكون معناه إنه قابض محدش يدخل جوا نية حد تاني ولا جوا قلبه ربنا بس اللي بيعرف جوا قلب البني آدم إيه

[@عصام_غنايم]

اللى اعرفه ان اللى يتهم حد يجيب دليل انما اتهامات بالباطل كده دا غلط وحرام شرعا

[@Kareem_elsouda]

انت والله راجل ذوق ومحترم جدا ربنا يسعدك والله انا ك طالب متابع انت بتحسسنى والله كانى العربيات دى انا الى املكها ربنا يسعدك زى ما بتسعدنى ❤

[@mtgofa]

حلقة جميلة الحقيقة وفعلا كل كلامك فيها مظبوط العربية معايا الحمد لله والكلام بالفيديو من حد الناس بتثق فى كلامه ومبيعتقش اى عربية يجيبها بيفصصها فعلا يعنى كل تفصيلة فيها

[@عصام_غنايم]

حبيبى استاذ محمد شهاده اعتز بها

[@mohamedmostafa7640]

الله اكبر .. ريفيو اكثر من رائع وسيبك من اىحد بيقول انك بتجمل علشان توكيل اوغيره ربنا معاك ... بس فى حاجه انت نستها معلش تهمنى جدا علشان السفر هو العزل بتاع العربيه كويس ولا لا وتقيمه اد ايه ... وربنا معاك واشكرك على تحقيق مطلبى

[@mohamedmohsen1011]

انا ركبتها مع واحد العزل مش كويس ممكن تقدر تقول معقول ممكن تشوف سيارة byd السيارة ديه بقت مطلوبة وكترت اوووي في مصر واحلي واجمل تغير الموتور بتاعها كانت تاكسي والموتور كان مكتوب عليه ميتسوبيشي انا آسف زباله هو أصلا مش تابع لشركة لانسر وسعرها كان 90 الف دلوقتي عدت 200 ألف انا بحس من بعيد انها لانسر شارك اسف للإطاحة

[@ehabokby2513]

تقرير رائع ومفصل جدا وفعلا اللي راكب العربية زيي يعرف ان الكلام ده مظبوط من حد بيفهم وفني لأقصى درجة ماسيبتش ميزة ولا عيب الا وشرحتها ربنا يباركلك

[@MohamedAhmed-ut4jl]

لو سمحت يا بشمهندس عصام ايه عيوب اللادا جرانتا ؟

[@pharaohgamingtech1265]

انت اقسم بالله راجل برنس انا مش عارف اقول ايه تاني... انا هشتري العربيه بس مكنش فيه حد منزل كل التفاصيل ديه وانا استفدت جداً من الفيديو وربنا يزيدك

[@muhammedyehia4232]

لو حضرتك جبتها ياريت تنصحني لوجه الله اجبها ولا لاء والف مبروك

[@ahmedbelal5200]

هي احسن حضرتك ولا الشيري تيجو ٣ ٢٠٢٠

[@ramiroy100]

مشكور للجهد المقدم بكل التفاصيل . ملاحظة صغيرة للإفادة فقط : توقيت التصوير مع وجود الشمس غير مناسب . الكاميرا المستعملة للتصوير تبدو انها غير جيدة وليس فيها مانع اهتزاز . كل التقدير لمجهودك .

[@عصام_غنايم]

Sony fdr ax53 4k camera مانع اهتزاز خماسى المحاور

[@shady-wu8we]

حضرتك قولت العربيات المنافسه بروتون ساجا والاريزو افضل منها ! ازاى اولا الساجا عربيه ماليزي ومستورده وماتور campro وارتفاع ١٥ مم الاريزو باين جدا فى الفديو لما مشيت ف الطريق المكسر والعربيه فاضيه كان واضح ان العربيه بتقرب من الارض قوى لان الارتفاع ١٢.٩ مم ! حضرتك مايل اكتر للشكر ف العربيه مجامل قوى للشيري اريزو

[@aelzayat3]

تقرير اكثر من رائع يا هندسه كالعاده..الناس الحلوين بقي اللي بتقول قابض والهجص ده...فكك منهم دول مش عارفين يردوا عليك علشان انت افحمت اي حد بيتكلم علي العربيه..لتاني وعاشر مره..تقرير مفصل محترم موثوق من شخص ذو ثقه في السوق المصري.. امال لما الناس تعرف ان مشكله الكاسيت كانت في الاعدادات وطلعت بسيطه واتحلت هيقولوا ايه..شكرا

[@عصام_غنايم]

والله تعبت مع الناس يا صاحبى

[@aelzayat3]

