Самарчид нэвтрүүлэг Samarchid nevtruuleg

#ГХУСАЗЗАА
Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн ажлын алба Хүрээлэн буй орчны эсрэг гэмт хэргээс урьдчилан сэргийлэх чиглэлээр цуврал нэвтрүүлгийг бэлтгэн хүргэж байна. Анхны дугаарыг хүлээн авна уу.
Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн ажлын алба, Хил хамгаалах ерөнхий газар, Тагнуулын ерөнхий газрын Хилийн тагнуулын газар, Цагдаагийн ерөнхий газрын Экологийн цагдаагийн алба, Хан хэнтийн улсын тусгай хамгаалалттай газрын захиргаатай хамтран, Хилийн болон хил орчмын дэглэмийн зөрчлийг илрүүлэх, урьдчилан сэргийлэх, нутгийн иргэдэд Монгол Улсын хилийн тухай хууль, Байгаль орчныг хамгаалах тухай хууль, Зөрчлийн тухай хуулийг сурталчилах, хэрэгжилтийг хангах зорилгоор 2021 оны 12-р сарын 24-ний өдөр хилийн 0151 дүгээр ангийн Минжийн заставын хариуцсан хэсэг болох Сэлэнгэ аймгийн Хүдэр, Ерөө сумын нутаг Хонин нуга, Ерөөгийн халуун рашаан, Арцат уул, нутгийнхны нэрлэж заншсанаар Пирамид толгой, Минж голын нутагт, 2021 оны 12 дугаар сарын 25-ны өдөр нислэг үйлдэн Хэнтий аймгийн Өмнөдэлгэр, Батширээт сумын хил орчмын нутаг дэвсгэрт улсын хилээс 8-25 км-т хуш модны самар бэлтгэж байсан нийт 8 автомашин, 12 морьтой 71 хүнээс бүрдсэн 6 отогийг илрүүлэн баримтжуулж, Монгол Улсын хилийн тухай хууль, Байгаль орчны тухай хууль, Зөрчлийн тухай хууль тогтоомжийг тус тус танилцуулан сурталчилж, нутгийн гүн рүү буцаах арга хэмжээг авч хэрэгжүүллээ.