Сабалақ саяжайын газдандыру басталды

Қала іргесіндегі Сабалақ саяжайын газдандыру басталды. Ауқымды жоба үш кезеңнен тұрады. Одан бөлек, жарық пен жол, ауызсу мен аяқсу мәселесі де шешімін табатын күн алыс емес. Тақырыпты тілшіміз тарқатады.
Сабалақ саяжайына қоныстынушылардың қарасы қалың. Қазір мұндағы халық саны 4,5 мыңнан асады. Тұрғындар біраздан бері көгілдір отын мәселесін көтеріп келеді. Биылғы жаңалық - аймақ басшысының қолдауымен саяжайды газдандыру жобасы бастау алды.
ГҮЛСӘНІМ АУКЕНОВА - САЯЖАЙ ТҰРҒЫНЫ // Осы жерде мен 2006 жылдан бері тұрып келе жатырмын. Міне, 18-19 жыл болды. Бүгінгі үлкен қуаныш. Менің Сабалағыма көгілдір отын келіп жатыр. «қызыл отын қысырамасын» дейді қазағым. Біздің шаңырағымыздың оты жанайын деп жатыр. Бүгін ақ түйенің қарны жарылып, Сабалақ халқының қуанышында шек болмай жатыр.
ЕСЕНГЕЛДІ БЕКЕНОВ - САЯЖАЙ ТҰРҒЫНЫ // Қазір енді Құдайға шүкір 10-15 жылдың көлемінде ел көбейді. Былтыр су келді. Көшеге тас төселді. Алдыңғы жылы свет келді. Биыл енді газ келіп жатыр. Адамға керегі осы үшеуі ғой.
Саяжайды газдандыру жобасы үш кезеңнен тұрады. Оны «Сырэнергогазстрой» серіктестігі іске асырады. Бұған 3 млрд теңгедей қаржы бағытталады. Бүгінде мердігер аталған аумаққа қажетті техникаларды орналастырып жатыр. Шаһар басшысы ел игілігіне бағытталған жобаны мерзімінде аяқтауды тапсырды.
СЕРІК ҚОЖАНИЯЗОВ - ҚАЛА ӘКІМІ // Президент тапсырмасымен, үкімет қолдауымен халыққа өмір сүру деңгейін жақсартуға біраз жұмыстар жасалып жатыр. Демеуші есебінен жоба жасадық. 1:57-/ міндетті түрде келесі жылы осы Сабалаққа газ беру жұмысын аяқтаймыз. Қазір Сабалақ қаланың бір бөлігі болып қалыптасты. Сондықтан біз де проблемаларды рет-ретімен шешіп жатырмыз.
Саяжайдың инфрақұрылымын дамытуға соңғы жылдары ерекше екпін беріліп келеді. Қазір қалаға барыс-келісте ешқандай мәселе жоқ. Қоғамдық көлік тұрақты қатынап тұр. Жарық пен жол, ауыз су мен аяқсу мәселесі де басты назарда.
СЕРІК ҚОЖАНИЯЗОВ - ҚАЛА ӘКІМІ // Жолды біз 18 көшеге тас төсеп бердік. Биыл тағы да төсейміз. Сосын асфальттаймыз. Су мәселесі жоқ емес бар. Осы мәселені шешу үшін былтыр 1 скважина бұрғыладық. Биыл жоспар бойынша қосымша 2 скважина, резервуар.
Шаһар басшысы ел тұрмысын түзеуге бағытталған жарқын жобалар жалғысын табатынын айтты.
Сайт - qyzylordatv.kz...
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv

[@Bounty_08]

Баймурат батыр ауылына келсе газ жаксы болар еді.