@@عصام_غنايم ارمي ورا ضهرك

[@alaaibrahim9825]

العربيه تنفع لشغل اوبر وكريم ولو حضرتك تقترح عربيه تقترح ايه لشغل اوبر وكريم ؟؟؟

[@mohssaleh7460]

بجد انا أستفدت جدا جدا من الرفيو الى حضرتك قدمته وعلى فكره انا عملت مشاركه لواحد صحبى كان عاوز يعرف تفلصيل العربيه وربنا يعلم الواحد قال فى حقق إيه.... ربنا يبارك فى حضرتك والله ويباركلك فى صحتك وحياتك واسرتك ...جزاك الله خيرا

[@walaahassn6203]

أيهما أفضل النترا md مستعمل ولا شيرى أريزو جديد

[@devil4fun2020]

بقالى شهرين بشوف فديوهات على العربيه دى انت اكتر واحد محترم قولت رايك بصراحه ومطبلتش للشركه زى باقى الفديوهات الى شوفتها العربيه جميله جدا بس لو كانت تقفيل صينى مش مصرى غبور بيشيل حاجات كتير منها علشان يكسب اكتر لان هيا بتنزل برة كامله فول اوبشن و بسعر ال 200 الف لاكن الحراميه الى ماسكين توكيلها هنا عاوزين يكسبو باى شكل و للاسف الناس مش فاهمه

[@ahmedeid1455]

حضرتك ممكن تنصحني ..اشتري اريزو 5 ولا نيسان صني ..للشغل في اوبر...ارجو الافادة والرد ارجوك يابشمهندس

[@ahmedeid1455]

@@Mo7amedGOMA يعني حضرتك بتفضل اية للشغل ف اوبر ..وبحيث بعد كدا من ناحية إعادة البيع..ممكن تعرفني...يعني نيسان صني ولا اريزو5 ولا BYD.F3اتوماتيك

[@mohamedgouda3854]

مراجعه مهمه اوى و وافيه جدا .. استمر بنفس الطريقه فى كل المراجعات .. مونتاج ممتاز و عرض معلومات متميز و واضح .. تسلم و ربنا يوفقك دايما

[@wafaazaki3042]

عيزين تقيم قيادة وثبات شيرى تيجو ٣ ٢٠٢٠ وهية افضل ولا اريزو ٥

[@عصام_غنايم]

من عينى

[@carsbykeroloskerocars3311]

الف شكر لمجهود حضرتك سؤال بعد اذنك ايه مستوى العزل على سرعه 140 كيلو عزل المتور؟ و عزل الهواء؟ و عزل الكوتش؟ وعزل العربيه في المكسر؟

[@capveekaa7627]

عوزين ريڤيو MG5 ومشكوراً علي تعبك

[@ahmedmano2536]

الله ينور عليك بجد انتا راجل محترم وانا مستني الريفيو دا بفارغ الصبر علشان اقرر شرائها ولا لا ربنا يباركلك فعلا احسن واحد نثق ف كلامو ربنا يوفقك ❤

[@عصام_غنايم]

الله يعزك

[@احمدجابراحمدحسنالامين]

بعد اذن سيادتك هي ولافيات تيبو مانوال وشكرا لك على الإفادة من حضرتك وشكرا لك على الإفادة من حضرتك وشكرا لك

[@الإسلامهوالطريقوالحقوالحياة]

الفيات التيبوا طبعا لكن المشكلة بتنزل من غير استبن .. والافضل سترويين سى الزية بس العيب فيها ان قطع الغيار مش متوفرة لكن السترويين هى افضل عربية فى مصر 220الف

[@mohamedabdelbaqi8191]

اول مرة تشكر فى عربية صينى ومتكلمتش عن جودة البلاستيك اخدتنا فى الكلام كدا وقلت شكل انسيابى وجميل

[@badrkhalil5563]

كلمة السر مستر رؤوف غبور

[@rocketmedia4600]

بشمهندس أنا عاوز حاجة اعتمادية وعملية ومش شرط الكماليات والشكل ومش محتاجها لسفر بس اهم حاجة تكون ملهاش اعطال كتير وتكون قطع غيار متوفرة بسعر حلو وصنايعية كويسين وإعادة بيع معقولة ترشحلي ايه بميزانية صغيرة اريزو ولا صني ولا افيو ولا اوبترا ولا لوجان في الجديد ولا كروز أو بومة مستعمل؟

[@amrhassandohaia4103]

السلام عليكم ا عصام انت قولت عيوب السياره انت جربتها لقيت أيه من هذه العيوب في الي جربتها وشكرا لحضرتك علي المجهود الكبير ده واحنا بنشوفك علشان ثقتنا فيك وعدم الحيازيه التوكيلات والقول الصادق

[@mostafahosny3607]

تنصح بيها ولا النيسان صني او اللوجان فمقارنة؟

[@yahyaasafy6858]

صني طبعا

[@DrSniper829]

من اكتر الناس اللى بصراحه بستفيد منها وبحسك فاهم اوى ماشاء الله عليك

[@amirogoldman907]

مونتاج تحفه اداء مميز♥♥

[@عصام_غنايم]

تسلم

[@moumchanel2023]

انا من الجزائر، وبصراحة فيديوهاتك روعة بالتوفيق! الأخ عصام من حيث الاعتمادية وامان السيارة، تنصحني بأريزو فايف أو شيري تيجو تو برو؟ Arrizo 5 vs tiggo 2 pro

[@mansouralyahya7646]

حبايبي راكبي السيارات احذر ...احذر .... احذر من زبالة السيارات الصيني .... والله مستعمل كوري او ياباني احسن مليون مره من صيني جديد ب 50000 جنيه ...... اهو انا نصحتكو واعملوا ما بدا لكم 😘😘😘😘😘😘

[@صابرعلى-ف9ط]

شكرا لحضرتك يا ريت لو فيه مقارنه بينها وبين البى واى دى من حيث الماتور والفتيس والعفشه ما هو نوع البديل ومدى توفره مثلا ماتور البى واى دى انتاج حتى 2014 يركب ماتور متسوبيشى بعد كده ماتور الهوند ماهو البديل وكذلك العفشه وكذلك الشيرى اريزو واذ نشكر سيادتكم على هذا المجهود العظيم وفقكم الله لما فيه الخير

[@mahmoudetman3681]

يا برنس العربيه سقطت في اختبارات الامان الاوروبيه. وممنوع بيعها في اوروبا

[@MohamedSayed-br4jp]

زي افيو كده ولا نيسان ولا جيلي ولا بي واي دي يا حاج العربيه دي خطيره جدا

[@nanajojo5830]

من فضلك ممكن تكلمنا عن السيارات الاتوماتيك الاقتصادية اللى ممكن تتحول غاز وهل التحويل ده بياثر على السيارة

[@hishamnigm9242]

هو ليه محدش بيقيم اعتماديه الموتور والفتيس. والتركيز دائما علي الشكل.؟

[@mtgofa]

اعتماديتهم دى بتتقاس بالزمن والاستخدام والعربية جديدة هوة ذكر بس انها الموتور اشبه فى التكنولوجيا بعربيات هيونداى وكيا كطريقة تصميم وليس كاعتمادية

[@hishamnigm9242]

@@mtgofa كلامك صح بس اكيد فيه ناس استخدمت العربيه و نقدر نستخلص منهم رأي بشكل عام عن اعتماده الجير والمكنه.....ولا ايه.......؟

[@جمالالادهم-ز7ق]

للاسف كنت بحب اسمعلك بس انت اتغيرت وبقيت بتسوق لغبوور ...العربيه زباله وبتحدف شمال وفيها رجرجا جمدا جدا بعد 120

[@aliwzza9935]

تقييم ممتاز ومحترم جدا ياباشا👍 الله ينور عليك والف شكر على تلبية طلبى وطلب ناس كتير للريفيو ده 👏

[@عصام_غنايم]

تحت امرك المهم ان التقرير عجبكم

[@aliwzza9935]

@@عصام_غنايم طبعا التقرير هايل وشغلك كله تمام وكنت عايز أقترح عليك تفتح فرع للمركز بتاعك عندنا فى مدينة ٦أكتوبر

[@nomanenany5683]

بصراحة انت عسل وصريح ومميز قوى قوى قوى وحيادى بدرجة عالية وبصراحة معلومات فى غاية الاهمية وانا كنت منتظر التقرير دا وكنت عارف ان دى عربية المهندس بتاع بورسعيد وبصراحة فعلاً اكنى ركتب العربية وعرفت مميزاتها وعيوبها وشكراً شكراً شكراً قوى قوى ليكا يا هندسة اخوك نعمان من الغردقة ونتمنى تزورنا قريب وعلى فكرة الجو عندنا النهارة تحفة كلنا كنا فى البحر وطلعين بحر بكرة ان شاء الله 24/9/2019

[@mohamedmetwally7806]

انا شوفت العربيه دي في حادثه قريب كانت مطبقه زي ورق الكارتون ....اقسم بالله لو ببلاش منا راكبها

[@waelfawzy7686]

@@mohamedmetwally7806 بجد

[@waelfawzy7686]

@@mohamedmetwally7806 يعني اجيب الرينو لوجان افضل انا كت بقارن مابينهم ف قوة العربيه

[@mohamedmetwally7806]

@@waelfawzy7686 اللوجان اللي هيا اصلا داتشيا الرومانية مش رينو خالص مرتفعه عن الارض بشكل مبالغ فيه و ده بيعمل عدم ثبات علي سراعات اعلي من 100 هات بيجو 301 او ستروين سي اليزيه ثبات افضل من الاريزو و اللوجان ....صيانات السي اليزيه مع وكيلها الجديد القصراوي ارخص من الكوري لو تعرف تروح ل التيبو الاتوماتيك 270 يبقي كويس برده

[@waelfawzy7686]

@@mohamedmetwally7806 بس أصدي عل اللوجان تستحمل الشغل ف أوبر والشركات عن الستروين خصوصا ف شوارع مصر والمطبات فالولي اللوجان تستحمل اوي الشغل عن التيبو تبهدل بسرعه والسفر ممكن الواحد مايزودش عن ١٢٠ بسي أصدي استيراد وعضمها ناشف شويه ولا رايك ممكن الستروين تستحمل الضغط والشغل بردو. ايه رايك

[@moltomomo1032]

انت راجل محترم لكن اللى منعنى اشترى العربية دى اللى بسمعه عن غبور كمان ال abs , abd مش موجودين ورغم كده الزرار بتاعهم بينور ده غش ولا عادى ارجو النصيحة

[@ashrafhassan6610]

توكيل غبّور اللي بيستكرد المصريين أصبح "مستر رؤوف غبّور" . . . . والصيني أصبح "عصري" . . . . والتقفيل المصري أصبح "مميَّز" . . . . لأن تقييم السيارات أصبح "دعاية " . . . أرجوك لا تساعد الطماعين ليزدادوا طمع. . . 😚

[@kamikaze71088]

جبت انت من الاخر

[@TWINTURBO1327]

برافو عليك تستاهل الجايزه روح يا حبيبي لللي باعتينك ووريهم صورة الكومنت

[@ashrafhassan6610]

@@TWINTURBO1327 نظرية المؤامرة 😂😂

[@tareklabib5211]

بص يا باشا علشان تكون في الصورة بس الفيديو مش ممول ولا اي شئ ممكن يكون ذكر اسم رؤوف غبور خطا من الاستاذ عصام بس عادي هو الراجل بتكلم مع الناس بلسان حالهم وده عادي وقول لحضرتك حاجة انا مبسوط جدا وفخور ان في مصنع سيارات في مصر قدر يعمل عربية بهذا المستوي والراجل صاحب المصنع يستحق الاشادة بي لان ده تقدم لمصر كلها ان يكون في منتج محلي محترم ولو على اكل العيش دي ارزاق الناس محدش بيسرق حد والسوق مفتوح للجميع والموضوع في كل المجالات اصبح معقد وكلنا بشر وبنصيب ونخطأ والافضل هو الاقل خطأ مفيش حد معصوم وصباحك فل

[@mohamedshawky6752]

@@tareklabib5211 مش ممول ازاي ده كل فقره جاية شعار شيري كلمة السر مستر رؤف

[@mohamedadel-me2iu]

من اجمل الريفيوهات اللي شوفتها ل عربيه اتمنالك التوفيق يامحترم ⁦❤️⁩

[@كلاسكمان]

انا مايهمنيش الاوبشن والتقنيات انا احب السيارات العمليه والاقتصاديه واللي قطعها متوفره بكثره

[@hithsmfahmy8594]

أحب أشكرك على ادائك المتميز فى الشرح.... هل تنصح بشراء السياره

[@MohamedMahmoud-mz2pk]

هي العربيات المفروض سعرها يقل والا يزيد ؟؟؟!

[@hobaadamdarsh6609]

يقل طبعا 30. ألف جنيه مقارنه بأسعار السعوديه

[@ahmedtaha2031]

الريڤيو جميل و حلو بس عندي ملاحظة بسيطة ياريت تبدأ تصور ريڤيوهاتك بكاميرا عشان الموبايل مبيطلعش فيديو جودته حلوة زي الكاميرا و بالتالي مش هيطلع الريڨيو ف ٱحسن صورة مع إن باين الريڤيو متعوب ف المونتاج بتاعها و شكراً

[@mrlyricsneo]

هل بلاستيك الطابلو كخامه يستحمل شمس مصر لمدة عشر سنين من غير ما يشقق ؟

[@waelsaed94]

ارجو منك استاذ عصام بعمل فيديو للبروتون ساجا وشرحها من جميع الجوانب وذلك لعدم اهتمام الساده اليوتيوبر بها نهائيا ولا يوجد أي شرح لها فأرجو إدراجها من أولويات اهتمامك لتكون من اول اليوتيوبر العارضين لها وتكون من السباقين في تقديمها

[@sadvancesadvance9704]

من فضلك هو بالنسبة لإعادة البيع تمنها بينقص كتير ولا بتحافظ على نفسها كقيمة سعرية ؟ ومطلوبة وليها سوق ولا لا ؟؟

[@عصام_غنايم]

مقبوله

[@mmalek6640]

شوفتلها اكتر من 5 ريڤيو وبجد الفيديو ده من افيد الفيديوهات اللي اتعملت للعربيه دي شابوه بجد

[@عصام_غنايم]

حبيبى الله يعزك

[@hobaadamdarsh6609]

يا استاذ عصام مع احترامي لحضرتك وعلشان تعرف مدي معاناتنا من تسعير السيارت فى مصر العربيه دي واعلي منها فى السعوديه وهي الاريزو 6 طبعا أعلى من 5 بكتير فى كل حاجه تمنها فى السعوديه 35 الف ريال سعودي شاملة الضرائب والرسوم يعني بالمصري تساوي تقريبا 180 ألف جنيه ودي الاريزو 6 وكمان أعلى فئه يبقي لما نعرف أن الوكيل منزل أعلى فئه وفتحت سقف فى بدايه ظهور العربيه 202. ألف جنيه قولنا يمكن ينزل فى سعرها بعد كده ولكن لما تلاقي الوكيل بيعلى فى سعرها دا اسمه استهزاء واستغلال بالشعب المصري واحنا بخلاصه مش مستحملين استغفال واستغلال تاني كفايه بقى ارحمونا يرحمكم الله واسف على الاطاله

[@عبدالعزيزابوخضره-ي2ض]

عايزين ريفيوا مفصل عن ال mg5 ومدي اعتماديتها للشغل فاوبر وهل فعلا هي الافضل ف فئتها السعريه وهل فعلا هي قيمه مقابل سعر والا لأ وياريت ضروري بسرعه عشان رأيك يهمنا جدا

[@عصام_غنايم]

متنفعش اوبر طبعا

[@mashhour5159]

@@عصام_غنايم متنفعش اوبر ليه يا بشمهندس عصام

[@mostafamahdy1980]

انا صراحة قفلت من الفيديو من ساعة ما قولت مستر رؤوف غبور لكن كملت للنهاية لما اشوف هاتوصل لفين ، طبعا العربية كلها شكاوى وعيوب انت اغفلتها ولو كملت على المستوى ده هاتخسر كتير من متابعينك ارجع زى ما كنت افضل

[@MEROCOM-nv6eo]

الله ينور هندسه .. المحرك نفس متور هيونداي النترا أو كيا سيراتو بضبط.. عربيه محترمه باين عليها .. ذي العربيه الجيلي امجراند 7 بس دي تحساها احسن شويه أو شويتين🤔😅..

[@ahmedfaseeh3451]

احلى ريفيو وده كان طلبي

[@عصام_غنايم]

تحت امرك وساعدنى فى النشر

[@ahmedfaseeh3451]

@@عصام_غنايم من عيوني يا هندسة انا في اسكندرية ياريت لونزلت اسكندرية نشوفك نفسنا بس خبر قبلها

[@ahmedebied1252]

ماشاء الله عليك كل يوم بنحبك اكتر انت راجل محترم وجدع ربنا يباركلك وطول برحتك هنتابعك برده

[@ehab5485]

حلوة المقدمة الجديدة دي

[@technician6355]

الله ينور يا بشمهندس حاجة تمام اوي وليا سؤال هو ايه حكاية نفق الفتيس انا ديما بسال نفسي مش العربيات دي الفتيس بتاعها في المقدمة طب ايه موضوع النفق الي في الخلف ده ولما ركزت في التصوير أسفل السيارة لقيت علبة الشكمان ولا انا غلطان

[@OfficialSeifYaser]

جزآك الله خيرا يابشمهندس السيارة عجبت والدي وكل حاجة تمام بس هو قلقان بسبب قطع الغيار والصناعية الي بيشتغله فيها حضرتك رأيك ايه واعطاله كثيره؟؟

[@omarmido]

بيعجبنى ان فيديوهات صوتها واضح وعالى 👊

[@ahmedzakea8113]

بعد اذنك يا استاذ عصام يا ريت تعمل لنا مقارنه ما بين شيري اريزو وان جي 5 واهم حاجه تعرف ناكر الكاتينه بتاعهم حديد ولا جلد

[@MohamedMahmoud-ph6yi]

مساء الخير بالنسبه للمقارنه مع الجيلى 7 ام جراند افضل منها ولا ايه يا بشمهندس عصام والجسم فى موضوع الصدأ فى البودى معلج ضد البروما ولا مثل الجلى وهل هى اسرع من الجلى ولا مملا فى السرعه برضوا

[@badawybadawy1010]

مافيش فايدة فى الصانع المصرى بيفكر بس ازاى يكسب باقل مجهود وعلى حساب العميل يعنى المفروض عربيه زى دى دى اعلى فئة ومافيهاش مكان للنظارة ومافيش اضاءة للصالون ومافيش غطاء لشنطة السيارة من الداخل وناقصها جاجات تانية كتيرة.يعنى بيفرحنى بفتحة السقف وواخد منها اساسيات كتيرة زى الايرباجات

[@hana592010]

شكرا يا باشا ، في انتظار تقييم التيجو 3 الجديدة

[@waledabdoabdo2470]

طول عمرك راجل محترم

[@عصام_غنايم]

الله يكرمك

[@ياسرشوقيغيضان]

كل تحياتي وتقديري واحترامي..... من فضلك... عندي سيارة جيلي امجراند 2015.... 39الف كيلو.... يوم لقيت مياه نزلة من الشكمان... أشكر معاليك علي التعاون...

[@خالدمهران-ص5ز]

انت تكلمت منذ أكثر من 7اشهر هل الان تغلبوا علي العيوب ولا مازالت

[@AbdoAbdo-kb9me]

بعد.١٠ شهور على تصويرك لأريزو تنصحنى أشتريها ولا لاء بكل أمانه

[@عصام_غنايم]

مانيوال انما اتوماتيك لأ

[@aahmedmohmed2392]

هل هي افضل وله اكسنت ار بي ٢٠٢٠ التجميع المحلي

[@aahmedmohmed2392]

ارجو الرد

[@mostafaselim8693]

توقعك كان فى محله بالنسبة للفتيس الCVT بجد شابوه 👏 والعربية عجبانى وكان نفسي في الاوتو لكن أنا خلاص نويت على المانيوال

[@mohamedelzekki9666]

ممكن اعرف اتوماتيك لا ليه عشان بفكر اشتريها

[@nonacasper1292]

مشكور بجد احلي رفيو لعربيه ب ٢٠٠ الف جنيه بنفس سعر الافيو

[@عصام_غنايم]

بالظبط افيو او فيرنا

[@واحدمنالناس-ي3ش]

ف الدقيقه 1:13 قال وكيلها مستر رؤووف غبور...شوف الاحترااام...استاذ عصام انسان محترم بكل ما تحمله الكلمه من معنى...وخلي بالك اهم شئ..اننا نحترم الوكيل

[@تكلمحتياراكتكلمحتياراك]

لزم يحترم صاحب المصلحه

[@gamalelsayed1847]

استاذي العزيز .. انا بجد من اشد المعجبين بيك جدا .. ومحتاج بجد رايك معاليك .. لان رايك هيفرق معايا جدا جدا .. ان شاء الله انا مقبل على شراء ايجل ٥٨٠ موديل ٢٠١٩ عداد ٣٠ الف كيلو .. هل هي عربية كويسة .. وهل قطع غيارها متوفر ولا لا .. وسمعت من بعض الناس انها بتجيب فتيس .. انا شوفت فيديوهات معاليك عن العربية .. ومحتاج من معاليك رايك بكل صراحة في العربية .. اتمنى من الله انك ترد عليا .. ولكم جزيل الشكر ..

[@mostefaboulatbag8196]

السيارة تشبه تصميم هيونداي أكسنت الجديدة....

[@محمدالديب-ق2د]

الرفيوهات بتاعتك مميزه بصراحه وبنستفيد منها تسلم كنت عايز اعرف الفتيس بتاعها ناس خوفتني منه هل فعلا مشاكله كتير ولا زي اي عربيه بي واي دي او اوبترا مثلا اتوماتك

[@عصام_غنايم]

هو فعلا يقلق

[@محمدالديب-ق2د]

@@عصام_غنايم ايه رائي حضرتك اخليني ف الاوبترا للشغل بيها ف اوبر هي صيني اه بس عليها اسم شفورليه

[@hossam8885]

ليه ما تجربش رولز رويس فانتوم 2020 اعلى فئة لأني انا محتار ما بينها و الشيري 5

[@محمداحمد-ص2ل4ت]

،😂😂😂😂

[@AhmedSamy-mp2hb]

مراجعة جميلة جدا دايما متألق يا استاذ عصام كنت عايز تقييم للmg zs لو سمحت

[@amralgalaksy2237]

هوه احنا مكتوب علينا صيني والله حرام احنا بشر هما الاجانب احسن مننا في ايه برده صيني والله لو ببلاش مااركبها وشكرا لمجهود حضرتك

[@mohamedlotfy8402]

أستاذ عصام لو هجيب المانيوال و بعيدا عن فرق الاوبشنز انا يهمني الاعطال القليلة و توافر قطع الغيار و الاعتمادية فأريزو مانيوال و لا جرانتا ؟

[@bassemhanfy2903]

باشمهندس عصام انا بشتريها مانيوال هي او البي واي دي f3 يارب تشوف رسالتي وترد عليا لحسن محتار جدا وخايف اشتري اتورط عشان انا علي اد حالي

[@bassemhanfy2903]

ارجوك رد عليا ربنا يكرمك

[@korafootball201]

نفس سؤالك وان شاء الله هيرد علينا

[@mo7amed844]

نفس السؤال يارب يرد

[@ابنأالغربه]

ياريت يا استاذ عصام انا نفس السؤال بعد اذنك حضرتك ضروري

[@mostafadrsh1089]

نفس السؤال بس عرفت اننىf3الماتور لازم يتغيّر بعد 150000

[@mahmoudeldghar121]

عرض مميز من حضرتك... وتقييم محترم... كنت عاوز اعرف رأيك... بالنسبه لأوبر وكريم... اشتري الأريزو المانيوال زي ما إنتا قولت ولا أشترى ال byd... ايهما افضل... من ناحية كل حاجه

[@mohamedshawky6752]

الاريزو ولا بي واي دي ياجماعة

[@mahmoudeldghar121]

@momen raafat... الإمكانيات في المنيوال تقريباً واحده... بس قطع غيار الاريزو عامله إزاي... البي واى دى قطع غيارها متوفره فى كل مكان ومناسبه في الأسعار.... أما الأريزو معرفش... فكنت عاوز أعرف

[@mahmoudeldghar121]

@momen raafat... للأسف أنا معنديش وقت... وكنت ناوي عالبى واى دي.. ولما ظهرت الأريزو إحترت

[@muhammadfawaz9880]

متقعدش تحط ايفيكتس على الفيديو ..انا جاي اتفرج على مراجعة يعني المفروض اشوف العربية على طبيعتها

[@ابوادممحمد-ص2د]

ياريت استاذ عصام سيارات كهربا باسعار خفيفه

[@hossamamjad7304]

مش عارف عندي احساس انك بتحاول تجمل العربيه دي ومش عاوز تقول عيوبها كأنك شغال في توكيلها بصراحه التقرير ده انا مصدقتكش فيه

[@عاشقالسياراتغنايم]

مهما عمل محدش بيتراضى هل هو سوق ليها طلب من حضرتك تشتريها هو بيعرض التقرير من وجهه نظر حياديه فقط لا غير المفروض نشكره لتعبه ومجهوده

[@hossamamjad7304]

@@عاشقالسياراتغنايم لا بس في عربيات بتبقى ثابته وجودها في السوق وانها ناجحه يفضل يقول خامه وحشه تقفيل وحش مفيش ثبات دي ماشاء الله طالع بها السما مع ان فضايحها كتير

[@عاشقالسياراتغنايم]

@@hossamamjad7304 زى ايه كل العربيات ال قيمها فالقناه كانت تقييمها حيادى عيوب ومميزات

[@hussein1361]

احسن واحد بيعمل ريفيو لى العربيات

[@saadelyamany4336]

ليه اشترى عربيه سيدان ب200 الف لما ممكن اركب كروس اوفر بنفس السعر 🤔

[@ayedfakhri3915]

زي ايه مثلا؟

[@saadelyamany4336]

@@ayedfakhri3915 زوتى T 300 وخاماتها افضل

[@ayedfakhri3915]

@@saadelyamany4336 توقعت تقول شيري تيجو 3 الجديدة

[@ممدوحعباس-م2ش]

مين الافضل ب واي دي اوتوماتيك واللي شيري اريزو 5 اتوماتيك اخر فئه ارجو الافاده

[@accounting-i5y]

ناس كتير اشتكت منها بصراحة

[@عصام_غنايم]

قولت الشكاوى ومفيش عربيه بدون عيوب

[@عبدربهابومحمد-ظ4ص]

احلى مهندس عربيات فى مصر

[@نصائحسامح]

عاوزين المانوال من شيري اريزو 5

[@mostafaahmed97]

بجد انت انسان رائع ربنا يكرمك فى حياتك ومصدقيتك هايله 💙

[@yoseefahmed523]

انا عمري ما احط فلوسي في عربية صيني ياكش تكون ببلاش

[@yasseryasser-xn8wh]

يوسف احمد حماد 👍👍👍

[@tareklabib5211]

ههههه كنت بقول زيك كده وانا صغير على الكوري

[@goudandanssa]

استاذ عصام لو سمحت نجرب اريزو المنوية وهل المنزل حيكون افضل من الاتوماتيك فى التسارع وحتكون اقوى

[@yahyaasafy6858]

بص أنا بحبك وبحترمك بس أول مرة أحس إنك موجه لدعم العربية مش حيادي زي ما أنا متعود منك وتقيمك ليها كان طويل وممل وحسيت إنك بتحاول تجمل فيها أرجوك راجع نفسك... شكرااا

[@tareklabib5211]

انت عارف ليه كده لان انت رايح تهذأ حد او تتمسخر عليه وتلاقيه محترم هتعمل ايه ؟؟؟؟ العربية دي كده بالضبط

[@magdaabdlghani7647]

أنا شفت لحضرتك فيديو بتكشف على سيارة جديدة لحد كان بيشتريها بأجهزة معينة.. سؤالى لو عايزة اشترى عربية حضرتك ممكن تيجى معايا وتكشف عليها والتكلفة كام... وشكرا

[@lolobaby7800]

طيب حضرتك سيراتو ٢٠١٠ ولا قرش ولا اريزو ٥ جديد؟؟؟؟؟

[@lolobaby7800]

فين الرد؟؟

[@malkmohmaed4673]

سيراتو

[@amrosman20]

بش مهندس عصام انا من أشد معجبيك وبشكرك علي كل المعلومات اللي اتعلمناها منك بخصوص الصني N17 وياريت لو تعملنا فيديو لتغير فلتر التكيف وعلاج الصوت اللي خارج من مروحة التكييف عشان عندي صوت زي ما يكون في ورقة علي المروحة اللي عند الفلتر من الداخل... شكرا

[@crazykids8519]

بصراحه انت بتعمل دعايا للعربيه انت ما بتقيمهاش

[@عصام_غنايم]

حضرتك شايف كده انت حر

[@adeldola6808]

كلامك. صحيح انا كنت بحترمه جدا وشيفه حيادي ومهني لاكن بعد الفيديو ده خلاص بلسلامه

[@mtgofa]

روح اعمل تست درايف للعربية ببلاش وقيمها بنفسك

[@DiagnosticDjelfa17]

وانت تعليقك سلبي . لاتعرف التحاور

[@ahmedsami5621]

السلام عليكم المحترم استاذ عصام ياريت حلقة عن صيانات ومزايا وعيوب وشرح لموتور وفتيس وفرامل دايهاتسو تريوس

[@omarkhalifa-6259]

عايزين فيديو عن جاك s4

[@ahmedel-khatib2570]

قناة مفيدة ربنا يوفقك ياريت تعمل تقييم مميزات وعيوب بريليانس v6

[@emadmohamed6028]

بسم الله ماشاء الله تقييم ممتاز بس فى حاجة عايز ألفت أنتباهك ليها والأستاذ مالك السيارة أزاى سيارة زيرو ويكون فيها شرخ فى القنطرة برجاء مراجعة الفيديو عند الدقيقة 20:57يمكن أكون أنا غلطان

[@waleedmohammed796]

عند الدقيقة كام والثانية كام؟

[@emadmohamed6028]

عند الدقيقة 20:57

[@ahmedsayed7832]

تقييم ممتاز يا بشمهندس وفعلا كل حاجة قولتها حقيقية

[@عصام_غنايم]

تسلم

[@waelfawzy7686]

@@عصام_غنايم حضرتك شايفك مش مويد للاتوماتيك ومويد المنوال ف مشكله ف الاوتو

[@karemahmid7944]

الا ريزو ولا ام جي5 كلاسيك

[@عصام_غنايم]

Mg 5

[@karemahmid7944]

الله يباركلك ا عصام اشكرا